老鍋台式火鍋 (已結業)

香港人其實真係好鍾意打邊爐，基本上一年四季都會喜歡，特別冬天更加唔少得。最近天氣轉涼最好就係同朋友一齊打個邊爐啦。今次同朋友就去咗老鍋呢間台式火鍋店。當中佢哋食物種類非常多，點餐紙當中仲見到佢哋嚟緊十二月開旗艦店，到時再去幫襯吓先。鴛鴦湯底(美人鍋+麻辣鍋)佢哋嘅湯底真係非常足料，首先美人鍋內除咗有烏雞之外，仲有桃膠、杞子等材料非常養顏。不得不佩服佢嘅烏雞真係相當嫩滑，認真堅好味道。麻辣鍋內裡就有好多凍豆腐同埋鴨血，味道唔錯。鮮炸響鈴+老鍋鮮魚腐佢個響鈴真係非常推介，即叫即炸上枱時仲係熱辣辣，沾上湯汁一齊食時仲相當鬆脆，非常難得。魚腐都唔錯相當鬆軟，且食時不失魚味。特級美國安格斯雪花肥牛+美國特級牛肋肉牛肉份量都幾多而且望落都非常新鮮。味道方面雪花肥牛嘅牛脂較為甘香，且十分滑溜。而牛肋肉相當重牛味，個人就鍾意牛肋肉多啲，因為佢牛味真係好濃。手工餃(黃金鹹蛋黃豬肉丸、蝦丸、自家鮮做韭菜餃)個人都幾鐘意黃金鹹蛋黃豬肉丸，因為佢都幾有特色，豬肉丸內裏包着鹹蛋黃相當惹味。蝦丸用咗原隻鮮蝦，味道鮮爽。緊接當然唔少得蔬菜啦，呢個蔬菜拼盤相當豐富。入面有有娃娃菜、西生菜、金菇、南瓜、粟米等食材相當新