老媽拌麵 (荃灣廣場) (已結業)

有一段時間冇來荃灣了，今天晚上剛剛要來荃灣廣場Shopping，所以來老媽拌麵食下!好在我們7點前已來到，不用等位。餐牌上多了很多款式的拌麵和湯麵。私房花雕雞拌麵，這個拌麵我們選擇了幼麵，軟硬度適中!拌麵有麻油、老薑和花雕的味道，而雞件大舊多肉，不會太多骨。雞件有濃濃的花雕酒香味，雞肉嫩滑。還有流心、粟米筍、菇和小棠菜，十分健康惹味!麻辣老鍋麵，這款湯麵我揀選了粗麵，粗麵爽口，能掛上湯汁，十分惹味!湯底味道濃郁，辣度十足!這個湯麵有肥牛、鴨血、墨魚丸和響鈴卷，響鈴卷吸收了湯的味道，非常入味!鴨血嫩滑，肥牛份量很多，墨魚丸是黑色的，味道特別，整體很刺激味蕾!澎湖花枝丸，花枝丸稍稍炸過，口感香口彈牙，花枝的味道也很出，附有酸辣汁，點上更能帶出鮮味!滷鴨舌，鴨舌很入味而且炆得很冧，入口後很快便可骨肉分開。黑糖珍珠豆漿，有香濃的豆香味，珍珠煙韌，味道不會太甜!仙草凍奶茶，奶茶味道奶味較出，仙草嫩滑。

最近經過荃灣廣場先知原來老媽拌麵開咗實體店，今日收工就同朋友嚟試試！-餐牌上有多款拌麵同湯麵可以選擇，平時食拌麵就食得多，所以我哋分別點咗一個川味紅燒三寶牛肉麵同金華火腿干貝花雕湯雞麵。 川味紅燒三寶牛肉麵湯底唔會過份濃味，食落係舒服嘅，牛肉香軟，麵條軟硬度適中。而且麵條同肉類嘅份量好多，真係食到好飽。而金華火腿干貝花雕雞湯麵，湯底有淡淡花雕酒香，口味唔重。刀削麵嘅麵質有口感，同樣份量都非常多。雞肉值得一讚，口感夠嫩滑，而且吸收晒湯底嘅精華，雞肉食落特別香。我哋分別嗌左兩個小食，甜不辣同埋豆乳香香雞，兩款都唔錯。甜不辣咬落去口感Q軟，如果油分再減少少就比較好。豆乳香香雞炸得夠乾身，食落唔油膩，雞肉加埋豆乳醬好香好惹味。黑糖珍珠鮮奶充滿黑糖嘅香氣，又唔會過分甜膩。鮮奶抹茶有驚喜，茶味重，對於我呢啲唔好甜既人黎講真係非常好！

疫情來到這土地，原定同奶奶去的英國之旅都唯有擱置一二邊。身為乖乖媳婦，去唔到旅行，咁帶住奶奶去食其他國家的菜式，感受下離開香港既氣氛先。今日就去左老媽拌麵，去台灣食返轉。先來個台灣風味既國寶百香果茶。國寶茶調和了百香果的甜，仍keep住它的香，仲有粒粒果籽，唔錯。奶奶叫左杯金羅漢海底椰補一補。佢話清清甜甜，又係唔錯。叫左個彭湖花枝丸同炸大大雞排。花枝丸真係好濃花枝味，裡面仲有嚿花枝肉，好有趙口; 雞排個皮超脆，脆到好似食緊薯片咁 再叫左2碗台灣麵。奶奶就食花彫雞湯麵，雞肉好入味，個湯底似花彫雞加台灣牛肉麵湯底既味道，有酒香得來又有肉香。而我呢位辣妹，梗係食返碗麻辣老窩麵，spicy下，過下辣癮。好似食緊台灣麻辣火鍋咁既味道，麵都好有咬口這個台灣麵之旅都幾抵。滿足

