老鍋台式火鍋 (京都廣場) (已結業)

自從友人嫁左過台灣，開始適應後就偷時間返黎香港探親友，估唔到問佢想食咩菜式，佢話想睇下香港嘅台式火鍋同當地有咩分別，既然係咁，我就約佢黎呢間門口設有點燈區，天花上有天燈嘅裝飾，多一點台灣味道多款台式養生鍋，有辣有唔辣，友人話呢輪身體狀況唔適宜食辣，叫左呢個清潤原隻椰青三黃鷄鍋，先送上有蘿蔔，紅棗，粟米及椰子條嘅鍋底，而原個椰青及鷄件就另上!侍應幫忙將椰青水倒入鍋中而有半隻鷄份量嘅鷄件可選擇先落一半/全部落晒鷄件被湯底煮熟時，面層開始浮現出鮮黃色鷄油未開始食鷄時先飲碗湯先，有椰子鮮甜味，奶白色幾好飲喎跟著食鷄啦，鷄肉幾嫩滑，若然未食得晒嘅鷄件，可以先行撈出，避免過度煮熟而令肉質變得老左要數健康解渴嘅飲品，非烏龍茶莫屬，呢支茶味幾香呢度除左火煱配料外，仲提供即食小食，例如黃金炸魚皮，甜不辣等，好耐無食過臭豆腐，呢度竟然有喎，仲等咩?  當然要客夜市炸臭豆腐配以甜醬一齊食，先聞到獨特氣味，但比起街邊食到嘅已經係溫和版，外脆內有豆腐味，炸嘢當然要趁熱食，好快已被我地乾掉!之後到精選手切牛肩肉出場啦，肉色相當靚仔，切好一片片舖得整齊，尾位帶少少脂肪由於唔係太大片，幾秒已經食得，肉質相當滑溜，肉味

近來不停食火鍋，今日就去食下台式火鍋，一諗起台式就令我諗起嗰啲鴨血啊麻辣啊咁樣，但係我發現原來依一間出咗難過之外仲有一啲清啲嘅湯好滋補咁樣。所以我點左「原個椰青三黃雞鍋」，我以為佢個椰青只係話俾我聽，點知佢真係搬咗一隻椰青出嚟個奶白色嘅鍋底裏邊有好多紅蘿蔔同埋椰子肉仲有好多件甜粟米。轉頭佢就上咗一大碟雞應該差唔多有一隻嘅份量，係三黃雞嚟嘅都幾有雞味，唔係冰鮮雞。估唔到佢腳筋嘅份量有咁多我哋兩個人食完之後都覺得有啲滿足啦「醎蛋黃炸魚皮」佢非常之香就算放左落去個湯度煮都仍然有鹹蛋黃香味「安格斯雪花肥牛」唔想食得咁鬼就揀咗佢平價啲嘅案是雪花肥牛,但係質素都好好肥瘦均勻，個肉都幾嫩。「番薯苗」細個成日聽阿媽講佢哋冇嘢食先會食番薯苗。但係其實佢纖維好多而家都係一種健康食品。「香菇貢丸」就係一般嘅貨色「夜市炸臭豆腐」佢話係台灣飛過嚟架食落又真係有啲台灣風味配合佢嘅海鮮醬汁特別惹未　

近排心情唔好，決定去食餐好嘅！今次去咗位於銅鑼灣京都廣場嘅老鍋，呢度環境唔錯，夠哂光猛！我地叫咗個膠原蛋白美人鍋，湯底用原隻烏雞及金華火腿等煮成，非常香濃！打邊爐一定唔少得食肥牛，呢個特級美國安格斯雪花肥牛非常唔錯，雪花分佈平均，食落口好滑，又重牛味，重點推介。第二樣就係台式火鍋必食嘅夜市炸臭豆腐，一咬落去，就令我諗返起去台北夜市嘅感覺，又脆又臭！跟著就試下佢個手打墨魚丸，用料十足，非常彈牙，唔腥，夠實淨！近排打邊爐我有一個新寵，就係咸蛋黃炸魚皮，平時買一包仔都要六七十蚊，今次可以大大塊咁食，又係新鮮炸起，咸蛋黃嘅咸香味，令人回味無窮！打邊爐一定唔可以唔叫菜，呢個蕃薯苗好特別，平時唔多食，大家不妨試試，因為對身體好有益！口痕嘅我哋仲叫多兩個火鍋配料，魚肉小湯包同鴨血，魚肉小湯包外皮好煙韌，入面好juicy，好似小籠包咁；鴨血太正了，冇得彈！我哋除咗食配料之外，仲叫咗個稻庭烏龍麵做煮食。一人一杯飲品：沖繩黑糖烏梅汁同杞子杭菊露

