老鍋台式火鍋 (京都廣場) (已結業)

打邊爐最緊要咩.........要有冷氣😏餐廳地方寬敞闊落，坐近窗邊，有街景睇。🍲酸菜白肉鍋湯底配料超多，有寛粉條、粟米、蕃茄、白肉、磨菇、泡菜、娃娃菜和京葱。湯底酸甜，相當開胃，白肉份量多，應該有提前醃制，最中意食透明既寛粉條😋滑流流的，粟米超甜呀。🦐蝦x4蝦都頗大隻，新鮮，唔霉，蝦肉實淨，食落鮮甜，仲細心到起賣蝦腸， 蝦殼易脫，完全唔洗用手剝都ok,完美😊🥩手切牛肩肉新鮮，有牛味，食落唔韌🍢精選丸餃拼魚皮餃和墨魚丸各2粒，墨魚丸足料，爽口彈牙，食到墨魚既顆粒感。魚皮餃薄，皮唔會過於煙韌🥳三秒響鈴卷最中意食響鈴，夠大條，浸3秒撈起，淋中帶脆🥗蔬菜雜菌拼盤份量好足，有粟米、南瓜、菜芯、金針菇、娃娃菜、生菜、車厘茄、油墨菜和磨菇🍸杞子杭菊露睇落似啤酒🤭微甜，打完邊爐，飲番杯清下熱就岩晒🍹冷泡白桃烏龍茶淡淡既桃味和茶味，消暑解膩我相信係我打得最健康既一次邊爐，菜多過肉😏🤭

好多時講到食火鍋，就會想到一班人，但如果靜靜地兩個人傾訴心事，都可以嘅。我覺得呢度每枱有隔板，好似自成一格，感覺好好。老鍋皇牌(酸菜)養生湯配米線，入面好多料：雞肉、腩肉、香菇貢丸、台灣蛋餃、魚皮餃、鮮魚腐、松葉蟹棒、皇室魚肚、東菇。佢嘅魚肚好厚，唔怪之得係皇牌，另外蟹棒都大條(唔係有雪味)湯底唔係味精湯，飲左唔會頸渴。冷泡白桃烏龍茶，清清地飲落好舒服。鹽酥一口豆腐拼滷肉飯豆腐好鬆脆，炸得唔過火，滷肉夠多，好入味呀⋯⋯冲繩黑糖烏梅汁，係飲得出烏梅味，唔係得個甜字嗰啲嘢，就算係用黑糖，都唔係好甜，更加嘗到烏梅味，好好飲。甜不辣，熱辣辣，一定要沾酸甜醬食。

在銅鑼灣 行街見返舊同事，佢剛好去京都廣場 老鍋台式火鍋食晚餐，叫埋我一齊去，邊傾邊食聚下舊！火鍋店地方都幾大，座位寬敞舒適。酸菜白肉鍋，湯底由老雞和豬肉淆製，奶白色味道甜中帶酸。材料亦相當豐富，有醃製的東方大白菜、極品豬王花腩、QQ寬粉條。酸白菜吃起來爽口而香醇，豬腩薄切，脂肪分明有理。湯底帶著酸果香，風味獨特，香酸醒胃！美國梅花豬，肉質鮮嫩，油質分布均勻，有入口即化的口感。千張豆葉紙，豆紙本身有著香濃的豆香，一片片薄如紙張，夾進鍋內涮幾秒就能快速吸飽湯汁. 口感滑溜還帶一點點嚼勁。

同事由馬拉來到港快兩個月了！盡地主之誼到銅鑼灣京都廣場的—— 台式老鍋! 有美人鍋、麻辣火鍋、養生鍋、酸菜白肉鍋選擇👏🏻好辣的我倆麻辣最為吸引眼球啦 👀 這裏地方、座位寬敞，可容納120人。全使用QR code點餐清楚明瞭。食物齊全有肉、海鮮、餃子類型等等🥰雜菜拼盤精選餃子拼盤黑糖烏梅汁兩杯3秒響鈴卷四條涮鍋小羊肉美國特級安格斯肥牛加拿大珊瑚蚌台灣白鱔片黑松露蝦丸甜不辣麻辣火鍋湯底材料十足！鴨血、凍豆腐、響鈴吸盡了精華，好入味呢！😂其他餸菜如羊肉蘇味不重、白鱔沒有泥味，貪心地再厚一點點就好啦 😂 甜不辣內裡即芋頭。最後當然點了既解渴、解辣及開胃的烏梅汁，味道酸酸甜甜是次再來水準都保持著，可再回來啊！

