老掌櫃東北菜館 (利奧坊)

营业中

休息中

之前食過老掌櫃嘅北京填鴨，結果念念不忘幾個月終於忍唔住走去再食多次。 一坐低就毫不猶豫咁點咗一份北京填鴨，叫完同行朋友是但嗌多兩個餸就走咗去廁所，因為其他菜式喺我眼中只係一篤屎，我只想食北京填鴨！而隻鴨果然冇令我失望，層皮燒到紙咁薄 但又好香脆，下面嗰層厚度剛剛好既肥膏食落一啲都會肥膩，HI ANUTIE! 真係好L好食！一個人清左大半碟，朋友問我怕唔怕膽固醇超標，我義不容辭繼續食。另外點左個紅燒羊扒同秘製杭州醬豬仔骨。羊扒好厚，但煮到好淋，食落入口即溶，哥人嫌脂肪有點多。食唔出個杭州醬有幾特別，但系好食既。餐廳既炒青菜同羊扒豬仔骨差唔多，覺得有啲唔抵食所以冇叫，成晚餐飯都系食肉，食到最後有啲滯。順帶一提，當日系星期五晚上去，7點左右已經好多人，好彩我當時系 walk in 最後一個 即刻有位，其他枱都已經畀人book曬。最後我望住眼前隻鴨... 再出面排緊隊嘅人... 心涼到內心爆左句「慢慢等」～

疫情當下，為時了多久差不記不起，半懂半不懂久久違了的食飯吹水，對上一次飲飲食食也忘記了在那時，總之約齊人腳就來到這間街坊大排檔？東北菜？茶記？都分別唔到是怎樣界別這餐廳？她的排頭叫老掌櫃，令我想差不多是孔乙己同掌櫃的酒店。當日去到炎炎夏日身水身汗，我哋透過OpenRice 訂枱，點知比我們約的時間早到了，我們就找這裡的掌櫃入坐但早到了她就安排了要我們準時地入坐，最後我們總算入坐了，菜式是特別的，啤酒是香港品牌的，掌櫃是美女的，廚師手藝是好味的，總之這裡有著這小説當中的情懷及氣氛，之乎者也！

這家店是朋友食過說味道不錯，之前食過荃灣分店的外買覺得幾好味，而且格錢合理，今次食都無失望朋友都話好食。我哋係無預約先打電話去確認仲有冇位，店員話唔可以留位叫我哋7點前去到比較少人，但我哋去到都要等咗一陣，所以大家去記得book位。去到秘點片皮鴨，三個人食半隻已經份量好夠食，另外點了一個涼菜千層豬耳、炸黃花魚、三鮮水餃和酸辣湯。上菜速度算很快，先上涼菜豬耳口感脆涼拌醬味道爽口開胃，食食下片皮鴨就到啦，鴨每個部位都有，鴨片肥滋滋的油食到滿口香，帶肉帶片的多層口感，配大蔥青瓜加甜醬包餅皮食一樣香，可以講一碟鴨食出三種層次。對比下黃花魚就失色，炸是炸到外脆內軟的，廚師可能手快洒太多椒鹽味道有點咸。因為這家是東北菜餃好也很出色，皮的口感Q軟是手工餃子皮，餡料也很新鮮多汁，可以一個人食一碟都唔會膩。酸辣湯很多料份量也很多，一開始是酸酸的不會很辣，忍唔要一碗白飯黎攪酸辣湯，超好餸飯份量都足夠建議4個人黎食會比較好，因為很多菜都想食，看見隔離枱都好大碟好好味，下次再嚟食過

一踏入餐廳，人多得似去了街市，不誇張，門口位置已經很多人站著等位，有的走進店內等，位置不多，但要放很多外賣單，可見這家店生意無敵好。大家坐得很逼，整家店最暢通就是這條通道了。店員忙得很，幾乎要拉住她才會理你，但我也能理解，因為真的很忙，很多枱的客人走了，連收拾枱面的工作也沒有人做。全餐飯最欣賞的是每碟菜都很夠熱，而且價錢真係很相宜，份量也大，相信就是這麼多人的原因。☞☛砂鍋雲吞雞雞湯味道香濃，但菜不多，這裡有半隻雞，雞也燉很入味，至於雲吞則普通，大約有5至6粒。☞☛糖醋龍利柳講明了是龍利柳，吃得很方便，沒有骨頭，啖啖肉。☞☛四喜烤夫這個不推介，烤夫像發脹了棉花，已經軟掉了，完全沒有咬口，調味也不太好吃，很淡。☞☛紅油抄手就是砂鍋雲吞雞裡面的雲吞，不太好吃，說辣也不是很辣，不也香。☞☛半隻片皮鴨價錢不貴，質素相對也不高，切片切得很厚，肉和皮的比例是9:1，很鞋。☞☛豆沙窩餅跟我平日吃的樣子不一樣，但這個出奇好吃，雖乾但不油，比較似烙餅，中間的豆沙不會過多，不錯。☞☛乾扁四季豆略油了一點，但好香很好下飯。

