老鍋台式火鍋 (京都廣場) (已結業)

我第一次寫食評，真心覺得貴同啲野普通，就係睇到有啲人寫好抵食、原來信唔過，仲要話有8折，點知得9折，我都特登唔出聲，一定無下次唔該改一改，平均消費應該寫每人4至5百😂😂😂

餐廳位於2樓，場地寬躺，座位舒適。有機會都想試下佢晚市火鍋☺️🐓 清甜鮮雞米線鮮雞肉質嫩滑，特別表揚佢嘅雞湯底，飲落鮮甜，有杞子、雲耳同埋菜，真材實料，十分養生，相信佢既火鍋湯底都會好出色。🇹🇼 鹽酥雞拼滷肉飯鹽酥雞同滷肉飯都台灣餐廳必叫食物。鹽酥雞分開送上，確保食既時候外皮依然鬆脆，唔會被滷肉汁蓋過味道同質感。滷肉汁份量多，調味啱啱好，成個飯份量大。-🧄 台灣蒜香腸蒜香惹味，食落微甜。🥤 沖繩黑糖烏梅汁我最中意飲梅汁，十分開胃，黑糖唔算太甜👍🏻-🥥 椰青午市套餐跟整個椰青飲品，真係唔錯，解渴又養顏😚

銅鑼灣食肆競爭真係好大，我喺網上面見到依間評價唔錯嘅台式火鍋，但係嗰陣食午餐，唔想食咁Heavy，決定嗌佢嘅午餐試吓。麻辣養生湯＋白飯麻辣養生湯，除咗可以食到麻辣香味之外，入面配料仲好豐富，有杞子、紅棗、豬紅，冬菇等等，真係好啱女仔滋補，但又唔會有苦味好難飲，仲可以撈飯一齊食！好味！冷泡白桃烏龍茶佢貼心嘅位係，佢係預先有個膠樽裝好，就算飲唔晒都可以拎走，而且泡茶泡得好香，有甜甜的白桃味，茶味都唔錯。手拍小青瓜醬汁有蒜頭，豉油，麻辣味。啱晒夏天食嘅一個前菜。青瓜很爽口，配上麻辣汁，令到青瓜更上一層樓。鹽酥雞拼滷肉飯嘅鹽酥雞超級脆口，仲要拼埋唔係特別肥嘅滷肉飯。成個感覺就冇咁肥膩。真係想一試再試！食完啲炸嘢之後，飲番杯杞子杭菊露就真係啱晒。菊花味勁重飲得出佢勁足料。仲要杯嘢唔係特別甜。啱晒怕熱氣嘅朋友

第二次黎啦☺️今日唔算多人 佢啲位好闊落 坐得好舒服今日基乎一半人以上都係食緊火鍋🤣但我地晏就又食唔到咁多野😂下次一定要黎呢度試吓個火鍋先得！今日同老公黎左食lunch 我地叫咗個養生麻辣養生湯底💓💓有杞子、紅棗同埋雲耳等等估唔到夾烏冬又幾特別😽份量超足料 真係兩個人都食得飽lol貢丸好香好好食🤤 雞件好嫩滑‼️豬皮好似一粒方塊咁 好吸湯🤤🤤鴨血都好好食‼️ 仲有好特別既蛋餃基本上佢既食材真係食到尾都食唔晒小食我地叫左台灣蒜香腸份量都係好大碟😱食落真係啖啖肉另外仲叫鹽酥雞滷肉飯🤤🤤滷肉飯有種食緊梅菜扣肉飯既感覺🤣佢唔似傳統既口感 豬肉油脂感較種所以咬落油香滿溢🤤🤤🤤如果你鐘意呢種口感 就一定要試下‼️佢地既特色冷白桃烏龍泡茶係支裝夏天冰涼消暑 岩晒唔飲甜野既我😊😊又可以消除油膩感☺️#老鍋 #銅鑼灣米線 #老鍋米線 #台灣老鍋 #銅鑼灣美食 #麻辣 #麻辣米線 #養生 #米線 #hkfoodie #hongkong #香港 #飲酒吹水好地方 #美食 #食好西 #威威為食仔 #威威要還債

