老鍋台式火鍋 (京都廣場) (已結業)

上星期媽咪去了旅行，我和爹地都不甘寂寞出去食好西撐枱腳先🤪 原來九點半入座的話，火鍋配料還有五折優惠。自助醬料區，可以隨便任拿蔥、辣椒、豉油、沙茶醬等等。不過其實都不太需要醬料，因為湯底已經很夠味道了。湯底點了原個椰青三黃雞鍋。鍋底本身已經很足料，有蘿蔔、粟米、椰子條和紅棗等，之後店員還會用原個椰青和一半雞肉倒入鍋。一滾起先飲碗湯，椰子味很香，味道非常清甜。三黃雞肉質很嫩滑，而且雞味濃。精選手切牛肩肉牛味濃，肥瘦均勻。山竹牛肉丸~ 好得意的造型。平常吃點心就吃得多，但打邊爐就真的是第一次🤣 味道都不錯，牛肉球加上馬蹄更爽口。魚皮餃外皮煙韌，餡料飽滿。甜不辣~ 特色台灣小吃，口感煙勒，點一下泰式醒甜醬更開胃。台灣蒜香腸香口惹味~高山娃娃菜新鮮爽脆又清甜。稻庭烏龍麺其實就是烏冬，只需滾一滾就已經很入果又煙韌。好豐富的晚餐🤪🤪下次帶媽咪再來一起吃☺️

自家台式作主打組成一鍋，勝在湯底勝搭出不同味兼備「老饕酸菜白肉鍋 $158」炮製湯底涮涮鮮味，足料撈拌(豬王花腩/大白菜/寬粉條)食盡豐富惹味滾熱辣的確令一眾滿足「特級美國安格斯雪花肥 $188」灼後紋路清晰可見，而鍋內肥美豐富肉嫩，嫩口入即溶，緊緊鎖實仍挺身是鍋中的好物 !「甜不辣 $38」「咸蛋黄炸魚皮 $68」啖啖最為驚喜手工炸物香口呈金黄頗大件是常點火鍋料食，食落煙韌口感非常滿滿咸蛋味層次「香茹貢丸$48 」輪到黏性輕鬆爽口主打，紮實基底單純樸實從鍋中煮別令有一番鹹既滋味卻罷不能

天氣熱都影響唔到我去打爐嘅😆 今次就去咗食老鍋台式火鍋 人多好辦事 可以叫到一台都係野食😋打邊爐湯底都好緊要 我地揀左膠原蛋白美人鍋 入面係整隻烏雞 而且有大量桃膠 杞子 龍眼肉等等 個湯好足料勁好飲 所以一嚟到就已經飲咗大半鍋🤣而且仲叫咗好多好香口嘅小食 咸蛋黃炸魚皮非常邪惡 老鍋鮮魚腐同埋甜不辣都非常好食 呢三樣嘢都可以放落個火鍋度食 但係呢三樣嘢都係新鮮炸出嚟 特別係個魚腐同埋甜不辣 即刻食最正極上騸牯爪邊牛 店員話唔好煮太耐 轉色就得 牛質地好林 肥瘦均勻 牛味再濃啲 好味 仲叫左精選手切牛肩肉 兩隻牛都冇得輸黃金咸蛋黃豬肉丸 食落去簡直同咸蛋蒸肉餅冇分別😂 只係變咗一粒粒方便你食 我覺得勁正涮鍋小羊肉片 大大片仲叫左花蛤食 大大隻 殼😂 都幾新鮮黑白雙滑 白色墨魚滑同墨汁墨魚滑 本來衷心期待但是墨汁唔夠新鮮 所以唔係太好食 始終都係白色墨魚滑好食啲仲叫左其他配料 蓮藕片 冰菜 寛粉條 蜂巢豆腐特別係蜂巢豆腐同埋寬粉條 吸收晒湯嘅精華 好好食 食到好飽

