羲和雅苑

营业中

休息中

今次搵食好有秘境feel！都唔知海運竟然有「新翼」，幾間新餐廳駐紮咗喺呢自乘一角嘅地方！位置上真係要搵下，因為真係最成個商場最篤篤，不過新裝修氣派真係幾好！入到去坐低，已經對住個完美大海景，無得彈！而嚟到羲和雅苑點少得個好好味片皮鴨呢？侍應哥哥介紹咗呢個招牌菜3食，廚師仲好細心咁將鴨切成3種唔同大小、唔同口感嘅肉片，「最大化」味覺享受！先係薄薄一片一片鴨皮，脂肪多啲無咩肉，呢種鴨要用fusion 食法，點酸梅醬同爆炸糖一齊食！糖嘅甜味同酸梅醬酸味中和咗啲脂肪嘅油膩感覺，突出咗入口即溶嘅口感，呢個食法同之前喺北京只係點砂糖嘅食法相比之下好有新鮮感！第二碟係皮肉比較勻稱的切法，係點芥末嚟就咁食，點綴咗鴨嘅肉香同味道，係幾原汁原味嘅。至於最後一種，係肉多少少嘅切法，用返最傳統的包麵皮、鴨醬嚟食，當然係滿口香甜同埋勁滿足啦！但除咗鴨之外，呢到其他菜式都唔錯，好似我就比較喜歡蜜汁芋絲同埋乾隆白菜，2個菜式都甜甜哋，係我嘅最愛！尤其係蜜汁芋絲雖然蜜糖好足，但芋絲一樣好脆口，喜歡香口食物的不容錯過。而芝士大蝦都yummy，好濃芝士味蝦又新鮮！大家仲可以留意下細節，好似佢嘅小食係幾得意，有紫菜仲有啲一

晚上和朋友們相約去食片皮鴨。這餐廳位於碼頭附近，位置比較偏僻。我們一行四人，預訂了一隻鴨，再另外點了些小食。不過餐廳價錢不菲哦。鮑魚一人半隻，鮑魚身比較硬，但都幾大隻。中間有少許蘿蔔。芥末鵝掌芥末醬很濃，近乎去骨，爽脆但濃味，伴碟是大白菜卷。海蜇挺麻辣的，但吃下開胃、清爽。朋友們未試過冰菜，於是點了一客試試看。我覺得偏淋，不夠爽口。但份量挺多，味道亦清香。拔絲芋絲非常香脆！吃下甜絲絲的，而且香脆，令人驚喜的一道菜。由開始吃到結尾，作為甜品都得。咸甜相配亦得宜。秋葵亦是比較淋，而且醬汁偏咸。主菜片皮鴨！這餐廳的鴨似乎比較肥。它有三種食法，先吃鴨皮，配西式梅子醬和爆炸糖，再吃鴨胸，點芥末醬吃。最後係鴨脾，好似平時既包著咁食。味道挺香脆，不過肥膩。宮保帶子，帶子幾大粒，五六粒左右，味道偏淡。除左帶子，其他配料都無食到，好似有啲浪費。好嫩滑既蠔仔餅，蠔仔細細粒但幾足料。黑松露味亦香濃。很喜歡這蟹黃扒豆腐，鮮味香味濃郁，豆腐又滑溜，非常惹味。蘇皮酸辣湯想不到挺辣，但夠足料，酸酸辣辣香口又開胃。最後仲有一人一份甜品，紅棗黑木耳，出奇地清甜解膩。整體而言，餐廳味道不錯，但價為亦偏高。

睇到咁多好評 梗係想試下啦 星期五晚6點半入坐 8點3交枱 預左亦合理 去到門口 個女員工已經面黑黑 掙佢兩蚊咁款 第一印象已扣分🤨預留左半隻鴨 再叫人寫菜 好彩係另一位女員工 面帶非常好既笑容 跟之前個差天共地 即時攞返少少分😎鴨到喇 分三食法 老實好鬼肥 入口亦好油 點解咁多人好評？！ 跟我係上海間大董食差好多皮 配爆炸塘食係新奇 但唔係話好夾好好食我地三個人一致都覺得隻鴨真麻麻 尤其凍左 嘩 好鬼羶😖籠仔隻 芥末鵝掌 麻辣海哲頭係好食 但主打菜片皮鴨不行既話 好難比好評最後係呢樹係香港 服務水準真係好重要呢🙄

