老鍋台式火鍋 (已結業)

近日天氣急速下降，亦是打邊爐圍爐而坐的季節。都市人都開始崇尚健康飲食，倒不如試「老鍋台式火鍋」。很多人經常性將「養生殿」與「老鍋」混而一談，但確實後者才是高質台式火鍋的先河。踏進「老鍋台式火鍋」滿帶古典的裝潢，古色古香的味道，賣點的美人養生湯底，每位女仕都希望成為美人，大熱莫過於此鍋。精心挑選的食材，新鮮人手製作絕無中央工場，是我最為讚嘆之一。餐牌上的種類繁多，湯底有四款選擇及一款限定系列湯底。特別喜歡此店有黃金鹹蛋黃丸、黑松露蝦丸、自家製韮菜餃及寬粉條等等。全部都是我的最愛，而且人手製作吃出心機。餐紙列明「旗艦店」即將開幕，相信定必客似雲來。一向不吃麻辣的我，估不到會點下「麻辣鍋」。一嚐少辣麻辣的味道，用料方面以多種香料及藥材，混入台式凍豆腐及鴨血等。很多認為麻辣理應有一層油份，但此湯底半點也沒有。難怪餐紙上寫出「誠意用心調製湯頭」，明白箇中的意義。另一款熱賣的湯底養生鍋，海量多的原條人參，以老雞、豬肉煲成的濃郁濃底，當中亦加入多款藥材，人參味道愈食愈濃，可見其湯底，用料十足非常養生。美國特級牛肋肉一卷卷的牛肋骨，特級的薄切牛肋肉，有嚼勁，肉味濃郁；高蛋白、低脂肪的有益食品，油香嫩滑

今日同朋友行SOGO Thankful week,掃完貨就想係附近食野! 係SOGO 隔離既澳門逸園中心3樓就有得食台灣火鍋 – 老鍋! 平日既夜晚都好多人呀, 好彩我地唔洗等位! 呢道特式火鍋有4款，有麻辣，酸菜白肉，美人鍋和養生鍋! 我地揀左1個麻辣鍋, 1個養生鍋!岀面仲有d醬料可以自己拎！麻辣鍋配以多種香料及藥材肴制，仲有鴨血同凍豆腐係入面！好正呀！呢道既小辣都已經好辣！養生鍋配有多種藥材及人參, 以火腿、老雞及豬肉精心肴制而成！個湯底好好味，飲完覺得好養生！d菜同麵吸哂d湯汁，好滋味👍🏻我地點左美國特級牛肋肉，色澤好鮮紅，雪花分佈得好靚，肉質嫩滑，唔會太薄或太厚！我地仲叫左黃金咸蛋豬肉丸、蝦丸、水餃！d丸好彈牙！我自己好鐘意個蝦丸，有好濃既蝦味！個水餃皮薄餡靚，粒粒都好飽滿！即炸響鈴唔會好油膩，仲炸得好脆！豆皮味好重，滾一滾就食得！蔬菜拼盤d菜非常新鮮，種類又多，有冬茹、粟米、娃娃菜......關廟麵吸哂湯既精華，好惹味😋我地仲叫左兩杯杞子杭菊露，下下火先！黎緊12月頭老鍋會係銅鑼灣開旗艦店，到時一定要帶埋班朋友一齊再食過！

