老媽拌麵 (荃灣廣場) (已結業)

叫咗招牌三寶牛肉麵，可以揀辣同唔辣。揀咗辣，好彩唔算好辣，味道幾好，唔錯！牛肉湯夠濃味，可以揀粗麵或幼麵，揀咗幼麵。三寶有牛肚、牛筋及牛展。其實都幾豐富。另外叫咗滷肉魷魚飯，滷肉幾厚切，夠惹味。魷魚分量唔算好多，但亦都好入味。仲有糖心蛋。小食叫咗豆乳香香雞，附有腐乳醬。香香雞夠香脆，雞肉好滑，好食喎！再叫咗韭菜餃，綠色皮好得意，韭菜餃夠香。飲品就叫咗黑糖珍珠奶茶，味道唔會太甜，唔錯！仲叫咗百香國寶茶，酸酸地，茶味特別。