羲和雅苑

营业中

休息中

我其實係一個幾鐘意返大陸食嘢嘅人，首先價錢抵，真係遇到唔好食都唔會dum心口🤣🤣🤣🤣🤣🤣🤣🤣🤣同埋真係抵食好多！但無計最近真係無時間返大陸，難得香港有分店，我唔理喇都要試下香港分店嘅手勢。價錢的確貴啲，但原來都好多人等位，去到都要排一陣隊。片皮鴨兩個人要半隻，份糧剛剛好，叫太多反而食唔到😂而且味道好好～同大陸真係差唔多，香港感覺再乾淨啲。而且師父切得好仔細同快，真係幾好味！大家唔駛再去咁遠

心思思想食片皮鴨 上開飯見到呢間有烤鴨三食 評價仲唔錯 襯朋友生日去慶祝下先桂花蜜山藥山藥有驚喜 很爽脆 配上桂花蜜 又不會過甜 是一道開胃的小菜蝦乾冰草同樣是一道開胃的冷盤 冰草爽口 原本以為配上蝦乾味道會偏鹹 不過入口有啖啖醋香 每一塊冰草也沾滿調味動感豆腐入口果然很動感 很Q彈滑嫩 不過醬汁較單調 但面層的木魚絲有為調味和口感 增添了一點分數吃了幾道開胃小菜 今天的主角便來了 更有師傅在面前切烤鴨馳名烤鴨(半隻) 店員會仔細介紹烤鴨不同部為該沾上甚麼醬料🦆最左面的鴨胸皮 配上爆炸糖 藍莓醬 味道很新奇 有點入口即融🦆中間的鴨胸肉 配上芥末醬 酸酸甜甜🦆鴨腿肉 有中式西式的食法 中式配上青瓜絲京蔥絲傳統烤鴨醬汁 西式則配上山楂條洋蔥條藍莓醬 再包進薄餅皮 自家製餅皮很軟熟 個人比較偏好中式食法 鴨腿肉很香口青梅一字骨一字骨很入味 稠稠醬汁 酸酸甜甜金沙海皇扒白玉豆腐很滑濃豆味 面層醬料稠稠的 濃蛋黃味 更有蝦肉 底下會有蠟燭坐熱 不怕變”鯨”芥末沙律蝦球蝦球彈牙 配上滿滿的芥末沙律 微辣微酸很解炸蝦球的油膩感 底下更有脆口的鍋巴 口感豐富蝦湯海皇泡飯每次到中菜廳必點 🦐蝦湯濃郁足料

I was super looking forward to this dinner since I been hear a good thing of them since they open in Hong Kong. I know the restaurants chain are from Beijing but i never got a chance to visit them whenever i was in Beijing. So here I am, celebrating my friend birthday here. And spoiler alert, it ain't good.As I attached the receipt here, its around 400 per person. the restaurant is L shape and they also have tables outside where you can see the vistoria harbour. I made the reservation almost mon

羲和雅苑在我的朋友圈中實在太多好評，而在我的印像中又真的不錯，所以就襯新年前跟幾位到此朋友一聚。來到必點餐廳火紅的《羲和馳名烤鴨(含八寶盒) 套$598》（如果點半套就$328）看到菜單的介紹，原來羲和烤鴨與眾不同的在於它在繼承傳統技法的同時創新改革，讓它有嶄新的風味。 而烤製的過程採用傳統果木掛爐技法，選用煙少，燃燒值高，且本身帶有香味的杏木進行烤制。 烤鴨出品呈深棗紅色，紅亮剔透香氣撲鼻。配料絕不馬夫，八寶盒中有藍莓醬、芥末醬、甜麵醬、洋蔥條、黃瓜條、蔥條、跳跳糖、山楂條和薄餅一份。另加任一小料 $20 另加薄餅 $48店員細心講解鴨的三個部位和建議的三種食法：第一種食法：建議先將鴨皮蘸藍莓和混合糖（即是在傳統的白糖裡，加入了爆炸糖　）跳躍的口感，勾起了兒時的回憶，不用包薄餅直接食用。第二種食法：將鴨胸肉蘸上”羲和秘製芥末醬”，這個芥末醬完全顛覆了傳統芥末醬的口味，同樣不用卷餅，吃起來酸中帶甜。第三種食法：將鴨腿肉連皮帶肉的，最適宜傳統吃法，鴨肉蘸甜麵醬、蔥絲和黃瓜條。也可以採用西式吃法，蘸藍莓醬加紫洋蔥和京糕條，两種口味各有特色，而我都係比較喜歡傳統的。《乾隆白菜 $68》這道菜