老鍋台式火鍋 - 古早味正宗台式火鍋一進門面，蓋章般「老鍋」二字的紅底白字招牌，非常有特色，內裡環境古色古香，橙紅色的老鍋燈籠、深木色的木屏風、木製的桌子椅子、有著特色雕花的碗子瓶子的醬料區，整個古早味的感覺呈現了。麻辣鍋配養生鍋麻辣鍋非常濃烈的香味，湯底麻的比重比辣更強，餘韻非常夠，看得出湯底是以多種香料混合而成，當中加入鴨血、凍豆腐，索滿了湯汁的精華，愈食愈上癮。養生鍋的湯底是奶白色的，沒太多油份的感覺，濃濃的藥材味，當中發現人參等珍貴食材，一喝湯後卻沒半點藥材苦味，相反是清甜暖身，相信是加入大量火腿、老雞和豬肉的關係。特級美國安格斯雪花肥牛油脂分佈非常平均的肥牛，雪花紋理一流，而且不會切得過薄或過厚，涮一涮後入口即溶。美國特級牛肋肉大大片的牛肋肉，肉質鮮美、肉味濃厚，而且肉質較為札實有咬口有口感。手工製拼盤有彈牙起膠的原隻蝦的蝦丸、有惹味潮爆的黃金咸蛋黃豬肉丸。餃類拼盆拼盤包含自家鮮製水餃、自家鮮製鮮蝦雲吞、自家製韮菜餃，水餃雲吞皮薄不易穿，餡料包多而且有鮮味底味。鮮炸響鈴打邊爐必食響鈴，即叫即炸，脆口鬆化。老鍋鮮魚腐煙煙韌韌有咬口，大大件魚腐非常新鮮、魚味特濃。雜錦蔬菜盤 包羅

呢排秋風起涼涼地凍凍地，又係到左打邊爐既季節喇，一於成班一齊圍爐，呢間黎緊12月仲有有旗艦店開幕，食番個足料鍋無走雞。台式既火鍋度都會坐得舒服啲無咁迫，仲用左好多中式既設計，好似一度度木門咁隔開兩邊座位，另外仲有用上木筒裝餐具。揀左兩個湯底，湯底可以揀雙拼底，收較高價錢湯底。《麻辣鍋》($158)配上多種藥材同香料🌶跟番台灣辣多於麻，小辣已經辣度十足，入面仲有鴨血同凍豆腐索哂湯汁。另一個《養生鍋》($228)用左名貴藥材同人參煲成，一兜起真係勁足料，配以火腿老雞豬肉更有陣咸香味，飲落陣人參味真係超重。打邊爐當然唔少得要食牛肉，《美國特級牛肋肉》($218)底層用冰鎮住，有兩層都幾多片，見到牛肉既雪花都好靚，食落肉味重，點落麻辣湯更惹味。另一款必叫既《鮮炸響鈴》($68)，呢間最正地方係即叫即炸，落完鍋食索左啲湯汁，食落唔會油膩仲好脆口。其中好有特式既丸類，《黃金咸蛋黃豬肉丸》($58)，粒粒肉丸都係手工製，入面釀上咸蛋黃，啖啖彈牙肉丸仲有香口既咸蛋黃香。有麻辣湯點可以唔叫個《寬粉條》($48)，仲有個麵兜用夠哂方便又夠哂貼心，淥好之後就會變做透明一條條，吸哂啲麻辣湯勁好食。食左肉之後都

其實好鍾意打邊爐，但係唔一定每次都係一大班人，但係又想食喎，咁點好呢？要搵到兩個人食都可以有唔同嘢食又唔會太飽嘅餐廳真係有啲困難，竟然喺老鍋就可以做到。之前都係起碼四個人一齊食，今次雖然只係兩個人，但都試到六款嘢食，算係好唔錯。湯底要咗麻辣美人鴛鴦鍋。好鍾意麻辣因為唔係好多油，但係又好過癮，仲有好鍾意嘅蜂巢豆腐同鴨血，好惹味！牛肋骨份量都幾足夠，每塊牛肋骨都好大塊，睇吓相入面嘅牛肋片幾長就知道。連滾熟咗都有返咁大塊，超級滿足。丸類，餃類最深刻的是黃金鹹蛋黃豬肉丸，手工制的豬肉丸打得起膠，和鹹蛋黃非常配合，令我想起鹹蛋豬肉餅，香口不油膩。新鮮做的韭菜餃也非常吸引，韭菜能帶起豬肉的味道，令肉類不會太heavy。什錦蔬菜盤台灣的蔬菜果然很鮮甜，尤其是冬菇和南瓜是我的最愛，把剛剛吃下的肉類都解濟了，可以再戰其他美食。鮮炸響鈴非常脆口的響鈴，記住3秒黃金法則，不要讓響鈴變得太棯！關廟麵台灣的關廟麵十分有名，因為台灣的水可以做出更滑更好吃的麵條，而關廟麵就是因為麵條品質良好用來敬神的。這個關廟麵吃下去就是中國的拉麵，果然十分幼滑，好吃！沖繩黑糖烏梅汁，杞子杭菊露打邊爐最緊要是下火的飲品，烏梅汁和杭

