羲和雅苑

营业中

休息中

同好耐冇見嘅朋友聚餐，於是就book咗間餐廳食好啲！本身係網上面見到食評都唔錯，到餐廳更加係覺得冇揀錯！環境同服務都非常好～內裡裝修古色古香，好似入咗時光隧道返咗去老北京老上海。一坐低店員就會先問我地要飲咩茶，茶位每人20，雖然有其他野飲，不過就更加唔抵，所以都係飲茶算啦，可以無限添水。嗌咗半隻招牌烤鴨，另加三碟菜式，一個羹。三個人食，飽到痴線呀。小菜價位由88至388不等，但份量同味道都是讚的！首先呢半隻烤鴨就已經有好多花臣，分三部份去食，先係油香豐膄的鴨皮沾爆炸糖或藍莓醬，藍梅醬酸酸甜甜，中和鴨皮的油膩，口裡只剩令人垂涎的香和脆。跟住就係可以直接食嘅鴨胸肉，點芥茉醬吊味，鴨肉嫩滑得黎帶點刺激，好特別的味道，依家諗返都流晒口水。最後就係大家都好熟悉嘅食法，用薄餅皮包住片皮鴨肉，加埋片皮鴨醬、青瓜、乾蔥、山渣條等等，原始嘅食法一向都冇得輪架啦～睇下啲油脂幾邪惡，減肥都係食完再算。但我自己就略嫌薄餅皮有少少厚，要放兩塊鴨先食真啲味。第二最愛嘅就係水煮桂花魚，魚肉超級滑漏，而且少骨，啖啖都係滑嘟嘟嘅肉。如果食得辣嘅人應該會嫌唔係好夠辣喇～底個啲先係精華所在，扁身薯粉非常煙韌，同埋好似食極都

今日同前輩食飯，為咗多謝佢咁照顧我，所以同佢去咗依間有無敵維港景既羲和雅苑食飯。依度出名烤鴨，連幅畫同咕𠱸都係鴨，食佢係指定動作啦。要睇大廚表演就要留意番啦，因為唔係正座位面前既。不過咁搶眼既烤鴨，無可能睇唔到啦！馳名烤鴨(半隻)，$328。一開始上定配料。個包爆炸糖係會等上咗烤鴨先會開既。佢話免得咁快變稔，影響味道。而黑色既架到時開咗包白色嘢放入去就會有熱力，d烤鴨放係上面，就無咁快變凍啦。咁周詳既考慮真係睇得出佢既熱誠同專業。烤鴨有三碟，最底下係鴨皮、中間係鴨胸肉、最上既鴨腿肉。不過點解會分開三碟仲咁得意有爆炸糖呢？原來依度有三種食法。第一種就係用鴨皮蘸藍莓醬和自家出品既爆炸糖。佢教話先放入口唔好咬感受個仲跳躍。真係好得意，鴨皮好似係口裏面跳舞仲慢慢咁融化，好似施咗魔法咁，真係好似會跳舞既烤鴨。第二種鴨胸肉蘸秘製芥末醬。鴨胸肉比較瘦，不過個少少鴨皮都有好多油脂架。所以好似半肥半瘦咁好滋味。芥末醬係微酸帶甜，唔係好辛辣，咁樣鴨胸肉既味道更出。 第三種食法就係傳統既。不過如果想創新下，可以加山渣條，幾特別既。係咁靚既美景食烤鴨真係特別好味架。孝敬前輩係唔可以慳荷包既。所以叫咗個磯煮鮑魚

今日難得放假，幾位好姊妹就約我去食午餐，最後我地決定去海港城食，我朋友話想食中菜，最後簡左羲和雅苑！我朋友話這裡環境舒服，仲可以望到維港景色😂可惜剛剛落完雨！首先，我地叫左張氏獅子頭，係位上的，這款菜整得好別緻，先講獅子頭，味道好濃好香，另外仲配上一碗迷你白飯，真係好可愛😂☺️😋d醬汁送飯一流再叫左酥皮酸辣湯，我好中意飲酸辣湯，仲要加上香脆嘅酥皮，簡直係最完美配搭，酸辣湯好足料，酸辣程度剛好，味道唔錯撈汁秋葵，呢款菜式都幾特別，秋葵好新鮮，味道有少少辣，好好味，好喜歡這種味道宮保大蝦球，調味配料充足，好香辣，但係好惹味，蝦好大隻，又夠爽口最後，仲叫左羲和小肉卷，賣相好美，肉卷外層好鬆脆厚實，味道唔錯，第一次食這類型嘅菜今次食到好滿足，下次我要帶埋屋企人黎食先得！

