老鍋台式火鍋 (京都廣場) (已結業)

上星期同女朋友去過銅鑼灣京都廣場就睇吓邊間坐得舒服啲食下野。咁啱女朋友又話想食麻辣打邊爐，就上咗去。「餐廳環境質素一般」，表面睇完全唔屬於貴價打邊爐餐廳。但唔緊要唔係黎慶祝。電子落單體內菜式選擇唔算特別多，「表面睇價錢合理。」一碟手切安格斯牛小排(大碟）$36X，（細）就$28x。我哋2個大人唔算太肚餓叫一碟大應該夠肉食。跟住叫左2-3個非鮮肉類餸、1個菜。成張單連加一要成千蚊。「嘩，全部食物份量《少小少小少》到您唔信，特別係碟大牛！個碟原來好細，牛肉仲要薄切！」一碟實屬兩大啖食哂，我未見過牛小扒係咁兒戲！😪如果照咁計，我一個男人叫3、4碟大牛應該都完全食得晒。其他食材如果用份量計，實屬偏貴，同樣價錢但只有其他中檔火鍋店餐廳嘅一半左右份量，但竟然唔係用靚料。總結實屬非常一般平民火鍋店質素，但就收中階平民火鍋店價錢。你預每成人平均消費400至$500。但亦唔好期待太好食。服務、衛生水平合格。