老鍋台式火鍋 (金馬倫道) (已結業)

大熱天氣 都無阻我和媽咪、細妹打邊爐的熱情。今次帶媽咪試下尖沙咀‘老鍋台式火鍋’ 環境闊落 裝修古色古香～湯底媽咪揀左‘瑤柱海皇冬瓜鍋’ 夏天限定 可以清熱降火。湯底賣相好精緻 湯底清甜 足料 又帶子又蝦仁 未開始食 已經飲左好幾碗。台式小食～ 鹽酥雞 一口size! 熱辣辣 香脆 ☺️Juicy. 麻辣牛肚絲 正呀。爽口入味 不過真是幾麻辣～ 炸魚皮 響鈴 一向係火鍋不二之選。呢度既炸魚皮好特別 有咸蛋黃 好鬼惹味。響鈴即叫即炸 淥3秒就夠啦～自家製水餃 好足料 皮又夠薄 蝦肉好多 冇乜肥豬肉 正。手打丸拼盤都是必食。梅菜豬肉、芝士牛肉、墨丸、蝦丸、流心咸蛋黃豬肉丸。誠意之作 彈牙得來 真材實料。仲叫左火鍋必吃既安格斯肥牛、脆鯇片。食材都幾新鮮。推介 西蘭花苗 清甜爽口 有益！順帶一提 老鍋和御茶王做緊promotion, 憑滿$10既單據有抽獎又有優惠 唔好錯過呀！

早排屋企先整完冬瓜盅，今日食個冬瓜邊爐先。冬瓜功效包括利尿，清熱，化痰，生津等等，夏天食就最岩，而老鍋嘅冬瓜盅係期間限定，海鮮配料包括帶子（新鮮），鮮蝦（彈牙），蟹棒（唔係平野），加埋滑雞柳，啖湯都清甜d！打邊爐前飲碗湯先，冬瓜逐漸煲開，清甜嘅瓜味，加埋海鮮嘅鮮味，其實煮湯唔落鹽絕對係可以品嘗倒食材嘅原味，前提係食材夠新鮮，時令。把冬瓜切開，等佢再淋d入味d, 先先食左帶子，蝦同蟹棒，再放入另外柯打嘅配料， 牛肩肉算係幾大碟，而且食倒少少酥嘅牛味，咬落軟淋唔刷子膠！另外叫了個娃娃菜，同冬瓜一樣浸滿了湯汁份外清甜！因為原本冬瓜鍋已經份量澎湃，就無再特別叫咩火鍋配料，但話明台式野，無理由唔試下人地台式小食，包括台式香腸同埋臭豆腐！台灣香腸其實真係幾好食，係夜市必食之選，估唔到越來越多香港餐廳有得食，證明其實大有市場。香港臭豆腐唔係人人愛（至少我係香港唔敢食）但台灣臭豆腐就係台灣食過幾次，質感係唔同嘅！咬落脆口，點甜醬食係最佳配搭，如果可以大舊d一定滿分，嘻嘻。仲有仲有，不得不提嘅係新竹米粉，新竹出名米粉其實唔洗人講都知，但打邊邊都係第一次，爽口彈牙，同湯一齊食爽呀！平日夜晚店內幾乎滿座，店

