老媽拌麵 (荃灣廣場) (已結業)

最近疫情冇得飛台灣，喺香港食台灣菜頂住當先都好啦！荃灣廣場有間台式餐廳，座位都幾舒適，分隔得開，非常安心。主打有牛肉麵，亦都有飯。多款飲品選擇，價錢都算適中。我哋就分別揀咗兩個主食，兩款小食同埋兩杯飲品share！燙青菜$22 有啲蒜粒喺上面，加上有啲醬汁，所以食落都幾清新之餘亦都有足夠味道。台灣香腸$32油香十足，甜甜地好吸引味蕾，而且上面有啲蒜片，一齊食簡直非常邪惡！麻辣老鍋麵 粗麵$84 上面嘅材料好豐富，有豬紅，響鈴，丸，肥牛之類嘅食物，最緊要係多牛！如果鍾意食牛一定唔可以錯過～ 粗麵食台灣麵一定要食-特別有口感同彈牙，而且佢嗰個麻辣口味雖然冇得選擇，但係其實只係小辣嘅程度，味道都幾香！川味紅燒三寶牛肉粗麵$82如果鍾意食牛嘅唔同部位就適合選擇呢個，有牛展，牛筋同埋牛肚，比較入味而且質感好林，唔使好用力咬，個湯底都係少少辣，加上有白蘿蔔，蘿蔔令個面豐富好多。我哋share一齊食，超豐富～老媽黑糖珍珠鮮奶茶+$28 仙草茶+$18叫咗粉面之後再叫嘢飲就有優惠，黑糖珍珠奶茶甜味適中，而且啲珍珠甜甜地又有口感，不錯！朋友的仙草茶就係涼粉水的味道～都幾清新