禁咗晚市堂食咁耐，真係好耐冇食過麻辣火鍋。見佢而家有八五折現金券買，一於嚟食返餐勁嘅。鍾意食鴨血嘅我哋，必定係嗌麻辣鍋㗎喇，佢啲鴨血都有八九舊左右，同埋超多舊蜂巢豆腐，索晒啲麻辣汁之後真係好正。我朋友話未食過去呢度嘅千葉豆紙，所以叫咗嚟試吓，其實係類似腐皮，一放落去個湯度即刻攞返上嚟已經好入味。另外我哋叫咗份黑毛豬肉，唔可以淥得太耐，耐左都係會老，要拿捏到個時間啱啱好，就唔錯。另外我自己叫咗份羊肉片，反而啲羊唔錯，唔會太騷又唔會太韌。至於個肥牛，因為我自己就戒左牛，所以朋友揀咗個最平嘅肥牛，但係最後佢嘅評價竟然覺得豬好食過牛。然後我哋仲叫咗個脆鯇片，佢呢度切都大大塊，掉左落去都搵得返，不過可能因為厚切嘅關係就唔係太脆。另外呢度有冇黑白墨魚滑，兩款都係墨魚滑但係我覺得黑色墨汁墨魚滑嘅比較彈牙啲。另外今晚仲叫咗啲海蝦，雖然細隻啲，但係都好新鮮好彈牙。最後食完咁多肉點少得要叫返個菜嚟食，但係有選擇困難症嘅我，樣樣都想食嘅情況下唯有揀番個拼盤，乜都有啲，一次過滿足晒咁多個願望。

1. 膠原蛋白美人鍋呢個湯底好足料，除左成日見到個啲粟米，仲有成隻烏雞係到，連我平時唔食渣嘅都試下個烏雞🤩🤩真係好淋好滑🤭兩個人黎講，呢個湯底等於免費送左個餸俾我地🤩🤩不過我見其他人有桃膠，而我地個個就好似唔係好見到，可能係溶哂係湯底入面？🤭2. 蔬菜雜錦拼盤呢個拼盤啲蔬菜算多，仲有金菇/粟米/南瓜🎃，單叫黎講都算多元化3. 精選牛肩肉牛肩肉牛味比豚牛拼盤濃，而且肥瘦適中🤩呢個要試4. 墨魚滑墨魚滑好彈牙，而且份量好大😳兩個人食都幾飽肚5. 豚牛拼盤呢個牛有小小似肥牛，冇肩肉咁好食，而個豚肉就算係滑嘟嘟嘅，建議平平地想試哂牛同豬嘅人先叫6. 冬瓜茶/冷袍白桃烏龍茶茶味算濃，係一杯不過不失嘅飲品😜😜✨✨建議想要舒舒服服一班人傾計，可以考慮呢間，價錢唔算特別平，但起碼可以食到有質素嘅食材

滷肉飯最好食😋滷肉汁同埋白飯嘅比例恰到好處，唔會出現最後剩返白飯嘅情況😌👍🏼 雞蛋係糖心蛋添！養生湯米線🍜材料10分豐富，湯底輕輕地，微酸，有種似係泡菜湯嘅感覺。特別嘅材料有珍寶蟹柳棒，豬紅，魚腐，台灣蛋餃～ 全部都係一對一對出現🙃小食叫咗手拍青瓜同埋台灣腸～兩樣食物都正常發揮，當然台灣腸更加香口惹味啦杞子菊花茶最型在於佢係高身啤酒杯🍺上枱😂 鬼佬涼茶杯裝涼茶冬瓜茶我朋友唔鍾意食冬瓜，晏晝覺得都幾好飲，甜到唔算太過分，配滷肉飯鹹鹹地，呢杯嘢飲就適合

大食妹不嬲好鍾意食台灣嘢，之前嚟過呢間台式火鍋店打邊爐，今日行過發現佢有午市套餐，好似幾抵食鹽酥雞配滷肉飯$68個滷肉飯超大碗，上枱嘅時候心諗一定食唔晒點知原來俾咗超多滷肉汁，食食吓唔覺意將成個飯食晒，超正鹽酥雞嘅份量唔算好，多但係都幾酥脆老鍋王牌養生米線$78推介俾大食嘅朋友，呢個養生米線份量十足，有成十款餸，淨系食餸都食到飽台灣蛋餃同貢丸彈牙，雞肉都幾鮮甜養生湯式酸酸地幾開胃冇味精，飲完唔會口渴<台式香腸$20>加$20可以加小食，叫左份香腸，應該有兩條香腸，抵食