呢個星期無咁忙，終於有時間陪阿媽食飯，book好位同佢食佢至愛既火鍋～老鍋（台式火鍋）。室內裝修充滿住中國風味，而且好多屏風分開好多區域，令客人有多一點屬於自己既空間感！原來呢度仲有空外地方可以食火鍋，呢期太熱我都係坐係空內好d，如果冬天在室外火鍋，應該會幾正！醬料區，有齊基本既配料如：蔥，辣椒，香油，豉油等...... （其實唔太需要醬料，因為個湯底已經勁夠味！）美人鍋😍全隻烏雞，夠哂滋陰。另有，淮山、杞子、圓肉、南棗、桃膠，夠哂明目養顏，啱哂我同阿媽！安格斯雪花肥牛好香濃牛肉味，入口即溶，好味！韮菜餃新鮮自家制既韮菜餃，皮薄鮮味！響鈴卷新鮮香脆！蕃薯苗新鮮份量多，食落唔會有渣。寛粉條吸哂湯既精華，食落彈牙！我至愛既....... 夜市炸臭豆腐已經有兩三年無去台灣，真係好掛住台式臭豆腐啦！外面卜卜脆，裡面熱嗱嗱，帶一陣陣好香既臭豆腐味！杭菊露清甜菊花茶，消暑清熱解渴！開心同阿媽食左餐好味又豐富既火鍋！下次約埋老豆先！

慶祝朋友生日，朋友揀左老鍋台式火鍋。一坐低即刻揀左湯底先，去得台式火鍋，當然要試下佢地個麻辣鍋啦。麻辣湯底超香，叫左小小辣，入面已經有幾塊鴨血同冰豆腐，滾幾滾已經入曬味，好好食。夜市炸臭豆腐即叫即炸，好香口，外脆內軟，寫明係台灣直送，必點！響鈴卷呢度即炸響玲係必試呀，新鮮即叫即炸，即食都好好食，好脆！就算放落麻辣湯到都唔會即刻淋曬。手切牛肩肉有驚喜，睇個賣相已經知唔錯。雪花紋理清晰，肉嫩，油脂香，牛肉控必點！蕃薯苗打邊爐比較少見有蕃薯苗叫，其實呢種菜好適合打邊爐，快熟，掛湯力高。餐廳比既份量都好多，正。桂花蚌 魚皮餃桂花蚌新鮮，份量多又大條，爽口鮮美，好食。新竹米粉米粉配麻辣火鍋超夾，索曬d湯，餐廳仲有特別既器皿去裝住d米粉，好貼心。

今晚要呻吓，約左老友去歎台式火鍋，盡訴心中情。佢介紹左呢間，入到場見到D裝修幾特別，一間一間好似包箱咁，又幾有趣喎。但室內一早已 full, 我地唯有坐室外，唔算好熱亦另有風味。但需要強冷氣人仕，就請早訂位。連醬料 corner 都充滿東方風格。夜市炸臭豆腐 $48頭盤小食係台式臭豆腐，熱辣辣又「臭崩崩」臭豆腐扁扁地，食落好脆口，質感亦比較實正，同平時食開港式的不同。唯獨提供的醬汁只有甜醬，如果有埋辣醬就 perfect 了。一客六件都係四十幾，性價比算不錯！原隻椰青三黃雞鍋 $168用上原個新鮮椰青煮的湯底，滾起真係特別香，特別甜。打開蓋望望，都幾多料架。新鮮雞㷛起，望住佢，緊緊熟就好食啦！配上椰子肉，粟米同紅棗等，真係好滋味的，飲啖湯先。精選手切牛肩肉 $198火鍋豈能冇牛？叫左碟手切牛肩，大大碟又靚靚仔。食靚牛最緊要專心，控制好時間，咪 over cook ！有囗感又夠淋，加上個湯底，鮮甜得來又唔會搶牛味，認真爽皮。皮蛋貢丸 $58第一次食皮蛋貢丸，外層是爽口的貢丸豬肉，內裡則是熱到辣嘴的皮蛋饀。都幾過癮，但記得攤凍先食，小心燙口。響鈴卷$68招牌菜式，餐廳話係現制即炸的，感覺比

