老媽拌麵 (荃灣廣場) (已結業)

我係老媽拌麵既忠實粉絲！屋企長期都要有一包係到～開左實體店點可以唔黎試下🤩Menu 有湯麵、拌麵、小食、飲品等等《滷牛肚》$42牛肚都幾爽口，不過如果可以再滷得入味小小就更惹味喇😋《炸花枝丸》$32最出色係個汁！好有台灣夜市嘅味道🤤《黑糖珍珠鮮奶》$33鮮奶好好飲，重奶味又唔蘇，珍珠都算煙韌，如果黑糖多啲就好喇～《荔枝綠茶》$26唔會太甜，解渴一流！《美人雞湯麵》$72雞湯清甜，而且仲有唔少配料，雞件都算滑🐔，仲有幾款菇～佢全部麵底都可以揀刀削麵/幼麵，我同朋友都揀左刀削麵，佢呢到煮既就偏淋《和牛炸醬拌麵》$78呢個好有台式風味，有啲似高級版台灣滷肉麵，加埋蛋汁拌真係一流🍳呢個個麵都係偏淋～原來老媽拌麵都可以有咁多種煮法，下次可以試下自己整喇！

路過荃灣廣場見到台灣老媽拌麵的實體店，十分好奇，于是決定試下。鋪頭不算大，但客人幾多下，夜晚8點仲好full。櫃上仲擺放左老媽拌麵的方便裝，之前在超市都有見過。佢地又稱之為關廟麵。餐廳環境清潔，木系設計簡潔。不乏台式風味小吃，我地點了炸大雞排同澎湖花枝丸。和牛炸醬拌麵，和牛炸醬系用和牛碎制成，配合香乾涼菜在蓋上荷包蛋，賣相幾靚，和牛碎很香，拌在麵里好惹味。地獄麻辣牛肉拌麵，不會太辣，麻的比率比較大，牛肉片很嫩滑，口感不錯，半粒糖心蛋很豐富。我地都揀左關廟刀削麵，很有特色，麵的邊緣不規則形狀，口感很Q彈，厚度適中，不足之處系濕左d,如果乾身少少會更好！炸大雞扒，好大塊，酥脆可口，很抵食。澎湖花枝丸，粒粒飽滿Q牙，花枝料足！老媽黑糖珍珠鮮奶茶+老媽黑糖珍珠鮮奶，本人比較喜歡後者，奶味較突出，不過朋友就話奶茶茶香奶滑，黑糖味不會太甜。

台灣拌麵早前開始興起，當時大家都會在超級市場搶購，之後這些拌麵開始開實體店，因為之前都未有機會買黎試下，今次一於去實體店試試。這間餐廳座位都算幾多，不過平日晚上食飯時間好快就滿座了!川味三寶牛肉麵，這款是湯麵，湯底是台灣牛肉麵的湯底，帶有少少辣味，三寶包括牛筋、牛展同埋牛肚，三者都炆得夠淋，而且都好入味!麵底可以揀粗麵或幼麵，而我就揀左粗麵，麵質夠淋身，都幾索湯的味道!蔥油嫩雞拌麵，這款拌麵麵底只可以選擇幼麵，有蔥油和炸蒜，把麵拌勻，味道咸咸甜甜的，幾特別!嫩雞初初以為會是雞件，但原來是雞片，嫩滑有味!還有半隻溏心蛋，都幾入味!滷鴨舌，鴨舌滷水味濃，而且整得好淋，好易就可以把骨和皮分開!炸大雞排，雞排都真係幾大份，雞肉嫩滑，椒鹽味剛剛好，而且炸得脆口!荔枝綠茶，荔枝味很濃，飲品唔會太甜，有淡淡的綠茶味!洛神花茶，唔會有假甜的味道，酸酸甜甜，十分開胃消滯!