那天是那一天那天起已走遠那天是那一個時刻？那天我倆錯過了大家再沒有那天也再沒有重播再沒有那天也再沒有機會回憶你總把我的痛顯露無遺回憶你總把我從夢境中抽出你，再沒有懂我的一刻我，再沒有愛你的一刻老鍋台式火鍋，在尖沙咀也嘗試過麻辣湯底，自那天起已經朝思暮想，但還未有機會再試，有天友人建議吃火鍋，在銅鑼灣也有分店，所以就藉此機會再試，聽聞十二月老鍋會推出旗艦店，連點菜菜單也有提及，有多地方的食客可以嘗到老鍋。湯底點了麻辣和美人鍋，鴛鴦鍋，上次也嘗過麻辣湯，用上蔬果熬煮更清甜，今次愈滾愈有辣勁，麻香濃郁，豆腐及鴨血也是必備的材料。美人鍋用上足料竹絲雞，入囗滋潤補身，加上桃膠增加骨膠原。特級美國安格斯雪花肥牛牛肉油脂分佈均勻，牛味濃郁，紋路分明，燙過兩三下已經滿滿麻辣香氣，入囗偏麻帶香。餃類拼盆每粒也是飽滿，肉質彈牙，皮薄餡靚。老鍋鮮魚腐鮮魚腐軟綿綿入囗充斥湯汁，魚味不會腥。寬粉麵淥過數分鐘便可以食用，滑溜順囗，半透明的質感。沖繩黑糖烏梅汁 / 杞子杭菊露 烏梅汁入囗不會太死甜，酸溜溜的味道更醒胃，解膩感也不錯。老鍋一向質素高，八點多已經滿座，建議可以訂座留位。

又到打邊爐既季節啦！今次揀左去老鍋！平日既夜晚都好多人呀！我地叫左鴛鴦鍋 一個養生鍋，一個麻辣鍋😋養生鍋 有唔同既藥材、人參、火腿、老雞及豬肉精心肴制而成麻辣鍋 (小辣)有唔同既香料、藥材, 調製既湯底加入鴨血及凍豆腐, 口味非常道地我地仲叫左美國特級牛肋肉、鮮炸響鈴、雜錦蔬菜盤、關廟麵 等左陣個湯底好快就到左！當湯底滾左之後，先黎既係關廟麵！原本想等埋其他野先食，但等左好耐都仲未有！鍋入面既凍豆腐、鴨血已經俾我地食哂啦！😖唯有食住個麵等其他野食啦！我地將個麵落左麻辣鍋到，索哂湯好辣呀！估唔到小辣都咁辣😍正😋😋鮮炸響鈴係即叫即炸，所以要等耐d！美國特級牛肋肉賣相好新鮮，下面仲用左冰鎮住架！肉質好嫩滑，牛味仲好突岀！

