老鍋台式火鍋 (京都廣場) (已結業)

星期日出嚟銅鑼灣食野，真係你好恰，呢間野服務真係有問題，食物只係一般，唔明白啲 like 點嚟既。食物：-美人鍋拼麻辣鍋美人鍋味精味太重，麻辣鍋就好一點。-手切牛肩肉嘩，洗唔洗差咁遠呀，見人少就少啲？hub得就hub? 牛肉冇咩味，十二片每片三cm 收二百幾，香港生意點會難做？一樣大把人食。其他豬肉丸，蛋餃，根本不值一提，以下省掉三百字，但服務就要提一提“醒”了。服務：-妙問妙答沙茶醬：沙茶醬沒有了，家人問：有冇沙茶醬，服務員回答，你見到有就有，冇就冇！-沒有蒜泥，但有蒜泥汁問服務員，有沒有蒜頭或蒜泥，答案係蒜頭要切，要另外收錢！在這裡真係想講句話，食客其實幾百蚊食火鍋，食得開心食客食多幾百都冇所謂，但你呢種態度就自然叫人客停止落單，唔知你聽唔聽得明？-半杯水都冇意大利餐廳冇水提供，要落單飲有氣水，呢個我知，但火鍋店就第一次，我食完賣單時見隔離檯給了一瓶水六隻杯，放到枱面就走了，招呼倒水都冇，個客人仲話：嘩！水都唔幫斟！我人數少，自然一瓶水都冇，都好合理姐總結：銅鑼灣同價選多，可必畀人恰

老鍋台式火鍋 (京都廣場)地址: 銅鑼灣駱克道491-499號京都廣場2樓電話: 28186678=====================連假日都有set lunch ,好抵食。因為今日市民唔洗錢坐交通工具，盡完市民責任後去食lunch 啦，早食早享受。鮮雞肉，餐肉同豬腩片架麻辣湯，跟飯或米線，湯唔會太濃，跟左飯當湯同餸咁食。鹽酥雞滷肉飯是台灣首屈一指美食，跟蒜香香腸，即炸雞熱辣辣，香酥好食，會令人成碗飯扒光。個set 連特飲，個冷泡白桃茶同杞子菊花茶冬天飲健康又滋潤，唔會太甜。假日都有抵食lunch set ，我咁精明一定食再來，個滷肉飯係堅好食的。

冬天都唔打邊爐幾時打呢？今次去打台式邊爐，去左銅鑼灣駱克道既老鍋台式火鍋。餐廳係正銅鑼灣港鐵站出口對面，位置方便。呢度有好多四人卡位，枱同枱之間既距離夠遠，有私隱度，座位舒適。餐牌有4款湯底，小食，豆品，肉類，丸類，餃類，蔬菜，其他，麵食。膠原蛋白美人鍋 $228次次黎都係食老饕酸菜白肉鍋，今次就試吓膠原蛋白美人鍋。材料有餐牌上有寫嘅桃膠，原隻烏雞，杞子，南棗，金華火腿，仲有淮山，黨參，龍眼肉，冬菇，粟米，洋蔥，香蔥。材料豐富，真係淨叫鍋都有好多野食。個湯味道好香濃，好重藥材味道。烏雞一開二，好多肉食，皮滑肉嫩，吸左個湯味道鹹香，非常好食。桃膠份量好多，同烏雞一樣，吸左鹹香湯底味道更好。比起老饕酸菜白肉鍋，個人更加鍾意呢個膠原蛋白美人鍋。美國梅花豬肉 $128美國梅花豬肉一客十塊，好粉嫩吓，卷住咁上枱。食落又脆又嫩，豬味又濃，上面有少少沙律菜點綴。千張豆葉紙 $48千張豆葉紙一客8塊，淥兩秒就可以食，又薄又滑，豆味啱啱好，非常掛湯。香菇貢丸半份 $32半份即係兩粒，香菇貢丸好彈牙同味道天然。 蛋餃半份 $32半份即係兩粒，蛋餃既蛋皮好簿，唔會過鹹。木薯粉 木薯粉一大兜，口感非常煙韌有嚼