之前去老鍋食過台灣麵食已經好想再黎食火鍋，因為午市火鍋性價比好高，平均百幾蚊一個人就食到包埋湯底嘅火鍋套餐，秘製麻辣鍋，最正嘅係湯底係真材實料，以辣椒、花椒、蒜頭、豆瓣帶出麻辣帶勁滋味，帶茴香、孜然等辛香料，增添多層次口感，已經包咗台式鴨血、豆腐。肉類當然唔少得美國安格斯雪花肥牛，油花均勻，新鮮有肉味！不可不提 三秒響鈴卷，口感非常鬆脆，因為是即叫即炸，輕輕拖一下辣湯底，絕對好食😋這裡的冷泡茶是樽裝，消滯解辣一流，朋友試咗冬瓜茶都唔錯！—————————————————老鍋台式火鍋 (京都廣場) (銅鑼灣)銅鑼灣駱克道491-499號京都廣場2樓—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #foodphotography #foodgasm #lunch #spicyhotpot#銅鑼灣美食___🥇Follow @eathkgirls #eathkgirls #食港女

🐝老鍋台式火鍋 (京都廣場) (銅鑼灣)🐝…✨老鍋皇牌米線 (酸菜湯) $78呢個王牌米線真係不得了！🤣一睇就知啲料勁足，超多餸啊，🥰一啲都唔慳皮！有雞肉豬肉豬皮等等，個湯仲要係養生湯，勁健康！😍😍…✨鹽酥一口豆腐拼滷肉飯 $62呢個滷肉飯勁大碗，啲料超足，😋完全啱晒細食嘅女仔兩份share！佢一口豆腐真係超超超好食，完全做到外脆內淋，炸得好脆，入邊嘅豆腐都好滑。🤤…✨台灣蒜香腸 $20啲腸好林，又好香，有台灣夜市嘅味道，令人好想去台灣一轉🥹🥹…✨沖繩黑糖烏梅汁 (跟餐)烏梅汁本身有啲酸味，而黑糖都幾甜，加埋好夾。🥃…✨冷泡白桃烏龍茶 $28白桃味好出，好清甜，仲有少少烏龍茶嘅味，好適合用嚟解膩。🥰😍…整體評分食物：🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍🤍…📍銅鑼灣駱克道491-499號京都廣場2樓

Lunch都要打邊爐🍲難得放假就要慢慢食一餐好嘅！個日專登出咗去銅鑼灣～老鍋～打邊爐🥰好好味今次我叫咗個「膠原蛋白美人鍋」入面有原隻烏雞、桃膠、杞子、南棗、淮山、黨參、龍眼肉等等藥材，另外仲有冬菇、粟米，非常足料！所以令湯底好濃好甜，第一次打邊爐會飲埋啲湯！打邊爐必點響鈴，因為完全吸晒火鍋湯嘅味道😋原隻烏雞出色，侍應姐姐教我地要浸住個湯，慢慢滾啲肉會自然好易分開，肉質好鮮嫩，食到停唔到！食肉獸嘅我點咗個美國梅花豬，呢個推薦大家要試，個梅花豬係一片片，放落去滾1-2分鐘就ok，好新鮮因為食到好香嘅豬肉味，而且好滑！另外仲點咗魚皮餃、豬肉丸、蝦🦐魚皮餃都幾新鮮，豬肉丸入面爆汁💦個蝦好新鮮，啲肉係彈牙，想食海鮮嘅你都可以點！打邊爐必點🔸五彩鮮蔬雜菌拼盤入面有原粒冬菇、金針菇、雞髀菇、南瓜、生菜、菜心、車厘茄！全部都好新鮮，健康之選🥬最後一定要點返個台灣名產～王子麵🍜佢吸晒湯底嘅精華鮮甜，唔洗點醬汁，已經好好食😋出面都有個自助醬料區，好多選擇，而且好新鮮！

