老媽拌麵 (荃灣廣場) (已結業)

荃灣D天橋四通八達，可以貫穿幾個大型商場，去激安行吓，地方太窄唔啱揸住BB車出擊，行咗幾分鐘都係打退堂鼓，行三條天橋之後返荃灣廣場，都係一田闊落D!去到四樓見到呢間老媽拌麵，晚餐都好耐冇食過街外麵食，一家三口入去試吓!員工好有禮貌同親切招呼，呢點我覺得係食店好重要嘅留客之道!“私房花雕雞拌麵”一上枱靚女姐姐已經溫馨提示要趁熱撈麵，否則會漿住變成麵餅，味道夠濃而雞夠嫩滑入味，而且舊舊雞脾，正!太座當然選擇辣嘅“麻辣老鍋麵”，我食咗幾啖，唔算太辣，對我食辣嘅級數可以接受，肥牛、墨丸、鴨紅都超好食!“炸大雞排”當然係點俾小兒食啦，肉汁豐富而外層脆卜卜，佢食哂一塊，真誇張!“滷鴨舌”好惹味，份量唔算少，抵食又好味，絕對推薦!“仙草凍奶茶”冇乜特別，唔好亦唔差!太座話佢杯“蘋果梳打”亦係正常味道，可以一飲!呢度都值得下次再嚟食其他麵食，期待!

今日黎到荃灣廣場食依間台灣餐廳—老媽拌麵。🍜🚗呢到泊車真係好平，$15/hr。消費200蚊可以泊一個鐘，當中有$100蚊係食肆就可以額外多一個鐘。亦即係話食夠200蚊其實已經可以泊2個鐘，好抵👍🏻川味紅燒三寶牛肉🍲 $82 紅燒牛肉湯好濃，好香牛肉味，又唔會太鹹，飲完個湯唔會好口渴。三寶有牛肉牛肚牛筋🥩，牛肉唔韌，相當入味，牛筋彈牙而牛肚爽口。唔止個碗大，份量都好多。麵條聽聞係不經油炸，咬落好彈牙。👍🏻地獄麻辣牛拌麵🌶 $72 無得選擇辣度，太鍾意食辣嘅我覺得可以再辣啲🙊。拌麵水準都好高，麵條有一定硬度，撈埋一齊好香好入味。😋不過可以再麻少少同埋辣少少。牛肉份量好多，有成6件左右，每件都好大份，又唔韌。😇豆乳香香雞🐔 $52 雞件炸出黎好似鹽酥雞咁香脆，再加埋佢個豆乳醬，係祕制嘅腐乳醬黎，但又唔會太鹹，第一次用雞點腐乳食，特別得黎又幾夾。百頁豆腐 $30 估唔到豆腐都會煮到咁出色，好彈牙又入味，有少少咸中帶甜。金羅漢果海底椰☕️ $18 唔會太甜，有少少羅漢果香，適合想無咁重口味既人。百香果寶茶🍹 $28我好鍾意百香果，好有果香，飲落酸酸甜甜，好解膩

叫咗招牌三寶牛肉麵，可以揀辣同唔辣。揀咗辣，好彩唔算好辣，味道幾好，唔錯！牛肉湯夠濃味，可以揀粗麵或幼麵，揀咗幼麵。三寶有牛肚、牛筋及牛展。其實都幾豐富。另外叫咗滷肉魷魚飯，滷肉幾厚切，夠惹味。魷魚分量唔算好多，但亦都好入味。仲有糖心蛋。小食叫咗豆乳香香雞，附有腐乳醬。香香雞夠香脆，雞肉好滑，好食喎！再叫咗韭菜餃，綠色皮好得意，韭菜餃夠香。飲品就叫咗黑糖珍珠奶茶，味道唔會太甜，唔錯！仲叫咗百香國寶茶，酸酸地，茶味特別。

-台灣麵熱潮不斷，香港愈黎逾多台灣高質過江龍麵店開張，而鐘意吃台式拌麵的讀者都不會對「老媽拌麵」陌生，我自己身邊有啲朋友去台北旅行其中一個行程就係專登去食老媽拌麵。餐廳以木為裝修色系，都幾大，坐得幾舒服。🤣-佢哋係香港已經不知不覺開左幾間分店啦。主食我叫左私房花雕雞拌麵($78)，配料十分豐富，有秘製花雕雞肉、菇菌、玉米荀等，配上帶有微微酒汁的醬汁，散發著淡淡酒。每款麵都可以揀粗或幼麵，自家出品嘅麵，所以麵身好彈牙。另外加多碗魷魚圈滷肉飯($68)，有肥而不膩的滷肉加鮮甜濃郁的醬汁，送飯一流！😋-小食方面一定要叫香港店限定的豆乳香香雞飯，酥炸雞塊配上腐乳醬，口味夠地道，雞肉肉質嫩滑多汁，入口Juicy，配上一小碟腐乳，口感濃郁，蘸上後帶鹹香，更惹味。再加碟滷牛肚，好入味但又唔會太鹹。整體價錢都好合理，一個主食加小食大約$100左右。💰-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 老媽拌麵 (荃灣)📍 荃灣大壩街4-30號荃灣廣場4樓441A號舖