有冇人都好鐘意食台灣拌麵😎kiki 麵、老媽拌麵嗰啲老媽拌媽開到去荃灣 我呢個鐵粉🤩梗係要去試下啦餐牌有拌麵、湯麵、滷肉飯、台灣小食揀 款式都算多 但台灣價錢比較貼地🌝.和牛炸醬拌麵 $78我揀咗關廟幼麵🍜拌麵嘅配料除咗有和牛炸醬配百頁豆腐之外仲有太陽蛋、青瓜絲、紅蘿蔔絲店員話趁熱嘅時候將太陽蛋篤穿撈匀拌麵 加入蛋漿更香😌炸醬唔辣 都幾惹味 🤔但食唔出有和牛 可能滷水味蓋過咗.川味紅燒半筋半肉牛肉麵 $78呢款揀咗關廟粗麵 粗麵比較有咬口🤪牛筋牛展堅正👍🏻牛筋好似食緊豐富骨膠源 牛展夠厚 夠哂淋身😍 湯底好香濃嘅牛肉麵 比拌麵更出色上枱時關廟麵都仲係黐住 略嫌吸唔到湯底嘅味道 .百頁豆腐 $30豆腐加咗少少麻油 比傳統嘅豆腐更加有口感口感係似魚片頭嘅感覺😳但入邊係淋身 我都幾鍾意食呢款台灣小食😚.酥炸甜不辣 $32炸得比較乾身 好在有酸甜汁沾炸粉唔算好厚 有魚肉味.飲品方便有部份係台灣特色飲品喺其他嘅台灣餐廳比較少飲到台灣仙草茶 $22

好耐冇去台灣，特別掛住台灣嘅美食，今日放工收早，接好姊妹放工，去咗附近的荃灣廣場食 ‘老媽拌麵’～店內以木製的枱櫈設計，整潔舒適～打開餐牌有好多台灣美食，特別係我最愛嘅麵食，例如牛肉麵、擔擔麵等，仲有好多特色小食如甜不辣、炸花枝丸、水餃～鍾意食辣嘅我就點左地獄麻辣牛拌粗麵，上枱時以為應該唔太辣，但隨着一邊攪拌，一邊聞到辣椒油香氣撲鼻，麵口感煙靭～牛肉份量都好多，煮到好淋、入口即化，仲有半隻糖心蛋添～姊妹就點左美人雞幼麵，望落去好似好清淡，但係湯底非常香甜，湯料豐富食台式美食當然唔少得炸雞扒啦，雞扒即點即炸，外香脆、內𥚃肉幼嫩～百頁豆腐幼滑、滷得好入味飲品方面就推介可以飲阿里山高山冷泡茶，甘甜帶少少苦澀，荔枝綠茶反而有甜左少少～

除非同自己銀包過唔去否則其實真係可以唔使試一個拌麵都要$62加埋一其實都接近$70仲要係冇嘢飲蔥油雞拌面食落好鹹無咩特別條菜是凍的用熱湯滾一滾熱佢不太難吧？午市時間竟然話未有飯正常嗎？同事食嘅和牛炸醬竟然係冇和牛（我地諗多左）大家一心以為係和牛 加 炸醬不過同事食落話的確好重牛味如果可以加多幾片牛成件事會圓滿好多始終價錢都唔平呢個價錢實在有太多好過佢嘅選擇啦！午餐接近$100嘅價錢冇飲品真係太奢侈了難怪可以唔洗等位

老媽拌麵 都興起左一段好長既時間 基本上冇咩人未食過架啦 ，呢排系香港開咗專門店又食過未呢 ！！！ 川味三寶牛肉麵  (辣)牛三寶 分別有牛展 ，牛根 ，牛肚 ，全部都滷得十分入味 又夠哂淋架 ，牛肉湯底好濃郁 帶有少少辣 ，揀左粗麵 鐘意咬落有口感 煙煙韌韌 。 地獄麻辣牛肉拌麵 覺得五算得上十分辣 ， 不過好香 麻麻辣辣甘  好開胃 食完都五夠食添 仲配埋留心溫泉蛋 正呀 ！！！ 滷雞翼 一份有四隻 ，滷得好入味架 啲肉都夠哂淋 上哂色 。 炸大雞扒 即叫即炸 需要耐心等候 上到黎熱辣辣 咬開仲見到有肉汁架 。 冷泡茶 / 洛神花茶 洛神花茶酸酸甜甜 勁開胃  不過甜度冇得揀㗎 ， 冷泡茶 清清嘅綠茶味🍵 。