同婆婆慶祝生日，所以就帶左佢去海港城食中菜，最後就選擇左近排好流行新食法嘅片皮鴨餐廳「羲和雅苑」到慶祝生日！餐廳環境好優雅，好古色古香！有好多特別嘅裝飾品！我地叫左鐵觀音茶，好香好濃！介紹下食物先😋馳名烤鴨（半隻）黎到羲和雅苑，就緊係食佢地最出名嘅烤鴨啦！烤鴨有三種好特別嘅食法！第一種係食鴨胸皮，是點藍莓醬同爆炸糖一齊食，食落口沙沙聲，好特別好過引，最重要個鴨胸皮好脆，但入口即溶第二種係食鴨胸肉，是點秘製芥末醬一齊食，芥末醬味道調得唔錯，都係一種新𩓙嘅食法第三種係食鴨腿肉，是連皮包起來一齊食，仲有多款配料，除咗傳統嘅食法之外，另外仲有洋蔥同生楂，這些配料，都幾特別北京干炸丸子丸子炸得又香又脆，配上沙律醬，好好食，我食到停唔到口青梅一字骨除左賣相靚之餘，估唔到份量都幾多，肉質都好嫩滑，酸酸甜甜嘅醬汁，滲入左排骨入面，夠曬入味整體來說，餐廳食物菜式非常創新，味道唔錯，我婆婆好滿意這次的生日飯！

<爆炸糖加北京烤鴨 你試過未？ 🦆💥😈>#fafafoodblog尖沙咀呢間喺海港城行入去10 分鐘既海運大廈入面 有間 羲和雅苑 食既係官府京菜 裝修幾有格調 十足去左北京食野甘 環境舒服 👍🏻 menu有好多唔同種類既京菜 夠哂全面 甜品前菜主菜 一應俱全 價錢偏貴但質素高 物有所值。 唔怪得之長期多人 仲有一早book定😄🍴羲和馳名烤鴨 半套 328 蚊 🦆好有特色既片皮鴨 無論放醬汁材料既盒 淨係連埋鴨肉既擺設都好靚😄 師傅既刀工好好 切得好靚同整齊🔪可分開皮 胸 腿 三個食法1. 鴨皮 喺傳統既白糖 加上跳跳糖 好特別🦆🍬 再加上藍莓醬 首先個鴨皮好香脆 咬落啖啖油花 加上少少藍莓醬減低肥膩口感 連埋跳跳糖 增加甜味道之餘喺口入面彈下彈下甘 好味又特別😄2. 鴨胸肉 點以秘製芥末醬 🌶不用卷餅鴨胸肉比較多肉質 本身好有咬口肥瘦適中 😄 芥末醬有d似 德國咸豬手嗰種 但呢隻整得稀d酸少少 帶微辣 好開胃 😄3. 連皮帶肉既鴨腿肉🦆 呢部分既肉肥佔多d 口感彈牙 可中式點以蘸甜麵醬 葱絲 黃瓜條 🥒又或者西式加以藍莓醬 紫洋葱 京糕條(山渣) 夠哂清甜開胃中

有一次朋友說有一間在尖沙咀海旁的餐廳是吃中菜的，來帶我嚐嚐，又可看夜景，又可吃到美食由於這餐是朋友請客，我又不好意思讓他破費，我就說只淺嚐就可以了，點了一份湯飯、獅子頭和一客甜品，再加上一壺美茶我們加錢點了一壺菊花茶，菊花非常之香，用上玻璃壺，外觀非常美潮式蠔仔泡飯，附上一小碗脆脆，加上湯飯更加香，湯飯裡面有很多蠔仔，味道不會太腥，有冬瓜粒和冬菇粒，飯粒軟硬剛好，半湯半飯的份量，令人吃到舒服張氏獅子頭，看似好像很小一個，但實質吃上去這份量是剛剛好，無論肉質還是味道都做得很好，吃多了反而膩法式朱古力蛋糕，三層朱古力的味道享受，融在口中非常好吃，朱古力味道非常濃郁，一塊蛋糕吃不夠呢，很想吃多一件，不過少吃多滋味整體這間中菜非常有水準，看到周邊有很多檯都有點皮片鴨，下一次可以再來只為一嚐他的片皮鴨和法式朱古力蛋糕