老鍋火鍋專門店,自選午餐56蚊起,12點起供應至4點半仲有得選配冷泡茶或自家特飲老鍋皇牌養生米線 $78,自選配料湯底麵底,好似車仔麵食法另有台式小吃,午市食火鍋套餐半價起,總結,食午餐最平最抵仲有一人鍋食,總有一款岩你心水另有滷肉系列,都係幾好食既先黎飲品2款,冷泡茶,自家特飲,幾清香唔太甜再黎係滷肉飯,肉碎滷到好軟淋入味,配條菜同蛋一隻食個陣拌勻滷肉碎,又肥又香,入口唔油膩,平平地都幾好食小食鹽酥雞,一口size 香脆肉嫩,份量大碟,粉漿唔厚,幾好食喎再黎就係養生米線,麻辣或酸菜白肉湯底,都係養生系列自選多種配料,有鮮雞肉,肥牛片,牛肚,等等唔同配搭米線索曬湯汁,軟身又滑,好過唔少主打米線既店鋪酸菜湯底酸香清爽,入口順侯唔太酸,肉片份量多,雞肉嫩,肥牛味濃牛肚爽口最後係台式腸,切成片上,似係炸既,但口感都唔錯環境係幾舒適,有卡位或房,人多可坐房,2-3人都可以坐卡位,視乎當時多唔多人消費$199店名 老鍋銅鑼灣駱克道491-499號京都廣場2樓

火鍋停不了，情有獨鍾「老鍋」，打邊爐都可以好養生❤️！膠原蛋白美人鍋先喝一口湯🥣，鮮甜潤喉🥰！入面有烏雞、桃膠、淮山、龍眼肉、粟米、冬菇、紅棗！養生之選❤️！小羊肉厚薄適中，入口軟腍😋！配搭寬粉整成羊肉寬粉，味道不錯😋！香菇貢丸X蛋餃蛋餃皮薄餡鮮，有台灣的味道😍！千張豆頁紙薄薄如紙，原來係腐皮製品，放入鍋滾幾秒食得，豆味香濃，幾特別👍🏻！五彩鮮蔬拼盤🥬🍄拼盤樣樣有，岩曬心多多嘅🐽🐽！

臨近冬天好想打邊爐🍲見好多朋友推薦老鍋台式火鍋就黎試試🤤-呢間火鍋店裝修好靚 入到黎好有古色風味🤩 本來想試下美人鍋同養生鍋 但朋友想食酸菜白肉鍋就點左白肉鍋 但果然冇令我失望👍🏻😍-酸菜白肉湯入面有酸菜 蕃茄 粟米 香菇同白肉 湯底唔會太濃郁 酸酸甜甜好開胃😋白肉食落好嫩 油脂同瘦肉嘅比例啱啱好👍🏻 -✨千張豆葉紙 見豆葉紙好得意就點左黎食 佢真係成張紙咁 但一掂到水就會秒速軟化 湯滾2秒就可以食得 淥完就好似腐皮咁 連質感都好似腐皮 食落好有豆味😋-✨美國梅花豬肉嘅色澤好靚好鮮紅 好新鮮 望落都流口水🤤肉質細嫩 份量亦都算多👍🏻1至2個人食都得✨我哋仲點左香茹貢丸 蛋餃同五彩鮮蔬雜菌拼盤 拼盤有金針菇、秀珍菇、粟米、生菜等。蔬菜都好新鮮！-✨黎到台式火鍋店一定要食王子麵🤣我好鍾意食王子麵 但平時都好少食王子麵所以都點了份👍🏻

早幾日同朋友去左呢間係銅鑼灣嘅台式火鍋店食lunch, 午市有多款自選午餐，價錢一啲都唔貴，好抵食😆👍🏼🔻鹽酥雞拼滷肉飯 $68雞同滷肉飯嘅份量都幾多，兩樣分開上就唔會令到啲雞林曬🤣啲雞炸到好脆，滷肉飯係充滿醬汁，而且每啖都有滷肉😆好味道☺️飲品有沖繩黑糖烏梅汁，酸酸甜甜咁幾好飲😀🔻老鍋自選午餐 $56呢個麵包一個湯底+ 一個主食+兩個配料(追加每款另加$10）+ 一支自家制飲品😙湯底就揀左酸菜養生湯，勁多酸菜呀😍主食就揀左米線，配料揀左墨魚丸、肥牛同豬腩肉，飲品就揀左冷泡白桃烏龍茶😆

