影片
更多
2018-05-09
159 浏览
今日同前輩食飯，為咗多謝佢咁照顧我，所以同佢去咗依間有無敵維港景既羲和雅苑食飯。依度出名烤鴨，連幅畫同咕𠱸都係鴨，食佢係指定動作啦。要睇大廚表演就要留意番啦，因為唔係正座位面前既。不過咁搶眼既烤鴨，無可能睇唔到啦！馳名烤鴨(半隻)，$328。一開始上定配料。個包爆炸糖係會等上咗烤鴨先會開既。佢話免得咁快變稔，影響味道。而黑色既架到時開咗包白色嘢放入去就會有熱力，d烤鴨放係上面，就無咁快變凍啦。咁周詳既考慮真係睇得出佢既熱誠同專業。烤鴨有三碟，最底下係鴨皮、中間係鴨胸肉、最上既鴨腿肉。不過點解會分開三碟仲咁得意有爆炸糖呢？原來依度有三種食法。第一種就係用鴨皮蘸藍莓醬和自家出品既爆炸糖。佢教話先放入口唔好咬感受個仲跳躍。真係好得意，鴨皮好似係口裏面跳舞仲慢慢咁融化，好似施咗魔法咁，真係好似會跳舞既烤鴨。第二種鴨胸肉蘸秘製芥末醬。鴨胸肉比較瘦，不過個少少鴨皮都有好多油脂架。所以好似半肥半瘦咁好滋味。芥末醬係微酸帶甜，唔係好辛辣，咁樣鴨胸肉既味道更出。 第三種食法就係傳統既。不過如果想創新下，可以加山渣條，幾特別既。係咁靚既美景食烤鴨真係特別好味架。孝敬前輩係唔可以慳荷包既。所以叫咗個磯煮鮑魚
依度出名烤鴨，連幅畫同咕𠱸都係鴨，食佢係指定動作啦。
要睇大廚表演就要留意番啦，因為唔係正座位面前既。不過咁搶眼既烤鴨，無可能睇唔到啦！
馳名烤鴨(半隻)，$328。一開始上定配料。個包爆炸糖係會等上咗烤鴨先會開既。佢話免得咁快變稔，影響味道。而黑色既架到時開咗包白色嘢放入去就會有熱力，d烤鴨放係上面，就無咁快變凍啦。咁周詳既考慮真係睇得出佢既熱誠同專業。
烤鴨有三碟，最底下係鴨皮、中間係鴨胸肉、最上既鴨腿肉。
不過點解會分開三碟仲咁得意有爆炸糖呢？原來依度有三種食法。
第一種就係用鴨皮蘸藍莓醬和自家出品既爆炸糖。佢教話先放入口唔好咬感受個仲跳躍。真係好得意，鴨皮好似係口裏面跳舞仲慢慢咁融化，好似施咗魔法咁，真係好似會跳舞既烤鴨。
第二種鴨胸肉蘸秘製芥末醬。鴨胸肉比較瘦，不過個少少鴨皮都有好多油脂架。所以好似半肥半瘦咁好滋味。芥末醬係微酸帶甜，唔係好辛辣，咁樣鴨胸肉既味道更出。
第三種食法就係傳統既。不過如果想創新下，可以加山渣條，幾特別既。
係咁靚既美景食烤鴨真係特別好味架。
孝敬前輩係唔可以慳荷包既。所以叫咗個磯煮鮑魚(隻)。不過都係$88啫。鮑魚一d都唔韌，好有口感。不過就有少少鹹。所以一隻兩人吃剛好。
牛油芝士焗大蝦(4隻)，$188。唔好睇佢得4隻得咁少，隻隻都勁大隻，食完兩隻就會覺得好足夠。
味道更加一流，大蝦好新鮮，肉質鮮嫩彈牙，真係以為剛剛係維港捉上來。而且牛油芝士好濃味，d醬係滿滿一碟都係，真係食到好滋味。
大蝦底下仲有脆卜卜既米通，真係好特別。
宮保帶子球，$228。係用傳統北京宮保汁做，帶子係用日本刺身既帶子。唔好見到咁多辣椒就以為好辣，唔係好辣既，係好惹味啫。
帶子唔多，但真係可以用球來形容，好大粒又爽軟鮮美，配撘醬汁一流。
燒汁芥末牛肉粒(例)，$128。前輩話食到好足既芥末味，但我就覺得唔多濃，真係各人口味都唔同。不過一樣既係我哋都覺得好好味。牛肉粒好惹味，肉味香濃又有口感!
籠仔櫻花蝦海味蒸飯，$128。係香港店特有菜式，係以香港前係漁港來創作既。底下係荷葉，所以有荷葉香，材料有魷魚、蝦乾、櫻花蝦等等，有硬有軟好有口感。
其實依度有好多款菜式，有平有貴，多人來一齊食其實都抵。雖然今餐係貴，但其實我哋打包咗好多番屋企。最重要係前輩好開心。食得開心真係無價既。
依架做緊母親節套餐，可以參考下。
张贴