本來在歺廳㚈見到裝修幾古色古香，好像好好味的片皮鴨等中菜，吸引了試下！入去只有室外位，裝置就如茶歺廳咁！ 但抱住希望它會好味，就試下啦！叫了半隻片皮鴨約$398，超級油膩！ 那些薄餅皮又厚又硬！ 醬很咸！蔥不夠新鮮！難食得很！另外個芥末醬炸蝦配米通的沙律，肥膩得很，沒有弄乾d油，大塊米通，好飽肚，不過是食了令人失望的入肚，卻要花近$170 ！黃金豆腐，平平冇奇！毫不特別！平佢一半的歺廳更好味！最驚人的是個楊枝金露甜品，又細杯，似expresso 咁細，極之難食！收$68 ！ 😡淡芒果水，冇果肉！太過份！再加上其中一兩個差的服務員，真令我想即走！不會再去！😤

聽朋友話呢間烤鴨好正,就一於嚟左試一試! 位於海港城, 景色一流, 睇住維港個景嚟食晚餐特別有feel~今次同朋友慶生, 就點左幾個小菜同半隻烤鴨~張氏獅子頭 $48之前食過其他餐廳既獅子頭, 五香味都比較重! 但呢度就相對溫和好多, 啲汁味道剛剛好, 送飯一流~ 熱燙燙既獅子頭, 裡頭絞肉都相當嫩~酥皮酸辣湯 $98好鐘意飲酸辣湯 所以見到都無放過~ 而呢個仲要係酥皮版, 好邪惡! 不過飲落酥皮部分唔會好油膩, 又有啲飽肚感咁, 都幾好! 酸辣湯既料都好多~金沙鮮魷魚 $158黃金乜乜乜咸蛋黃係一個趨勢,呢度都搵到! 爽彈既魷魚蘸上咸蛋黃再炸, 好香口~籠仔櫻花蝦海味蒸飯 $128櫻花蝦佈滿面頭, 飯粒都粒粒分明! 加上海鮮既味道入埋去飯度~ 夾埋一齊食味道剛剛好! 最後唔少得烤鴨($328)半隻既份量有鴨胸皮、鴨胸肉及鴨脾肉3碟, 份量都唔少! 肉都切得唔會薄, 啖啖肉好滿足!另外可以配搭唔同食法, 除左有最傳統既京醬之外, 仲有爆炸糖、藍莓醬、芥末醬等等一齊食~不過我最愛都係傳統京醬既味道,經典無得輸~ 順帶一提佢地既皮口感好好, 帶點彈性又厚薄剛好~ 唔會太麵粉~下次再想食中菜

終於嚟到呢間北京烤鴨店朝聖，剛好放工就來豪吃一番！烤鴨是必點的，佢仲有好多前菜小菜選擇呢，真係花多眼亂！份量都唔會好小，但質素真係好好！我地就先嗌左佢地嘅馳名烤鴨半隻$328等嘅期間都點左啲小菜食下，其中嘅松露蠔仔煎蛋 $88令我好驚豔！面頭一大撮黑松露醬，入面嘅蠔仔都唔太細仲好鮮甜～煎至金黃而內裡仲保持到好嫩滑，仲爆到啲蛋汁出嚟～烤鴨終於到了，會係你側面片，見住啲油花四濺同埋鴨油既香氣，真係流晒口水！師傅分左三個部分咁介紹，鴨胸皮、鴨胸肉、鴨脾肉～鴨胸皮唔連肉，只有鴨皮及脂肪位，十分邪惡！鴨胸肉可以蘸上黃芥辣，偏酸而無嗆口既刺激感，反而更開胃！鴨脾肉配上勁創新既藍莓醬同爆炸糖，十分特別！由咸變甜既味道～食完即刻納入我最喜愛片皮鴨餐廳頭三位！下次會再嚟食！