近日秋高氣爽，齊齊打邊爐就再適合不過。上次和男友到訪老鍋，經已是一年前的事情，尤記得當時初嚐台式養生鍋和鴨血等等，感覺新奇，印象深刻。這一年，台式火鍋在香港大紅大紫，到訪過數間火鍋店，亦有到台灣旅遊，一試當地元祖火鍋店。然而最為美味的，仍然要數第一次在老鍋吃到的養生鍋和新鮮食品。一年後，來到位於銅鑼灣的分店，鍋底選擇跟之前相類近。據說十二月頭將會開設旗艦店，特設期間限定的湯底跟食物，實是期待。點了一個當鴛鴦鍋，麻辣湯底不能少，另外encore了滋補又美味的美人鍋。打邊爐前，嘗一口湯頭不可少。美人鍋主要有桃膠、烏雞、杞子、紅棗、桂圓等等，材料數之不盡，相當豐富，另外麻辣鍋有鴨血、凍豆腐等配料非常美味。這個鮮炸響鈴真係不得不試，因為呢個響鈴真係炸到脆卜卜，沾埋湯汁一齊食時更顯惹味。蝦丸、黃金鹹蛋黃豬肉丸老老實實佢啲手工丸非常足料，特別蝦丸用咗原隻鮮蝦嚟整，真係啖啖蝦肉。黃金鹹蛋黃豬肉丸就幾有特色，豬肉丸內裏包着鹹蛋黃味。蔬菜拼盤蔬菜相當新鮮，而且種類都幾多，可以每樣都食啲都幾開心。特級美國安格斯雪花肥牛、美國特級牛肋肉牛肉非常新鮮，而且份量都唔少，而呢兩款牛肉都各具特色，但整體水準都唔錯。

香港人其實真係好鍾意打邊爐，基本上一年四季都會喜歡，特別冬天更加唔少得。最近天氣轉涼最好就係同朋友一齊打個邊爐啦。今次同朋友就去咗老鍋呢間台式火鍋店。當中佢哋食物種類非常多，點餐紙當中仲見到佢哋嚟緊十二月開旗艦店，到時再去幫襯吓先。鴛鴦湯底(美人鍋+麻辣鍋)佢哋嘅湯底真係非常足料，首先美人鍋內除咗有烏雞之外，仲有桃膠、杞子等材料非常養顏。不得不佩服佢嘅烏雞真係相當嫩滑，認真堅好味道。麻辣鍋內裡就有好多凍豆腐同埋鴨血，味道唔錯。鮮炸響鈴+老鍋鮮魚腐佢個響鈴真係非常推介，即叫即炸上枱時仲係熱辣辣，沾上湯汁一齊食時仲相當鬆脆，非常難得。魚腐都唔錯相當鬆軟，且食時不失魚味。特級美國安格斯雪花肥牛+美國特級牛肋肉牛肉份量都幾多而且望落都非常新鮮。味道方面雪花肥牛嘅牛脂較為甘香，且十分滑溜。而牛肋肉相當重牛味，個人就鍾意牛肋肉多啲，因為佢牛味真係好濃。手工餃(黃金鹹蛋黃豬肉丸、蝦丸、自家鮮做韭菜餃)個人都幾鐘意黃金鹹蛋黃豬肉丸，因為佢都幾有特色，豬肉丸內裏包着鹹蛋黃相當惹味。蝦丸用咗原隻鮮蝦，味道鮮爽。緊接當然唔少得蔬菜啦，呢個蔬菜拼盤相當豐富。入面有有娃娃菜、西生菜、金菇、南瓜、粟米等食材相當新

老鍋進到餐廳 坐無虛席，裝潢和台灣的火鍋店無分別。 有古典的燈籬和木制傢俬。服務員是說台式普通話，十分有趣。 坐定定，好大陣湯底傳來，即刻肚餓。 叫了個雞湯底。濃濃的藥材味傳來。喝一口雞湯，還有清甜的玉米，本人認為完全無味精。烏雞是原隻上，體積是較細，但鮮甜無比，肉質嫩滑。比起任何一間吃的都嫩。兩個人每人吃了一半的烏雞，已飽了一小半。另外叫了娃娃菜，配清甜的湯一佳。烏冬及鮮蝦雲吞都好味，雲吞的肉質實正，鮮夠新鮮爽口。小吃叫了個椒鹽炸豆腐，皮簿内軟。茶樓的水準完全比不上。廚師的工架不錯。

