聯邦皇宮 (已結業)

家人一早飲茶我仍然發我的春秋之夢拿回來的是聯邦的星洲炒米和少許點心星洲炒米夠乾身, 唔會見到d黃油周圍係還有擂沙湯圓, 黑芝麻幾香, 表皮厚度適中還有一個雪人, 都幾得意, 不過約了美食團兩點集結所以留下吧 (雖然差不多吃掉成個炒米)

好耐無黎過呢間飲茶啦! 星期六12:30到達,都要等30幾張檯,不過,好彩等左都唔駛半個鐘,我諗好多人攞完飛仔都無等o好肚餓,叫左好多野食,胡椒豬肚--8分,好好味蝦腸粉--7分,ok叉燒包--8分,好味生煎包--7分,普通牛柏葉--5分,唔得,山竹牛肉--7分,ok蛋撻仔--6分,普通,凍冰冰既..炸"靚"魚球--8分,好味,仲有幾樣唔記得左,大致上,d野食都ok,下次可以再黎過

第一飯堂依個名絕對無錯, 無論飲茶或晚飯都不時來依度自已本身不太喜歡fushion的中國菜, 更加不喜歡服務態度差的的地方這裡又近屋企, 屋企人有飲茶的習慣, 而這裡的staff對熟客服務當然周到點心是不錯的, 有我喜歡的大包, 都係$7.8, 其他的都不會賣弄花巧較傳統點晚餐有果盤和糖水送的, 都幾大碟唔會玩fushion整到唔三唔四所以這裡一定係屋企的第一飯堂!

二人到此下下午茶，因為就黎落場做夜市關係，完全唔駛等位。仲坐一大張卡位添！好闊落！點心等得唔算耐，碟碟賣相都好好！鳳爪：碟底太多油~奶皇包：唔多漏沙feel，奶皇無乜味~炸魷魚蘇：炸粉唔算厚，條條都好好肉！正！雞札：佢外層包住唔係用腐皮，而係用類似淮山o既物體！食唔慣~排骨：幾瘦，碟底油唔多！蝦餃：大隻多餡！皮厚薄適中！《總結》食物：●●●●○(蒸籠乾淨，感覺食物都衛生d...)環境：●●●●○(座位闊落)服務：●●●○○(職員較少，可能臨近落場關係)

同場內酒樓分別，唔係呢度特別平，而係老媽喜歡呢度夠舊，又有南北點心可以一網打盡。雖然有京．川．滬．粵大江南北美點供應，但叫來叫去又咪鳳爪、粉果、燒賣同幾味包點，好似唔多同外省野有直接關係。XO醬鳳爪每次來都叫，而又每次都吃剩幾件，汁還汁味，散修修唔多識欣賞；潮式粉果用澄麵皮包著，「保溫」一段時間後一夾即穿，韭菜、豬肉、蘿蔔一粒粒跌散出來，偷懶失敗作；臘腸卷做得幾軟熟，口感唔錯，十餘元小點貨仔，臘腸雖然無乜油水，都可以接受了。打了半朝躉，好似都好耐未一家人過過咁悠閒既朝早。

3/3/2008這天和媽媽阿姨在這裏飲下午茶。吃了很多東西，三個人吃了十碟點心。(主要是我大食吧)吃了小籠包，鮮竹卷，鮮蝦腐皮卷等。全部都不錯，幾好味。(可能因為我肚餓吧...... ) 十碟點心，一百五十，抵啊！^^為何有皇宮二字，和沒有皇宮二字的，質素差這麼遠呢？^^

尋日晏晝去青衣城聯邦飲茶飲飲下突然間聽倒佢勁大聲播計冠傑既《財神到》原來聯邦皇宮大酒樓安排左財神同各位茶客拜年派糖仲有幾個伙記跟住財神一齊行勁好口又話祝各位2008 一定發細路仔年年考第一老人家長命百歲買乜中乜打牌舖舖「林」莊股市又旺樓市又旺細屋搬大屋最重要都係有兩個伙記一人搾一個托盤收利是就係咁樣餐茶就貴左廿蚊勒唉

好typical嘅酒樓, 菜式算多, 但係都係多味精, 多梳打粉. 乳鴿好細隻, 唔食都知好多骨什菌素菜魚腐好多菇, 不過魚腐好簿, 無嘜魚味豉汁帶子蒸豆腐好鹹, 帶子又薄, 不過豆腐夠滑汁燒牛柳粒好稔嘅牛柳粒, 明顯地落左勁多梳打粉芝士龍蝦依麵好大斟奶味, 又唔夠芝士味, 啲麵有啲張麵醬四季豆排骨煲好彩叫左多菜少肉, 如果唔係就無嘜菜食荔芋扒波菜之前係明閣食過超好味, 但係呢個絕對係差幾班