呢間羲和雅苑，以前已經聽過，係北京非常出名，知道佢黎左香港開分店，仲有海景，所以期待已久，想食好耐了！馳名烤鴨半隻$328當晚既待應好耐心咁同我地講解片樣鴨的食法。烤鴨總共分成3碟： 有烤鴨胸皮，烤鴨胸同烤鴨腿肉當中最鍾意就係烤鴨胸皮，店員話頭兩碟都唔需要包餅皮，就咁食就可以了。鴨剛剛烤好出黎，鴨皮好脆，油脂比例好好，有入口即溶既感覺～其次就係配埋餅皮食既烤鴨腿肉。呢個係我最期待既部分因為羲和雅苑既片皮鴨係融合埋新式既食法：爆炸糖！！沾埋藍莓醬，山楂條和黃芥末一齊食，口感好特別，味道亦甜甜地，好新穎～當然都有傳統食法，包住沾了甜醬的鴨肉，青瓜，京蔥，洋蔥。蜜汁脆芋絲$58份量好大，每條芋絲都充滿住蜜汁，記得要襯熱食，擺耐左就好難夾了。桂花蜜山藥$38有淡淡既桂花味香，山藥爽口，好養生。磯煮鮑魚$78冰鎮鮑魚，切片上，可以一小塊優雅地食，鮑魚好入味，一D都唔韌～山藥燕窩羹 $98山藥切到好細粒，容易入口，燕窩又養顏，岩哂女士食呀！成餐飯整體非常滿意，食物當然好，但店員服務態度實在係好到令我驚訝，好開心，仲有得睇住維港食飯，推介推介～

衆好友飯聚，想揀間環境好D嘅，一行六人，到達後被安排到一間玻璃房内。日頭應該好風景，但夜晚就黑漆一片，仲常有人在外食煙，感覺有D擾民，但一行人興致不减。正因大家聲量都唔细，怕嘈到人地，就順手把門關上。點知有個西裝友入嚟，拋低一句：門唔可以閂，除非訂包廂，會有minimum charge! 立即全部人停口O嘴，呢位經理樣嘅人已經轉身閃開。呢種損人不利己的行為就已夠把一間睇嚟唔錯的餐廳扣一半分。接下來六個人開咗兩壷茶，食到一半，竟然有個姐姐入嚟話：唔好意思，我地唔夠茶壷，可唔可以攞番一個？我地衆人睇住枱面一壺保利一壼鐡觀音，當然係唔可以。姐姐一句說話都冇轉身就走。經過呢兩件事，再點評食物大家會覺得唔公平。但事實。。。有圖有真相。鴨0k，但太肥。有味蜜糖炸竽絲性價比其低，肉丸賣相同菜牌中的差天共地。食完走的時候經過廚房，地下濕立立，唔敢再睇！但想講食物一般最好就服務搭夠。我去過他們在北京的店，佢呢間嘅服務真係失禮死人!

尖沙咀LCX嗰邊多咗幾間新野食 一直都仲未去試 今次就屋企人試咗羲和雅苑打電話去book枱嗰陣已經問我地要唔要留定隻烤鴨(可以半隻或一隻) 仲已經係電話解決俾我地聽會有咩食法🤣環境方面:有大圓枱 有梳化卡位 亦有室外位置揀 可以望住海景 同朋友家人情侶去都冇問題服務方面:每上一道菜都會同我地介紹 特別係食烤鴨嗰陣會教我地咩部位跟咩醬食 好細心👍🏼食物方面:款式好多 而且好特別 味道亦不錯烤鴨:最特別係鴨皮加藍莓醬同爆炸糖食完全冇咗油膩感覺！估唔到爆炸糖可以有咁嘅食法金磚豆腐塊:外脆內滑！蝦干冰菜:本身鍾意食冰菜 所以試下有冇咩特別睇落好次平平無奇 不過食落因爲有啲酸酸甜甜嘅汁 所以好清新開胃 北京干炸丸:其實係炸豬肉丸 熱辣辣 唔會太多炸粉嘅感覺芥末沙律蝦球:味道好夾 加上有炸米通就更加香脆總結:值得再去！