香港人大多數鍾意打邊爐，今日就同幾個朋友來到銅鑼灣的老鍋台式火鍋店打台式邊爐。話時話，台式邊爐真係好少打，先唔講食物，入到餐廳已經覺得自己好似在台灣，周圍氣氛，裝潢都走台灣風味而且播住台灣歌手的歌，忍唔住哼了起來。餐牌超多選擇喔醬料自由配搭打邊爐當然先點鍋底，可以選鴛鴦，可以選辣或不辣的，我們最後選了椰青三黃雞鍋滋潤一下。首先真係要讚下個椰青，椰青水勁鮮甜，令到成煲雞都超級鮮甜，第二就係個三黃雞，係香港真係好難食到咁鮮嫩爽口的雞肉，呢隻雞同其他雞唔同既係，就算煮左好耐都好，肉質一樣係咁滑咁爽口，真係無揀錯啊。小食方面真係唔好睇小，有近年好受歡迎的鹹蛋黃炸魚皮正宗台式鹽酥雞同夜市炸豆腐，除左好食，吾知有咩可形容，台灣美食最興食炸野，呢幾款都係超受歡迎的。我們還點了好多招牌菜，有安格斯雪花牛肉，脆骨腩片，手工丸類拼盤，自家鮮做極品水餃，響玲卷，蕃薯苗，降火冬瓜片，寬粉條及新竹米粉。所有食物質量都真係好好，安格斯雪花牛肉係入口即溶架，仲好鮮嫩好有牛味，手工丸每一顆都大大顆，裡面還有餡，個個都唔同真係食到好有驚喜，水餃也是大大粒好新鮮，食到lamlam利。寬粉同新竹米粉最後落鍋，有曬所有食物的

今晚睇完戲 岩岩好9:30 後入座火鍋配料都有半價☺️ 湯底正價餐牌👍🏻店員特登介紹冷山茶王既優惠買野飲夠$10+於餐廳食滿$300 就可以送碟牛/豚肉，朋友即係落左7仔買輕輕鬆鬆加碟餸😍😍我地好無創意 跟住個推薦menu 亂點左一餐最最緊要係點「美人鍋」，終於食到啦🌸😋美人鍋用烏雞、杞子、紅棗、桃膠、栗米等等熬製見唔見到有幾多桃膠🥺我地2個女仔係咁食桃膠同飲湯，真係未打邊爐就已經飽咗一半店員仲會俾埋交剪同鉗你方便食雞提醒大家隻雞越早食越好 唔係啲肉質就會變老㗎啦 👍🏻呢碟夜市臭豆腐一上枱就已經好臭咬落去真係外脆內嫩 一定要掂佢旁邊嘅甜醬唯一美中不足係真心比較油 我自己就會用紙巾印一印再食😜不過食得煎炸野都預咗㗎啦 👍🏻點左一個鹹蛋炸魚皮 （又係小食🤭）D鹹蛋黃厚厚地覆蓋住魚皮即叫即炸 你完全見到啲蛋黃都仲起緊泡食落口集鹹鮮、鬆脆、惹味於一身 (大推！）呢碟就係買野飲送果碟豚肉😏 抵食其實唔係點左好多野食 但2個已經食到勁飽美人鍋既湯底真係好足料 淨係食粟米、雜菇、桃膠、烏雞已經飽.....食唔落其他野下次要叫多幾個人黎食😭 想讚一讚呢度既服務員都好nice👍🏻Reception 好有條

