老掌櫃東北菜館 (利奧坊) (裝修中)

限聚令既情況下，2個人去呢間食野揀到既菜式都比較小，所以加埋只揀到4款。四川擔擔麵 - 本人怕辣就揀左小辣，但個人認為唔洗揀小辣，因為碗麵變左完全唔辣🤣味道，湯底同份量整體而言係唔錯，未到好好味，但對得住$44。蔥油拌麵同擔擔麵評價一樣，唔會太過突出，但都唔會令人失望。（$38）涼拌海蜇皮 - 由於本人極討厭芫茜，黎到既時間都嚇左下，但又因為太愛海蜇皮，頂住上試左啖。好彩海蜇完全唔吸味，唔食芫茜既朋友只要挑開佢地就得，而且麻油味好香濃，連青瓜蘿蔔絲一齊食好夾。（$64）京燒羊肉 - 驚喜！我好中意食騷味十足既羊，配埋孜然粉就100分。而呢碟羊肉完全meet到我既要求，每塊有肥有瘦，個皮仲要係脆架！下次去一定會再點（$128）至於服務方面，各方面都唔錯，入到去waitress都幾熱情咁帶位，交帶完要點點餐，擺好晒碗碟先會行開，唔洗成日舉高隻手叫人幫助🤣

在附近探完朋友想說找些什麼吃吃也沒什麼特別想吃的餐廳單純路過看到這家蠻多人的所以想說入內嚐鮮～那麼多人應該不是很雷吧！因上只有和豬豬兩人所上不能點太多的菜就點了平常必點最愛的四季豆🤩回鍋肉與烤鴨還有ㄧ個銀絲卷😂沒選炸的，選了蒸的。果然多人有多人的道理⋯⋯食物可以價錢合理如果鹹度在少ㄧ點點應該會更完美但至少味道都是好的！兩人都還是吃完烤鴨打包帶回用炒的也很好吃皮和肉的數量都很合理不會有皮多肉少的情況但餅皮在Q彈ㄧ些應該會更好

有朋友食過介紹呢間食片皮鴨好耐無食特別覺得好味不過鴨片得有點厚，京蔥亦唔夠脆咬唔開皮就做得幾好，幾薄青瓜都切得比較大條食到一半配料已經包哂，問侍應添加係可以的，不過可能太多人唔記得俾我地，要再問多次叫咗碟海鮮水餃，熱辣辣還可以皮都唔算厚，主要黎食個片皮鴨耐無食係可以去吓

聽朋友講呢間野幾抵食，走去試，專登泊咗架車喺後邊街。個商場乜嘢都冇開，唯獨是得呢一間野有，疫情期間都坐滿下咁質素應該會有啲保證。扁皮鴨蔥爆牛肉 糖醋骨全部都好正 值得一試

朋友介紹.....真的像發現新大陸一樣，咁多年來最好味食片皮鴨，絕對值得再來。片皮鴨一上檯，口罩也未除下，已經被鴨的香氣撲鼻😋😋😋從未試過有這樣的感覺，配上特製醬，口感簡值絕配，青瓜又夠新鮮同爽脆。點了韮菜餃，飽飽地仍然可以繼續食，看似皮厚，口感一點都不厚，超好味，值得再叫。唔記得叫咩餅，看見隔離檯叫，我哋又叫兩個味一嘗，唔油又香，仲要滿滿的餡料，抵食加好味絕對配得上。辣辣的青瓜海蜇，真材實料，一定夠麻辣🤪🤪🤪

行完山，突然想黎老掌櫃食野，就walk in黎。星期日夜晚，4個人，排左半個鐘，都算唔錯啦。叫左半隻鴨(無叫二食，上次試過，一般):係皮凍左少少，熱番d會好食d清炒萵筍:正常，好食，唔會太油乾煸四季豆:正常，好食，唔會太油杭州骨:正常，好食，不過偏多骨雞絲粉皮:正常，好食，唔會太膩豆漿:唔甜，幾好飲，店員話係自己磨既每人埋單都係$120，食到好飽呀!