今次第一次正式食台式火鍋，因為有小朋友叫左椰子雞鍋。椰子雞鍋真係會倒原個椰青嘅水落去，侍應會刮埋啲嘢肉放入個鍋度。建議大家飲咗鍋裏面嘅湯先，飲到夠先開始打邊爐，佢有清湯可之後加入去。個湯好飲，而且入面會有雞塊同埋花膠。我地都叫左好多野食鴨血：ok手打雜丸：麻麻，全部款都好mama雜錦餃子: 魚皮餃同水餃幾好，雲吞同韭菜餃就普通鹹蛋炸魚皮: 正萵筍: 正常手切牛肉：正常稻庭烏龍麵：正常，佢好貼心有個器皿方麵入去，等啲麵唔會周圍走炸番薯：幾好蘋果茶：幾好飲服務ok，整體所有嘢都唔錯，但又未至於好好味，如果九點後入座食物半價我覺得就OK。如果冇折扣優惠就會覺得貴。

香港地一年四季都適合打邊爐。今晚又滂沱大雨🌧️，落雨濕濕，一於打邊爐兼避雨。🙂尚膳養生鍋🥘夏天比較潮濕，雨水多，藥膳養生鍋底最啱。散發著蔘茸藥材味道，好醒神。先嚐湯底，非常清甜，絕無味精。手切牛肩肉🐮🥩打邊爐牛肉是主角。喜歡牛肩肉肉質鮮嫩，肉味香濃。響鈴🔔只三秒己足夠吸盡湯嘅精華，正。海蝦🦐非常新鮮，爽脆鮮甜。餃子🥟餡料十足，調味恰宜。雜菜籃🧺🥬🥒🥕🌽新鮮翠綠，健康之選。

🍽 酸菜白肉湯米線+冷泡白桃烏龍茶 + 鹽酥雞拼滷肉飯+烏梅汁+台灣蒜香腸🍜 酸菜白肉湯米線米線好足料，除咗白肉仲有貢丸、蟹柳、紅棗等等，兩個人share都絕對夠！🍜 鹽酥雞拼滷肉飯+台灣蒜香腸雖然係當小食咁額外嗌咗蒜香腸，但最後我係擺埋入碗一齊食！要讚嘅係佢哋滷肉好足料，蒜香腸香甜美味。鹽酥雞亦都好脆好正，有去咗台灣夜市嘅感覺😂🍜 冷泡白桃烏龍茶+烏梅汁冷泡茶茶味香濃之餘又有淡淡白桃味。而烏梅湯酸甜可口，飲完好開胃！

之前去過老鍋食lunch, 今次就試下打邊爐♨️！自助落單形式，有多款手工丸、餃類、蔬菜海鮮等可以揀😛🔻佢有好多款湯底選擇，例如係膠原蛋白美人鍋、秘製麻辣鍋等，我地就揀左尚膳養生鍋（每鍋$228）入面勁多材料🤩🔻肉類方面就叫左個精選手切牛肩肉$238，好嫩好新鮮😚蔬菜就有綜合雜菌拼盤 $68，好多唔同款嘅菜，多到食唔曬咁濟😂😂另外仲有千張豆葉紙$48，呢個吸左啲湯底之後超正😍😍啲蝦都好新鮮🦐

中午，去銅鑼灣想食台式食物或者養生湯底嘅米線就會諗起呢一間。酸菜養生湯底米線佢嘅湯底飲落有小小嘅藥材味道，味道並非重口味類型，湯底見到有唔少嘅紅棗同杞子，好有養生嘅感覺。 配菜種類十分豐富，個人最鍾意係佢有魚肚同埋鴨血，呢啲出邊食米線比較少見到有。鹽酥雞拼滷肉飯呢一個套餐就正常發揮水準，滷肉飯算係肥瘦平均，味道都平均，呢一個份量都好足夠。台灣香腸有淡淡的酒味，台灣香腸偏向有少少甜味，不錯～冷泡白桃烏龍茶/冬瓜茶冷泡白桃烏龍茶味道清爽，有淡淡的白桃香味，而且佢無糖，夠健康。而冬瓜茶味道甜甜地，夏天飲夠消暑。