同朋友好耐冇見 一於就去食好啲 朋友介紹到尖沙咀海運大廈有一間唔錯嘅中式餐廳 佢哋嘅北京烤鴨好出名！！一入到去就發現成間餐廳裝修得好中國風 除咗有室內嘅座位 亦都有室外 嗰日落雨仍然都有客人願意坐出邊 因為可以睇到成個維港嘅景色羲和雅苑最出名就係佢哋北京嘅烤鴨 梗係要嗌隻黎試吓啦！師傅會即場係你面前片鴨 而一鴨會有三個食法 首先會食咗鴨皮先 然後再係鴨胸肉 最後用嚟包住餅皮嘅係鴨腿肉 食鴨皮嘅時候 會比一包佢哋自己特製嘅跳跳糖 食落口嘅感覺都好特別 而唔想點跳跳糖 都可以點特製嘅藍莓醬 食落口酸酸甜甜咁都好開胃整體來講呢個烤鴨都好出色 不過唔知係唔係我哋唔識廝呢啲餅皮 覺得餅皮食落口有啲厚 不過味道依然係好好呢個水魚桂花魚係我嘅最愛辣度唔會好勁 辣到食唔到 魚又非常滑 底下面又有啲芽菜薯粉 真係好好好食！！！呢個口水雞同外面個啲好唔同 食落口好重麻醬味 但都有辣嘅味道 好香仲有！我地嗌咗個燕窩羹 好清甜 而且又燕窩都得好少 食完滋補又養顏最後梗係要個甜品黎結束 因為自己幾中意食桃膠 見到餐牌上有 即刻嗌咗個試下味道都好好 不過桃膠有啲煮得太諗 但都係好好食！女仔快啲食個黎滋補下成餐食咗

人大左反而鐘意左食中菜添😋😋😋朋友同我慶祝生日都揀左間好有水準既中菜餐廳🤩一早訂好位啦，有得座海邊，感覺好高級呀。不過由海港城行過黎有啲遠嚕！哩度既待應加茶加得好積極，讚！後來發現原來每嗰茶位要$20!!聽説哩度一定要嗌扁皮鴨，朋友一早訂左隻😋😋😋😋我地嗌左啲前菜，麻辣海蜇頭，蝦米冰菜，金銀蛋浸萵筍，炒遍豆，豉油浸雞，米通炸蝦球，麻辣牛肋骨😋😋😋😋😋多人食飯可以嗌多啲野食，我最鐘意呀。首先嗰海蜇頭好正，好入味！冰菜好脆口，然後嗰金銀蛋浸萵筍好有驚喜，平時通常都係金銀蛋浸筧菜既，原來換左萵筍仲好味呀，全晚我最鐘意食哩樣嗰餸😍至於個豉油雞就普通左少少，但係個麻辣牛肋骨好出色，嗰價錢都要成五百蚊架，不過好味既程度係正既，因為嗰牛肋骨炆得好淋，就算切得好厚身，都一樣唔會好un，而且味道岩岩好，仲有嗰甜甜酸酸既汁可以中和番牛既肉味，好夾！然後嗰米通炸蝦球都不錯，全靠嗰蜜糖青芥辣醬，嗰醬好似麥當勞點jack嗰隻醬呀，點咩都好食架！到左嗰主角啦，原來分左三種食法，第一種淨係食皮，可以點埋嗰爆炸糖食既，不過我略嚴食皮好肥呀，第二種係連埋少少肉食既，可以夾埋啲青瓜西芹食，第三種就係鴨腿肉，可以配埋嗰麵粉

沒失望,太陽下山景真的很美。朋友ㄧ直説一定要ㄧ起去欣賞,而食物也很精美。因為ㄧ行只有三人,所以訂位時未有預訂半隻鴨,即時只隨便叫了四個小菜。獅子頭,官保蝦,窩巴及口水雞,價錢,賣相及份量都ok。整體環境氣氛都不錯,唯ㄧ少許失望是盛獅子頭的碗是破爛的,叧裝茶用的是膠壺,有可能是原裝的都打爛了。服務態度方面都ok,訂位流程都跟得很貼,唯ㄧ是晚飯要分兩時段交枱,比較不便,但肯定會帶朋友再去看夕陽下山,好美。