最近疫情冇得飛台灣，喺香港食台灣菜頂住當先都好啦！荃灣廣場有間台式餐廳，座位都幾舒適，分隔得開，非常安心。主打有牛肉麵，亦都有飯。多款飲品選擇，價錢都算適中。我哋就分別揀咗兩個主食，兩款小食同埋兩杯飲品share！燙青菜$22 有啲蒜粒喺上面，加上有啲醬汁，所以食落都幾清新之餘亦都有足夠味道。台灣香腸$32油香十足，甜甜地好吸引味蕾，而且上面有啲蒜片，一齊食簡直非常邪惡！麻辣老鍋麵 粗麵$84 上面嘅材料好豐富，有豬紅，響鈴，丸，肥牛之類嘅食物，最緊要係多牛！如果鍾意食牛一定唔可以錯過～ 粗麵食台灣麵一定要食-特別有口感同彈牙，而且佢嗰個麻辣口味雖然冇得選擇，但係其實只係小辣嘅程度，味道都幾香！川味紅燒三寶牛肉粗麵$82如果鍾意食牛嘅唔同部位就適合選擇呢個，有牛展，牛筋同埋牛肚，比較入味而且質感好林，唔使好用力咬，個湯底都係少少辣，加上有白蘿蔔，蘿蔔令個面豐富好多。我哋share一齊食，超豐富～老媽黑糖珍珠鮮奶茶+$28 仙草茶+$18叫咗粉面之後再叫嘢飲就有優惠，黑糖珍珠奶茶甜味適中，而且啲珍珠甜甜地又有口感，不錯！朋友的仙草茶就係涼粉水的味道～都幾清新

有冇朋友仔好鐘意食台灣既拌麵呢？早排朋友就帶左我去咗荃灣廣場既老媽拌麵食晚餐，最近見因為疫情關係堂食有9折，晚餐套餐都包左飲品，仲有好多小食選擇，好似番左台灣咁_🥣麻辣老鍋麵 $84呢個麵係荃灣分店限定，見倒好似五錯所以就叫左黎試下👍🏻以為麻辣好辣，但原來五算好辣，材料非常豐富，包括有肥牛、鴨血、墨魚汁豬肉丸同埋響鈴，聽閒有啲材料係台灣直送 食緊既時候有少少去左台灣既感覺😍_川味紅燒三寶牛肉麵 $82又係五太辣系列，味道好香又足料，麵底叫左粗麵，有咬口而且牛肉好諗身好鬼正😆_小食😋炸大雞排 $46即叫即炸，上黎既時候仲係熱辣辣💜雞皮好脆口但雞肉不會過鞋💖份量兩人share岩岩好_香煎蔥抓餅$30平時係屋企都會買黎試，作為一個台灣好好味既小食就梗係要叫黎試下，味道五錯而且都好平🤦🏻‍♀️_飲品方面都叫左兩款特飲😂包括百香果寶茶，另外仲加左珍珠，味道好清新而且都五會太甜🤩另外仲叫左個朱古力珍珠鮮奶😂開頭以為好甜原來都五係好甜😉

今日行完元荃古道，好攰又好肚餓...一定要食餐好的，所以今餐特別叫多d野食清燉三寶牛肉麵（女友食）我試左少少，個湯底比較清，但個麵都幾足料，有牛展牛肚同牛筋，如果鍾意食牛的都唔錯，佢仲有另一個湯底係重口味d，不過可惜我同女友都唔食辣。火腳干貝雞湯麵我就叫左呢一個試試，個湯底濃味好多，仲有杞子紅匐白同薑添，雞有好多件，好似食極都有咁，不過我個人覺得個匐白唔夠淋，可能我個人鍾意淋少少。滷鴨舌我見枱枱都有叫，當然試下。味道同份量都好好，滷得好入味，鴨舌幾淋身，而且份量差不多有30多個，抵食炸雞排正常水準，外表都幾脆...味道都算唔錯。但唔算太有特色，外方面都正常黑糖珍珠奶茶食台灣野一定要飲台灣飲品，少有餐廳有黑糖飲品，其實佢有幾款黑糖，但我唔係好記得其他，味道幾好飲，珍珠都幾有咬口，不俗冷泡茶我因為要減肥，所以點左冷泡茶，幾重茶味，飲完之後會見到佢個茶包都好大下，我個人好鍾意飲冷泡茶整體而言，各方面都比我想像出色，特別滷鴨舌，有機會一定要食多次