近來看了一段片皮鴨大比拼的短片，當中老掌櫃相當吸引，馬上訂位去試一試便知龍與鳳🐉荃灣分店早已全滿，唯有轉去大角咀總店，幸好仍有6時可訂.準時去到已經人山人海，由於大角咀偏舊區，完全出乎意料的有這麼多人來支持，四周餐廳仍是門可羅雀，而其他食客不少說著流利普通話，反映出餐廳味道應該相當正宗，我對今次晚餐充滿期待🤩 餐廳主要走自助路線，餐具藏於每張檯下的抽屜，點菜要自己填寫編號菜名下單，所以餐廳沒有收加一服務費🤑 🦆片皮鴨(半隻) $168 8/10據知如果不是晚市頭輪，就必需要預先訂定才有。等了15分鐘就片皮鴨就到了，鴨肉身上還有冒著點點煙氣，鴨皮色澤很亮麗，沒有焦黑，脂肪不算太多🥓但聞到鴨油香。鴨肉帶有肉汁，夾在餅中也能添加滋潤感覺，麵醬不會過甜，配合鴨肉也毫不遜色，大蔥香味足餅皮厚薄適中，有點煙韌🫓 🫑青紅椒炒鴨架(半隻二食) $60 6.5/10當片皮鴨吃到一半時，炒鴨架就到了，青紅椒香味很足，吃落仍有爽甜，但醬汁非常重口味，鹹得令人受不了，鴨架仍帶有不少肉，味道還好🥲 🥬木耳炒津白 $64 7/10炒菜是第一道上菜的，蒜蓉香味十足，津白多汁入味，雖然偏油但也是不錯的小菜。 總結而言

之前在大掌櫃大角嘴舊舖幾乎每隔三數周就會去吃晚飯的店，留有非常不錯的印象，相對店的定價, 一直認為店的出品是好食抵食的。今次是我在它大角嘴新店的第一次用餐經驗，有別之前的晚餐，我今日是在下午近兩點去試這店的午市套餐，我點了店有名的秘製杭州骨， 另加小吃涼拌木耳及熱豆漿。首先來了熱豆漿，只是微微暖，濃稠度正常，個人喜歡它不太甜。涼拌木耳的調味水準正常，味道是不過不失，但是大熱天時點涼拌菜所期待的冰涼感覺全沒有，涼拌菜式但室溫上菜，不冷不熱的直接影響這道菜式的味道和口感。最後主角上菜是秘製杭州骨，實在是太令人失望，上菜時出品份量十足，小排骨密密佈滿一碟，並配以炸過的薯仔塊，濃稠的芡汁緊緊的包在肉和薯仔上，色澤均勻光亮。當我把肉放入口中時，首先嘗到的是酸酸甜甜的味道，酸甜度平衡，味道不錯，可惜當我再咬落去，排骨的肉竟然是又乾又柴起唒渣，每件排骨的肉和骨比例很不均勻，大部分是骨多肉少，吃到肉多骨少的也沒什麼意思，因為都係乾柴有渣，實在很難吃下去。反而薯仔入口外層微酥內層粉糯，水準合格之上，可惜吃到後面，碟底的油實在太多，大部分薯仔浸到油淋淋，最後唯有放棄。總結今次的用餐經驗是，感覺店對食品處理

朋友講左好耐話想食呢間東北菜，今次終於陪佢黎試下！酸菜魚好大份，好香🤤 有好多好多酸菜，魚冇骨而且好滑，辣度啱啱好，少少麻🌶 非常開胃，係驚喜地好食！底下仲有薯粉，索哂d湯，夠哂惹味😍北京填鴨唔駛介紹啦，半隻好大份，而且肥瘦適中，呢個份量兩個人係完全食唔哂！杭州骨就骨較多，肉較少，配有菠蘿同薯仔🥔 薯仔粉粉，好好食🤣 個汁酸酸甜甜，送飯真係一流！最後叫左拔絲蘋果做甜品，店員提醒要快d放入凍水度過冷河先食！過左凍水後食落好脆！之後有幾舊放耐左未過水就開始癡底🤣 不過呢個菜式好特別，熱熱地甜甜地，可以一試！整體而言，價錢非常合理，可以話係抵食，份量超多，服務都好好🥰 不過大家千祈唔好好似我地咁眼闊肚窄😂 我地最後食唔哂，拎左3盒外賣走😂