荃灣廣場搵食，見到老媽拌麵，又見開飯呢到幾多好評，咁就行咗入去，結果又係中伏.............入到坐低，枱面有污穢。隔離嗰枱食完，又立刻收碗而似趕客。落單而叫幼麵，還要重覆再問多兩次。現階段只得凍飲，無熱飲。出品真心唔好食！拌麵，醬麵分離，師傅看似幾後生，但煮麵就煮過晒火位令到麵底軟淋淋，自己煮一定好過師傅煮。珍珠奶茶極為普通一杯，奶味比較多。花枝丸，炸出來應該好難會唔好味，結果係雪味，極度影響整粒花枝丸，又如果無咗雪味，應該會好食。鴨舌，睇圖都見到一點滷水汁都無，極乾身，最太問題係滷水唔得。餃子，終於比較正常。總結係:不要相信好評！不推薦 ！不建議 ！不幫襯 ！兩個頭，226其實老媽拌麵係咪 真•過江龍？係嘅，煩請台灣總店監督一下，不要令品牌受污。真心若果出品只是如此一般，只做即食麵算吧！

餐廳是台灣過江龍，台式拌麵， 聲名大噪， 唔使搭飛機去台灣都可以食到， 點會錯過。澎湖花枝丸(六粒)$32花枝丸即叫即炸 ， 外皮炸到 金黃色， 脹卜卜，熱呼呼， 令人垂涎， 大口咬下， 爽口彈牙， 啖啖好鮮味 ， 令人停不了口。滷鴨舌$46鴨舌沒有雪藏味， 鹵得唔會過稔， 仲有啲爽口， 煮得夠入味 ， 送啤酒一流。川味紅燒半筋半肉牛肉麵$78幼麵軟硬適中， 紅燒牛肉厚切大片， 啖啖肉， 入口軟嫩， 牛味香濃， 牛筋煮得很軟稔滑溜， 配上清甜紅蘿蔔片和白菜， 感覺健康， 湯底味醇厚， 微辣， 香濃而不膩 。和牛炸醬拌麵(粗麵)$78刀削麵粗身，立體感， 煙煙韌韌韌， 掛汁力強， 先輕輕叉 開流心蛋， 再拌勻和牛什醬、 惹味豆乾粒、 麵條一起吃， 口感豐富和滋味， 油潤香口， 令人一吃再吃。黑糖珍珠鮮奶茶$33黑糖香甜濃郁， 鮮奶滑溜，充滿奶香， 配上QQ彈牙珍珠， 有台式風味。冬瓜檸檬$24冬瓜的蜜甜中和檸檬的酸， 配 搭剛剛好， 不會太酸也不太甜， 消暑又解膩。

呢間台灣過江龍品牌嘅台式拌麵喺台灣已經出晒名, 主打食關廟麵, 估唔到宜家可以喺香港食到主食有拌麵、湯麵、水餃、飯食 & 湯品, 麵類仲可以揀關廟刀削麵或關廟細麵小食主要係台式嘅滷味 & 炸物台式飲品選擇亦唔少酥炸甜不辣唔講仲以為係炸薯角, 甜不辣炸到夠乾身, 一 d 都唔油膩, 而且仲係熱辣辣, 做到外酥內軟嘅口感炸大雞排台式小食又點少得炸雞排呢 !?! 大大塊嘅雞排炸到外皮酥脆, 肉質都算嫩, 雖然邪惡, 但真係令人慾罷不能清燉牛肉麵湯底較清甜, 牛肉非常腍身入味揀左關廟刀削麵底, 特點係煮耐 D 都唔會咁易爛, 刀削麵口感較淋, 但由於中間部份略帶 D 厚度, 所有食落都會有咬口川味三寶牛肉麵台式牛肉麵絕對係我最鐘意嘅台灣食品, 而今次呢款更可以話係升級版, 配料用左三寶 (牛肉、牛筋、牛肚), 牛肉炆到夠晒腍身, 牛筋嘅膠質非常豐富, 牛肚完全入味, 加上川味嘅微辣, 惹味十足老媽黑糖珍珠鮮奶茶層層分明, 用左鮮奶黎調教個奶茶, 所以味道較香滑, 珍珠口感 Q 彈煙韌, 而且有淡淡嘅黑糖香味, 大愛大愛

