老鍋台式火鍋 (京都廣場) (已結業)

恢復返晚市堂食 即刻約埋朋友打邊爐最鍾意一邊烚下烚下 一邊傾計 嘻嘻哈哈膠原蛋白美人鍋 ($228)原隻烏雞 桃膠 杞子 藍棗 金華火腿湯底熬製見倒啲多養生食材 大家毫不猶豫揀咗呢款湯底的確不負所望 個湯超級足料 隻烏雞份量十足湯頭非常鮮甜 一滾起我地一人飲左一大碗千張豆葉紙 ($48)呢個係店家必點推薦 果然好有特色沾湯兩秒就會變成豆香滿滿滑溜溜嘅腐皮美國梅花豬肉 ($128)肥瘦同厚薄都適中 亦有豬肉應有嘅香味五彩鮮蔬雜菌盤 ($88)呢個蔬菜盤相當豐盛 有齊生菜 菜芯 油麥菜 娃娃菜仲有多種菇類 全部都好新鮮同處理得乾淨 健康又好味

🇭🇰Hong Kong Average expense pp: HKD$200-250+📍Address: 老鍋台式火鍋, 銅鑼灣晚市堂食終於開番，真係相當令人興奮！等左好多個月😭希望疫情快啲過可以去旅行！今次比呢個酸菜白肉火鍋吸引，所以慕名而來。湯底至少有10塊白肉，相當足料，而且肥而不膩，食多幾塊都唔會覺得太濟。入面仲有好多紅薯闊粉，所以就算唔點其他配料，可能只係食呢個火鍋已經夠飽，整體來講，湯底頗為開胃😂地方好寬敞，同三五知己坐底傾計都幾舒服。配料方面，食材十分新鮮，特別推介豆皮，汲索晒湯汁！同埋打邊爐必須配上酸梅汁，非常清爽開胃！

天氣似暖還寒，都係食返餐養生餐好。於是今日午餐去左老鍋食台式火鍋。落單用二維碼。膠原蛋白美人鍋 膠原蛋白美人鍋有桃膠，原隻烏雞，金華火腿，又有杞子，南棗，淮山，黨參，龍眼肉等藥材，仲有冬菇，粟米，香蔥同京蔥等蔬菜，材料豐富。上枱時桃膠特登放喺烏雞上面。烏雞一開二，好多肉食，皮滑肉嫩，吸左個湯味道鹹香，非常好食。個湯好清，味道少少鹹香，藥材味唔會太重，好飲喎，配香茜或香蔥飲更正。涮鍋小羊肉片涮鍋小羊肉片一客10片，捲得靚靚上枱，淥一淥就食得，肉質嫩口，脂肪唔多，味道唔會太羶。櫻花蝦櫻花蝦係用一片生菜包住一大舊蝦滑，上面加左唔少櫻花蝦仔。蝦滑食落非常彈牙兼重蝦味，正嘢，櫻花蝦仔份量好重手。千張豆葉紙 千張豆葉紙一客8塊，淥兩秒就可以食，又薄又滑，豆味啱啱好，非常掛湯。香菇貢丸，蛋餃香菇貢丸好彈牙同味道天然。 蛋餃既蛋皮好簿又滑。五彩鮮蔬雜菌盤 (小)五彩鮮蔬雜菌盤有油墨菜，生菜，娃娃菜，金菇，鮮冬菇，本菇，南瓜，粟米。食材新鮮。王子麵王子麵係獨立包裝，寫明全素同不添加防腐劑，原產地係台灣。自助調料吧有辣椒，莞茜，蔥，豉油，炸蒜，香醋，沙茶醬，蒜泥汁。食完感覺健康又飽肚。餐廳係正銅鑼灣港鐵站

真係一年四季都好鍾意打邊爐嘅我，今次就嚟到呢一間台式火鍋度試吓啦！整體來講，呢一間餐廳嘅火鍋真係好高質，湯底嘅配料亦都好多！重點嘅係呢一度嘅雪花肥牛真係好好食，雪花嘅分布非常之啱啱好，而且牛肉入口即溶嘅感覺好正！