餐廳主打文青風，環境開揚，座位闊落，窗台直望荃新天地觀景。行街走到攰攰地，坐低來個下午茶輕食，點了清燉牛肉麵；湯底十分清甜，有一點豬骨味又不會油膩。牛𦟌口感適中，淡淡牛香噗鼻配菜亦不少：有紅蘿蔔🥕、白蘿蔔、香菇及小棠菜。加配-老媽黑糖珍珠巧克力，朱古力味濃，加入牛奶更加滑口

清湯牛肉麵，湯頭用足料👍👍👍👍👍極清甜關刀削麵亦很好食～～～我都係第一次食呢隻刀削麵，感覺都幾特別牛𨫀初時第一次上的非常un,真的非常un😂😂😂😂😂😂😂😂😂要一提店員服務非常好會幫手放背囊見我食剩牛展問我咩事Offer我換過些牛展值得一讚👍👍👍👍👌👍今期荃灣廣場仲有promotion tim~~~~~~~👍👍👍👍👌👍👍👍👍👍👍經過見到可以試試

住西鐵沿線，放工多數十都會揀返西鐵線的商場食飯，今晚就去了荃灣廣場食台灣麵。金華火腿干貝花雕雞湯麵：幼麵爽口唔會碌到太腍，湯底有淡淡的花雕香，味道較濃郁，還有絲絲的瑤柱及火腿，所以偏鹹，雞件份量多，而且夠嫩滑。川味三寶牛肉麵：牛𦟌、牛筋及牛肚，三者都炆得又腍又入味，湯底很濃郁的牛骨湯鮮甜，加上微微的辣香，粗麵麵質較鞋，比較有較口。豆乳香香雞：炸漿很薄又脆，雞肉保留了肉汁，咬落去唔會太乾，本身鹹味已夠，所以無點醬。高麗菜豬肉水餃：水餃皮厚薄正常，裏面唔會太乾又唔算好juicy。老媽仙草凍奶茶：茶香味不濃不淡，但茶膽清香，味道亦唔會過甜。洛神花茶：酸酸甜甜可消滯。最後不得不讚一位男店員非常有禮，服務周到貼心，笑容滿臉。

近年興食台灣拌麵，超市入面都有唔同牌子嘅台灣拌麵選擇，其中老媽拌麵除左可以喺超市搵倒，喺香港都有門市，今日去開荃灣一田買野，之後就順便黎試下老媽拌麵。雖然個名叫拌麵，不過老媽除左拌麵，都有湯麵、飯、小食同野飲，全部幾十蚊有交易，而家無論堂食定外賣仲有9折優惠，所以都幾多人幫趁。澎湖花枝丸($30) - 花枝丸一份有六粒，食落幾彈口唔會成口粉，旁邊個醬甜甜地，味道都可以。炸大雞扒($46) - 雞扒有成隻手掌咁大，雞皮炸到脆脆地但腫肉又唔會太乾太鞋，鹽酥味突出，惹味又好食。川味三寶牛肉麵($82) - 老媽拌麵無論係湯麵定拌麵都可以揀焢麵或幼麵，粗麵即係關廟刀削麵，麵質除左粗身啲外，亦比較有咬口，所以我地都揀左麵麵。三寶包括金錢肚、牛腱同牛筋，另外仲有蘿蔔同蔬菜，蔬菜比例對於出街食飯黎講算係多，感覺比較健康。牛肉麵湯底顏色好深，味道濃淡度啱啱好，食完都唔會好口渴。金錢肚爽口唔韌。牛腱口感鞋左少少。牛筋大細啱啱好一啖一舊，口感Q彈有咬口。麵量啱啱好，食完唔會太飽但又唔會好似食左陣風咁，粗麵帶啲彈口。金華火腿干貝花雕雞湯麵($88) - 雞湯麵湯底呈土黃色，飲倒雞香味但花雕味比較淡，反而雞件

👧🏻😋👅🍽✨.環境舒適，員工服務好，野食不錯。🍜🐥🥩🍹🌺和牛炸醬拌麵(幼麵) $78✨一大隻煎蛋冚住左和牛肉醬✨汁份量岩岩好食完就見底唔水唔乾.金華火腿干貝花雕雞湯面(幼麵) $88✨金華火腿粒鹹香✨湯底足料☁️但少少油.滷牛筋 $42✨好林好入味.豆乳香香雞 $52✨好鬆軟juicy✨炸粉唔太厚.老媽黑糖珍珠巧克力 升級套餐加$28✨珍珠幾林，好香黑糖味.洛神花茶 升級套餐加$18✨勁推薦，少酸好開胃✨一朵朵洛神花係食得嫁🤣.