其實去依家老鍋火鍋已經食咗好多次，好似兩個月內去咗五次...頭嗰三次點嘅嘢食都係差唔多，安格斯牛啦、黑松露龍蝦丸、台灣A菜、台灣腸、雲吞、水餃、魚腐...如果以台式火鍋嚟講，真心覺得味道唔錯，食咗頭三次之後，每次平均$350至$400一個人，其實以火鍋來講都有啲貴， $400可以去食海鮮，所以喺WeChat見到有7折coupon賣，就馬上再book位啦⋯⋯結果去到個肥仔侍應話要最少提早兩日book位，仲要將coupon no.提早提供比佢地過好晒數先可以去食！我真係笑咗，乜你會知道自己未來兩日後食火鍋會食幾多錢架？你係驚WeChat唔俾錢你呀？定係驚我用假coupon呃你呀？係愛定係責任啊？係生意好咗，想賺到足囉！不過我話你知，銅鑼灣競爭咁大，我諗火鍋店超過30間，你咁嘅服務態度，新鮮感過咗之後就唔會再嚟！

愛在深秋打邊邊.. 近日台式火鍋四起.. 養生鍋更加大受歡迎.. 美人鍋更加係人氣當道今次就揀咗老鍋台式火鍋同我兩位好姊妹一齊攬炒🤪我哋揀咗台式麻辣鍋同埋酸菜白肉鍋.. 湯底係完全唔掂嘅...台式麻辣嘅香濃完全欠奉.. 酸菜白肉鍋嘅白肉係有臘肉味既牛肉👍🏾 魚腐👍🏾萵筍🆗響鈴👍🏾炸芋頭👍🏾綜合餃子👍🏾台灣白鱔👎🏿 炸豆腐👍🏾總括嚟講啲料尚算OK嘅不過啲湯就實在...... 三個埋單$13xx..貴咗D.. 💰💰💰💰💰

因在銅鑼灣放工，所以來了這間打邊爐我們一早book了7點，我們7點就來到。看到有些人沒有book，結果只可以等9點我們點了美人鍋，當中有烏雞、栗米、杞子、南棗、金華火腿所製成湯底十分鮮甜，我和朋友也跟了幾碗烏雞十分足料，而且很夠肉地是原隻，斬開了一半肉質鮮嫩，而且很入口木我們又點了鮮蝦雲吞，有8粒。雲吞中的蝦十分大隻爽口我們又點了鹽酥一口豆腐。一口豆腐炸得外脆內軟，入口即溶我們又點了娃娃菜及烏冬，都很大碟。用娃娃菜及烏冬打邊爐，把湯汁都吸收了，十分滋味

訂左6:30枱，即時有位，大約八成枱有客人，坐下5分鐘後點菜，之後30分鐘内冇人理，要叫才有人上茶，叫的飲品要在落單後40分鐘才上枱(其間巳不停追，員工態度很好，但就係要40分鐘先有),湯底在落單後50分鐘才上枱(追的效果和以上情況一樣),第一碟菜在落單後55分鐘才上枱(我係食火煱，啲嘢好似唔使烹，酒樓都冇咁耐)，最後上枱係一碟手切牛肩肉，已是落單後一個半小時(要切個半鐘，勁), 員工仲要同我講手切牛肉係耐啲(係好有禮貌咁同和講, 哈哈，問你死未)。唔介意等咁耐，請隨便。食物質素，新鮮，但和一般火煱冇大區別。環境，一般，但冇乜冷氣，好熱。

上海的朋友過來香港，決定帶她去台式火鍋店嚐嚐！其實之前已經試過到尖沙咀分店，當時吃了人均消費約$500，以為因為當時只有兩個人進餐才那麼貴，覺得其實味道也不差，決定再試一試銅鑼灣分店，原來即使有六個人也是差不多要約$500人均消費！其實湯底如烏雞美人鍋味道不錯，也有一些在其他火鍋店比較難找的火鍋食材供應，例如羽衣甘藍及冰菜。。。但是價錢真的太貴了，有點不值！尤其是後來發現原來一些訂座軟件有半價優惠，更覺得自己十分愚笨！另外，侍應們也不太積極，態度不是很好，可能是我們真的太煩了吧！我們真的要檢討一下！