自從禁咗晚間堂食之後，打邊爐已經唔再係夜晚先會食改為晏晝午餐。接近一個月冇出街食飯，非常之期待呢個台式火鍋。打邊爐我最喜歡手機落單，想點乜嘢自己點，又唔使麻煩人。當日都叫左好多野，當然兩個人食唔晒啦，所以都要外賣走，服務員係非常之有禮貌，不是加湯。其實兩個人打邊爐真係唔算貴，都係六百幾蚊埋單。當日我哋叫咗個鴛鴦鍋，麻辣嗰邊正常水準，第一題嘅係酸菜白肉鍋，簡直係有驚喜❤️酸菜完全發揮到個湯底，味道非常濃郁，酸酸的！令人非常開胃😜而且本身湯底裏面嘅配料都好足料。仲有一樣野就係個湯底係唔需要額外加錢。市面上打一半鴛鴦鍋多都計兩個收費，呢間係無。推介！大家出去支持吓！

冬天最適合打邊爐，可惜而家晚市唔開，只好中午時間出嚟啦！銅鑼灣呢間火鍋店主打四款湯底：美人鍋、酸菜白肉、麻辣同養生鍋。✨酸菜白肉湯入面有大量酸菜、蕃茄、粟米、冬菇同白肉，仲有吸哂湯汁嘅粉條，口感有啲似食緊薯粉。湯底味道偏酸幾好開胃😋白肉食落好嫩但就偏肥。✨美國梅花豬肉 豬肉油脂分佈好靚，肉嘅色澤好靚好鮮紅，肉質細嫩，份量亦都算多👍🏻1至2個人食完全夠飽！✨千張豆葉紙望落真係薄到成張紙咁，滾2秒就可以食得，淥完就好似腐皮咁，豆味濃郁。✨蛋餃同香菇貢丸 蛋餃個皮好薄身，食落好似蛋皮夾著一片薄薄嘅肉泥，味道唔錯幾特別。貢丸正常發揮，覺得呢個拼盤嘅擺盤好有趣。五彩鮮蔬雜菌拼盤 ($88)蔬菜種類都幾多同埋新鮮，擺得靚靚整齊，而且睇得出有揀過的。要一讚佢嘅冷泡茶！白桃烏龍茶帶點清香嘅白桃果香味入口好清新，用黎中和打邊爐嘅油膩感絕配啊！

聽聞今晚開始又轉涼，最適合嘅梗係打邊爐啦呢一間地點超方便，就喺地鐵站對面而且入邊嘅環境都好乾淨企理手機落單方便快捷，仲有好多火鍋配料選擇講咗個湯底先，我哋揀咗美人鍋先唔講有幾多材料，係有原隻烏雞喺入面，原隻啲肉同骨仲要煲到淋哂，一扯出黎就食得肉質無因為煲得咁耐而變老，仲好嫩好香雞味湯底因為有大量蔬菜同雞肉而煲得好鮮甜一啲都唔油膩，好清徹好清甜嘉美農場雞肉我自己覺得呢個好好味，簡直係必點啲雞肉件件都好大舊，唔會碎濕濕絕對唔會出現嗰啲淥熟咗之後就唔見咗嘅情況啲雞件仲要好嫩滑，好彈牙，超好味鮮豆皮唔知大家有冇食過呢一款好似紙咁嘅鮮豆皮我想第一次食好驚喜喎，浸落湯2秒就食得吸晒啲湯汁精華，又滑lut lut其實有啲似響鈴，但係又冇佢咁油，仲好香豆味