之前經過已經見到呢度新開嘅餐廳景觀十分無敵，今日卒之有機會嚟試吓，餐廳裝修雅緻，門口有一幅極富中國色彩嘅圖畫，裏面個outdoor位極大，配以白色為主色調既藤椅，感覺十分悠閒。張氏獅子頭，獅子頭上枱嘅時候隔離竟然有一碗有如乒乓波大小嘅白飯，的的骰骰，實在令人驚喜，需知道獅子頭呢一類食物，有白飯餸係絕對會好味啲嘅，嗌一碗白飯又太多，宜家跟一細啖白飯，份量啱啱好餸哂個獅子頭，獅子頭口感軟腍，秉承正宗嘅濃油赤醬，餸飯送酒兩相皆宜。意大利黑醋炒雜蔬，用意大利黑醋嚟炒雜菜，呢啲咁有gimmick嘅嘢，我一定會嗌嚟試下，雜菜混雜著意大利黑醋嘅香味，酸酸甜甜，十分開胃。巴蜀口水雞，呢度嘅口水雞同平時喺川菜館食嗰啲口水雞好唔同，呢度嘅辣度比較溫和，仲好似落咗少少麻醬，加上面頭大量嘅炸蒜，芝麻同香蔥， 十分美味。羲和馳名烤鴨，個烤鴨嚟之前首先會上咗調味配料同埋塊皮先，淨係呢個陣式已經相當有氣勢，中間蒸籠入面嘅係包皮，核心嘅外圍配料除咗經典嘅蔥絲，青瓜絲同埋甜麵醬之外，仲有相當特別嘅山渣，芥辣，藍莓醬同埋爆炸糖，每種都會有店員介紹，用嚟配襯唔同嘅部位。首先上嘅係跳舞鴨皮，用跳舞呢兩個字係因為餐廳建議呢一道

嗰晚開OT，同陳仔做到成8點先趕起份Report，唸住走人，㸃知老細話今晩請地食番餐， 有大食大，一於咁話。老細帶咗我呢間，今次發啦，海港城高級野，入面裝修high 到痺，老細真識做。先來頭盤北京烤鴨，個侍應話D鴨係養到40大D嫩鴨，好似話用咩特別木烤，我用薄餅表包著帶皮鴨肉加D山渣條加埋洋蔥芥醬，食落隻鴨好香肉味，皮帶脆，D簿餅皮吸咗D油，加埋D酸甜山渣食，好正!  巴蜀口水雞好麻辣，我食到豐富的香料味，花椒，花生碎，辣椒油，芝麻，香菜，令口水雞更惹味，隻雞又滑又麻辣，送飯一流。粟米魚肚羹，好滑，D粟米蓉與魚肚味道好夾。羲和小肉卷，卷成好多層，吃時好酥脆; 青梅一字骨，有少少似粵菜生炒骨，但比生炒骨開胃，那青梅醬鋪左炸過的排骨上，完全不肥膩，有種開胃到越吃越想吃之感。黑松露蠔仔煎蛋，D蠔仔好多，蛋是煎的本是炸，吃時有嫩滑有蛋味，配以黑松露和蠔的鮮味，好味到震。還有干煸牛柳蘑菇，好好食D牛柳! 無美酒，太掃興，結果阿sir 好識做，一齊cheers!  阿sir 萬萬歲!

海港城近碼頭附近開左間主打北京烤鴨嘅中式食店，羲和雅苑，北京上海都好多分店，今次黎香港開分店，裝潢有北京胡同嘅感覺，有維港夜景，有露台可以食嘢同時飲兩杯chill下青梅一字骨梅子醬酸酸甜甜配上半肥瘦嘅一字骨，如果加埋白飯係可以添多幾碗飯羲和小肉餅，好新鮮煎起，一定要趁熱食，鹹鹹嘅肉香同脆香一齊入味蕾蜜汁脆芋絲，令人食指大動。蜜汁脆芋絲切得好幼，炸得每條均勻，無論顏色味道都一致，甜絲絲，唔錯！到主角烤鴨，一鴨三食，侍應們都好好心機教你何謂三食，第一食係鴨皮，新派食法，藍苺醬配合爆炸糖，喺口入邊就好似會跳舞嘅烤鴨第二食，用鴨胸肉點佢哋嘅秘製芥茉醬，酸中帶甜，一啲都不油膩第三食，鴨腿肉，最傳統嘅食法，點甜面醬蔥絲黃瓜再包起來食，一次滿足多個口感望住海景食住烤鴨，如果唔太熱可以坐露台外面吹住海風，叉足電又新嘅一天！