上星期行完Sogo後，家姐話想去打邊爐，上左Google 搵下附近有咩台式火鍋，見到有間叫老鍋的台式火鍋都好多好評，於是入去試下。始終唔係住呢區都係要靠其他食評幫下眼。間火鍋店位於京都廣場二樓，入到去，見到有不少明人都有食過，來頭不少！！醬料站有齊基本調味料，個蒜汁比較特別。由於小朋友唔食得辣，所以叫左個唔辣的火鍋原個椰青三黃雞鍋呢個鍋用料十足，侍應會原個椰青開完倒椰青水入湯底，十分清甜！然後再放雞件入去，大約煲15分鐘就可以飲一碗新鮮椰子雞湯！鹽酥雞件份量適中，小朋友非常鍾意食，雞皮炸得好香脆！安格斯雪花肥牛肉味很濃，高級貨，不用點醬已經好夠味！手工丸拼盤有五款丸類。新鮮製造，蝦丸彈牙，肉丸入面有芝心！幾特別！響鈴都係新鮮製造，香脆，大概浸湯底兩秒就最好喇！最後有配到寬粉條同新竹米粉，湯底混合左不同配料的味後鮮味再提升左！上網見其他人大讚其實唔係無原因，一定會再番黎再食過！人均$300內都很值得啊！

今晚黎食左個同事推介既台式火鍋咁佢外型已經係一個好classic 既古典火鍋爐!!❤️咁麻辣鍋底入面已經有豆腐同鴨血, 味道正阿吸晒d 湯😍同埋佢d 豆腐用左特製既硬豆腐,麻辣鍋必食首先我地點左一個夜市炸臭豆腐,佢味道唔算好濃但外層炸到好脆,入面豆腐層好juicy😍😍仲點左我最鍾意既甜醬!!咁今晚我地唔算肚餓所以都算輕食 haha 😛第1樣要左個魚皮餃 個味道都唔錯 , 吸左d 辣湯之後一咬出黎就噴左d 汁出黎 , 正正😛第2樣就係我強烈要求既炸響鈴,見到佢新鮮炸起又幾大條😍放湯兩秒即食 omg 好好食, 不過辣得滯 haha 😘😘第3樣當然唔少得我最愛既牛肉, 色水好靚, 又新鮮 , 佢切得比較薄身加上一放湯一陣再點下醬料就ok 😎我地再加點左娃娃菜 因為聽到隔離枱話好甜 🤗🤗另外仲有個店員推介我地要寬粉條🤭吸左辣湯勁勁勁勁勁好食, 佢好彈口又滑lulu同埋好彩佢有台灣既綠茶同烏龍茶, 解辣一流

之前都聽人講呢間火鍋店幾好食，所以今日同班好姊妹上咗去試吓。我哋一行四人，叫咗個椰青三黃雞窩，冇諗過呢個喎原來咁正！椰汁同埋鮮嫩嘅雞倒落去火鍋裏面，煲左一陣之後椰汁嘅味道清甜撲鼻，大概五至十分鐘雞都熟透，由鮮紅色變成黃雞色，鍋底裏面亦都有紅蘿蔔同紅棗，營養價值十分高，先飲一碗湯，真的非常滋潤養生。出邊有個醬料區，裏面有香醋、辣椒、芫荽蔥仲有蒜蓉，汁全部都係我至愛。餸菜配料方面我哋叫咗鹽酥雞同埋夜市炸臭豆腐做前菜，炸臭豆腐同鹽酥雞喺呢度非常受歡迎，果然味道做得十分地道，炸臭豆腐外脆內軟而且臭得非常，四四方方，每人一舊啱啱好。另外仲有啲配料包括係安格斯雪花肥牛，我最鍾意食肥牛，佢嘅份量都算多，大概有十幾塊，每塊放入熱湯裏便滾10秒左右便能吃，基本上整碟有一半是我吃掉的。另外響鈴卷是即叫即炸，上枱時我還感受到它們的餘溫，都是熱烘烘的。放入湯中大概5秒，響鈴夾著鮮甜的椰汁雞湯，美味可口。我們還點了手工丸類拼盤、自家製極品水餃、響鈴卷、炸魚皮還有一些蔬菜，如番薯苗同降火冬瓜片。麵類方面挑選了寬條粉同埋新竹米線，口感都幾特別。我哋仲一齊傾計，由八點傾到十一點！唔經唔覺，快樂時光過得特別快。