炸大雞排 $46好食到唔記得影低佢🤣🤣 炸到好炸皮唔厚 重點係雞排好嫰滑又大舊👍🏻 啲調味粉都唔會太多太咸 岩岩好🙈滷鴨舌 $46滷得入味，充滿八角既味道 好香～ 😌金華火腿干貝花雕雞湯面粗麵 $88湯底充滿火腿咸香，有少量金華火腿肉碎在麵上面😍，麵條煮得剛剛好，唔會太淋，雞肉好重花雕酒味，又滑。老媽黑糖珍珠鮮奶（少冰） $28呢杯個人覺得好好飲 珍珠煙韌適中 重點係唔會好甜！ 岩曬我😂😆 川味紅燒三寶牛肉粗麵（走葱 ） $82湯底好重藥材味 唔食辣的朋友都可以試下 因為唔係好辣小小麻 三寶（牛筋，牛展，牛肚） 全部都好入味 牛肚，牛筋好淋🥰牛展就爽口啲😌仙草茶 $18好有涼茶既感覺😂 如果甜啲會好啲！

同男朋友好肚餓路過見好多人排 諗住試下叫左以下呢堆野食：地獄麻辣牛拌麵👌🏼豆乳香香雞飯👌🏼台灣香腸🤢仙草凍奶茶🤮黑糖珍珠鮮奶🤮老實講 以自稱正宗台灣食店黎講 D野食好失望。首先 2杯奶茶難飲 😖只係紅茶茶包加奶嘅味道 西式奶茶味 完全唔掂 大家黎唔好叫野飲拌麵方面 味道都尚算唔錯 但個香香雞飯 味道就普通 係份量細左D 小食亦冇驚喜 主食賣呢D價錢 性價比底👎🏻簡單黎講 唔會encore😂🤔諗住openrice 咁多人讚先試下，已經唔止一次喺度中打手伏 ，睇黎Openrice D公信力都差左好多 😔失望PS 呢度嘅唯1優點就係環境簡潔乾淨👐🏼

.無得去台灣，唯有食下台灣野止渴🥺Menu好多選擇，樣樣都想叫🤤最後我叫咗最豐富嘅川味三寶牛肉麵，男朋友就挑戰地獄麻辣拌麵🔥，再另外加咗兩款小食兩杯野飲😛好滿足🥰地獄拌麵係堅辣，但真係好惹味👻睇住男朋友食到面都紅埋真係好過癮😂至於牛肉麵嘅麵底同湯底都好啱我口味，麵有咬口又掛湯✔️湯底唔會過咸👍🏼#會encore✌

超有驚喜嘅台灣牛肉麵🍜上次去荃灣做野見到荃灣廣場有間台灣牛肉麵，我平時都幾鐘意食台灣野，諗住試下，誰不知真係好有驚喜啊🤪好想快D再去食😏我地叫佐兩碗牛肉麵，可以揀粗麵或者幼麵，仲可以免費加大個麵底，真係貼心啊，一碗麵一定飽😌☺️川味紅燒牛肉麵HKD72川味紅燒半筋半肉HKD78我係食紅燒半筋半肉，一上抬見到整碗麵好吸引啊，個配色已經無得輸，好鮮艷🥰女仔對顏色配搭特別敏感，呢個配色一定係一百分🤪外型吸引，立刻試吓個味道先，呢湯底真係好好味😋濃郁嘅紅燒牛肉味，好香濃，仲有少少嘅麻辣味，好特別，平時食開嘅紅燒牛肉麵係偏甜嘅，因為呢個加佐川味，反而將個牛肉個味完全帶出，更加惹味又香濃，個湯底可以完全飲曬😏麵質爽口彈（幼麵）牛肉唔會好肥，肥瘦啱啱好，牛肉味夠香，仲有牛筋肉質好淋又入味，再加埋d配菜，有白蘿蔔，紅蘿蔔，生菜，紅椒，可以平衡反食完肉嘅滯感，呢個牛肉麵好推介😌另一個係朋友食嘅川味紅燒牛肉麵，聽朋友講呢碗都好味，食唔到辣嘅朋友都啱食雖然係加佐川味但其實唔辣，反而個湯底更加香氣，牛味突出，值得一試🍜