係舊鋪岩岩開時食過幾次，果時覺得又平又好食，依家再食味道已經變得冇咁正宗！？脆椒香雞 lunch set以前必叫既菜式，又香又辣，特別是d花生會食唔停口。但依家再食已經冇左之前果隻鑊氣同香脆辣，有D失望。但lunch以47蚊有咁大碟既雞，係算平既。招牌咕嚕肉 lunch set見到招牌兩個字，之前又未試過，就叫個黎試試佢。冇出面餐廳d咕嚕肉咁多汁，冇醋酸味，只有輕微鹹甜，肉有少少脆邊，好在肉唔肥，味道還好吧。

同事介紹呢間東北菜，打電話book位期間要決定訂吾訂北京填鴨， 由於我哋只得三個人又想食其他餸所以只訂半隻北京填鴨。一行三人叫了6碟餸，半隻北京填鴨，京燒羊肉，清炒萵筍，東北肉皮凍，銀絲卷。北京填鴨半隻都好大碟，但每塊肉都得好少皮變咗好似食肉一樣不是食緊皮， 但幸好肉質 都算鮮嫩，夾埋d配料一齊食，都算一碟性價比高的菜式。京燒羊肉， 冇騷味，皮脆唔韌， 半肥瘦， 係全晚最好食嘅一碟餸。清炒萵筍，食落鮮甜。東北肉皮凍， 我自己唔太鍾意食呢啲啫喱狀物體,所以冇食到。銀絲卷，冇咩特別。

朋友推薦老掌櫃，首先話超多人幫襯，又講到食物質素一流，價錢又抵Book唔到位，walk in真係超多人，等左差不多一個鐘。一睇餐牌，價錢算係幾親民，半隻北京填鴨都唔駛200, 其他小菜幾十蚊咁。點左燒茄子，無想過燒茄子係汁煮咁。我滿腦的燒茄子係分開一半加d汁去燒。茄子非常油膩同咸，食唔到其他味糖醋里脊咩唔係一條條的，但我地食到的係菠蘿咕嚕肉，里脊同咕嚕肉是否同一樣嘢？里脊肉的肉質同咕嚕肉好唔同，亦唔多餐廳有糖醋里脊，如果兩者是相同食物我無話可說。但online search咕嚕肉同里脊肉的圖片係不同，最少糖醋里脊唔落菠蘿。你地唔煮糖醋里脊可以改餐牌做菠蘿咕嚕肉呀兩樣餸顛覆左的一直以來的認知我一見到炸銀絲卷立即點，又一次失望，炸得唔通透，外皮唔脆，咁已經係唔駛多講這是否一間老字路？我入到去只覺得似快餐店，填完紙仔到上菜，真係同大家樂速度一樣，由坐低到食完可以45分鐘內攪掂，如果你想揾一間有食物有質素，可以傾計，相對坐得比較耐(雖然無時限，但食完幫你收晒碟都唔會全得耐),不建議。好多人話性價比高，食完我覺得過譽。價錢可接受，但食物質素(唔係太咸就無味),環境令我唔會再幫襯

由一間舊區小店 開到有分店 由小舊舖搬去大新店 仍然人氣不減 十分旺場👏🏻之前第一次係幫襯大角咀舊店 一直知道好多人幫襯好受歡迎 無book位嘅預咗walk in有排等 我有朋友試過晚市等咗兩個鐘🙈明智嘅我當然book定位留定鴨 平日大約六點 去到 半場滿 到走時未夠八點 見到排緊幾枱◽北京填鴨(半隻)$168就有半隻 今時今日真係好平 有機會賣晒 記得預留◾麻醬蒜泥茄子麻醬同蒜泥好夾 蒜泥再辣啲仲正◽紅燒肉燉粉絲條大愛粉絲條 好煙韌◾辣子雞丁再辣啲會更加正 送飯一流◽東北農家炒飯主要係各種蔬菜粒粒 例如蕃茄/粟米/芥蘭等等 加埋蝦仁炒成 好香好惹味全部都份量十足 我地兩個眼闊肚窄叫咗咁多 當然食唔晒 仲要打包返屋企受歡迎嘅原因相信除咗款式多 好味之外 價錢平亦係好吸引嘅地方 我地叫左以上5樣野食 另外仲有1枝啤酒＋2罐汽水 埋單都唔洗五百 太抵了吧😱

老掌櫃經營香港少見嘅東北菜，早前喺大角咀另一條街嘅舊鋪已被收購重建，我亦都去過幾次。搬咗去利澳坊後，地方光猛闊落咗，整體坐得舒服咗好多，雖然啲凳依然係擺得比較密。是晚最殺風景係隔離檯某人兄，講嘢下下好似街市賣餸咁大聲，明明同佢同檯嘅人都唔係咁，有冇必要呢？今晚兩個人嗌咗5個餸，其實係太多不過全部都幾好食。先來嘅係《花雕醉雞》，份量十足嘅雞肉非常嫩滑，雞皮好薄而皮下脂肪成啫喱狀，高水準。花雕汁酒味濃烈，證明冇偷工減料。呢碟係《醋拌茼蒿》，其實係意外嗌錯，以為係『萵筍』。雖然兩種菜差好遠，不過呢碟個陳醋汁做得非常好，而且唐蒿質素高，無平時最怕嘅草青味。《醬骨架》用咗Baby Ribs 嘅部位來做，同正宗用豬脊骨唔同。呢度做得較為腍身，汁偏甜而不夠鹹，食落有少許似鹵水。不過豬肉質地好，所以雖然唔夠但正宗味道尚可。《東北大拉皮》嘅重點在於煙靭嘅粉皮同埋碟底嘅醬汁調和得好好，令人一口接一口。其實仲叫咗個《酸菜豬肉餃子》，都係非常美味，可惜無留相。