天氣忽冷忽熱，不過無論咩時候都適合打邊爐。就快到年尾梗係要對自己好啲，喺銅鑼灣搵咗一間台式火鍋 老鍋，湯底足料，不過臨時有兩個朋友放咗飛機，叫得唔算多嘢食🤪我哋叫咗個尚膳養生鍋，超足料，湯底白雪雪，藥材味幾香，就咁飲都飲咗幾碗湯，之後先開始打邊爐😍呢個豆品類好特別，叫千張豆葉紙，係一道傳統嘅豆製品，聽店員講係由台灣直送！我暫時未喺其他舖頭見過😍😍口感獨特，有啖啖嘅豆香，又容易入味，索晒養生鍋個味，必點！其餘配料我哋嗌左羊肉、丸、蔬菜同埋王子麵，兩個人食就非常之夠。下次約齊人嘅時候先至再叫得豐富啲😚

上星期同女朋友去過銅鑼灣京都廣場就睇吓邊間坐得舒服啲食下野。咁啱女朋友又話想食麻辣打邊爐，就上咗去。「餐廳環境質素一般」，表面睇完全唔屬於貴價打邊爐餐廳。但唔緊要唔係黎慶祝。電子落單體內菜式選擇唔算特別多，「表面睇價錢合理。」一碟手切安格斯牛小排(大碟）$36X，（細）就$28x。我哋2個大人唔算太肚餓叫一碟大應該夠肉食。跟住叫左2-3個非鮮肉類餸、1個菜。成張單連加一要成千蚊。「嘩，全部食物份量《少小少小少》到您唔信，特別係碟大牛！個碟原來好細，牛肉仲要薄切！」一碟實屬兩大啖食哂，我未見過牛小扒係咁兒戲！😪如果照咁計，我一個男人叫3、4碟大牛應該都完全食得晒。其他食材如果用份量計，實屬偏貴，同樣價錢但只有其他中檔火鍋店餐廳嘅一半左右份量，但竟然唔係用靚料。總結實屬非常一般平民火鍋店質素，但就收中階平民火鍋店價錢。你預每成人平均消費400至$500。但亦唔好期待太好食。服務、衛生水平合格。

假期緊係要同朋友聚一聚啦一月一號 成班朋友聚一聚由於好遲先決定食咩即日用openrice都卜到位 正👍🏻由於新一年新開始 店員請左我地每人一杯whisky 👏🏻🎉🎊🎁正呀然後叫左個麻辣配美人鍋野食就用qr code落單 好方便 呢到野食全部都係散叫既唔係任食野食都好高質仲有啲好特別既野食 有冰菜 千張豆葉紙（似腐皮）仲有油炸鬼其實打邊爐有油炸鬼都幾正架啲牛肉 我地都encore左幾碟都幾好食👍🏻台式火鍋真係正👍🏻

用左app訂位有50%折，第一次食依間火鍋、網上食評睇黎都唔錯！提早十分鐘到、21:05入座、食到22:40！除左海鮮同飲品都有5折！手機點單！由於朋友未食過手切肥牛、於是叫左一個原價三百幾蚊既本地手切肥牛、叫左響鈴、雲吞、水餃、雜錦手打丸、炸午餐肉、醉雞件、皮蛋貢丸等…鍋底叫左鴛鴦鍋、麻辣加酸菜白肉！鍋底好足料！酸菜白肉係好讚！款款食物都很好…職員服務都好好…唯獨碟本地手切肥牛係全晚最最最最最扣分同敗筆！一來唔肥、二來又鞋又un!完全睇落係佳寶急凍巴西牛切片！半價左加原價加一都成$200碟！希望間舖檢討一下乜野叫本地手切肥牛！

Unbelievable worst hotpot experience in my whole life so far. Definitely, it is not a Taiwanese hotspot, not even Hong Kong style. A small portion of food and low quality. And services are also a nightmare. One star is given to Prince instant noodle.

