老媽拌麵 (荃灣廣場) (已結業)

荃灣依排好多新餐廳，知道依家潮興拌麵實體店，估唔到荃灣都有得食平日既夜晚，店內都8 9成滿，不過擺位都幾迫，店家可以諗下枱同枱之間可以有番d 距離，因為條走廊其實都好闊，坐入面張枱嗰個，入去要外面既人企喺身讓開同店員擺嘢食時，半個身都會壓到外面張枱個客，對客對店員嚟講，都有d唔太方便😅不過好易解決，擺開小小張枱就可以了值得一讚係，店內裝修幾光猛同幾乾淨，店員有禮，依d都加唔小分講番嘢食，叫左個花枝丸，熱辣辣，加埋個辣辣地既source ，幾好食炸雞扒都新鮮，不過d肉淡左小小。可能我重口味😂😂話明出名拌麵，我地都叫左個嫩雞拌麵，拌麵好香好有葱味，糖心蛋都不錯，又唔係其他人講到咁差🤔雞份量都不小，幾好不過最抵食係個半筋半肉牛肉麵，個湯底偏向葯材味，重口味既，個筋勁淋，好有collagen 既感覺，個牛肉都好入味，加埋個刀銷麵，好食，個人最欣賞係依個牛肉麵，好食嘢飲，冬瓜lemon 都係台灣style 既冬瓜茶味，不過加左個lemon 無咁甜黑糖珍珠奶茶，個黑糖味不錯，珍珠好有咬口，幾好

朋友見荃灣最近開咗好多新餐廳，就揀咗老媽拌麵試吓。不過結果大失所望川味紅燒牛肉麵（粗麵-刀削麵）$72只有牛肉好食，夠腍同入味，麵同湯味道偏淡酥炸甜不辣 $32第一次食甜不辣，好薄，炸到無乜味，唔知食緊啲咩台灣香腸 $32勁薄，份量少，口感很乾，無咩味道凍黑糖珍珠鮮奶 $32原本想點熱的珍珠鮮奶，menu有熱/凍揀，但落單個時個店員話無熱的🤨我估係新店設備未完善所致總括，不會再encore。價錢和茶木相約，但味道卻差很遠，份量亦很少。

老媽伴麵在香港開實體店啊，剛開不久，值得捧場。地獄麻辣牛拌麵粗麵（72）辣汁在底，伴勻後隨隨便可，牛肉軟滑，中間實實的粗麵，咬落有口感，辣度只是輕微，餐牌上有兩粒辣椒，但完全感覺不到，可以說香而不辣。川味紅燒半筋半肉牛肉麵（78）湯底濃濃五香牛肉味，牛𦟌的半肉牛筋清晰，牛𦟌好好味，唯牛筋比較硬，再軟身一點就更好。配合粗麵，大口大口地吃，連湯也喝完。炸大雞排（46）雞排用薄脆槳炸，新鮮熱騰騰，皮炸得香脆，正酥炸甜不辣（32）台式魚片點上酸甜辣醬，夠開胃黑糖珍珠鮮奶茶 （33）冬瓜檸檬（24）台灣風味濃，黑糖甜甜地，冬瓜茶清熱解渴。一頓豐盛的午餐，有著台灣風味

一行4人來到試下。環境不錯，位置闊落，地方潔淨，適合談天。 我們點了，兩個麵，一個飯 還有數款小食。 面和飯這類主食的賣相及分量，食物質素也不錯。主打的拌麵面質可以，夠爽又彈牙。 但小食方面確實有點差勁。 台式香腸及甜不辣炸得太乾，分量又少得可憐，但要價三十幾蚊，等於一片香腸甜不辣要三四蚊 性價比極低。其他小食如花之丸，牛筋及鴨舌 中規中矩。 飲品方便叫了一瓶冷泡烏龍茶，茶味有點甘還可以。服務員態度也不錯，斯文有禮有耐性。

