老媽拌麵 (荃灣廣場) (已結業)

慶幸上年12月在疫情之前可以一家人去左台北旅遊，我相信今年都未必有機會可以出去玩了，時間過左半年我開始掛住台灣的美食，特別是在台北機場臨上機時的紅燒牛肉麵，好在香港是美食天堂想食什麼也可以止止渴。 今天我和我的另一半去左荃灣的老媽拌麵食晚餐，懷緬返台灣的味道，我知道依間老媽拌麵都有出方便裝，我就未試過，今次試下係咪真係咁好味先。店舖裝潢簡潔，我地點左主食和小食，仲有2杯飲品。 川味紅燒半筋半肉粗麵 ($78)湯底香濃與牛很相配，牛筋和牛肉好入味好淋身，粗麵是刀削麵，如果再淋少少會更好味。 豆乳香香雞飯 ($62)酥脆的雞件與由老媽秘方腐乳醃製，香味濃郁，流心蛋錦上添花。 滷牛肚 ($42)牛肚夠淋，滷水汁很香濃，不過我覺得潮州滷水比較合我口味。 香煎蔥抓餅 ($30)蔥味濃郁卜卜脆食到停唔到口。 荔枝綠茶 ($18)不會過甜很清新，茶味夠。 洛神花茶 ($18)洛神花酸酸甜甜，很開胃。

老媽拌麵，平時就聽得到呢個名，真係今日先知原來佢哋都有開門市餐飲，咁就一於入去試吓，因為聽好多朋友講都話買過老媽拌麵嘅返去自己煮，味道都好好，好濃郁，坐低咗之後店員就比Menu我哋睇，我呢就叫咗川味三寶牛肉麵，同埋一個私房花雕雞拌麵，一個湯麵，一個伴麵，大家都可以分享一啲去試吓，而小食我哋就叫咗一個花枝丸同埋一個豆乳香香雞，等咗一陣之後花枝丸嚟咗，都幾香，外皮脆脆的，但係內裏就軟林林，唔會太乾身，然後兩個面都嚟到喇，嚟到之後聞到好香花雕味同埋好香麻辣嘅味，花雕雞係拌麵，所以就冇湯底，計件好入味好香花雕酒味，佢哋都有少少花雕汁撈左落個面底嗰度，所以麵身唔會太乾，真係好香，雞件亦都好嫩滑，唔會鞋烚烚👍🏻👍🏻👍🏻至於川味三寶牛肉麵，三寶嘅意思就係有牛展，牛肚，同埋牛筋，呢三樣嘢煮到好軟身，亦都好入味，湯底唔算太辣，比較開胃，因為佢本身呢個面係有少少辣，所以如果唔想食辣嘅你亦都可以同店員講叫佢轉清燉牛湯底，所以唔怕又想食牛但係唔食得辣嘅你，食到半途中，豆乳香香雞終於嚟到喇，因為可能即叫即炸嘅關係，所以就比較耐少少，但係嚟到嘅時候熱辣辣，超級香，本身都仲諗緊咩係豆乳香香雞，原來係炸咗出嚟嘅香香雞

很掛念台灣牛肉麵的味道，經過荃灣的老媽拌麵，就同朋友去食晚餐，點了麵、小食及黑糖珍珠飲品，很滿足的一餐。川味三寶牛肉麵 $82用四川豆瓣及大紅袍花椒，配濃郁牛骨湯，味道相當濃郁，有牛骨香且湯底不油。湯底有很重香料味，微辣開胃又刺激，花椒香味也很獨特很香。連帶的蘿蔔也很入味又吸汁。牛腱鹵得好入味，肉質扎實有咬感。牛筋煮得非常軟腍，入口有膠質，口感非常好。牛肚爽而易咬斷，食完也不痴牙，鹵味濃郁。我揀刀削麵有咬口同麵粉香，配濃郁湯頭也很夾，份量亦足夠，而家仲可以免費加底，落單時同店員講就可以加底。私房花雕雞拌麵 $78超濃花雕酒香，加上麻油、老薑……煮燉雞肉，清甜不膩的嫩滑雞肉，拌勻刀削麵，味道濃香，感覺很滋補，配半熟的鹵蛋，很完美的拌麵。店員溫馨提示，拌麵要襯熱拌勻，立即食，味道更佳。澎湖花枝丸 $32一客六粒，即點即炸，香酥帶熱。花枝丸很爽口彈牙，內有花枝粒增加口感，也看得出真材實料，外層經油炸特別香口。豆乳香香雞 $52很特別的小食，也很令人喜歡，炸雞好香脆，炸衣厚薄適中，肉質嫩腍有彈性，保留肉汁，最特別配的醬是腐脆醬，味道濃郁又夾炸雞，很美味。黑糖珍珠鮮奶茶及黑糖珍珠豆腐，前者有奶

