羽壽司 (已結業)

野食一般衛生就．．．好多垃圾地下都唔係忙啦ｄ侍應都企度唔去清理～

同元綠果D差唔多質素, 紫菜都唔脆, 海鰻壽司同板前一樣,但味就比板前差。南瓜三文魚湯好多味精,最話係推介...唉,魚生麻麻地, 味道差過sogo supermarket d 魚生。可能新裝修既關係,環境都ok,但有d嘈。下次都唔會去,因為真係唔係咁得。

同老公起總統睇完戲，差唔多夜晚８點，想食壽司，見到對面呢間新開羽壽司，其實以前都試過尖東個間，覺得唔錯，而且見唔駛排隊，就入去試。壽司款式好多好新鮮，魚肉好有光澤，仲有活魚壽司，即即整，不過我地試個款“細鱗”Ｄ肉就Ｄ，我地仲食好大隻帶子壽司，即叫即炸天婦羅壽司，都係我至愛，唯一失望係個日冇蟹柳壽司，佢地Ｄ蟹柳係好似“峰壽司”個款咁，好鮮甜架！我覺得佢Ｄ壽司絕對唔會差過“峰”同埋“板前”，價錢亦差唔多，但起碼唔駛排餐死先！

有時候也會買外賣壽司及日本料理，一邊睇電視，一邊喝着自己精選的佳釀，一邊在梳化享用美食。那天在羽壽司買了外賣，包括乳龍蝦壽司、鵝肝壽司、海膽壽司、海鰻壽司、炸生蠔及炸雞軟骨。坦白說，質數一般，比元氣差，但卻比元氣貴。唯一比較好的是海鰻壽司，非常之肥美多汁，燒汁也做得不賴。要讚的是服務友善，十五分鐘左右食物己經預備好。

朋友話呢間係集板前的厚厚三文魚，　峰的極好味蟹柳同特大帶子，元氣三文魚頭湯於一身的新開壽司店，見佢大讚，　尋晚決定一試～um...無錯...佢個三文魚同板前一樣咁厚, 但係唔及得板前0個個咁新鮮~火炙三文魚亦唔及板前0個個咁有口感~而蟹柳同帶子就真係同峰0個個一樣~但係佢d沙律醬我覺得酸左少少~但係北寄背沙律就比峰0個個遜色了而佢個南瓜三文魚頭湯比元氣0個個三文魚頭湯更好味~仲有佢個炸蝦卷!!上面舖左塊芝士~好味!但係日式燉蛋就真係唔及得元氣啦~!雖然大致上我覺得呢間其實有d抄板前(d order紙同menu似到爆)但係有d野都係比唔上板前~除左服務, 好過板前十萬倍~~員工nice過板前十萬倍~如果唔想受氣, 呢間絶對係必然之選~!

近排好鐘意試新野，之前行過見呢度新開張，所以琴晚(7/11)七點幾，同朋友行完銅鑼灣，就黎左呢度開餐。排隊排左都幾耐，成八點先入去。之前未食過呢間壽司店的。叫左好多野，例如：赤貝刺身、三文魚壽司、"魚立"魚壽司、蟹柳壽司、帶子壽司、南瓜三文魚魚頭湯等等。d野食ok，不過我覺得峰好食d，價錢又平少少。呢度0既蟹柳壽司都幾好，但峰就更好。不過，值得讚佢0既係，佢0既赤貝真係好新鮮，係香港食過0既壽司中最新鮮0既。呢樣峰就真係唔及佢。南瓜三文魚魚頭湯都ok，但似阿媽煲0既多d，哈哈。不過呢個湯無對尖沙咀羽壽司0既食評講到咁好。佢間唔中會開咪叫有即開活魚壽司，不過次數唔多，同埋我琴晚去，佢都係叫過兩次，而且款式唔多，琴晚得左口魚，另一樣唔記得左。幾難叫侍應，希望可以改善下啦。同埋排得咁辛苦，排左成40分鐘，出邊又熱，我地都無走開，但食左個半鐘度時，隱約已聽到有侍應想吹我地走，估唔到會咁囉。比想像中失望，但可以一試，因為佢有d野都比峰整得好0既。不過唔明白0既係，下面0既食評話佢唔收加一？但我琴晚要喎，我去到時都以為唔通真係唔收？但見餐牌上都寫門要收啦。

本來約朋友去板前壽司...點知多人到震.所以改去羽壽司,D 赤貝壽司好鬼大塊架！仲有個雪埸蟹柳啖啖肉，好鮮甜，勁有口感！試左個活造赤貝刺身～原來好正架！新鮮係好味,師傅手勢好{有活魚壽司}望了一會才吃, 視, 味覺同時享受好正架, 其實佢D三文魚壽司最抵食，$9一碟，又厚又肥美，雖然飯唔大舊，勝在新鮮有口感，與新鮮刺身配合得很好，其他款式包羅萬有，價錢比明牌壽司店平3 成，兩個人共食10碟，埋單只是$141，仲唔駛加一，我會再去試其他食家推薦的帶子壽司，個日我見粒帶子大大粒，晶瑩通透，但太飽冇試到，大家不防一試！食過一次，非常滿意！有好多活造壽司, 日本魚壽司,板前冇得食...

我有一晚同男朋友行銅鑼灣經過一間羽壽司, 係新開張ga wo!跟住我哋入左去試下,有個侍應sell我哋食日本魚嘅壽司,我哋望一望個menu,嘩咁奇怪嘅d魚!但係見到個帥傅即刻生劏d魚,又有分季節性,跟住我哋試下啦,叫左4款,(有鱰,目綢,眼仁奈,赤幹)好得意呀d名,食落去好新鮮..有香濃嘅魚味!d侍應服務好誠懇..又有笑容...我一定會帯多D朋友去食ga....尖沙咀仲有間總店ga!幾方便呀!