小編去過「老鍋」2次， 都覺得不錯吃， 算係係香港🇭🇰中數一數二嘅台式火鍋， 小妹話踏入轉季，想食d養生火鍋， 所以就帶小妹黎「老鍋」啦！😂 店內裝潢古色古香， 環境乾淨企理， 座位坐得舒適， 有雙人、四人卡座位。 店家有4款主打精選湯底：麻辣鍋、美人鍋、養生鍋和酸菜白肉鍋， 不過而家仲多左限定系列， 梗係要嚐嚐鮮啦！😏 原個椰青三黃雞鍋（$168） 店員會係我地面前將原個椰青水倒入， 保證貨真價實！👀 椰青肉仲可以食埋添～😏 鍋底仲有好多菜蔬如粟米、紅蘿蔔、椰子肉，好健康！ 有半隻三黃雞， 皮爽肉嫩，又唔會太肥， 湯頭清甜味美，值得一試！ 🌟推薦❗️特級美國安格斯雪花肥牛（$188） 牛肉份量都算合理， 雪花均勻，涮熟後入口爽嫩多汁，肉味豐腴！ 甜不辣（$38） 即叫即炸，熱辣辣， 蘸泰式辣醬，酸辣惹味！😏 小妹最鐘意食貢丸， 所以香菇貢丸（$48）梗係要點啦！😂 爽口，鮮香多汁。 🌟推薦❗️咸蛋黃炸魚皮（$68） 即叫即炸，鹹香味濃， 淨食得，蘸湯食都得， 咸蛋黃控必試！ 🌟推薦❗️高山娃娃

我又打邊爐啦！ 今晚放工係銅鑼灣京都廣場搵食！台式火鍋，見到湯底好特別，就去try try! 店裏中式裝修，乾淨整潔！仲有天燈玩！😜美人緊係要配反美人湯底啦！湯底足料，美人湯係藥膳湯，有烏雞，南棗，非常滋潤，正！ 女士養顏滋補！👍🏻先黎台式臭豆腐，用了台式豆腐，有點像香港的！仲有鹹蛋炸魚皮，正！不過兩個一齊食有啲肥膩！哈哈！邪惡！ 安格斯肥牛，呢個唔錯，油脂分佈細密，肉質香嫩。再黎香菇貢丸，唔錯！娃娃菜，清甜！ 仲有碟寬條粉，似水晶薯粉，好煙靭！要咬多幾下先碎！仲有杯杭菊露，菊花味濃！可以下火，打邊爐咁曬！總括黎講！ 可以值得一試！

跟女友傾計的話題都落到了養生，所以打邊爐在芸芸湯底選擇中，也選了養生的膠原蛋白美人鍋。還有三秒響鈴卷，自家製層次豐富，口感鬆脆甘香。香菇貢丸，彈牙爽口，香菇不搶肉丸的鮮味。火鍋是台式老鍋好有feel，在台灣打邊爐都是這樣子，台灣直送炸臭豆腐，香脆甘香，我覺得涮一涮更好吃。娃娃菜，不忘點一份蔬菜，要肉菜平衡，娃娃菜新鮮，吃出菜的清甜。安格斯肥牛，牛肉和脂肪比例平均，入口鬆軟，有融化的口感。膠原蛋白美人鍋含有豐富蛋白質、原隻烏雞，對女士有滋陰養顏的功效，鮮甜的湯頭忍不住一口接一口飲。一邊火鍋，一邊喝著烏梅湯和菊花露，清爽潤口，也不會太甜，舒暢極啦！

開始有小小秋意，打邊爐的筋即時被撩起。行到銅鑼灣，突然記起之前朋友介紹這間台式打邊爐。即時去試一試，入到舖頭已經被味道吸引。湯底有幾款選擇，我地選了‘原個椰青三黃雞鍋。當湯底送到，奶白的湯底，附上原隻椰子，待應把揶子肉放入煲肉，十分香甜、加上雞。絕對可以當湯飲。點了手切牛肩肉，夜市炸豆腐，皮蛋貢丸，蒜香台灣香腸小食，娃娃菜、墨魚滑，花蛤：1）牛肩肉：肉味濃👍🏼👍🏼仲好大碟2）夜市炸豆腐：好有台灣風味3）皮蛋貢丸：非常特別4）蒜香台灣香腸小食： 香囗，味濃5）墨魚滑：新鮮6）花蛤：鮮甜食完好滿足呀👍🏼👍🏼有機會再同朋友再大吃大喝一餐👍🏼👍🏼

同同事喺銅鑼灣收工，想搵打邊爐食，上網搵左呢間餐廳睇落唔錯，一於去試一試。呢間餐廳坐得都幾舒服，枱同枱之間嘅距離唔會太近，食物嘅選擇都幾多。湯底方面我哋叫咗膠原蛋白美人鍋，湯底非常濃郁，帶有少少嘅藥材味，仲有原隻烏雞係入邊，烏雞肉質彈牙，肉味十足，唔錯另外叫咗安格斯雪花肥牛，厚度適中，油花亦多，好食仲有咸蛋炸魚皮，比較少見，呢到係新鮮即炸出黎，又脆又香，一流烏龍面亦都一定要叫，非常之滑，好食另外小食方面我哋叫咗夜市炸臭豆腐，亦都非常好食，外脆內鬆，配以醬汁