喺屋企成日都煮老媽拌麵，都覺得幾好食。 我見佢喺荃灣開咗一段時間都未試過，就入去睇下同自己煮有冇分別。麻辣老鍋麵 $84呢個面係舖頭重點推介的， 肥牛、鴨血、墨魚豬肉丸同響鈴。 個湯唔算辣，只係少少辣，無佢餐牌張相感覺咁辣。 個響鈴上碟以經好淋，唔關佢浸住湯事， 我覺得既然賣得響鈴可以做得好少少。 一上碟豬紅入面係凍的 侍應都好好即刻幫我換個第二碗，不過要等多10分鐘先有得食。肥牛十分普通。 墨魚豬肉丸都幾多汁，算係唔錯的。整體黎講食完唔覺呢個配搭值$84...老成都擔擔麵 $54食落真係同屋企煮冇乜分別，擔擔麵嘅肉碎都 ok，隻蛋都煮得唔錯。一個不錯的麵，不過無驚喜。油鴨舌 $46份量唔多，有十多隻左右。 鹵水汁幾入味 食落好香口，淋淋的雖然呢個係好食，但十幾隻細細鴨舌，係荃灣廣場食係貴左少少。

金華火腿乾貝花雕雞湯粗麵$88食花雕雞湯粗麵前，先呷一口熱湯，帶藥材香氣，因為有金華火腿及乾貝熬製，更顯濃郁鮮味。雞肉入口嫩滑，充滿誘人的花雕酒香，足2人份量，配上刀削麵， 煙韌粗身，每條麵掛上花雕湯底一起吃，特別滋味。魷魚圈滷肉飯$68滷肉切成薄片，層次分明，油亮的豬皮，QQ彈牙，皮下帶著一層滑溜的肥膏，入口軟腍鬆化，肥瘦適中，令人食指大動。夾一件魷魚圈到紅燒肉上，與米飯一齊吃，送飯一流，十分誘惑。鹵牛腱$42牛腱厚切大片，啖啖肉，鹵得很入味，入口軟稔滑溜，牛味香濃。炸大雞扒$46雞扒大件厚實，沒有多餘的粉漿，外皮炸到金黃色，油光亮澤，賣相吸引。雞皮咬下去“吱嚓吱嚓”，鬆脆可口，愈食愈滋味，邪惡得連雞皮也吃光光。黑糖珍珠鮮奶茶$33黑糖香甜濃郁，鮮奶入口滑溜，奶香誘人， 配上QQ彈牙珍珠，滿滿的台式風味。百香國寶茶$33菠蘿的蜜甜中和百香果的酸，比例調得剛剛好，配上百香果籽，清新解膩。