我尤愛京滬菜，與友人久未相聚，相約在此吃一頓盛宴，順道試菜。論環境可謂美不勝收，位處海港城，是城中高級食肆，坐擁醉人海景，入內彷如置身北京宮庭雅座，期待美食到來，相得益彰。重頭戲是北京烤鴨，侍應左我們面前將鴨切成薄片，配以八寶盒，有洋蔥，青瓜，山楂條，京蔥，甜麵醬，芥醬等任選，我將烤鴨夾著山渣條加了點京蔥和甜麵醬，包裹薄餅皮，咬下，烤鴨的油香和肉味在舌頭瀰漫，酸酸甜甜的山渣中和了烤鴨的油膩，但又滲出了京蔥的香，那甜麵醬令鴨肉的味道更顯層次，再吃煙韌簿餅皮，我找回了北京烤鴨的味道。和牛乾煸口蘑，這個乾煸菜果然出色，菜式帶油有光澤，沒有多餘湯汁，和牛鮮嫩香口多肉汁，蘑茹獨特香鮮味，與牛味相互融和，沒有多餘芡汁，但很美味!  巴蜀口水雞，汁醬麻辣又帶酸香，雞肉嫩滑; 松露蠔仔煎蛋，是潮汕菜改良版，沒有炸蠔餅那般油，但有淡淡的黑松露香氣，但蠔仔不是珍珠蠔，鮮味稍遜，但味道仍然不俗。青悔一字骨，一字骨炸得香脆，左表面鋪上層酸甜的青梅醬，開胃又豐膄。梅菜乾煸四季豆，好咸香惹味，又一出色乾煸菜，作結是山藥燕窩羹，新鮮山藥切成細粒，腍軟又有燕窩蛋白香味，清甜滋潤。

又到一年一度公司聚餐大日子, 今次有同事建議到羲和雅苑食片皮鴨....我的最愛~於海港城的羲和雅苑有極佳的環境! 當晚我們一邊欣賞維港景色, 一邊食色香味俱全的佳餚。桂花蜜山藥 ($48)桂花蜜山藥充滿桂花香, 而且是冰凍的, 作為前菜真的不錯!但我認為還有改善空間! 桂花蜜太多所以甜了點, 而山藥亦不是每件都爽脆呢~黃扒魚肚 ($148)要$148碗, 老闆更點了每人一碗呢見顏色以為是南瓜湯底, 原來不是! 味道像高層次的海皇羹, 多了鮮味, 少了腥味!張氏獅子頭 ($48)是一小球獅子頭配超迷你白飯一碗, 所以都是每人一碗!獅子頭比平常食到的多了花椒八角的味道, 而且肥瘦均勻, 再細心地送上白飯, 簡直一流羲和小肉餅 ($48/4件)只點了4件, 留肚食其他菜嗎~幸好只點了4件, 因為一件已夠了~皮跟肉卷成一個個圈, 入面好像加了點芋蓉, 好味金磚豆腐塊 ($108)侍應介紹, 必屬佳品!其實即是椒鹽炸豆腐! 豆腐超滑, 而炸粉厚度剛好, 不會太厚, 又食到脆卜卜的口感金沙鮮魷魚 ($168)貴就貴了點, 但真是值的!相比大排檔的黃金鮮魷, 新鮮多了, 又超厚身缺點是味道不夠咸香~

今日去左尖沙咀海港城，羲和雅苑，係中菜，主打片皮鴨三食。雖然價錢中上，高級中菜，可以面向海景食飯，享受下維港景色, 同媽媽8點幾去到，人流唔算好多一入去已覺得好舒服，仲有開放式bar 枱，一邊觀看廚師切鴨刀工。菜牌亦有介紹何謂「片皮鴨三食」，如何將一隻鴨食到盡。主菜係籠仔櫻花蝦海味蒸飯，可以見到飯係金黃色，粒粒吸滿汁，非常入味，海味同蝦鋪面，食時可以撈一撈，更加香更加鮮味。跟住係榆耳碧綠核桃，同。菜心界成八爪魚樣，每棵碧綠，核桃同榆耳更添色彩跟住就係重頭戲片皮鴨三食！半隻鴨切成一片片，配上調味料同蔬菜，可因應口味自己調整，擺盤好靚。最後以的兩款甜品做結尾，紅棗木耳羹，紫薯燕窩蒸蛋白，唔算太甜，不過好香蛋白味有海景，尖沙咀，食物多款，環境舒適，推介大家黎嘆一嘆！👍