今晚一行四人黎到尖沙咀打邊爐，朋友話老鍋好食，所以我們即管去試一試。有新湯底，即管叫來試試！瑤柱海皇冬瓜鍋，勁足料勁清甜。生津利尿！雪花肥牛卷得好靚，切得夠薄，好快就熟，而且脂肪適中，味道鮮嫩！食落有種食左入口即溶既感覺！脆骨腩片：平時好驚食魚，但依個真係好好食，又爽又脆口又新鮮。稻田烏龍麵：烏龍麵係台灣的烏冬，有個好貼心的安排，有個小器皿去盛載烏龍麵，唔會散了又唔會痴底！烏龍麵彈牙、通透，好有口感，好食。

上星期同小胖男友收工去左尖沙咀打邊爐湯底我地揀左清清地既原隻椰青三黃雞煲職員哥哥真係即場將成個椰青倒入個"老鍋"入面湯底未煲滾 食住台灣小食先甜不辣聽得多 但真係未食過質感有d似日式炸魚餅 點埋帶甜既辣醬 味道唔錯(唔知係錯覺定袐製呢 小妹仲食得出混入左少少芋頭既香味)叫左兩杯烏梅汁開開胃 預備食餐勁既打邊爐點少得靚牛牛碌一碌就食得 除左第一次食既甜不辣 我地仲試左一種第一次見+食既菜小妹覺得呢種蘭花苗個樣似係芥蘭同西蘭花既合體 味道幾好食 偏向西蘭花味 但就多左份口感好攪笑打邊爐竟然都有山竹牛肉食?! 牛肉球除左有濃厚既牛肉味同芫茜味 仲好爽口 小胖男友都讚好食食左一輪 湯底都仲好清 可以當湯飲 奶白色既湯底好香椰子既味有靚湯底可以食埋響鈴同烏冬 勁滿足

今晚去左一間由朋友介紹既火鍋 朋友話貪佢既環境好食物又唔錯 所以我地就上左去啦 侍應安排我地坐左一個有屏風隔住既位 我地傾計既時間都唔會有人眼金金望住我地 的確唔錯我地叫左個椰青雞煲做湯底 因為用新鮮雞件既關係 所以d雞肉係幾嫩口 而且最意外既係佢用一個椰青既倒d椰青水入去 所以真係好清甜呢個一口豆腐好有特式 一層層脆卜卜好有口感 感覺似臭豆腐 但係唔臭 啱晒唔鐘意食臭豆腐既人食呢度有咸蛋魚皮食呀 原來用咸蛋魚皮黎打邊爐都好正架wor 雪花肥牛既脂肪唔算太多 感覺上冇咁肥同埋牛肉味重d仲叫左菜苗餃同埋蕃薯菜 而且仲有寛粉條 出面好少有 薄薄得黎但又煙煙韌韌咁 好特別通常打邊爐都有少少熱氣 所以我地叫左兩邊杭菊露

天氣好熱，但都不減打邊爐的意欲。再次黎到位於尖沙咀金馬倫道的老鍋台式火鍋~今晚人唔算太多，所以相對比較清靜! 除左原始的湯底，店員話有兩款新湯底。我地揀左瑤柱海皇冬瓜鍋，咁熱的天氣可以消暑，用黎打邊爐又可以降火。用料足，原個冬瓜，仲有金華火腿，蟹柳，帶子，蟹子，大粒蝦米，乾瑤柱，淜雞件。咸蛋黃炸魚皮非常出色的小食，好新鮮、香脆，咸蛋黃又足，食唔停口。炸響鈴都係脆卜卜，淥兩秒仲好鬆脆，唔會淋同唔會太油，仲索左湯。蕃薯苗從來都未食過蕃薯苗，特登點黎試下，菜好新鮮好淋，幾特別。