/老媽拌麵🇭🇰/#sa荃灣篇 #sa午餐篇➖➖➖<刀削麵控要去朝聖🙆🏻‍♀️>▪️▪️▪️之前係上環都開左分店但座位唔算好多 主打外賣朋友之前未試過 又想試下終於就岩時間去食🤤於是去到荃灣分店 ～依家仲有全線9折➖➖➖1️⃣川味紅燒三寶牛肉麵 $82牛骨湯底微辣 用左豆瓣、花椒熬製而成幾惹味 唔算話太辣 幾岩我口味可以揀刀削麵/幼麵 粗麵感覺更煙韌🤤但韌度就無拌麵咁煙韌 有幾款餸: 牛筋、牛𦟌同牛肚 做得唔錯❤️牛筋牛肚夠煙韌 係我鍾意嘅韌度但有啲人可能會覺得唔夠軟腍～牛𦟌有咬口之餘肉質夠軟腍、厚切 幾濃牛味➖➖➖分數: 8/10➖➖➖2️⃣私房花雕雞拌麵 $78 拌麵嘅麵條較湯麵有嚼口要加埋醬汁撈埋一齊食 再多啲汁就好可能即製關係 麵條較濕 底部較腍～ 雞係用花雕酒醃製 幾嫩滑 唔會好鞋口酒味再濃啲就好😝➖➖➖分數:7.2/10 ➖➖➖3️⃣香煎蔥抓餅 $30 有大約8-10 塊 都幾多下 食完麵再食會有啲飽餅皮煙韌 食到有蛋香 唔會好油膩仲有啲蔥碎Tim 不過如果蔥味再濃d就好🙆🏻‍♀️➖➖➖分數:8.1/10 ➖➖➖4️⃣高麗菜豬肉水餃 $42 餃子皮較為厚 一咬開入面有湯汁 好juicy

無得去台灣，就去食上次峰壽司隔離間老媽拌麵，老媽門口細細，仲要隔離鋪勁多人排隊，真係要落足眼力睇睇！一入鋪就索倒少少麻辣味，好似唔野少，所以我地叫一個辣一個唔辣！川味紅燒半筋半肉牛肉麵（轉清燉牛湯底）同埋得荃灣同將軍澳店嘅期間限定麻辣老鍋麵。半筋半肉即是配料會有牛筋同牛𦟌（太好味唔記得影相tim) 牛筋煮到淋同炇得入味，怕肥揀牛𦟌就啖啖肉唔怕有肥膏，最正係啖湯底，因為真係真材實料勁有牛味，無揀錯牛湯底！揀刀削麵較彈牙，份量唔大所以餐廳可以免費加麵，絕對夠食！另一個期間限定仲驚喜，初時以為係死辣派油淋淋湯底，原來佢係用麻辣配料同牛肉同煮嘅，所以個湯係可以飲架，而家好香麻辣味但湯底牛味都好濃，配上肥牛，響釣，鴨血同埋墨魚汁豬肉丸，索左湯汁真係好入味。而呢碗配上細麵，掛埋湯汁食超正。另外叫左兩個小食豆乳香香雞，台式炸雞年配特式豆乳汁，好似係腐乳調出黎嘅，味道幾得意！另一個係滷牛肚，滷水汁入味，牛肚唔韌，唔錯。最後無理由唔講下兩杯台飲老媽黑糖珍珠鮮奶同老媽黑糖珍珠朱古力，相教下珍珠鮮奶黑糖味較突出，朱古力就好濃朱古力！想輕食絕對推介，一人一麵一小食一飲都係150一個人左右咋！

「一起吃飯的頻率，讓心更靠近。」❤️這一年大家也沒法出遊，只好靠吃不同地道的美食來回憶那獨特的味道~🥯🍞🥓這天太想吃台灣的美食🍜🍝因此選擇到位於荃灣的「老媽拌麵」🧡-不要以為小店的佈置一定很簡單,「老媽拌麵」的裝潢是簡單及舒服，光猛，感覺舒適💚🧡-愛好麻辣的我一看到有特別推薦的麻辣老鍋麵，一定要試呀!🌶🌶🌶辣度不會太過份，正正是台灣夜市中會吃得到的味道😍我選了幼麵，配料還有豬血、丸、及響鈴。每一口也是台灣地道的風味!🥰喜歡這種辣的朋友一定要試呀!-另一主食我選了和牛炸醬拌麵，🍝嘗試一下粗拌麵的口感!口感果然十分Q彈，口感十足呢🥢好岩喜歡口感的朋友!和牛的熟嫩程度不會太過份，以這價錢有這品質也十分驚喜!不過我個人還是比較喜歡有湯的麵!😋🤪-小食方面點了台灣香腸及韭菜豬肉水餃🥟台灣香腸配上蒜粒，當然是一如以往想像中的水準!😆😆驚喜是韭菜豬肉水餃🥟咬上去手工感十足，啖啖肉汁也十分豐富!值得嘗試💯-飲品也絕對值得一提，我點了十分邪惡的老媽黑糖珍朱巧克力🍫正好滿足不太想跟奶茶又想食珍珠的我🍹朱古力同珍珠的味道也配合，不會很怪呢!不想晚上飲珍珠奶茶但又想食珍珠的，剛剛好!-這天晚上真的像到了台灣一趟