成日都係去食日本嘢 好少何食中菜🙈 雖然我哋兩個都麻麻哋中餐 但係就對片皮鴨情有獨鍾🥰 好鍾意捐窿捐罅去搵黎食😆 今次介紹嘅呢間餐廳 抵食夾大件😂但係兩個人食再嗌多個餸同埋甜品 就有啲多🤯 如果一大班人食會更加好💓🌟北京填鴨 $168呢間片皮鴨價錢親民 味道亦都相當唔錯👍 做到皮脆肉滑嘅效果😆🌟拔絲蘋果 $68今次我哋冇食高力豆沙 反而試咗呢個 估唔到外甜內酸 幾特別😋📌 老掌櫃東北菜館 (利奧坊) (大角咀)大角咀嘉善街18號利奧坊.凱岸地下G708-G709號舖🚇港鐵奧運站C1出口, 步行約4分鐘📌 老掌櫃東北菜館 (富達廣場) (元朗)元朗西菁街23號富達廣場地下19-24號舖📌 老掌櫃東北菜館 (海之戀商場) (荃灣)荃灣大河道100號海之戀商場2樓2006號舖🚇港鐵荃灣西站C出口, 步行約1分鐘

秘製杭州骨 $78 排骨 瘦多肥少🤩易脫骨 大細適中👍🏻 薯仔🥔多數都煮得夠粉👌🏻只有少數比較大舊既薯仔夾生  味道酸中帶甜🍋🍯夠惹味 好開胃💯 略嫌排骨份量唔算多 主要係食薯仔😿  京蔥羊肉餃子🥟 $46 羊肉餡帶火少羊羶 尚算juicy 餃子皮有咬口✅ 肉三鮮餃子 $44 餡料較上次食少 但依然鮮甜👏🏻個人認為比羊肉餃好食🥇 京醬肉絲 $88 松鼠魚 $88 北京填鴨(半隻) $168 以上菜式上次介紹過就唔再重覆啦  整體而言， 味道好似有少許退步🤭餃子餡料無咁飽滿 但味道依然正宗 菜式調味偏重 行濃油赤醬風格🍾🧉🧂京醬肉絲同松鼠魚調味過甜 而杭州骨同京醬肉絲底都好油🥵可稍作改善👩🏻‍🍳

對上一次食已經係兩年前。最近同朋友講起好想食北京填鴨，大家都即刻諗起老掌櫃。佢既北京填鴨真係好厚肉，好juicy，鴨皮充滿油香 ，加埋煙煙韌韌既餑餑皮、爽口既青瓜大蔥一齊食，口感真係一流，真係食到停唔到。除左北京填鴨，仲想同大家介紹下水煮魚，鐘意食辣既朋友真係要試下。桂花魚上面舖滿左辣椒🌶️，真係夠哂辣。魚肉好爽口，底下仲有滿滿既芽菜、薯粉，佢地索哂啲辣汁，真係愈食愈過癮，愈食愈興奮🔥。

#Fat99eat大角咀❤️我相信有食開東北菜既人都會識呢間老掌櫃佢出名價錢夠親民 但份量同質素都高😺Fat9一諗起片皮鴨都會想黎食呢間東北菜🥴不過佢搬左位 之前個舖位唔係係呢條街但個距離同舊舖位都差唔多 唔係話好難搵拿 隔左一排冇去食過既人要留意番個地址喇😀﹊﹊﹊﹊﹊﹊﹊﹊﹊﹊﹊﹊☞ 片皮鴨(半隻) 168$黎到緊係必食佢個片皮鴨啦🤭基本上你入到去見到差不多張張檯都有碟片皮鴨架喇 差在係叫一隻定半隻架姐🤤兩個人食半隻再叫多樣野都好夠皮架喇😛佢呢到既片皮鴨係真係幾抵食 份量夠多 隻鴨啲皮同肉既比例剛剛好 你睇相見佢啲色水都好有光澤 啲皮係令身🥰而且隻鴨夠鴨味 唔好覺得呢句野廢 當你食過一次冇鴨味既鴨 你就知道呢句鴨有鴨味唔係必然 Fat9係過來人🥲佢呢到既皮Fat9認為係比出面個啲厚身啲 但反而Fat9覺得幾好食 更加有咬口啲😯👍🏻﹊﹊﹊﹊﹊﹊﹊﹊﹊﹊﹊﹊✎ 水煮魚(龍脷柳) 108$佢呢到既水煮魚有分兩隻魚 佢另外一隻水煮桂花魚就268$ Fat9食開龍脷柳所以就點番龍脷柳算喇😹我想講如果你鐘意食辣 食到辣既話真係要試下佢個水煮😋夠哂辣夠哂麻 勁香口 食到Fat9個咀都痺痺地🤩而且佢啲