冬天要打邊邊，夏天亦要續繼滾～無論什麼季節、天氣都阻止不了港人對烚下恰下的熱愛！近年台式養生鍋興起，大家比從前更追求健康。我們就是被這個 棷青三黃雞鍋 吸引而來的。棷青水解渴生津、清涼退火，正好抵銷打邊爐的燥熱。湯底用上原隻雞件，三黃雞出名鮮甜味濃。在未加其他配料前先喝一碗原汁原味棷青水，湯底清甜鮮味，棷味馥郁。時間差不多，試試雞件，煮得剛好、彈牙有雞味。安格斯雪花肥牛，油花細緻地平均分布。輕輕烚一烚就已經可以，肥牛肉質鮮嫩而不油膩，令人忍不住吃完一塊再一塊。這裏的蘭花苗名字令人期待，口感跟西蘭花差不多。一口豆腐比想像中大件，豆腐金黃酥脆，咬下去有汁彈出。菜苗餃皮薄餡靚，粒粒都非常飽滿。素菜餃味道清新，與湯底很夾。魚皮分量頗多，咸蛋黃佈滿魚皮，香濃惹味。可惜多吃2塊就已經有點膩～杭菊露足料，以菊花為主，明目養肝。吃完炸魚皮立即喝一口降降溫，清暑解膩一流。烏龍麵浸軟後軟綿綿，有點像烏冬，亦有點像蒟蒻，Q彈有嚼勁。放在湯底烚一烚吸盡湯汁，滑嘟嘟的全都滑進肚子。

香港火鍋店黎講，我個人最鐘意食老鍋！🍲知佢有新湯底即刻黎試下先～新湯底就係原隻椰青三黃雞鍋！椰青同雞都係即場望住佢落，夠晒新鮮～佢仲會比匙羹係食椰青肉，我地食左啲又放左啲落湯入面，令成個湯更鮮甜！野飲我地叫左《杭菊露》，唔會太甜又解熱氣！《夜市一口豆腐》外表炸得好脆，但入面都算滑而且有豆香，加熱個醬真係好有夜市風味！《蕃薯苗》第一次食蕃薯苗，都幾嫩～《安格斯雪花肥牛》肥脂分布平均，牛味重，肉質軟腍～《寬粉》呢個係我每次食老鍋都必嗌嘅item! 有咬口，質地好，又唔油，輕盈！《山竹鮮牛肉》平時飲茶就食得多喇，打邊爐又真係少啲，都幾盞鬼！《響鈴卷》呢到既響鈴卷係呼聲好高既item，比出面大好多，同埋應該係自己炸嘅，夠新鮮！我自己就好中意佢新出既湯底！雖然其實佢好多個湯底我都好中意😛

火鍋真的是百吃不厭，朋友們也大都是火鍋控，這天和朋友撐枱腳，她約我到位於尖沙咀老鍋台式火鍋店。環境算寬闊舒適，裝潢設計帶優雅中國風。調味料齊全。原隻椰青三黃雞鍋 $168鍋很大，內有些椰子肉、粟米、紅蘿蔔、芹菜及紅棗，而雞和椰青水會即時加入鍋內。雞的味道不錯，口感紮實有彈性；湯底很重椰香，味道偏濃，椰青雞鍋的話，個人喜歡更清淡一點。夜市一口豆腐 $48很香口，咬下去脆脆的，就這樣吃會太乾太寡，點甜醬會好一點。安格斯雪花肥牛 $188油脂分泌佈平均，口感油潤軟嫩，牛味也不錯。菜苖雜菌餃 $48皮薄而餡料飽滿，內裡除了菌類，有粟米、芹菜、甘荀等，所以口感豐富，味道清新健康。響鈴卷 $68炸得夠香脆，口感不會很空虛。蘭花苗 $42就是長柄的西蘭花，味道帶甜，不錯。寛粉條 $38幼身寬粉很快可以吃，口感煙韌有彈性。杭菊露 $28內有菊花、杞子及圓肉，入口啖啖菊花香，味道不會太甜。價錢不算親民，但八時前離座或九時半後入座有8折，會化算一點。