本身都有食開老媽拌麵家用裝，所以一知道佢嚟荃灣開新店，即刻嚟帮襯下。裝修雅緻光猛座位闊落，有少少台灣文青feel, 刀削麵可以揀粗幼， 我揀左半牛半筋刀削麵，湯底夠味又濃郁，牛展好厚又大塊，食得滿足。小食叫左滷水鴨舌，味道濃郁又唔咸，46蚊有4x隻，超抵食。當然唔少得叫鹽酥雞，一貫台式風味，大塊又香脆，雞肉鮮嫰軟滑。想講一講佢地服務好，事緣我隔離座位有食客剛剛做完大手術，飲食要清淡，於是同侍應反映想用清水沖洗，話佢唔可以食太咸，該名侍應好細心咁帮佢換過，又再同佢講有咩都可以同佢講佢地會叫廚房安排，感到佢地服務好週到，會理解客人需要再作出適當安排，小店值得支持。

台式拌麵又開到嚟荃灣🥳試拌麵之前先試吓湯麵先，湯底帶有少少藥材味，但食到後期就淨係得返辣味🌶而牛肉同牛筋都得好淋👍🏻建議一定要揀粗麵，麵質彈牙加上凹凹凸凸，咁就可以掛上更多湯汁😛川味紅燒半筋半肉牛肉麵 拌麵相對起湯麵就冇咁出色啦☹️比起擔擔麵佢更似只係辣油撈麵，既冇擔擔嘅花生香，又冇乜麻醬味，令人失望😥老成都擔擔麵

荃灣廣場新開「老媽拌麵」，即同朋友來食，新開人流不斷，但唔使等好耐，很快可入座。環境乾淨，座位同枱都夠大，坐得舒服。四川紅燒半筋半肉牛肉麵 $78可選關廟刀削麵/細麵。材料豐富，有兩塊超厚身牛、四件的牛筋、配菜紅蘿蔔及大白菜。牛厚切超大件，入口好有肉感，牛肉味濃，鹵得入味，肉質夠腍。牛筋煮得好腍，筋位膠質重，軟滑微彈，十分好咬，亦都鹵得入味。湯頭十分香，有肉味同肉香，味道夠濃，四川風味帶點辣，但只係小小辣，令整個麵好惹味。刀削麵掛到好多湯汁，口感滑溜煙韌。酥炸甜不辣 $32即炸魚糕，好有油香，炸得酥脆，口感偏薄，反而個醬甜甜地幾好味。蔥油嫩雞拌麵 $62拌麵指定係配關廟細麵，雞肉滿滿，十分嫩滑，蔥油及XO醬，最正係鹵蛋，超入味同埋溏心蛋黃好香濃。店員教要襯熱拌勻個麵，除了蔥油、XO醬，仲有醬油等，拌勻細麵，味道好香，蔥油又潤又香，XO醬有蝦米仔，而且濃香惹味，醬油咸度岩岩好。韭菜豬肉水餃 $42水餃有兩款口味，高麗菜或韭菜，一客七隻都幾大隻，即點即煮。水餃皮厚薄適中，餡料都幾多，豬肉好多汁，沾少少醋汁食更提鮮。老媽黑糖珍珠鮮奶 $33，黑糖花紋美觀吸引，鮮奶味濃，更令黑糖味突出，

老媽拌麵地獄麻辣牛肉拌麵好期待佢新開張點知。。。坐底水都吾比杯 要問先有 仲要細杯到吾捨得比人飲咁🤔可能新開張好多野都未有🤷🏻‍♀️ 叫左個地獄麻辣牛肉拌麵 但來到好細碗😖 我揀左刀削麵所比較粗身 亦都因為咁我冇我朋友咁覺得咁鹹🤭 粗麵系有適當的韌度 吾會淥得太耐 但太多好油導致成碗野得個麻字🤢 其次我個碗既麵冇隔乾水 撈起上來好似湯咁😐 塊牛肉份量正常 但佢真系好乾好鞋 成塊柴皮咁🥵 個半隻糖心蛋我相信系我系台灣食開7-11個隻即食糖心蛋切開 所以冇特別🙃 總括來講我會食返佢一包包自己煮的算啦 大家想試的就遲下先啦 希望佢質素會穩定返🤨