點心的水準不過不失﹐但牛栢葉只得5片﹐好在部長願意免費再攞多碟補數﹐個日式海鮮烏冬就好差﹐烏冬煮到一"pat"﹐望到都唔想食。

去廸士尼前在這裏飲茶,下午２点鐘,剛好是下午荼時間,有特價,大中小點统一價$12.5, 點心紙上勁多選擇.1)豉汁蒸排骨..味OK,但肉比較肥, 有一半唔食得.2)這不是春卷...是長條形春卷,內有蝦膠,幾好食.夠脆3)腐皮卷..熱辣辣,夠香脆4)錦鹵雲吞...這個必食,個汁唔太甜,雲吞皮好鬆,又唔油5)义燒飽,油菜,膶腸卷,羅米卷都是標準貨6)生炒羅米飯...好多料,味道幾好,但口感唔夠煙韌.服務都可以,埋單$218都算低食

本身是居住青衣, 所以每到週末或假期都會光顧青衣城的食肆, 當然聯邦也是其中一間, 日間去飲茶還過得去, 畢竟價錢叫做可以啦, 食物質素一般, 晚飯的話你可能要再三考慮, 曾經有兩次經歷, 就是看了份餐牌老半天都點不了一味菜, 但就不是選擇太多的關係, 整個餐牌的餸菜滿是甚麼煲呀, 豆腐呀, 又或是骨呀之類, 叫得落手的價錢又偏貴, 半隻雞都要八十大元, 到最後要很努力去點了三個小菜給兩個人食, 結果其中兩個先後到達, 而第三個菜椒絲腐乳通菜則遲遲未到, 直到兩碗飯及所有餸食完都未見, 於是問侍應去追, 旁邊有個部長問過侍應後就似恍然大悟地大叫:哎呀, 沒有通菜, 是誰下單的? 連聲對不起及送兩碗糖水, 側聞原來芥菜及莧菜都沒有了, 很懷疑自己會否再去該店食晚飯

家庭聚會，少不免去飲茶...青衣城有稻香、粵翠軒等等大酒樓，但偏偏未試過呢度...聽見聯邦個名都有D怯怯哋la...至在食飽就算...點心種類雖多，但水準卻乏善足陳...

今日聯邦皇宮飲茶，由於係公眾假期，全日都係小:$14.8 中:$18.8 大:$22.8 特:$26.8 頂:$29.8 茶位:$9我叫春卷(大)、鍋貼(中)、燒賣(大)&燒汁木魚釀茄子(中)。春卷- 一枝枝長身春卷，好脆，內有鮮蝦鍋貼- 皮有厚，但內裡好多汁燒賣- 好味，但好多味精燒汁木魚釀茄子- 超好味，尤其配埋汁食

繼續推埋倉底貨...雖然分手多時,但舊愛一家人,依然當小弟係自家人.一到大時大節,喜慶日子的聯誼活動,例必預留一位比小弟.即慶拉大隊落樓下開年,聯邦皇宮這個字頭,多年無光顧.主人家發辦,來個鮑翅青班餐,八位用$1688,非常好意頭.新年流流,不出幾味名貴菜式,當然這個價錢,用料不會高級到那裏.菜膽翅沒甚魚翅,在今日反對獵鯊之聲此起彼落之下,少吃為佳.嘻哈大笑,其實係白灼蝦.為何按上這個名?天曉得.金豬戲游龍,即係乳豬拼燒鰻魚.兩者也燒得香脆.乳豬皮未去到化皮級數,不過也鬆化.鰻魚用蜜汁燒,份外香口.發財好市柱甫,過年菜式之鐵腳.青班兩味,炒球同炆班頭腩.肉質一般.其他如蜜奶夏果帶子,鴨胸雞柳扒豆苗,糯米飯,不過爾爾.聯邦出品,意料中事,這還是其次,一家人齊齊整整,在新年一起吃餐飯.才是重點.此刻無價.

其本上食物都好好食, 尤其生炒骨, 真係幾好食, 但可能唔夠人手, 想嗌人寫菜, 等好耐先至搵到個人理我地... 環境都好好, 每張之間都有玻璃隔開, 但冷氣就超凍, 簡直好似十度以下在街邊開飯咁, d黎左唔夠十五分鐘就已經凍晒, 想挑戰人體極限的話真係可以去試... 但我挑戰失敗, 因為當晚返到屋企已經發緊燒...