鍾意食台灣野嘅朋友一定識「老媽拌麵」～佢開咗嚟香港一段時間我終於有機會去試吓💁🏻‍♀️.川味紅燒半筋半肉牛肉麵 $96佢嘅清湯湯頭係用牛骨很熬製而成～鍾意食辣嘅我梗係要試吓加咗花椒八角辣椒等等嘅川味湯底～更加香口🤤幾欣賞佢嘅牛筋腍得黎唔會變咗一pat野嘅口感，膠質豐富👍🏻另外牛腱煮得好腍，唔錯！.豆乳香香雞 $56炸得酥脆得黎一啲都唔乾身，嫩滑juicy👍🏻最令我驚喜嘅係將炸雞配上腐乳醬又幾夾🤩.燙青菜 $22又要懶係健康咁叫碟菜😆估唔到簡簡單單又幾好食～本身幾新鮮再加上乾蒜粒幾惹味.冬瓜檸檬$18今年夏天熱到癲，所以叫左呢杯消暑必備～唔太甜又幾開胃，ok👌🏻.

星期五約左個客人食飯吹下水，大家就近返home就約荃灣廣場食，但星期五d時間最多人都擔心要等幾個世紀先有位。。。客人話之前食話老媽拌麵都ok,咁就去排隊拎飛😉去到拎飛41，叫到23，心想又唔知等幾耐，客人又未到睇下有咩好食，見到外面大餐牌寫有9拆即唔收加一，咁都ok. 過左5分鐘到客到，門口吹左20分鐘就入得入到又係App落單, 好快咁就叫左野食☆川味半筋半肉牛肉麵(刀削麵)(粗麵)一般，因為川味有些甦味同太咸，但牛肉同麵係好食☆和牛炸醬撈麵客食應該ok,她吃曬了。。哈哈!☆豆乳香香雞呢個好食，雞唔會太油夠香夠juicy,個醬豆乳="腐乳"都ok!☆麗菜水餃好食，夠juicy,但要快熱食，唔係凍左皮會硬☆冬瓜檸檬好飲，之前未試過呢類飲品，台灣野多數飲咩珍珠奶茶，但試左呢個有驚喜限時90分鐘，可能我地入時都唔早，坐到10鬆都無趕我地走，服務都ok!下次可以再試

一向對台灣麵既刻板印象就係紅燒牛肉麵，哩間麵鋪俾我見識到原來台灣麵有好多種，簡直選擇困難整體來講，食物出品係幾出色，而且好有台灣風味，食完更掛住台灣了。店面整潔又好坐，店員招待有禮，我自己就好鐘意啦金華火腿干貝花雕雞湯麵 （幼麵）朋友分咗D俾我試，最出色既係啖湯底，食得出係老火熬製，同埋係落重料，個湯底真係好味同埋係有驚艷到，好特別花雕雞係幾有酒香既，同埋幾入味，而且分量都唔少川味紅燒三寶牛肉麵（幼麵）由於太鐘意食牛，都係食翻傳統既牛肉麵湯底好香濃，味道都好豐富，飲得出係放咗好多唔同既香料調味。牛腱、牛肚、牛筋都好入味，質感唔錯幾彈牙。我覺得哩個辣度唔係好辣，食小辣既人都可以試，係唔會辣到要伸脷吹氣果種滷鴨舌滷得入味好香，而且咬落係Q彈，幾有好食台灣香腸係我既台食必點食物，配住蒜頭粒食，地道風味百香國寶茶 & 仙草凍奶茶我覺得佢哋既飲品都好唔錯仙草凍奶茶-->我加咗珍珠既，口感層次更加豐富，我覺得茶味好香好濃，唔怕太甜；同埋好靚呀，係有層次架百香國寶茶-->朋友加咗珍珠，本身係無既。佢表示好清新，好適合夏天