去到銅鑼灣行街，先找個地方食中午。最方便的不是去快餐店，而係去到｛｝這裡找間餐廳。眾多餐廳之中，我們都是偏好台灣菜，所以就選擇了這間「老鍋台式火鍋」。別以為老鍋只有火鍋供應，在午市時段其實亦有一些台灣主食供應。平常食台灣菜的餐廳都是密密麻麻，但想不到老鍋的間隔十分寬敞，而且枱椅之間亦有高身阻隔，防疫角度下絕對滿分，兼且有足夠私隱度，坐得舒適。◡ 1. 麻辣養生湯米線（配雪花肥牛、鴨血、豬腩片）嚐嚐老鍋的麻辣養生湯米線，湯底辣得來不會太嗆，亦有種甜味，即使不吃得辣的亦能從容面對。配菜方面，亦是以肉類為主，雪花肥牛和豬腩片都是啖啖肉，配上米線非常滿足，鴨血亦非常滑溜。◡ 2. 鹽酥雞滷肉飯台灣主食，鹽酥雞滷肉飯亦是少不了。想不到，滷肉飯是如此大碗，份量簡直可以由2個人分享，而且滷肉碎盛滿，食落非常滿足。鹽酥雞則額外盛上，餐廳這方面顯示出細心之處，因為可以防止鹽酥雞在飯面變熱因而軟身，另上的話可以保持爽脆口感。◡ 3. 台灣蒜香腸要款台灣小吃，蒜香腸不錯，用來配作小食正好不過。◡ 4. 冷泡白桃烏龍茶 | 冬瓜茶 老鍋的茶類飲品認真不錯，白桃烏龍茶的茶味非常出，再配加上陣陣桃香，飲落舒適。來

#銅鑼灣美食 #小蓮星呑食銅鑼灣🔻 老鍋台式火鍋銅鑼灣駱克道491-499號京都廣場2樓/🧃酸菜養生湯米線叫咗嘅配料有肥牛、鴨血、鮮魚腐，個湯底exactly就係酸菜養生鍋嘅火鍋湯底，食米線都有打邊爐嘅感覺，酸菜同埋養生湯嘅味道平衡得啱啱好，又夠晒開胃。肥牛質素都唔錯，夠晒牛味，鴨血就一貫係咁好食，鮮魚腐好鮮味。/🧃鹽酥雞拼滷肉飯超級大碗滷肉飯，男仔食都夠食，上面仲有好多滷肉，滷肉好肥，啱晒鍾意食肥膏嘅朋友。鹽酥雞好香脆，夠晒惹味。/🧃台灣蒜香腸呢啲小食真係食唔停口，外皮又係夠脆，加上蒜香味， Perfect match。/🧃冷泡白桃烏龍茶估唔到真係有白桃果肉味，好refreshing /////#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

聖誕將至🎄實要約埋一大班朋友打邊爐㗎啦！想食台式火鍋唔洗下下過海嘅😁銅鑼灣呢間火鍋店主打四款湯底：美人鍋、酸菜白肉、麻辣同養生鍋。小編目標就係呢個美人鍋😎等我都靚住過聖誕。🌟 膠原蛋白美人鍋 ($228)近排天氣咁乾❄️最啱食呢個滋補美顏嘅湯底。個湯放咗原隻烏雞落去熬🍲仲有啲金華火腿、杞子、紅棗等，女士們衝啊‼️最特別嘅係佢竟然落埋桃膠😳飲得出真材實料，唔係啲味精湯。🌟 美國梅花豬肉 ($128)/ 貢丸拼蛋餃 / 千張豆葉紙 ($48)豬肉油脂分佈好靚，肉質唔錯。貢丸正常，蛋餃個皮好薄身🥟幾特別。特別提下個豆葉紙😗一上枱就覺得好有趣，薄到張紙咁 食落似腐皮😂放係湯到淥2秒就食得。🌟 五彩鮮蔬雜菌拼盤 ($88)/ 王子麵 ($38)蔬菜種類都ok多 擺得整齊，而且睇得出有揀過。王子麵就唔洗講啦~*另收加一服務費味道：🌕🌕🌕🌕🌗環境：🌕🌕🌕🌕🌑價錢：🌕🌕🌕🌕🌑