放工去食台式火鍋因為想食鴨血我地揀左老鍋秘製麻辣鍋😍😍內有好多鴨血同埋豆腐湯底濃味得來唔會過辣係我鐘意既辣度🥰🥰另外餐廳內設有醬料區可以自由配搭自己鍾意嘅口味👍🏻三秒響鈴卷 半份有4條超愛脆卜卜既響鈴放入湯底3秒，保留香脆嘅口感🥰鍾意淋啲嘅，可以自己再浸耐啲美國梅花豬肉個顏色同切卷得好靚，五彩鮮蔬菜盤有蕃茄菜類同菇類千張豆葉紙第一次品嚐，覺得好得意超級薄嘅一張豆葉紙玫瑰蜜桃果茶首先蜜桃味然後玫瑰味係尾段再出嚟唔會搶咗蜜桃嘅味保留香氣係口中芙香蘋果果茶唔會過甜，係好飲既寬粉條煮完吸收晒湯底嘅精華😍超正🥰另外仲點咗鮮蝦同手打肉丸😻😻

「古式古鄉的台式鮮甜花膠椰青帝王滋養鍋」💖.🎈標題重點.為何說是帝王？原來三黃雞之名是著名皇帝欽賜的名字，下面有詳情。😊 .好好好滿意的一餐，性價比超高，給的價錢，絕對值回票價，食材的質素比付出的價錢要高！超級推介鮮甜花膠椰青三黃雞雞鍋💖還有五星服務!.✅超級推介鮮甜花膠椰青三黃雞雞鍋💖✅花膠多塊，每塊又大又厚肉✅除了鍋本身有不少椰肉外，還有全個椰青的椰青水及椰青肉✅有半隻三黃雞，帝王改名的三黃雞的確高質 ✅鍋湯包聞已超級椰香，飲落更一啖難忘，鮮甜度真的是第一次有這種驚喜感✅五星級服務，媽媽一坐下，想穿件外套，侍應便馬上行過來問是否冷，是否需要調低冷氣，好醒目，之後我和媽媽合照，侍應又主動建議先關爐，避免有陣煙霧影不清唔夠靚，每一位侍應都體貼有禮又醒目✅OpenRice 網上訂位七五折.母親節星期天，打算帶媽媽試下不同餐廳，鎖定了銅鑼灣，食完可以行下街，然後要可訂枱，上開飯啦搵，看到了老鍋台式火鍋，滿足了上述兩個要求 (地點和可訂位)，而且我是母親節前一天才訂，都訂到，好開心，我訂的是午餐，還有75折，我見有很多好評，所以都十分興奮。.🎈環境.一入來，空間感大，枱與枱之間不會迫住，主要

老鍋 銅鑼灣地址︰銅鑼灣駱克道491-499號京都廣場2樓可以同同事出街食LUNCH啦, 之前WORK FROM HOME, 又有同事不幸染病。大家回歸公司齊齊整整, 可以出街食LUNCH了。想食滷肉飯同台灣菜, 近近地去左老鍋。晚市就打邊爐, 中午就有LUNCH SET 。酸菜養生湯麵， 大雜麵一樣，好腩片，豬肉，豬皮，豬肉丸，魚皮餃，豬紅，貢丸，蟹柳，木耳，冬菇等。鹽酥雞拼滷肉飯,炸起架鹽酥雞熱辣辣, 調味粉濃味。 滷肉飯肉碎唔會太肥, 食入口唔怕油膩感。仲跟左小食要了台灣蒜香腸, 台灣腸肥美味道偏甜杞子杭菊露同冷泡白桃烏龍茶健康, 無珍珠奶菜咁高糖同肥, 幽幽菜香。

