羽壽司 (已結業)

同老公起總統睇完戲，差唔多夜晚８點，想食壽司，見到對面呢間新開羽壽司，其實以前都試過尖東個間，覺得唔錯，而且見唔駛排隊，就入去試。壽司款式好多好新鮮，魚肉好有光澤，仲有活魚壽司，即即整，不過我地試個款“細鱗”Ｄ肉就Ｄ，我地仲食好大隻帶子壽司，即叫即炸天婦羅壽司，都係我至愛，唯一失望係個日冇蟹柳壽司，佢地Ｄ蟹柳係好似“峰壽司”個款咁，好鮮甜架！我覺得佢Ｄ壽司絕對唔會差過“峰”同埋“板前”，價錢亦差唔多，但起碼唔駛排餐死先！