很久之前聽說有一間來自北京叫羲和雅苑的中菜館很有名氣的將會駐腳在 TST, 於是便早一個月便打電話留位, 然後早幾天和家人還有女朋友去了海港城吃吃晚飯.首先是餐廳的地理位置極佳, 可以說是無阻隔地飽覽維多利亞海港兩岸迷人景致, 尤其是在燈飾襯托下, 不難看到中環IFC及九龍ICC兩大本地建築, 相信如果旁晚時間來的話, 更可欣賞到醉人日落的美好景象.一坐下我們都有看餐牌, 羲和雅馳名的菜色是羲和烤鴨, 其實我在網上已經做了些功課, 這裡的烤鴨三吃得到很多的讚賞, 女朋友也說餐牌內很多餸菜的賣相十分新派討好, 雖然大概之前在其他的地方也會吃過. 不過這裡的餐單給人感覺是比較多元化的. 其實固然之我們有叫羲和烤鴨, 我個人覺得也是必 order item; 不過相信都很多人已經寫過其詳細特色了. 所以今次小第選其他三兩樣的餸菜覺得特別不錯的來推薦推薦吧.青梅一字骨 - 份量足夠我們分享, 酸酸甜甜煮得好入味不覺膩, 是伴飯知己, 係推介嘅菜式~ 巴蜀口水雞 - 辣度可以接受, 雞肉都算嫩滑, 真係有食到流口水的 XD, 麻辣且香嘅味道, 令我好難抗拒呢! 燕窩紫薯蒸蛋白 - 分量和men

美食林立的尖沙咀係過江龍集中地之一，近期又多一間登陸啦，就係北京的羲和雅苑😃😃羲和雅苑以北京烤鴨最為馳名，店內都有不少其他的地道北京名菜，餐廳裝潢別緻，就連菜式、食法也別有用心，下過一番心思，帶俾食客們特別的雅致體驗😋😋點了招牌菜北京烤鴨(HKD$328/半隻)，會有師傅即席在你面前片鴨皮上碟，新鮮好味😎😎烤鴨分開三碟（鴨胸肉，鴨皮，鴨肶肉），有三種醬料的食法（藍莓醬加爆炸糖，芥末，山楂條、蔥絲加甜醬），各有各特式！酸甜的藍莓醬加爆炸糖就比較新穎，配上鴨皮，皮薄而脆，爆炸糖在口中跳動，令人更覺鴨皮的脆口！鴨皮蘸上醬汁可以令味道更豐富，感覺很特別！而芥末醬的甜酸口味，加上鴨胸肉的嫩滑，去除鴨肉的膩感之餘，入口更覺鴨香！😝😝傳統食法就可以連同山楂條、蔥絲加甜醬夾雜來吃，山楂條的開胃搭上京蔥的香味和甜醬，亦可以食出傳統北京烤鴨的味道呢，令人回味無窮！羲和小肉餅：一層層的小肉餅都係第一次食到，餅皮香脆，餡料豐富，層層捲上，入口質感更重，味道突出！宮保大蝦球：食得辣的朋友就十分推薦這個菜式！蝦球隻隻大粒就不在話下，而且食落爽口，香辣滋味令人回味不已！加上用石鍋奉上，色香味俱全，更加令人忍不住多吃

Openrice見到衣度既北京填鴨唔錯，咁我地就決定黎試下新野啦先講環境景色，當然係好靚啦，對住維港既夜景，我地早食飯，人未係好多，感覺relax首先我地叫左個乾隆白菜即係麻醬白菜，好重芝麻醬味，好開胃之後就上主角填鴨喇百寶盒好精緻唔同部位，有唔同醬汁食法，職員會逐一教點樣配醬汁食藍莓同芥末醬都好味但d鴨其實冇我地想像中咁好食，可能之前太大期望之後仲食左青梅一字骨細細舊容易食，醬汁酸酸地，幾好味最後食埋個XO醬稻庭麵份量有點少，應該是一人份，味道都OK總括而言，唔係唔好味，但未會有下次再來食既想法

