老媽拌麵 (荃灣廣場) (已結業)

見新開同朋友一齊去試下 不過去到都幾失望本來想試下蔥油雞拌麵既 不過佢就話喱個得細麵冇得叫刀削麵 因為我想食刀削麵 所以我就叫左美人雞湯麵 黎到碗湯都幾淡下 冇乜味 個麵仲有d硬 好似煮得吾夠熟咁 吾知係因為新開未營運好既問題定乜 反正我好失望

想念台灣美食的節奏～係香港試下呢間台灣過江龍😋睇下味道係咪同台灣一樣先❤️.川味紅燒牛肉麵揀左好有韌勁既刀削麵配上厚切牛展 湯底濃郁味美 有少少辣好開胃 牛展一咬就鬆化 煮到好入味👍🏻.魷魚圈🦑滷肉飯 既魷魚圈係ᴍɪx埋係滷肉入面好特別‼️未試過食滷肉飯會加左魷魚估唔到又幾夾 加上魷魚頓時增加了口感仲配左青菜同溏心蛋🥚溏心蛋半流心狀態 蛋黃入味 蛋香濃厚黏口。.另外點了2款小吃 滷牛筋 雞翅都好入味 個人中意好軟既牛筋 好重膠質好正牛筋如果再煮淋少少就好❤️.配返杯台式飲品🥤冬瓜檸檬茶 因為加左檸檬所以無咁甜 中和返會比起平時既冬瓜茶無咁甜啊🤤

明明試左將軍澳果間，覺得麻麻，但阿媽話要食都無計讚：1. 今次叫幼麵，麵既水準，明顯有進步噃，爽滑左，醬汗味道都好番啲2. 餃子幾足餡，同埋個調味幾清淡，係香港算幾少見彈：1. 環境唔得，埋單位地下有好大灘水跡2. 服務慢，叫個冷泡茶，明明係雪櫃拿出黎就係，都漏到單既3. 甜不辣除左醬汁係台灣味，炸得好差4. 凍仙草點解會係液體既？？？仲要乜野藥草味都無夠皮啦，唔食

今日放工去睇下新開嘅店試食下叫左個老人雞湯麵同豪油雞拌麵好食到難以自信廚房師父靚仔樓面侍應服務又好好有禮貌又好服務雖然試業中但係已經好完善不過有幾款麵仲未有一個人食埋單八十蚊但絕對值呀好過飛台灣食

今日平日下午一時，試了這新開的台灣過江龍，可是大失所望。半筋半肉牛肉麵：$78選了粗麵，麵條質感彈牙，凹凹凸凸，又吸收了湯汁，類似刀削麵的，十分特別。反而牛肉及牛筋靭了些，沒有肉汁，湯底的辣蓋過牛肉味黑糖珍珠鮮奶茶：$33值錢稍貴，而且茶味很淡，似飲鮮奶多d, 珍珠中間硬了些，吸收不到黑糖味

係荃灣廣場個頭返工 一直都等緊呢間老媽拌麵開 咁岩今日行過見到佢試業中 就同同事入去試下  仲要難得唔洗等位 ﹐餐牌上嘅野食款式都正正常常 本身想叫一個蕃茄蛋拌麵 但係店員話未供應 ... 所以叫左個老成都擔擔麵 ($52) 無加野飲 賣相都幾好 但味道就一般 花生味都足夠嘅同埋開頭食唔覺得辣 但慢慢就越食越辣

夜晚兩個人睇完戲諗住去試新野，呢段時間都係試業中，6點幾去到有條龍仔，排左15分鐘左右入到去坐，睇完個menu都有啲野未有供應，咁就揀左一麵一飯加碟餃試下先。一黎就上左個滷肉飯，味道唔錯嘅，有魷魚圈感覺就好似食緊土魷咁。之後上左碟韭菜豬肉餃，嘩，一黎7隻餃入面穿左3-4隻，咁都可以送上枱俾客？算，諗住試業就將就下，食落去無味加上又唔係好熱咁，嗰下真係有貼錢買難受嘅感覺⋯當川味紅燒牛肉麵上嗰陣又俾錯清燉牛肉麵，個伙計又咩都唔知咁，問兩個人先話係上錯左，到所謂嘅川味紅燒牛肉麵上嘅時候，原來紅燒啲湯同清燉無咩分別同埋啲牛肉散晒，真係咁淋？如果係寫牛肉碎我諗會接受到。總括而言，非常失望嘅一餐！雖然係試業有啲位置可以體諒，但希望可以交出應有嘅水準，而唔係令到客人一肚氣咁食完出黎。