#老媽拌麵-台式料理係香港好味又抵食！呢間餐廳好出名，仲要有天生歌姬 A Lin 既加持，點都要試下-今次叫左個養生湯麵 湯底係雞湯，有小小藥材湯既味道味道清淡，似係煲左好耐既老火湯而面條既口感彈牙，雞亦夠嫩滑-另外亦試左紅燒牛肉麵，超大碗，感覺上係二人份量 湯底微辣，面底用刀削麵，面條比較寬容易掛到湯汁牛腩牛筋都好大塊，勁足料‼️-小食則叫了台灣腸和老水雞翼台灣腸切成細細塊，易入口而且炸得好脆，雞翼滷得入味評分： 7.8 / 10

之前媽咪買過老媽拌麵返屋企煮已經覺得好好食響荃灣開左店 一定要試!!門面幾靚裝潢的確好有台灣麵店感覺餐牌都有唔少選擇 再多d更好今次試左湯麵先 下次再試其他正呀 最期待野飲先黎個甜不辣 台灣夜市最愛 呢度整得好有水準 新鮮整 外層脆內裡軟軟 好食台灣香腸 一向係我至愛 好香口 份量多點更好美人雞湯麵 湯底清 有大量菇 雞肉厚身 麵揀左刀削麵呢個清燉牛肉麵 都係清淡 牛肉好有咬口 高山冷泡茶 好清新 甘甘地 茶濃珍珠黑糖奶茶 唔太甜 珍珠好QQ好飲2小食 2麵食 2飲品 289蚊價格適中下次試埋拌麵

<老媽拌麵>👂就👂得多。食真係第一次居然喺荃灣廣場發現到佢嘅實體店。香港人嘗試放低電話。同一起吃飯嘅他她他享受美食黑糖珍珠鮮奶茶～茶味唔係濃嗰隻。黑糖飲品居然唔算甜。驚喜地獄麻辣牛肉拌麵🔥個麻辣sauce喺麵底下。店員建議馬上撈拌好。撈完趁熱食掛住食無影撈拌後個樣Tim 麻麻辣辣好滋味。川味紅🔥半筋半肉牛肉麵～牛肉淋身易入口。個湯幾入味。忍唔住飲牙飲😋麵底可以揀**刀削麺/細麵**高麗菜🐷肉水餃🥟一客有7粒。🥟脹卜卜。個皮有丁丁厚。尙可接受。炸大🐔扒～一咬🐔扒。心𥚃泛起台灣夜市嘅味道。夜市必食

朋友話無食過老媽拌麵，話超市買唔平喎。帶佢食實體店啦，見識下。見comment好壞各半，大膽一試啦，唔得就以後返屋企煮啦。澎湖花枝丸 $32第一粒爆汁，新鮮炸勁香口彈牙！半打脹脹帶金橙色。內裡白色帶咬勁位，照片中看見。點唔點汁都好食，唔點就原汁原味重。一定熱食，快快口，唔好凍左！韮菜豬肉水餃 $42外表似用左韮菜汁做餃子皮，帶綠色，小心思喔。入面豬多韮菜多，美味既。餃子皮微厚帶咬口，咁都唔錯，料都唔會咸，配麵食一流。川味紅燒牛肉麵 $72少少辣啫，唔厲害既，應該大眾化都得。牛展勁厚，有菜有紅蘿蔔。牛展吸下湯，會入面d。食落好飽，太滿口肉，哈哈。川味紅燒半筋半肉牛肉麵 $78半筋半肉比較豐富，乜都有。牛展牛筋各半。牛筋幾大舊，大部分都軟咬得到軟骨咁。最欣賞都係佢既粗麵，平日20:30都仲滿滿地場，一定有原因既。鋸齒型麵，中間厚旁邊透透地薄面，彈簧咁，台灣地道關廟麵。冬瓜檸檬 $26好有台灣風味，冬瓜甜蜜、檸檬中和，凍飲岩趕收工既我！凍老媽黑糖珍珠鮮奶 $33鮮奶有鮮奶比較好，夜晚食飯想食珍珠，但又怕奶茶訓唔到，就可以叫鮮奶啦！香滑不太過既黑糖甜，但依到麵好食d哈！