由以前細鋪仔開始食起 每碟餸都好好食又大碟 價錢又唔算貴😆最近見佢都開左分店係荃灣西 但係都決定去返大角咀本店到食 不過本店其實都搬咗新舖位 空間大左 坐得舒服左😌叫左幾碟前菜-雞絲粉皮同埋拍青瓜都唔錯😋主菜就叫左：半碟片皮鴨（必點）呢度嘅片皮鴨真係好好食 全部鴨都係好多肉 肉同皮嘅比例啱啱好🐦同埋個包鴨個皮都好薄 正宗皮薄餡靚😆京燒羊肉（都係必點）將羊肉燒到個皮脆脆 食之前點一點秘製嘅汁 一啖咬落去勁大陣嘅羊騷味🐑鍾意食羊肉一定要點 不過唔知係主廚換咗定材料換咗 羊肉冇以前咁騷同埋肥 孜然蔥爆羊肉又係鍾意食羊必點🤣不過呢碟有少少蔥多過羊 不過最主要係佢啲孜然味真係太香 整體來講 質素冇以前細舖咁好 不過都好食😚

最近日日都大角咀搵食，想食酸辣湯雲吞，朋友介紹左老掌櫃，聽聞平時好多人排隊，我地今日就好好彩。入到去就係特別既裝修，有啲懷舊👏🏻，都幾適合。午餐選擇都好多，而且價錢好實惠，樣樣都想食。最後我地叫左紅燒肉、水煮魚同雲吞蛋麵。份量勁大😋好多魚，仲好滑😝佢個底仲有勁多薯粉，索晒汁好正。仲加左豆腐😛都食剩半碗飯。紅燒肉勁滑，整得好好，好夠味，加埋菜飯同酸辣湯👍👍👍酸辣湯可以再濃味啲。超抵呀！個個飽到撑住個肚價錢都唔貴👏🏻推薦！

真係不明白點解食評可以寫到天上有地下 無，昨晚我終於去試了啦，以下係我真心的評價1)北京填鴨不像北京填鴨， 可想而知，沒有一點像似有名的京菜店舖，失敗的地方早就預先切好，出台時肉汁已經不見晒最令我失望的係好像我去了 燒臘檔叫了一隻燒鴨，切出來的就像燒鴨檔的一樣，可想而之。2)酸辣魚，算啦，應該係㕑師自創，不值一提3)2人，3人，4人都限1.5小時限定要買單，跟本係不可能的事4)明明在平台上可以收支付寶，微信，信用咭，到買單時什麼都不收，只收現金，看來老闆喜歡搵客人老襯，這個時期很多人去消費都會選擇有電子支付的店舖， 尽量最好不經人手現金以上都係我個人意見，不值得再去

好耐無黎過呢間啦，由細店搬到大舖 坐得舒服左好多👍🏻👍🏻舖位都好寬敞。呢度最出名係東北菜🗾味道係傳統既濃油赤醬🍖間唔中食一次都好滋味☺️⭐️ 水煮魚 🐟 ($108)好掛住D重口味既麻辣野呀😋呢個味道調得岩岩適合香港人口味👍🏻過癮得黎又唔會太辣 仲要麻麻地🥰 配菜有芽菜雲耳同冬粉 🍜索曬湯汁 食到水煮既滋味 仲要都幾飽肚🤣 可惜兩個人叫唔到大份既桂花魚🌼 小份係龍脷柳 無雪味 但係亦都無鮮味 靠辣味搭夠😅⭐️ 孜然大蔥牛肉 🥩 ($78)炒得好有鑊氣🍳孜然味好濃好香口🤗但係唔會過份辣🌶牛肉唔會有羶味🐂 可惜太飽了 唔係送白飯一流🍚⭐️ 雞絲粉皮 🐔 ($62)驟眼睇雞絲既份量好似少左D😅 麻醬差咁D唔夠濃 但係粉皮十分滑溜😋 食完咁多辣野 🔥涼一涼D味蕾 ❄️感覺好舒服⭐️ 素三鮮餃子 🥬 ($42)每一粒餃子都好飽滿🥟餡料好豐富👍🏻 有白菜仔 冬菇🍄 甘筍🥕同木耳 食落清清淡淡 好似媽媽包既餃子👵🏻有少少調味 但唔係味精既味道 感覺到蔬菜既新鮮😋