朋友留言: “今晚去吃 ‘老撾’ 火鍋，銅鑼灣站等。”上到來，才知道我搞錯咗，是 “老鍋”台式火鍋，笑死咗!一來就整支Ashai啤啤佢。大家都想靚，所以叫咗個【膠原蛋白美人鍋】，裡面有很多藥材同埋一隻烏雞，真係好滋補。不過，我始終對藥材味不是太like。其他火鍋配料有手切牛肩肉、雪花一口牛肉粒、牛骨髓、黑柏葉、餃子拼盤、炸響鈴和冰菜。基本上，這裡的份量好足，質素不錯，價錢亦不會太貴，咁嘅陣寄都只係六百幾蚊。奇怪的是這裡沒有太多人幫襯。

朋友最愛吃火鍋要同佢一齊去食，而且Openrice內更做緊以優惠價$70 (7折)便可享用老鍋台式火鍋$100現金券，當然唔可以放過。九點半入座更有5折限定(火鍋配料)優惠，O.T. 完 / 打完波去食飯餐絕對抵食。另一邊更設置了平面電子板，可把你的願望寫上，便可從電子屏中，看到天燈(你的願望)升上半空中。來到時已有不少人了，有興趣既記得訂位啦。店內地方闊絡，而且座位舒適。店內以4種湯底為主：老鍋秘製麻辣鍋，配以多種香料及藥材，誠意用心調制湯頭，加入鴨血及凍豆腐，口味道地而不膩 。老饕酸菜白肉鍋，秘方醃制東方大白菜, 極品豬王花腩，配上寬粉條，風味獨特，酸香醒胃。膠原蛋白美人鍋，桃膠 ，原隻烏雞，配以杞子、南棗及金華火腿,老火肴制湯底。尚膳養生鍋，精選中外食材，配以多款名貴藥材及人參，以火腿、老雞及豬肉精心肴制而成。膠原蛋白美人鍋咁正既湯底，當然要飲番碗湯先啦。飲落口感清甜而濃郁，桃膠軟腍，真的要飲幾碗才開始火鍋呀！店員非常有禮的為我們把烏雞拿起並剪碎，方便客人好好品嚐。烏雞香滑柔嫩，沒有多餘脂肪，所以湯底也不會肥膩。甜不辣台灣特色小吃，口感煙勒彈牙，點一下醬汁一起食更加醒胃。特級美國

養生台火鍋同男朋友係銅鑼灣買完野之後就想搵個地方食下野又可以坐耐少少既火鍋店。雖然外邊氣溫30幾度，但絕無阻礙我們食火鍋的興緻。而且男朋友係台式火鍋係Fans，想試下老鍋好耐。於是就去到坐低就叫左個原個椰青三黃雞鍋用原個椰青水混合湯底，味道清甜。三黃雞肉質特別嫩滑，好滋味。完全可以當湯飲而吾口渴，椰子配雞呢個組合真係無得輸，好補。鮮炸響鈴 真係即炸出黎嫁，幾好。墨魚丸就好彈牙，食得出係鮮製鮮打，雖然價錢貴少少，但都值得既。特級美國安格斯雪花肥牛牛肉油脂分佈平均，牛味濃郁，紋路分明，燙過兩三下已經滿滿牛味出現，而且牛肉都幾大片，一卷有兩塊牛肉嫁原來！ 老鍋甜不辣甜不辣好煙韌，魚味不會腥。加上仲有個類似泰式酸甜醬，絕配。蕃薯苗 蔬菜新鮮，健康之選。稻庭烏龍麺烏龍麵跟烏冬沒有分別，跟個罩上，方便煮完唔會響湯入面散開曬, 只需滾一分鐘,入晒湯味而且又有嚼口。飲品點了冰涼的坑菊露，清甜降火，打邊爐岩晒。

朋友話好掛住台式火鍋，我就提議今晚打邊爐，呢間好多人推介，之前我都食過尖沙咀分店，好足料好好食。咸蛋炸魚皮 等緊個鍋滾，我地就食住小食，炸到香脆可口，唔會太油膩，咸蛋醬沾滿魚皮，咸香味適中。原個椰青三黃雞鍋 $198呢個鍋不得了，成個鍋係奶白色，原個椰青上，我以為倒入去，原來鍋入面之前有，有椰青令到湯底好鮮甜，，三黃雞嫩滑，入面材料紅蘿蔔同粟米都好入哂味，好甜。安格斯雪花肥牛 $188牛肉味濃郁，有少少脂肪，烚一烚就得入口嫩滑唔油膩。炸臭豆腐 $48佢寫住台灣直送，真係好似夜市食個隻咁，外脆內軟。墨魚丸 $48爽口彈牙，唔會覺得好多粉。