今日唔去太遠，近近地喺荃灣搵食，喺荃灣廣場中西日韓都有，我哋搵咗呢間老媽拌麵。好，坐低睇吓有咩好食先。川味三寶牛肉麵，用上大紅袍花椒，夠麻夠香，有牛腱、牛肚、牛筋，炆得好腍，食落肉肉嘅口感，刀削麵粗粗嘅麵條，食落又爽又彈，好有麵嘅質感。地獄麻辣牛肉拌麵，用郫縣豆瓣煮醬汁，直接去撈麵嚟食，辣度直逼大辣，食得辣嘅覺得好好食，仲有新鮮牛肉，正！滷牛筋，呢個簡直係骨膠原小食，條條牛筋又腍又柔軟，少少糊口。台灣香腸，一直都覺得好食過香港嘅腸仔，冇香港腸仔咁鹹。老媽黑糖珍珠鮮奶，珍珠彈牙，鮮奶味香，略嫌黑糖少咗啲。老媽黑糖珍珠朱古力，估唔到飲落又唔太甜，都幾好飲。

最近有鋪辣癮成日想食，但一個人食唔到麻辣火鍋 ，本身諗住嚟食個辣拌麵頂吓口癮，點知出咗個期間限定：麻辣湯麵！湯底係牛肉味為主，一碗麵有哂響鈴、墨魚丸、肥牛、豬紅，仲要有得揀粗身有咬口嘅刀削麵❤️ 真係好驚喜又滿足！PS: 如果辣得嚟帶麻啲仲過癮另外啲小食類都好吸引，之前食過甜不辣同花枝丸，今次食百頁豆腐同香腸都幾好食不得不提杯飲品：金羅漢果海底（熱），冇加糖有天然嘅甜味，，飲起嚟好舒服疫情期間最近外賣自取有九折～

今日來到荃灣，睇吓有咩正嘢食，見到依間幾多人話好味，於是試吓，見好多人排隊，以為有排等，點知好快到，原來啲人係等隔離舖🙈坐低叫了兩個湯麵一個拌麵，一個係金華火腿干貝雞湯幼麵、另一個係金華火腿干貝花雕雞湯幼麵、至於拌麵係私房花雕雞拌粗麵，見佢餐牌寫住免費加底，見本身幾餓，於是加了，一上枱，見到碗麵心諗加咗麵未？於是問職員，佢話已經加咗。。但老實講，加了其實等於正常出面食麵的份量。。如果唔加咪好少。。😓碗麵唔平，成八十幾蚊。。咁嘅份量真係唔多抵，拌麵D汁過䶢，雞肉也太䶢D肉又不嫩，由於唔夠飽的關係，加多個韭菜豬肉水餃🥟，$42 七隻，食落有D草腥味，唔好味😖，餐飲要加$18，叫了杯洛神花及冬瓜檸檬，杯嘢就幾大杯，唔太甜，成餐飯比較出色就係杯嘢飲🤣至於服務也尚算有禮，但就兩次上錯餐🙈有好大進步空間，食完送了幾張優惠現金卷，不過應該唔會再食🙈

同老婆去完一田血拼後，順便係荃灣廣場搵食，好耐冇食台灣菜啦，我地就去左老媽拌麵食lunch。老媽拌麵主打湯麵和拌麵，還有十多款台式小食和台灣飲品選擇。和牛炸醬拌麵-有台南關廟麵和幼麵選擇，我地選擇左幼麵。濃郁和牛炸醬配以清爽青瓜絲，紅蘿蔔絲，同超大隻既大陽蛋拌勻一齊食，口感非常豐富，有層次，每條麵條都掛滿和牛炸醬，味道濃郁，麵條有彈性。台灣香腸-唔會乾澎湖花枝丸-炸得剛好，食落不會有油膩感，花枝丸好Q彈黑糖珍珠鮮奶-鮮奶厚滑，拌勻後帶黑糖香，珍珠煙煙韌韌，好Q彈荔枝綠茶-淡淡荔枝清新果香，有一粒新鮮荔枝，甜度適中，珍珠不會黏左一起，粒粒分明