呢間過江龍台式料理，價錢經濟，款式多；而且食物仲幾好食。叫咗三寶牛肉麵，有牛肚牛腩及牛筋。湯底幾濃幾香。我揀咗幼麵，麵質唔錯，軟硬度適中。牛肚幾入味，牛腩及牛筋都夠林，整體來講個面唔錯。另外叫咗私房花雕雞拌麵。呢個係人氣no 1, 叫咗粗麵，雞夠滑，花雕味幾香。小食叫咗甜不辣，不過呢個甜不辣係炸嘅，口感都幾煙韌。豆乳香香雞，夠脆有腐乳味。幾好味。飲品叫做仙草奶茶，奶茶未夠濃，茶味更濃。人均消費都係大約$150左右，已經好豐富。

自己一向都很喜歡食麵，台灣麵特別喜愛，這一家店很符合我的口味。這裏有新款麻辣麵，供選擇。我同埋阿媽叫咗兩個餐食，一個係牛肉炸醬拌麵，另一個係三寶牛肉麵。牛肉麵比較清香，加塊蛋，拌上蛋汁，一流。三寶牛肉麵的牛肉比較爽，不錯，粗麵也不是我們一般所吃的那樣，線條比較突出。面可以分粗、幼，自己也可以根據食量，選擇加底，不另收費。我們叫了腐乳炸雞作為小食，好香。熱辣辣嘅炸雞，配上非常香嘅腐乳，兩者加埋一齊食，炸雞變得冇咁熱氣，也變得比較健康。最後一定要提的是，這裏的台式飲品，我特別喜歡這一杯朱古力珍珠鮮奶茶。一般去飲台式飲品，餐廳都不會用鮮牛奶去作沖調，但這一間店就非常好，可以飲到鮮奶茶。這一間餐廳位置鄰近如心廣場，所以坐巴士也非常方便。

今晚悶悶地，四為行下，搵到一間台式餐廳，入面有伴麵，湯麵同埋台灣小食，非常地道👍🏻餐廳主要以手機Apps 落單，方便快捷，重可以確保無落錯單。我叫左金華火腿干貝花雕雞湯麵，湯底有濃郁既金華火腿味，重好香花雕味，但飲落又無酒味👍🏻麵底方面，可以選關廟刀削麵或細麵，我要左刀削麵。刀削麵口感比較韌，硬度適中，非常好味👍🏻花雕雞吾會骨多過肉，而且吸收晒湯底既精華，同味過一般雞肉😋女朋友叫左麻辣老鍋麵，留意返，呢個麵係荃灣分店限定，其他分店無嫁👍🏻入面有好多材料，例如鴨血，墨魚汁豬肉丸同埋響鈴有啲材料重係台灣直送Tim😍湯底吾算太辣，有麻既感覺，連同配料一同進食，提升配料既味道👍🏻我地重叫左啲台式地道小食，係炸地瓜條。佢地係即叫即炸，所以要等一等先有得食，好新鮮，而且味道一流。一路食炸地瓜條，一路食湯麵，真係覺得自己去左台灣一樣。另外，我地重叫左炸雞排，都係即叫即炸，上菜時還是熱辣辣的👍🏻👍🏻食左咁多野，緊係要點返杯台式特飲，我地叫左老媽黑糖珍珠鮮奶茶同埋老媽黑糖珍珠鮮奶。佢地個珍珠口感不錯，容易咀嚼，奶茶同鮮奶都好好飲。估吾到身處香港都可以食到咁地道既台式食物，不家都快啲去試下啦👍🏻

疫症期間，各大餐廳嘅衛生意識都做得非常之好，食客進入嘅時候都需要量體溫、用酒精搓手液消毒雙手。而且餐廳內枱與枱之間都有一定嘅相隔距離，大家食得更安心。黑糖珍珠鮮奶，高山冷泡茶。黑糖珍珠鮮奶同街外既手搖飲品店有得比，味道香甜；冷泡茶茶味夠，入口甘甘地，唔錯👍🏻清燉牛肉幼麵雖然係清湯，但味道都好夠。牛𦟌肉夠大夠厚，夾得起但食落軟腍，超正！幼麵夠爽滑。麻辣老鍋粗麵係限定新品，非常吸引！尤其係佢既麻辣口味，香濃為主，唔會太麻太辣。鴨血夠滑夠入味響鈴最正，吸哂麻辣湯既精華墨魚汁豬肉丸超香豬肉味，而且夠彈口粗麵方便非常出色，比幼麵更彈牙，而且波浪型既麵身掛湯能力更好，每啖麵麵食到麻辣湯底👍🏻豆乳香香雞口感似鹽酥雞，但外皮無鹽酥雞咁脆口，豆香味十足燙青菜清脆爽口，味道幾清甜