中午兩個人去食烤鴨 去到個陣啱啱開門 只有我地一台最後我地決定叫半隻鴨 芥末蝦球 同 八仙鍋巴 本身打算叫個荷葉飯但可惜我地去個陣冇供應蝦球上先 上面係🍤下面係米通 舖滿滿滿的honey mustard 第一啖覺得唔錯 款醬係韓國honey mustard 🍤大大隻連住脆脆既米通一齊食～ 跟住係八仙鍋巴 入面有幾多料 蝦同帶子都好彈牙 冬菇旬有爽口 個芡比我想像中濃稠 但係味道偏淡 我食完個濃味蝦球之後再食呢個就覺得太淡 最後就係烤鴨啦 三碟鴨分別係皮（點糖/藍莓醬）鴨腿（點芥末醬）同埋包住食既 每款肉上菜既時候都會介紹建議食法.... 包法有傳統蔥 青瓜同甜醬 亦有西式洋蔥 山楂糕同藍莓醬。我都係鍾意傳統包法多d... 藍莓醬不是我的菜🙈整體呢講我個人覺得ok既 但係真係太油....服務態度唔係差但係亦唔好 問問題係完全被無視既 佢地好似係有lunch menu既 但係我叫完先知 所以無緣 其他中午去既朋友仔可以問佢地攞lunch menu試試

約咗班好耐冇見嘅朋友，想搵個地方清清靜靜傾下計食下嘢，朋友推薦呢間喺海港城嘅羲和雅苑。 入到去環境真係幾別緻， 窗口位全部都係落地大窗望住個維港景食飯真係一流。撈汁秋葵- 鍾意食秋葵嘅朋友必試， 醬汁好特別配上秋葵獨特嘅口感，唔錯!蜜汁脆芋絲 - 上到枱香噴噴，食落口又脆卜卜，加上有啲蜜糖係面，有少少似食緊馬仔既感覺但係又好脆口。留意最好上枱就快啲食，因為擺得耐嗰啲糖會變硬，不過又有另一番風味。乾蝦冰菜- 冰菜唔係間間酒樓都有得食，呢個冰菜味道好獨特，我有啲朋友未食過冰菜，試過之後都讚口不絕。擔擔麵- 份量都幾大，食開辣嘅擔擔麵朋友就話唔錯。福建炒飯- 原本想叫荷葉飯但係賣曬，不過呢個味道都幾好。蛋白杏仁露- 最後我哋嗌咗一個一人份量嘅杏仁露，都好香杏仁味， 係食得出係即整嘅。

海運大廈最近終於完成擴建, 新裝修後未行過,就入去睇下，發覺而家入面開多咗好多餐廳，羲和雅苑就係其中一間， 餐廳位置在商場嘅尾段可以飽覽成個維港景喺門口睇過餐牌之後入去試下啦。餐廳裝修都好別緻，枱與枱之間都好寬闊，我哋一行四人坐咗喺窗邊適逢八點見到維港燈光匯演，真係好靚。馳名烤鴨- 呢個片皮鴨應該係餐廳嘅招牌菜，上枱前侍應會教你點樣食，因為佢真係有別於一般坊間食法， 大師傅會喺你面前片皮然後將唔同部位嘅脆皮連肉分開上畀客人品嚐，每個唔同部位佢哋會有一啲特別嘅醬汁配合，我最印象深刻係有一個用爆炸糖既醬汁，真係好新穎，必試辣子雞脆骨- 呢個都唔錯，入口唔會油膩，喜愛麻辣人仕必試。楊枝甘露- 呢個一人份量嘅人之金露份量少少但係我味道唔錯好清甜。松茸素佛跳牆- 除咗佢哋嘅小菜外，我發覺其實湯類都好唔錯，我哋嗌咗個松茸素佛跳牆，味道好濃郁又唔重藥材味， 小朋友都啱飲。北京乾炸丸子- 味道唔錯，炸完一啲都唔油膩，出面好少有得食。