今次食野同行有專業攝影師，分享高質食物相之餘，介紹下$289+可以食到嘅2人高質火鍋💰✅ 湯底要左尚膳養生鍋 - 好有人參味，同埋好鍾意入面有蜂巢豆腐，，口感好有層次嘅豆腐😚食到最後個湯底都5油膩，健康之選✅ 肥牛🐂-每片牛起哂雪花❄️，好肥美✅拼盤有鮮蝦，貢丸同魚皮餃 - 大蝦淥1分鐘到就熟，好鮮甜🦐；另外貢丸係新鮮打出黎，好彈牙同埋有好多香菇係入面✅響鈴-火鍋必點之選😍 ✅五彩鮮蔬雜菌盤- 食材新鮮，有油墨菜，娃娃菜，生菜🥬，金菇，本菇，南瓜🎃同粟米🌽

今日天氣涼返少少我就捉咗個朋友一齊去銅鑼灣打邊爐！呢一間叫做老鍋嘅台式火鍋係位於銅鑼灣嘅駱克道京都廣場佢星期一至日都會提供多種唔同嘅自選午餐今日一場嚟到就去打邊爐啦呢度嘅食物選擇都相對地多有唔少望落去都非常吸引！牛魔王呢一個簡直係打卡able不過因為今日人數得兩個就唔叫咁多啦一入到餐廳就覺得環境非常之舒服枱同枱之間嘅距離都好大好闊落所以大家都唔使擔心會話同其他人好Close今日我哋就叫咗一個膠原蛋白美人鍋唔知食完之後係咪真係會變美人呢佢嘅湯底嘅材料都非常豐富當中包括原隻烏雞，杞子，紅棗，淮山黨參龍眼肉，桃膠，仲有其他啲食材包括冬菇粟米洋蔥等等所以一上碟嘅時候成個湯底香氣四溢桃膠平時食開甜品未試過咸食！今次發現有驚喜之後我哋就叫咗五色蔬菜盤，蔥油南瓜粟米金菇菜娃娃菜油麥菜菜心冬菇！顏色鮮艷感覺好似好健康咁哈哈😆色彩亦都非常之新鮮響鈴亦都做得相當，用筷子夾起嘅時候大家要小心好容易一夾就脆到爛咗跟住我哋做嗌咗蝦同埋自家製韭菜餃韭菜餃係有啲特色嘅，有別於平時喺出邊食開嘅味道，而且佢包到好似一個元寶咁好可愛最後我要介紹吓呢一款牛肉，佢係雪花肥牛片！簡直係入口即溶牛味好？而且油脂分布平均

今次試下黎間既打邊爐午市，叫左個美人鍋，估唔到甘健康有豆腐粟米同菇🥰湯底滾起先試幾啖，估唔到好鮮甜相當有驚喜——————🐽 涮鍋小羊肉片小羊肉片厚薄岩岩好，食落一d都唔會有羊蘇未，好大碟唔會因為係午市而份量會小左🐽 千張豆葉紙好似響鈴一樣淥幾秒就食得，無響鈴甘熱氣同脆，但佢比響鈴更加吸汁，每一啖都食到好鮮甜既湯底🤪🐽 丸餃拼盤、新鮮菜菇菜蔬好新鮮，有菇類粟米生菜南瓜油麥菜，份量都唔小，食到尾差d食唔曬甘制😂

我和愛人都喜歡食火鍋，食得又有要求，連湯底都十分著重的！今次來到老鍋，幫襯了二人火鍋套餐，覺得性價比好高！湯底有秘制麻辣鍋、酸菜白肉鍋和養生鍋選擇，我愛人愛美所以聽到養生鍋便開心，以呢款做湯底！湯底已十分足料而且美味，有齊養生的杞子龍眼、唯山等藥材多滋補！肉類有我喜歡的羊肉片，油脂均勻又軟身，新鮮可口！丸餃拼盤：全部自家製的墨魚丸、香菇貢丸、魚皮餃及台灣蛋餃等又有五彩鮮蔬盤，菇類併盤，新鮮又健康！老鍋台式火鍋銅鑼灣駱克道491-499號京都廣場2樓