今日行開銅鑼灣，發現有間老鍋台式火鍋店，香港人通常都鍾意打邊爐，緊想要試下啦。台式邊爐來講呢間都算應景，有老台灣的特色，又播放台灣音樂，唔講以為去左台灣。我同三個朋友一起食，好多鍋底揀，又可以選辣或不辣的，我們就選了椰青三黃雞鍋滋潤一下。椰青水勁鮮甜，令到成煲雞都超級鮮甜，仲有三黃雞既口感真係鮮嫩爽口，呢隻雞同普通雞唔同既係，煮幾耐都好都係鮮嫩爽口，真係好正。小食方面款式亦多，有鹹蛋黃炸魚皮，正宗台式鹽酥雞同夜市炸豆腐，款款都係台灣超受歡迎的。除左小食同湯底，我地都揀左好多款野食，有安格斯雪花牛肉，脆骨腩片，手工丸類拼盤，自家鮮做極品水餃，響玲卷，蕃薯苗，降火冬瓜片，寬粉條及新竹米粉。特別推薦有安格斯雪花牛肉同手工丸，雪花牛肉勁新鮮有牛味，手工丸裡面還有餡，粒粒餡都唔同好有驚喜。我們揀左杭菊露及烏梅汁做野飲，降火又消脂，打邊爐真係食幾多都唔怕肥啊。最後一提既係服務質素好好，侍應們都勁有禮貌又幽默，成餐飯都食得好開心愉快。

由小到大很愛中秋佳節，原因很簡單，因為可以放假不用上學，又可以和家人親戚一起食飯賞月玩燈籠蠟燭，真的很美好。來到這家位於銅鑼灣的台式火鍋店，鋪進門口已感到非常濃厚的中秋氣氛，門口掛滿紅紅黃黃的燈籠🏮，還有自助點燈大螢幕，讓朋友們一嘗放天燈的樂趣。店內裝潢走清閑簡約風，以木材綠草為主，地方闊落，座位舒適。安格斯雪花肥牛，雪花平均佈置在肥牛片上，放在火鍋裏大約20秒就夠，入口牛味香濃多汁，非常讚。甜不辣，是台灣特色小吃，這是魚片來，口感煙勒彈牙，很新鮮的一道小食。鹹蛋炸魚皮，近年很流行食星加坡的鹹蛋炸魚皮，品嚐了這個台灣版也非常出色，不過放進湯內走一走油膩會比較好食，熱騰騰很野味。招牌美人火鍋是女士佳品，用上正宗烏雞熬製湯底，店員提醒記得要先飲一碗清湯才下食材。果然味道非常濃郁，感覺很滋陰養顏。男士不用擔心飲後會流鼻血，已證實沒有事。哈哈。店員會把原隻烏雞上碟，細心地把它切件放上碟讓食客好好品嚐。這個烏雞很不錯，雞肉香滑柔嫩，沒有多餘脂肪，湯底也不肥膩，相信是非常好的火鍋湯食材。朋友話日本烏冬最出色，我就話這個台式烏冬麵非常一流，味道獨特，放在美人鍋裏煮熟，再加入美人火鍋內的紅棗杞子一齊入

早幾日銅鑼灣果頭收工，順便同個friend响度開飯，佢極力推介呢間台式火鍋店，由於呢2星期都食左幾次火鍋，本來都有小小抗拒，不過見佢誠意拳拳，就順佢一次啦如一貫新派嘅火鍋店，裝修環境都好精緻，好舒服本身我倆都系大食仔，但最近真係食得太多，所以輕食下，貴精不貴多。呢個湯底一定要推介，原個椰青三黃雞，真係超正，新鮮椰青，雞肉好鮮，其實齋食呢個已經好正另外叫左2個小食，台式香腸及臭豆腐，都好有驚喜，有水準主食我吔只係叫左4樣，包括牛肩肉，皮蛋丸，番薯菜及闊條粉。皮蛋丸同牛肩肉真係必叫，我終於都知道點解個friend極力推薦呢間，同之前食另一間真係無得比，天同地