約番啲同學出嚟食飯，大家一嚟就揀返呢間，因為以前都食過大家都想再encore。環境方面呢就四四正正，坐起嚟舒服，不過呢就有啲逼，同隔離枱嘅距離比較近，而餐廳環境都比較熱鬧。但係總括而言呢我自己就唔覺得咩大問題嘅，因為呢間啲嘢好食同埋上菜快。唯一唔好嘅呢就會係要等得耐，所以呢預約定係非常之重要。嘢食方面呢我自己就冇點食過東北菜，唯一食過呢間令我印象非常之深刻，佢嘅菜式好有特色，就算係平平無奇嘅菜品，都會令你有一種回味嘅感覺。咁首先講碟醉雞先啦，因為實在太肚餓喇食咗少少先影相，佢肉質結實但係又唔會係死實嗰種，質感啱啱好。溫度來講唔會太凍，食落口唔會有個種雪咗好耐嘅感覺。而關於個醬汁方面啦，酒味濃郁，香味撲鼻，入口嗰時呢都會覺得口腔裏便都係比呢種醉雞味充斥着，但係又唔會太霸道。仲有一點，我個人覺得因為雞皮有尐脂肪，對我個人而言呢就覺得非常惹味，夠晒肥美。上面幅相左上角，係清炒萵筍，咁呢就唔會話好鹹真係清清淡淡嘅啫，但係呢反而食到萵筍嗰種爽甜咁，同事又唔會話係青澀味太重。當食其他菜食到一半覺得有尐太重口味嘅時候，食返兩條萵筍呢對我來講就啱啱好中和咗少少，可以繼續戰鬥。如果你自問食嘢都比較清淡啲

我成日嘈住要食片皮鴨 男朋友終於肯帶我去食嚕🔸片皮鴨叫左半隻都好多 未去到好好食 而且個醬有少少咸 但呢個價食到又咁大份都唔錯架啦 唔好要求咁多🔸砂鍋雲吞雞煲覺得呢間d野食唔太friendly，嗰半隻雞沒切細舊，成半隻咁上，都唔知點食湯較淡 雲吞好食 建議多人先好嗌黎share🔸松鼠魚條魚都係好大舊，希望可以再切細舊d方便食用，但味道黎講超出想像出好食 酸酸甜甜 推薦推薦🔸高力豆沙必試 好特別 又好大粒 好多糖 Overall, 建議多人聚餐，因為d餸都幾大份，貪心叫多幾個餸 最後食到個肚勁撐

以前在舊店見到每日都人頭湧湧，都未有機會試一試，今次約埋 @foodie_cadi @flatwhiteandfood 一齊去食可以叫多啲嘢食。意想不到搬咗新店擴充咗就算訂咗枱都仲要等多陣，因為實在真係太多客😮。見到價錢經濟實惠份量又大又多，真係唔係講笑，絕對達到平靚正嘅水準😋———————————————————————————🍽北京填鴨🐦💬當然唔好諗嘅係有幾講究，一大份有成十幾塊，連埋餑餑皮、青瓜🥒、京蔥，京醬，已經好滿足超抵食🤤.🍽砂鍋雲吞雞🐔💬點咗半隻雞，點解可以咁大鍋🙈，雞湯好濃郁，雲吞細細粒但湯味已滲透入面，仲有好多菜🥬，實在太過份😅.🍽松鼠魚🐠💬從味道同性價比絕對係無得輸，賣相不夠精美已經不再重要，酸甜度恰好，雖然用上龍鯏魚🐟但又炸得香脆，粉醬亦唔會過厚，不錯喎😋.🍽地三鮮🫑🍆🥔💬太飽諗住食啲蔬菜中和吓，點知又係飽肚感，份量超級多，難怪枱枱都食唔晒要打包😅.🍽高力豆沙💬一碟四件，熱辣辣，豆沙餡爆滿，蘸上沙糖食無得輸😋

朋友介紹此間東北菜味道不錯，特此來嘗試。 現場環境爆棚，可能很好食？非常期待。入座即叫招牌北京填鴨，入口果然非常滋味，鴨皮燒得脆口，鴨肉軟腍，連餅皮和青瓜一起吃十分好味，可惜餅皮太少，份量不足。水煮牛肉滿滿一大盤，牛肉面芽菜粉絲底，賣相與份量不錯。但牛肉煮得耐，有點韌，還可接受。麻婆豆腐落了很多花椒，麻而不太辣，適合不太吃辣卻又想過癮的人。糖醋魚片應該算是最普通的菜色，只是咕嚕肉轉了魚片，味道也算正常。