聽講老媽伴麵係荃灣開左實體店既分店 當然荃灣店對我黎講更方便 食台灣餐廳飲珍珠奶茶係常識吧😎 無理由唔飲既 今次同朋友各點左一杯黑糖鮮奶茶同黑糖鮮奶老媽黑糖珍珠鮮奶茶 $33 (左)老媽黑糖珍珠鮮奶 $33 (右)(好味指數: 😋😋😋😋😋)飲品真係超過我地既期望 本身諗住黑糖系列通常都standard左甜度會怕好甜 點知又岩岩好 連平時會嗌開無糖既我地都唔會覺得話太甜 黑糖同奶茶 / 鮮奶既比例岩岩好話明店名都叫得老媽拌麵 甘黎度既招牌菜當然一定係拌麵啦 甘無理由唔試下既😝蔥香嫩雞拌麵 $62(好味指數: 😋😋😋😋)先講個雞好香花雕味 而黎款麵底只有幼麵選擇 麵身比較稔 蔥香醬好香 如果食得辣既朋友點辣既拌麵 相信會更好食川味紅燒牛肉麵 $72(好味指數: 😋😋😋😋)另一款我地揀左湯麵 刀削麵底 個湯底要讚👍🏻 好香牛肉清湯味牛味 真係真材實料澎湖花枝丸 $32(好味指數: 😋😋😋😋😋)花枝丸當然要熱辣辣最好味 再配埋個甜不辣醬 炸大雞排 $46雞排又係超出期望既 出面街邊食開既x大大雞排通常都好乾好'鞋' 但黎度既雞排炸得岩岩好 雞肉仲好嫩 肉汁都仲係晒度 十分推薦(5分為最高)整

一直都好鐘意食台灣食物，今次黎到台灣過江龍 -老媽拌麵一嚐佢既拿手菜式，餐廳有台色嘅裝修同播住音樂，冷氣亦都足夠。之後點左川味紅燒半筋半肉牛肉粗麵，同埋清燉牛肉麵。川味同平時食開係一樣咁有味，而清湯就冇味精之餘又夠咸。牛筋同埋牛肉片都得夠冧同入味。再配上唔同唔少配菜和蔥花，整體味道係唔錯既。另外，兩款小食分別系鴨舌同炸雞排，鴨舌味道OK，而且質地鬆軟，而雞排雞皮就炸得脆又夠咸，份量十足，夠兩人分享食用，而兩杯台式飲品都OK，個人黎講滿意呢一餐。

荃灣-老媽拌麵：老成都擔擔面（$52）、地獄麻辣牛肉拌麵（$72）+10%-老媽拌麵，榮獲泡麵達人評選 2018全球10大泡麵第一名，係泡麵界鉅子，仲開埋餐廳添，繼落戶將軍澳後，新店登陸荃灣廣場。環境都幾台式文青feel，淺色木系顏色，感覺柔和。-呢度有拌麵、湯麵、飯和小食，麵底可以選擇刀削麵或關廟細面，而呢度作為關廟麵專門店，以古法日曬為賣點，個名叫拌麵，我就梗係揀左關廟拌麵。-店員細心提醒，個麵要襯熱撈勻，但撈勻後個人認為兩款麵都偏鹹，肉質細碎。如果以一般台灣牛肉麵標準去食，可能會失望，但提醒番自己，呢度係食緊老媽拌麵包即食麵，咁就變得好合理🤣，呢度勝在碗麵有埋肉、蛋同菜，老媽拌麵的fans可以來朝聖。-小食方面，單價唔貴，百頁豆腐（$30）有微彈性，唔會一夾就散。酥炸甜不辣（$32）則甜甜地，食下食下就食哂。飲品方面，提供唔少台式飲品，包括老媽黑糖珍珠鮮奶（$33），另阿里山高山冷泡茶（$22）用膠樽上，飲唔哂仲可以好方便咁拎住走。不過我覺得呢度飲品唔突出，可能因為這裡始終唔係茶飲專門店。-PS. 上菜極快！