羽壽司 (已結業)

CHEFsThe chefs are obviously not trained by Japanese chefs and they just squeeze the rice so hard it's hard to chew. There were like 10 chefs in the bar....why do they need so many?FISHThe sashimi are fresh, but everything is so small. The sushi sizes in 峰壽司are bigger for the same (or cheaper) price. Why are the sashimi so small? LOUD ANNOUNCEMENTSWhy do they have those announcements about cutting fish? They want to give people the impression of fresh fish, but I think it's just that they do

三文魚壽司x2:例牌食一碟,但真係好鮮,同埋唔會好凍(有d店會雪凍到鮮味都冇埋),唔係特別喜歡吃三文魚的我都最尾都忍不住要再來一碟吞拿魚壽司k啦~~吞拿魚腩壽司:好鮮~油甘魚壽司:真係好有油香味~鯨魚壽司:係吞拿+油甘魚味既加強版...d味道好濃郁!!必食!鱰魚壽司:係即擋活魚...外表好有光澤,入口味道不太強..係滑..係鯨魚既淡味版~軟殼蟹手卷:上碟果時已經聞到好香,炸得好靚,伴以沙律醬,加埋少少蟹子果種脆口唔會令人食滯...入口暖暖地..d香味出晒黎...海膽壽司:因為見佢不太貴所以至食..好creamy...味道唔似出面果d咁強,有適中既鮮味...如果食開濃味既話呢個可能會唔夠味...不過口感一流~貝柱壽司:鮮!!正!!墨魚壽司:係口中慢慢咬...成口都係膠質咁...好正~!仲有幾碟唔記得左..兩個人食左14碟...已經好飽..可能佢舊飯大左少少...如果唔係我一定食多幾碟...因為真係太太太好味~總括黎講真係幾好....食左個幾鐘...冇人催你,周圍環境可以令你好享受咁慢慢細味每一件壽司...好enjoy~食過一次峰壽司...食左好似冇食過壽司咁..得個飽字,唔覺有鮮味可言~

d 野食好好呀，壽司師父態度認真，款式都算特別啦！魚生有陣時夠涷，有陣時唔夠涷，但總括黎講都做到羽壽司的五大宗旨其中的四大，包括壽司、貨源、創意同衛生，而最後的一項宗旨：服務，就真係令人客好失望。羽壽司的服務宗旨係以客為先，以禮為本。秉承優質服務，係羽壽司經營的方針，堅守的信念。其實店內普通侍應生的服務態度是可以的，全店服務最差的居然是一位自稱係店內最大的女經理，對客人的態度差之外，更經常用一些不知所謂的眼神監視進餐中的客人，令客人感覺好唔自然又唔舒服，呢ｄ都唔知係咩待客之道！好難理解呢位女經理的服務態度，點解可以在羽壽司一間咁好的餐廳，擔當咁重要的職位？？？

我最中意食甜蝦, 而且一碟甜蝦仲可以反映一間日本料理既質素, 所以我梗係叫甜蝦la~! 仲有叫左三文魚, 睇佢同活壽司果d邊個大舊d~手握壽司一來, 完全係大件lo! 又甜, 冇見過咁大件甜蝦架~!@@" 可能我食得唔太多貴價日本料理, 但真係好大件呢~surprise~waiter態度唔錯, 而且有禮貌~又叫左南瓜三文魚湯, 真係唔腥wo~ 仲幾鮮味, 一讚~三色壽司, 好怪既味= =""波士頓卷, 對唔住, 我係食唔到新野架la~= ="" 但芝士味既反卷叫人點食= ="

討論過後同女友食壽司慶祝生日。店只餘下兩台人，很好很寧靜。蜂太多人，很嘈不好談天。這兒還好吧，不過魚缸其實都吳係好吸引。叫了十六、七碟。吉列炸蝦　－　好脆好正。三文魚頭南瓜湯　－　甜甜地，一般啦。壽司：三文魚　－　比峰好，真心話。蟹柳　－　略遜於蜂的。築地蝦　－　彈牙，不過我吳鐘意食生蝦。吞拿魚　－　２度都差吳多。花之戀　－　好食過元綠的很多。三文魚子　－　正，爆的感覺！北寄背沙律　－　不錯。三色波子　－　外形得意，味道也ｏｋ。長腳蟹壽司　－　呢個好好食，好好味。油金魚　－　一個字　－　肥。雪芒ｘｘ卷　－　呢個好好味，是日最正的一碟。長鰻魚　－　同蜂差不多墨魚姿　－　墨魚仔一仔，幾好ｏ趙。吳錯吳錯，不過價錢都吳平因為叫左好多貴野食所以吳會平好多。蜂太多人的話，可以來這試一試。真係吳會差太遠。