今天晚上約了朋友來銅鑼灣吃台式火鍋。我們選了今年火熱的椰子雞。原個椰青三黃雞鍋味道很純，有一整個新鮮椰子放水做湯，很喜歡來自椰青水的香甜。特級美國安格斯雪花肥牛切片厚實，多涮一下很有口感，油脂分布很均勻。墨魚丸蠻筋道，有點蝦滑的手感。夜市炸臭豆腐很有意思，即可蘸甜醬直接吃，也可以涮了再吃，後者口感有點像炸凍豆腐。番薯苗平常比較少吃，所以看到有這個就點了，份量很大，味道爽口。寬粉條，要注意時間，在湯中太久了就太軟不好吃了。鮮炸響鈴有4件，很大一塊，放進湯中，一分鐘內撈起就能吃到半軟半脆的響鈴了。酸梅湯酸酸甜甜的，枸杞菊露有淡淡香甜。都很適合平衡火鍋的滾燙。這邊醬料也很多選擇啊。餐廳整體風格靜雅簡約。比較安靜，很適合朋友聚餐。如果晚上9點半以後來吃除鍋底外都能半價哦！

膠原蛋白美人鍋 個湯底好足料，係將整件烏雞、杞子、南棗同金華火腿等等材料一齊煲，湯底呈乳白色，就咁飲個湯底都已經好清甜。.特級美國安格斯雪花肥牛油脂分佈得好平均，就咁睇落去紅白好鮮明，放落湯底大約十多秒就足夠了，口感好細滑唔會有根！.甜不辣呢個係即食嘅，餐廳將甜不辣炸到薄薄的外層香脆可口，內裹軟軟地，幾好食但就油大啲。.墨魚丸 （半份）係手打墨魚滑嚟嘅，所以食落都好彈牙同個墨魚味好濃郁。.咸蛋黃炸魚皮聽個名好有賣點，食落係好有咸蛋味嘅，但始終都係炸就好油啦！.高山娃娃菜娃娃菜都幾新鮮，同個湯好夾。.寬粉條比我想像中幼，同河粉個樣好似，但就彈牙少少。

自從養心殿成為絕響後，一直在發掘藥膳火鍋理想食堂。一間在口味上能營造出台灣風味，食材新鮮度亦令我感覺滿意的食店暫時成為心中所選，為大家推薦。台灣藥膳鍋首重藥材味香濃又能增加食慾，無一概抗拒感。所用調味配料都以增加藥材香味的親和度為首要。小數能在香港品味的藥材湯底因為風味獨特而成就屢食不厭的佳話。🥢 蟶子皇活海鮮食材之一，肉感彈牙嚼勁十足。因為體型較大，開邊享用也有足夠的滿足感。鮮味隨著每口咀嚼不斷滲溢，新鮮非常，不過因為考慮到成本偏高而點食顧客小，每天大概進貨十多至二十隻，適宜預先訂購。▪️▫️🥢 台灣九孔鮑鮮度不及蟶子皇，彈牙嚼勁為其賣點。肉感比大連鮑魚或本地品種更生動活力，咀嚼時會更鮮明爽脆。供應量相對較小，一樣適宜預先訂購。🥢 鹹蛋黃豬肉丸蛋黃跟豬肉比例恰到好處，豬肉的輕甜跟濃潤的鹹香成就出主次之別，為平平無其的豬肉丸塑造出嶄新美味，驚喜度十足。▪️▫️ 🥢 鵝肝墨魚丸食店墨魚丸的新鮮度本身已無懈可擊，再加上特別增加的鵝肝份量，令墨魚獨有的蛋白惹味被更明顯的提升出來，整體結構更完美誘惑。必點食材之一。🥢 三秒響鈴卷腐皮卷偏薄，必須放湯小於三秒食用。屬於即點即炸食材，建議先單獨食用品味輕盈

今日同朋友出左去shopping 買到心頭好 緊係要食餐好既賀一賀啦😂😂身為火鍋控既我 朋友即時搵到老鍋 我地即時去左食😋奶白色既湯底已經好吸引😍雞加椰青水 陣陣香味 材料豐富👍🏻真係滾起個鍋 一人一碗湯😋安格斯雪花肥牛牛咪濃 肉質嫩滑😍鹹蛋炸魚皮好大份 熱辣辣食 超正 勁香鹹蛋味鮮做極品水餃🥟超新鮮 啖啖蝦肉鮮炸響鈴火鍋必備 十秒食得 吸哂雞湯手工丸拼盤每粒都爽滑彈牙超級足料既雞湯😍火鍋 娃娃菜 索哂雞湯汁 😋所有材料好新鮮服務又好好👍🏻👍🏻