夜晚吖個麵跟杯野飲仙草奶茶要加28蚊又唔好飲又甜。 出面散買28都買到喇仲話跟餐價香香雞係幾好味但啲麵就麻麻地無特別，和牛拌麵收78好似肉醋撈麵，牛𦟌清湯啲牛𦟌又唔焾

我知呢間野係台灣好出名亦有買過呢個都返屋企自己煮但我估唔到 咁令我失望首先 呢度服務真係好麻麻一黎個侍應服務態度好差二黎 明明已經冇乜人 都可以等勁耐先有得叫野食三黎 我地叫野食 佢聽唔清楚又唔問多次 又黎錯野叫佢比多d蔥油又唔記得 仲發返我脾氣總之成個服務真係 要做咩就錯咩叫左蔥油嫩雞拌麵味道呢 我就真係覺得好一般雞又唔嫩唯獨個麵係可以食得落口但咁既價錢 仲受埋呢d服務不如你上一田買4包老媽拌麵返屋企煮啦

今日黎食下麵 見到老媽個湯底好似好勁咁 要會一會佢😈 揀左金華火腿干貝雞湯麵 用左老母雞黎煲嘅雞湯做湯底 仲有番隻雞嘅肉食 係唔同啲嘅！湯底味道香濃 但同時又好清甜 另外有好多蔬菜 所以整體感覺好健康呀媽就中意食飯 要左魷魚圈滷肉飯 魷魚圈幾脆口 滷肉肥瘦分佈平均 有啲肥肉特別好味🤤🤤 仲有半隻煮成有啲溏心嘅雞蛋 好有台灣風味小食方面 加18蚊要左一客炸地瓜條 感覺好抵食 因為好大盤 本身地瓜都好甜 炸得好脆口 灑埋酸梅粉好惹味 令我置身台灣一樣🤣🤣另一個正正小食係豆乳香香雞 好中意佢個腐乳醬 較淡左味 而雞肉本身都醃左少少味 所以啱啱好最後飲品方面都唔錯 同喺台灣會飲到嘅都好似 所以好推介大家喺呢段時間冇得去旅行 又好想過下台灣癮嘅話 不妨黎呢度食下 🤣🤣

今晚收工之後又係經荃灣返屋企，同男友去左荃灣廣場搵食😀見到老媽拌麵就覺得佢呢啲賣預先包裝好既麵店都開左實體店好似幾得意，仲有唔少選擇，所以就入去試下😂我哋叫咗兩個主食：魷魚圈滷肉飯少飯，金華火腿乾貝雞湯麵，兩個小食：滷鴨舌，花枝丸 同 兩杯飲品：仙草凍奶茶加珍珠同埋百香國寶茶🤣魷魚圈滷肉飯配菜好豐富，滷肉好淋味道唔會過咸，肥瘦適中😋 雞湯麵既湯底有好香濃嘅雞同埋金華火腿鹹香味，好好飲👍👍👍 雞件都滑，不過今日刀削麵賣曬，我自己鍾意刀削麵多過細麵嘅口感～鴨舌幾淋，如果多返啲花椒八角香料味就更好😂花枝丸唔會太油膩，來貨靚好彈牙，裡面真材實料😮😮仙草奶茶幾香滑，珍珠好煙韌，加埋仙草口感豐富～百香國寶茶有百香果同菠蘿係裡面，好足料，酸酸甜甜好飲得黎仲好有益👍👍 市面好似好少見到呢款飲品😀咁多款食物飲品都高水準😁 難怪咁多人排隊