plan左要食台式火鍋，係銅鑼灣都有唔少選擇，見openrice上有時段折扣啱，我哋4位就提前book位！也準時到達～駱克道，京都廣場2樓呢度主要有4款鍋底，簡單講：1）美人鍋2）養生鍋3）麻辣鍋4）酸菜白肉鍋我哋之前食過美人鍋，在座又有人唔食麻辣…其實，係我一早就替大家揸主意：食酸菜白肉鍋！😂講真，今次對呢個選擇有少少失望，原因係：酸菜味唔夠重，鍋底唔夠濃味，滾出來的料就冇乜味，比如凍豆腐，寬粉，應該索足湯味的食材，現在只能靠調味料啦～調味料種類唔多，但收費唔平 HKD20.-/人1） 芫茜2）炸蒜3）蔥碎4）指天椒5）豉油6）生蒜汁7）醋我哋冇叫飲品，有免費的茶就OK了😂以下係order的食物：1）精選手切牛肩肉 HKD238.-貌似唔錯，價格也不貴，但呢度手切的唔均勻，有薄有厚，size有大有細，入口啲牛肉偏硬，難嚼👇🏿2）轉試：特級美國安格斯雪花肥牛 HKD218.-又中伏！呢個雪花牛太過多肥膏唔計，擺上檯3-4個字的時間都係硬梆梆，解凍唔到～擔心退去後廚，被加熱解凍……大家懂的😱 最後，我哋用筷子狂插，粘埋3片一起入鍋算罷…因為餐廳有限時喔！👇🏿3）涮鍋小羊肉片 HKD9

銅鑼灣食午飯雖說有很多選擇，但價錢相對其他區都比較貴，今日俾我發現咗老鍋的午市套餐好味之餘，價錢亦相當實惠，而且地方相當寬敞。鹽酥雞拼滷肉飯$68小小塊鹽酥雞鮮嫩脆口，椒鹽惹味，一口一塊，啱晒斯斯文文 的OL。滷肉飯真的台灣之光，平日不太喜歡吃豬的我，這裡的滷肉飯我也把它吃光光，醬香蔥油甘甜，配飯和滷肉碎，真是好好吃。老鍋皇牌養生米線$78超足料的養生米線，湯底有紅棗、枸杞，這個秋冬滋補最需要。餸菜有貢丸、牛肉、魚腐、扎肉和娃娃菜，娃娃菜令米線湯底更清甜🥰，貢丸爽滑、扎肉彈牙，很不錯的午市套餐👍🏻甜不辣，加泰式辣醬，爽彈好味😋冷泡白桃烏龍茶/冷泡雪梨桂花茶，滋潤養顏，秋冬啱曬🥰

天氣凍了 又是打邊爐的時候今次來了試台式火鍋湯底點了美人鍋 湯頭材料豐富 味道鮮甜 下材料前先喝一口 也絕對不會感到口渴 味道濃厚肉類上菜時色澤粉紅新鮮，肉味濃郁爽口 質素上乘配料方面 林林總總 肉丸多汁質牙另外終於試到腐皮紙 濃濃的豆味 亦十分好吃 吸掉湯汁的味道 雖然有點肥仔，但味道十分香濃~~蔬菜籃絕對是健康之選 款色多 可以滿足各人喜好 上菜時材料新鮮 分量亦足很久沒有打邊爐了，就這樣過了一個暖笠笠的晚上 有機會一定會再來~

下午跟朋友在cwb閒逛 到了teatime 肚子又開始咕咕叫 便隨便找了這家台式火鍋餐廳 不過不是吃火鍋 而是叫了兩份下午茶 好像也不錯唷首先我點的是鹽酥雞拼滷肉飯 鹽酥雞皮脆肉嫩 調味適中不會過鹹 肉燥份量比想像中還要多 口感也很好 一點也不覺得油膩朋友那碗是酸菜湯米線配牛肚魚肚墨丸 開頭以為酸菜是雪菜肉絲米粉那種 上菜是才發現比較像是韓式泡菜 有一點點辣味 非常開胃 其他配菜份量不少 除了牛肚魚肚墨丸 也有些紅棗雲耳 就好像坊間其他的藥膳米線 味道不錯 誠意滿分另外我們再加一份台灣香腸 裡面有一丁點肥肉 吃起來口感特別順滑 油香十足最後飲品分別要了冷泡烏龍茶和杞子杭菊露 兩款都沒有普遍台式飲品那種過度的甜 而是一種清新的感覺 個人來說很是不錯