岩岩食完，只可以話唔會再幫襯，個面好細碗，d菜好難食,蘿蔔都好難食,牛肉林得來好難食，同鐵牛嗰碗牛肉麵簡直冇得比，完全唔明點解會有人讚好話好食，我嘅評價係我同話好難食嗰啲人嘅評價差唔多，以呢個價錢來講呢碗麵真係好貴

ㄧ直也很喜歡在超市買老媽拌麵的椒麻拌麵,葱油拌麵的! 所以趁lunch time就試試新開不久的實體店.首先,menu內的款式超少!葱油嫩雞伴麵: 葱油味不夠香! 嫩雞等份量很少! 蛋和麵質已是整碗最好吃的材料了! 没有驚喜,好ㄧ般!凍冬瓜檸檬: 好喝! 冬瓜味和檸檬味很配合,有甜,有檸,絶對可以ㄧ試!川味紅燒半筋半肉牛肉麵:牛肉牛筋也很冧,也入味的,湯底有少許辣,但可接受(基本上不叫辣的), 其它配料ㄧ般,粗麵煮得剛好,不太軟,不太硬!炸大雞排:上碟時,是有炸雞的香味,也挺大塊的! 只能説ㄧ試無妨,但無下次再叫的慾望!

今晚同老公兩個人去了荃灣廣場的老媽拌麵食晚餐，餐廳主要為台式麵食及小食為主。彭湖花枝丸花枝丸即叫即炸，外皮煙韌，裏面彈牙，有粒粒的墨魚粒。滷鴨舌滷水味道濃香，鴨舌有咬口，而且很入味。地獄麻辣牛肉拌麵牛肉夠腍，麻辣味很香，拌麵爽口，碗底是麻辣醬，越食越辣，滷蛋帶點糖心，滷得入味。川味三寶牛肉麵牛筋、牛肚及牛𦟌各兩件，牛筋入口即溶，牛𦟌入口鬆化，牛肉湯底濃郁，有很香的牛脂味。老媽黑糖珍珠鮮奶茶&荔枝綠茶兩杯甜度適中，前者珍珠煙韌，茶跟奶配搭剛好，後者比較清新。

與友人飯聚，突然想食台灣野，所以近近地去荃灣搵食。平日唔駛等位，直入，上菜速度快，但食物質素真係好一般，份量又細，令人失望。豆乳香香雞飯：其實即係腐乳撈飯加舊炸雞，雞肉唔算嫩，炸粉略厚，溏心蛋呈啫喱狀，但顏色有點不討好，腐乳醬太鹹。西紅柿雞蛋撈麵：一般家常菜，但個人覺得肥A媽媽煮的蕃茄雞更好味喔。魷魚圈滷肉飯：令人意外的是魷魚圈也是滷的，本以為是炸的，滷肉正常。清燉牛肉麵：肥A友人點的，評論一般。美人雞湯麵：湯頭有濃濃的薑味，是肥A最討厭的味道，所以一點都沒有食到，不能變美了。澎湖花枝丸：新鮮炸起，入口超燙，不錯。老媽黑糖珍珠鮮奶&老媽黑糖珍珠鮮奶茶：這個珍珠很硬，好似未熟咁🤦🏻‍♀️總括餐廳食物質素好一般，份量細，價錢貴，完全不明白爆紅的點，連一貫細食的友人都話好似無食過野咁。。

荃灣廣場新餐廳所以想黎試好耐了黎之前都睇過啲食評都有啲擔心但都想黎試一試星期五午飯時間同同事黎試試見無人等位，入面都係坐左7成座位倒但用餐體驗... 可能係我期望太高.... 所以覺得真係一般般想試下個半筋半肉刀削麵$78 湯底有偏鹹牛筋牛肉份量正常，唔算太少價錢唔算便既，亦無午市套餐供應小食同飲品都要另外正價叫本身想試試黑糖珍珠奶茶，但見$33杯再另收加一太貴了吧（落樓下買杯珍奶都係$22）所以落單時叫侍應比兩杯水但點知叫左三次先記得拎水比我地侍應可能係新同事，還未對座位很了解見佢地都要行幾次先送到餐而店內裝修舒服，音樂都係播台灣流行曲