9點時許到達很快就可入座了 是晚2人吃了三文魚壽司,蟹柳壽司,鰻魚壽司,腐皮壽司,芝士炸蝦卷壽司,秋刀魚壽司,築地蝦壽司,帶子壽司等等..壽司都十分新鮮!友人說比峰壽司還要好!!可是由店員介紹的活魚壽司略為遜色一點稱魚是由魚缸撈出來的我卻試不出魚有特別的鮮味或許是我不懂欣賞吧! ;P 整體的羽壽司的評價很高之後一定會繼續到羽壽司"覓食"XD值得一讚的是嗌飛姐姐的感覺十分親切,服務態度很好

琴晚約左男朋友夜晚去Times睇Tokyo Drift,睇戲前當然食餐飯啦~去得銅鑼灣,當然唸住去峰壽司啦!點知一去到要等百幾張,所以即刻走去板前睇睇...嘩!點知板前仲誇張,要等二百幾張添!痴線!所以一路行,行行下就去左羽壽司喇~ 起初我唔係咁想去,因為食過尖東間覺得麻麻,但係見佢唔係如多人就算啦!一坐低,我同男朋友都狂叫野食~我地食左...三文魚壽司x2:唔算好新鮮,OK啦~蟹柳壽司x2:同峰壽司一樣,非常好味!蟹子壽司:無乜特別,OK啦~吞拿魚壽司x2:好新鮮,正呀!墨魚姿壽司:成隻小墨魚,好鮮甜!花螺壽司:好特別又好味!鱆紅魚壽司:唔錯,都幾新鮮~油甘魚壽司:唔錯,OK啦~劍魚壽司:好好味呀,必食推介!帶子壽司:好大隻好新鮮,正!軟殼蟹手卷x3:太好味喇!要再encore~呢餐食完如飽又好滿意,奈何bar既位真係窄到死,好迫!而且佢成日肓D廣播,好嘈而且好老套!

見有咁多網民講呢間壽司店，今日終於可以試，呢度有人講得好亦有人講得唔好，我本人亦都有去過板前同峰壽司，我覺得羽壽司唔會比呢兩間差，論質素刺身壽司新鮮亦鮮甜，論款色又比呢兩間多，服務更加是三間之冠，雖然都係要排隊，七點幾去到都係第廿分鐘左右，整體講係一間值得推介餐廳。推介食物:三文魚壽司，再加洋蔥口感一流$9築地蝦壽司，爽口，$20帶子壽司，鮮甜，大件$25赤貝壽司，爽口,大件$35燒帶子貝南瓜三文頭湯炸墨魚咀日本推介季節魚(伊佐幾)必試!!!

魚生都可以...但每舊壽司d飯都好大舊...好快就飽...想試多幾款都唔得!收碟速度奇快, 好似趕客咁:-(

揀左好耐都唔知食乜好，行行下見到里間壽司，印象中聽過，但唔知原來開係度。見唔太貴，就入左去試下。坐bar檯係好迫夾，無位放野。但又想可以睇住d食物，增加食慾！d壽司賣相幾好，雖然係峰壽司好食好多，但佢比果度平，不過我覺得d三文魚，羽好食過峰！d款色都多，不過有d搞笑，有活魚刺身出爐時，會好似酒樓飯茶咁廣播出來…我地無乜叫d貴壽司，好經濟，而且我地都愛三文魚。兩個人食左兩舊水