▫️膠原蛋白美人鍋 $228老鍋主打台式火鍋 共有四個湯底: 麻辣 酸菜白肉 養生鍋😚 美人鍋好似特別啲所以試左依款😛 放左成隻烏雞再配埋杞子南棗金華火腿桃膠去烹製 所以味道特別香濃 飲得出係無落味精既老火湯 除咗可以滋陰仲有豐富膠原蛋白可以美顏🤭 所以忍唔住係咁飲😛.▫️千張豆葉紙 $48超新奇的😳 真係成張紙咁 湯滾2秒就可以食到 真係一放落去就即刻軟左 食落有啲似腐皮咁 幾得意😂.▫️美國梅花豬 $98雪花紋好靚 油脂比例同厚度適中 肉質嫩口有肉感～.▫️香菇貢丸蛋餃 貢丸好爽彈😛 而蛋餃係台灣黎講都幾出名 無普通餃咁厚身 用雞蛋直接代替左平時既麵皮 食落多左種蛋香.▫️五彩鮮蔬盤 $88菜盤擺得好靚 蔬菜種類都幾多 有生菜娃娃菜粟米同菇類等.▫️王子麵 $38最後仲嗌左台灣好興既王子麵😚 麵條比較幼身爽口 每條麵條都沾到湯汁 好卦湯😆.總結，湯底真係好足料 湯控忍唔住係咁飲😛 食物嘅定價唔算好高同埋種類都幾多 可以試下台式既特別野 個千頁紙真係幾可愛的😚

冷鋒終於到，又到打邊爐季節，天氣凍起上黎午餐都想打邊爐。午餐打邊爐好處就係食完可以有全日去消化同消耗返啲熱量，咁就冇咁邪惡啦🤭 美人鍋💕淨係個鍋個樣都好靚，湯底非常有誠意，竟然有一隻竹絲雞😜煲住都仍然保持肉質鮮嫩，另外有大量配料包括桃膠、桂圓、紅棗、粟米、野菌、藥材，湯底材料好滋補，味道不俗而且顏色好靚。飲又得，打邊爐都得👍 千張豆葉紙薄薄一片，淥2秒就食得，淡淡豆香，好似一塊好薄又有咬口嘅腐竹，幾有趣，打邊爐後講都幾好味 美國梅花豬煮熟咁都係厚厚的一片，味道唔錯，係牛肉以外的好選擇。 五彩鮮蔬雜菌拼盤打邊爐緊係要食菜啦，叫一個蔬菜拼盤就啱啱好啦👍宜家啲火鍋店都鍾意推出蔬菜拼盤，客人可以叫一個食到唔同嘅蔬菜 貢丸拼蛋餃蛋餃係我其中一樣最愛嘅台式火鍋配料，蛋香嘅餃子皮好好食😋 王子麵著名台灣麵食，第一次攞嚟打邊爐，加埋湯底味道啱啱好👍

港式邊爐就試得多，今日就黎到銅鑼試下台式火鍋店 ，湯底叫咗個養生鍋，估唔到湯底好多料，裏面有人參同埋好多唔同嘅食材，有烏雞、桃膠、杞子等多款滋補食材，湯底好入味，未開始打邊爐之前已經飲咗兩碗湯！🤣而且烏雞足足有一隻係個湯底裏面，一路打邊爐一路煮一路食，食落肉質唔會有好老嘅感覺。涮鍋小羊片，唔會有蘇味幾好食。台灣蛋餃幾特別，嚟都值得一試！五彩鮮蔬盤大大份夠新鮮。整體嚟講，舖頭境幾舒服，食物都幾特別湯底做得幾好👍🏻

第一次台式邊爐 火鍋湯底好多選擇 我就揀左個酸菜白肉鍋 足料 個鍋入面已經有寬粉 我又叫多左份 😅滿足飽 可以meun入面加返個鍋入面有咩配料 叫左份響鈴 一份油麥菜 菜都算新鮮 一份肥牛 肥牛係美國肥牛 手切肥牛略嫌貴價 一份魚片頭 好多塊 黎個抵食 同埋就住有茶位費 大家記住叫茶飲 自己主動講 如果唔係佢唔比茶你 同老公早到兩個人都有卡位坐 份坐時間兩個鐘內還台 服務都幾好 快手 快上菜 餐廳晚市都算做多人 早d到就唔洗等位 最後700幾蚊埋單 黎個價錢台灣鍋係香港食算係不過不失