下雨天的一個晚上🌃連續落咗幾小時既雨，去咗好耐無去過既銅鑼灣打咗個好窩心既邊爐🥘覺得好幸福🥰尙膳養生鍋 $238依個鍋不得了，佢有多款名貴藥材做湯料，我哋見到有一大條人參🫣飲一啖湯底係好濃郁既人參味，我哋飲完一啖又一啖，超好飲🫢精選手切牛肩肉 $238睇得出啲紋好靚 落鍋浸10秒到已經熟哂 食落去口感好嫩滑 唔會太韌🥩三秒響鈴卷 半份 $48 佢係即叫即炸，上枱需時15分鐘，所以食落去一啲雪藏味都無，浸落鍋唔會淋到一舊舊🧠比其他我食過既火鍋店響鈴都出色！.綜合雜菌拼盤 $68蔬菜🥬種類幾多 有栗米、蕃茄、冬菇、雞脾菇、娃娃菜、油麥菜等等性價比幾高，不得不提栗米好甜🙈綜合手工丸拼盤 $108有墨魚丸、蝦丸、流心咸蛋黃豬肉丸、梅菜豬肉丸、芝士牛肉丸，一次過滿足我哋不同願望🤭個人最喜歡芝士牛肉丸，中間釀咗芝士，配埋牛肉丸既味又幾襯🍢麻辣牛肚絲 $58我哋食到唔夠喉，追加咗一份麻辣牛肚絲🥓好好食😋入面分別有青瓜🥒同牛肚，一啖青瓜refresh個口腔，然後一啖牛肚，一開始食落去係麻的感覺，辣味隨之而來🌶依家summer 佢哋推出咗special drink menu，係果茶系列，有玫瑰蜜桃果茶等

前兩日同朋友下午都想打邊爐，就去左銅鑼灣呢間老鍋。酸菜白肉鍋黎親老鍋，湯底我都一定會揀酸菜白肉鍋。呢到嘅酸菜白肉鍋係我試過最濃嘅酸菜白肉鍋，酸味同香味十足。同埋入面有好多材料，有兩份寬粉、白肉、菜、菇、粟米等等。淨係食呢個湯底都夠飽。寬粉好掛湯好入味，好好食。我地另外仲叫左三秒響鈴卷、美國梅花豬肉、蔬菜雜菌拼盤同埋是日精選丸餃拼。三秒響鈴卷有四條響鈴，真係淥三秒就啱啱好，索曬湯之餘又不失香脆。美國梅花豬肉有十片卷得好靚嘅豬肉，味道唔錯。拼盤有唔同種類嘅菇同埋唐生菜，同酸菜白肉鍋好夾。至於是日嘅丸竟然係有皮蛋餡嘅丸，好特別。至於餃就皮薄餡靚，飽滿大隻。另外一人叫左一支冷泡白桃烏龍茶，茶味香濃，飲住涼浸浸嘅冷泡茶咁食熱辣辣嘅打邊爐，真係開心。

前排突然想食台式邊爐，朋友就推介去呢間地點方便又有空間感嘅餐廳。餐廳位置幾大，而且充滿台灣風格佈置仲有新鮮養住的海鮮～因為想滋寶一點，就和朋友點了原隻烏雞美人鍋，真係超足料！湯入面原隻烏雞上 ，配上桃膠、紅棗、超多菇，味道甜甜的幾特別。仲可以煲一陣後即撈起雞來食，肉質好彈口+甜～果然質素不錯點了幾款打邊爐必選食物，特別喜歡黃金咸蛋黃豬肉丸，外層豬肉彈口，入面是好香濃嘅蛋黃😋味道+口感都好好。另外見佢有海鮮食，都點了🦐，新鮮彈口得來都唔細隻～另外他們的美國梅花豬梅肉水準都幾好，是有點厚度得來食落去淋香。蔬菜雜菌拼盤都好多款菜，而且份量都多，吸曬美人鍋湯底精華，好想繼續食多d吃著吃著，不經不覺間原來去了1/3 湯，店員見到後會主動幫我們加湯～店內還播著台灣歌，好有feel。他們的自家製飲品夠曬大杯，特別喜歡冷泡白桃烏龍茶，味道清香😋下次再來打特色邊爐！