30/7/2006同朋友&我阿妹一齊去動漫展~我們大約1點多到銅鑼灣醫肚先~本來打算去板前壽司度食嫁~但原來咁早都需要等成十幾個位~等位的同時~我們便到處行下~行下行下就發現了這一間迴轉壽司~HEHE~居然~無人等位~仲有好多位坐...所以...便入去試下LU~我們三個人總共食左成20碟壽司~基本來說是比板前差少少~但都幾好的...沒有令人失望~D壽司款式會比板前的特別~我本人特別推介︰火灸三文魚~幾香的...三文魚壽司~咖喱蝦卷、帶子壽司(又係好大件)若果佢地的刺身可以再鮮味一點~應該可以拍得住板前壽司的！^^

前幾日同妹妹和一個朋友放工行銅鑼灣,行到成十一點先肚餓,本來想去板前,但都仲係好多人等,見呢樹冇人等又未食過,便決定試下,叫左以下食物:1.三文魚壽司X 3~好新鮮,好好味2.甘蝦壽司X 2 ~ 大大件,好鮮甜3.赤貝和唔記得咩魚壽司各X 1 ~我冇食到.所以不能置評4.火灸帶子壽司x 2- 帶子很大隻,但燒到一邊凍,一邊熱,唔得均衡5.火灸長腳蟹壽司x 1 ~呢個仲差,D肉淋淋地.又唔新鮮.6.炸生蠔X 1 ~呢個入口番脆,但很細隻7.炸墨魚嘴X 1 ~話明係炸,但入口又係淋淋地,唔好食服務都唔錯,都很主動加水,緦括來講,我覺得元x好過佢.雖然冇佢甘多款,但至少d炸物唔會入口係淋囉是次盛惠$297

今日, 無乜野做, 又想食得好一點, 行過銅鑼灣板前, 見到咁多人, 所以去左第二間, 去到羽壽司, 見未食過, 就入左去試下...入到去, 環境一般, 坐左係迴轉壽司, 格局好似元6同元4, 無乜新意, 坐得幾好, 同埋好多員工, 好易就搵到人幫手, 先食左一個帶子壽司, 都算新鮮.. 得手食多個波士頓卷, OK啦, 因為都無乜驚喜, 跟住叫左一個叫"月"的刺身, 有三文, 吞拿, 鯨龍, 帶子, 食落都算新鮮啦, 不過不失, $108的價錢, 都可以接受, 食食下, 佢地話劏左一條獅魚, 手快有手慢無, 所以叫左一客壽司, 呢個壽司, 個口感幾FULL, 脂肪好夠, 如果食多一點的話就會好溜...佢地會有好多唔同既魚食, 仲會分開唔同既季節, 幾好, 跟住仲叫左一個蒸蛋, 我次次去食日本餐都會叫, 但係佢地整得麻麻, 太老...其實仲食左其他野, 不過無乜好寫, 基本上, 如果有一般要求, 但係又唔太高的話, 羽壽司都唔錯, 令人俾錢時會俾得開心咁囉, 第次寫食評, 請各位大大多多包含喇, 嘰嘰

等唔到去食板前...實在太多人跟住行左去呢度食呢間...第一次試order 枱好快就入得去坐壽司即叫好快到,幾新鮮和大件抵食丫~款式都好多,仲介紹埋呢個季節最好食咩魚tim~螺肉、甜蝦、海膽等全部都好肥美~口感唔錯而芝士蟹籽軍艦我第一次試呀!!!口感好豐富~好正!必試職員見我地食完好快收碟,跟住全部上晒order 就收定d 碟和筷子....暗示要人走...好似有少少趕客lor!但大致上服務算幾好但環境就麻...因為我地坐近門口....冷氣同門外的熱風吹埋來真係突然好唔舒服lor~同埋它個度冷氣d 水倒流...滴到我男朋友件衫....我見d 職員都成日專登去抺...too bad~~下次勸大家揀迴轉枱,咁就perfect

好耐無食壽司，見好多網友都話羽壽司好食咁咪試囉，入到去感覺好靚，我地有三個人，坐Order檯，好舒服，見到本餐牌有好多食，咁我地就叫最鍾意食三文魚，帶子，赤貝等等壽司......當D壽司送到時候，嘩！我地都嚇一跳，D壽司係Overside，飯細，刺身好大件，最值得介紹係呢度有象拔蚌食架，又唔貴又甜丈爽，一個字㊣，服務又好，有一樣好得意係，呢度會有人叫咪，會有D活魚同曰本魚，仲會有侍應走Sale你食唔食，整體講呢度好好，會有下次。