抗疫期間冇得去旅行，加上天氣熱熱地冇咩胃口，突然間好掛住台灣嘅拌麵，就帶埋我嘅小閨蜜一齊去左食老媽拌麵。小寶姐唔食辣嘅但又好鐘意食牛，我就幫佢叫左清燉三寶牛肉麵俾佢，份量都唔細架仲有配菜好健康~ 湯底清甜，麵質爽口彈牙，而牛肉好入味軟腍，岩曬小寶姐胃口，仲特登order 左佢最愛嘅老媽黑糖珍珠奶茶俾佢啦，大大杯好滿足！我就叫左川味紅燒三寶牛肉麵，貪佢辣辣地好醒胃，味道濃郁，牛筋同牛展配搭台南關廟刀削麵，再加埋大大塊鹽酥香脆炸雞扒和台灣特式冬瓜檸檬消暑降溫，好有台灣風味 ～#老媽拌麵 #laomanoodle #laomanoodlehk #拌麵 #老成都擔擔麵 #葱油嫩鷄拌麵 #台灣美食 #台灣食物 #taiwanfood #foodporn #食好西  #吃貨日常 #Foodie

上次朋友來荃灣買了一堆零食覺得好吃想翻買回家吃，所以她又來荃灣入貨。不過天氣太熱，朋友不願走出商場吃晚飯，她要在餐廳乘涼，我說不如吃老媽拌麵，那裡堂食有九折，朋友答都好，反正她也未嚐過。和牛炸醬拌麵上一顆水漾的蛋黃絕對是吸睛的最大利器，還有小黃瓜，黑木耳跟甘筍畫龍點睛，清爽甘甜的菜蔬味開胃又下飯。和牛炸醬有著濃郁的牛味，且非常軟嫩，戳破流出的蛋黃拌麵和炸醬吃，和牛的鮮帶出來，讓人一口接一口吃過不停。每次來老媽拌麵都是吃拌麵，今次我轉吃清燉三寶牛肉粗麵。咬一口牛筋，牛筋膠質在口中化開，好不滋養。牛腱厚厚的，肉中帶筋，軟腍裡有些彈性，肉味濃濃，口齒留香。牛肚給得不手軟，超有彈勁，吃得過癮。很少清燉牛湯底能讓我喝到見底還意猶未盡，湯頭口口牛肉的醇香，也有紅白蘿蔔，菇菌的甘甜，溫潤順喉不油膩。個人極喜歡老媽拌麵的麵條，不論粗幼均輕易吸附湯汁或醬料，條條彈牙。翠綠的高麗菜豬肉水餃皮厚薄適中，一顆都不馬虎，水餃內餡飽滿，藏不住它的豐盛。高麗菜豬肉水餃真讚，皮彈肉嫩，水餃肉汁都鎖進肉餡裡，咬時會爆汁，高麗菜清甜無比，水餃鮮美越吃越涮嘴，欲罷不能。炸大雞排剛炸起熱呼呼，還冒出白煙，它的熱力極誇張。雞排

最近因為疫情嘅關係幾乎都冇乜點出門口，日日係fb同ig睇倒d台灣美食，搞到我都好想食所以今日就黎左嚕川味紅燒半筋半肉牛肉麵-粗麵川味湯底睇落好清澈，但飲落牛味好濃郁。湯底加入左花椒八角，所以食起黎有少少辣辣地嘅感覺。牛方面有牛筋同牛展，啲牛筋食起黎膠質好重，煮到有小小溶溶地嘅感覺麵可以揀粗麵或者幼麵，同平時買倒獨立包裝嘅一樣和牛炸醬拌麵-幼麵炸醬麵嘅味道好濃好重牛味，加埋啲瓜同蘿蔔絲食就岩岩好，唔會溜夾埋幼麵食每一啖都食倒和牛同蔬菜，感覺好新鮮好清爽。豆乳香香雞香香雞好大件，每件嘅皮都炸到卜卜脆，啲雞炸到好嫩，食到中間好多肉汁。豆乳同雞好襯，可以撈飯食都得。高麗菜豬肉水餃餃子同平時響港式餐廳食倒嘅唔同，皮較為厚，但食落又唔會覺得好厚皮感覺岩岩好。餃子入面加左小小薑，食落同平時食開嘅餃有小小唔同，而且入面仲好多肉汁，多到好似小籠包咁 。食完梗係唔小得飲番杯台式飲品啦