香港人一年四季都鍾意打邊爐，今日老公話想打所以就嚟哩一間試吓。由於今日係星期六，有好多優惠都唔可以用，全部都要用正價，都冇乜所謂啦，最緊要食物質素高。老公想食酸菜白肉鍋，而我同亞媽又冇特別話想食乜嘢湯底，所以我哋冇叫鴛鴦鍋。哩個酸菜白肉鍋同我哋平時食嘅有少少唔同，好奇怪有粟米丶番茄同冬菇🤷🏼‍♀️其實味道就唔怪嘅，不過同我喺台灣食嘅酸菜白肉鍋真係唔同囉！我叫咗鵝肝墨魚丸同黃金鹹蛋黃豬肉丸，因為哩兩隻丸出面冇見過。鵝肝同墨魚丸原來都幾夾，鹹蛋黃豬肉丸就唔可以煮得過熟，因為𥚃面d鹹蛋會硬，如果肉丸浮面即係啱啱熟嘅話，嗰啲鹹蛋係會流沙咁正🤤另外我地叫咗鮮炸響鈴，雖然佢話要15分鐘製作時間但係唔使三分鐘就送到喺你枱面；我地叫左個細嘅手切安格斯牛小排，哩個真係好好食，好有牛味，但係又真係有少少膩，所以三個人叫一碟細嘅已經足夠。之後老公叫咗一碟海鮮拼盤同牛骨髓，我個人就覺得冇乜特別。環境方面，我哋被安排坐喺餐廳最入面，冷氣完全唔充足，未開始食已經覺得冷氣唔夠涼，食落就越嚟越熱🥵🥵老公要不停叫嘢飲消暑，最後發現原來佢哋有冰水提供🤦🏼‍♀️。

又係朋友聚會啦 今次佢話要去食台灣過江龍老鍋台式火鍋店 呢間舖頭網上評價一致好評 今日就嚟食下 閒日嘅夜晚都勁多人 book咗八點鐘到全場爆滿 餐廳裝修用上好多中式屏風 令到成個環境好有私隱首先講湯底叫咗個鴛鴦鍋一邊係美人鍋另外一邊當然係台式火鍋必點嘅麻辣鍋啦 美人鍋入面有花膠 烏雞仲有桃膠 索曬雞湯嘅味道唔錯 麻辣鍋唔太辣但都幾麻下 入面嘅豆腐同鴨血同樣索曬辣汁嘅味道 夠過癮醉雞半隻 酒味濃郁而且雞肉入面都滲出淡淡酒香 雞肉滑溜黃金魚皮 唔係度度都有 重要即炸咁有誠意 魚皮夠脆身 包上超邪惡勁惹味嘅鹹蛋黃醬 即食又得用嚟打邊爐亦得即炸響鈴 脆卜卜唔太油膩 而且份量好多水蓮菜 個名好特別 原來係台灣獨有嘅一種蔬菜 望落似綠色嘅意粉 食落爽脆 無草青味好食梅菜扣豬肉丸 非常特別食落似媽媽嘅梅菜蒸豬肉 哈哈有創意

台式火鍋🍲係我既最愛，今日就黎到位置尖沙咀既老鍋打邊爐😆位置非常方便，就係尖沙咀B2出口隔離。我哋order左原隻椰青三黃雞鍋，湯底係好靚既奶白色。一滾起就即刻飲左碗，有香濃既奶香，仲有椰青既清甜，配埋烏龍麵一齊食好夾。脆骨腩片夠曬新鮮。除咗火鍋配料，仲有台式嘅小食。我最鐘意鹽酥雞，脆卜卜，雖然望落去平平無奇，但肉質幾嫩，仲好香口。而麻辣牛肚絲真係好麻辣，口感軟稔。咸蛋炸魚皮香脆好味，咸蛋醬唔會太膩，推薦！我地嗌左兩款菜，分別係蘭花苗同蕃薯苗，蔬菜新鮮，當中我媽咪就好鐘意食蘭花苗，口感好似食緊西蘭花🥦咁。響鈴都唔錯，輕輕一淥就食得～