估唔到夏天打邊爐都okay…..試試呢間台式火鍋店個夏日限定火鍋佢啲湯底有秘製麻辣鍋/酸菜白肉鍋/膠原蛋白美人鍋/加強版尚膳養生鍋夏天呢排仲有兩款夏日限定湯底瑤柱海皇冬瓜鍋同原個椰青三黃雞鍋我哋揀咗原個椰青三黃雞鍋上枱先倒入椰青水入面仲有椰子肉同紅棗好似幾滋補雞肉有雞味，連埋湯底有鮮甜味湯底原汁原味無味精好清甜，我忍唔住飲咗幾碗開頭飲嗰時個椰汁味偏多，淥完嘢反而個椰香味重咗2隻冰酒一口鮑魚極上騙牯爪邊牛山竹鮮牛丸龍鬚菜+蘭花苗

早前同朋友初嚐台式火鍋，湯底滋補，食完又唔熱氣，心思思又想再食，朋友話呢度材料新鮮，服務又好，一於跟佢去搵食。去到門口就似去咗十分睇天燈，店內吊燈亦都配合返個格調，坐响窗邊感覺特別好。先來一杯杭菊露解解渴，入口清涼，味甘微甜，有平肝明目，清熱解毒之效，係打邊爐嘅最佳拍檔。''杭菊" 係杭州產嘅菊花，當店員送來時叫作 "抗" 菊露，聽到耳仔都側埋一邊飲，一邊揀湯底。揀完湯底就去搞醬汁，响醬料區自行調較味道。見"酸菜白肉鍋"幾特別，就決定呢個湯底。湯底滾起嚟好香，聞到都流口水啊。湯底配料有： 白肉、酸菜、黃芽白、粟米、蕃茄、鮮冬菇、蔥段...等，仲有寬粉响入面。白肉份量好多，寬粉都唔少，如果食晒湯底嘅材料，已經飽咗一大半。極品黑毛豬梅肉+蕃薯苗蕃薯葉唔常見，爽滑滋味，蕃薯葉豐富營養， 有益健康。豬梅肉肉味香濃，好食。夜市炸臭豆腐臭豆腐香噴噴，口感鬆脆，好味。咸蛋炸魚皮炸魚皮又脆又滋味，加埋鹹蛋黃更惹味。香菇貢丸貢丸口感彈牙，肉味濃加埋冬菇嘅香味，正！烏龍麵烏龍麵原來係烏冬，放入酸菜湯涮一下，麵質彈牙又好味。整體材料新鮮質量好，朋友果然無介紹錯。

琴日同老婆去完銅鑼灣崇光百貨行完街，行完街去咗駱克道食火鍋。上一個月喺附近食咗港式火鍋所以今日想試吓台式火鍋。OpenRice搵咗一陣，最後揀咗呢一間老鍋台式火鍋。湯底我哋揀咗季節限定嘅原個椰青三黃雞火鍋，呢一個湯底唔錯非常清甜。職員放下湯底之後會係你面前將成個椰子裏面嘅椰子水倒入去。鍾意食椰子肉嘅仲可以慢慢食埋椰子殼裏面嘅椰子肉。湯底滾起之後可以飲番一兩碗湯先至打邊爐。等湯底滾起嘅時候太肚餓叫咗一個小食，甜不辣！甜不辣係炸魚肉，好味！我哋仲揀咗兩杯嘢飲,杞子杭菊花露.幾好味打邊爐啱晒。飲完湯食完雞肉之後再叫咗幾個火鍋食材：特級美國安格斯雪花肥牛、墨魚丸、鹹蛋黃炸魚皮、高山娃娃菜、寬粉條。最好食都係肥牛同埋魚皮，肥牛價錢唔算貴而且幾好食，炸魚皮亦都非常之唔錯雖然幾邪惡。總括而言一間係一間唔錯嘅台式火鍋店。