羲和雅苑係海港城，景色非常優美，夜景真係一流黃扒魚肚 - 呢個好有驚喜，係中西FUSION，南瓜湯配燉煮魚肚，南瓜味都襯托出魚肚嘅鮮香，好厚好彈牙青梅一字骨 - 醬汁非常香濃，D肉好鬆化離哂骨，好食～片皮鴨 - 可以三食嘅招牌菜，包括炸鴨皮，配藍莓醬同爆炸糖一齊食，果香平衡油膩感，爆炸糖就帶來更豐富嘅層次；另外有傳統嘅食法，就係用餅皮包起青瓜同鴨肉；最後仲有鴨胸肉，沾上秘制芥末醬，酸中帶甜，都不錯牛油芝士焗大蝦 - 蝦碌好大隻好多肉，唔會話過份油膩黃金魷魚非常好食，漿夠薄脆，裡面魷魚好厚蝦干冰草 - 超級特別的菜式，好爽脆，加上蝦乾嘅鹹香，推介！炒飯是想不到的好吃，足料夠鑊氣

聽聞尖沙咀開咗間好正嘅中菜，今日去開shopping，就順便試下佢啦。一入座，發現原來係對住個維港夜景食飯，正呀！店內嘅裝修亦中西合璧，既富有中式味道，又型格時尚，感覺幾好。-椒鹽魚皮炸魚皮就食得多，椒鹽魚皮就未試過喇。魚皮炸得香脆，配上椒鹽更加惹味。魚皮份量好多，多人分享都足夠。-金沙魷魚香口嘢唔會有人嫌多，近期潮流好興嘅金沙/鹹蛋黃就更加吸引！平時好受歡迎嘅椒鹽鮮魷，換上金沙口味，一聽就知冇得輸！食落唯一扣分嘅，就係佢粉漿過厚，略略影響咗口感。-黑椒鹽炸粟米黑椒鹽同炸蒜鋪滿粟米，微辣又醒胃。不過粟米比較黐牙。-獅子頭獅子頭係逐位計嘅。上枱嘅賣相非常”的骰”，一個小砂鍋裝住獅子頭，一個小小嘅飯碗裝住送獅子頭嘅飯。獅子頭肉質唔會太鬆散，好入味，配上小碗嘅飯，撈埋汁，好滿足👍🏻-籠仔櫻花蝦海味蒸飯以為蒸飯好頹？其實蒸飯都可以好講究！一打開個籠，嘩一聲！蒸飯賣相好靚！滿滿嘅櫻花蝦，配上各種海味同埋香噴噴嘅蒸飯，色香味俱全，一定要試！-馳名烤鴨 三食烤鴨好多地方都有，但尼度嘅真係與別不同！皆因尼度有多種食法，中意點食就點食！首先，師傅喺我地面前切鴨。之後店員順次序介紹每個部位同食法。鴨胸皮香

之前同朋友間中去海運大廈上面睇海景，無意中發現有間食北京烤鴨嘅餐廳，想試好耐，又有海景睇，咁今日同朋友約咗尖沙咀食飯就諗起羲和雅苑就去試下，由海港城一路行都要行10至15分鐘先到天氣好似比較熱，所以就選擇坐室內如果唔係坐室外個View係幾靚我地坐咗沙發位，都幾舒服，裏面嘅裝潢都好有中國特色首先叫咗幾個前菜有黑醋雲耳，超級開胃，不過有點辣另外有蝦乾冰草，未食過，好特別，幾爽口，仲有蜜汁脆芋絲，好有焦糖味，甜甜的要襯熱食，凍左就變硬特式獅子頭，原來比相像中細，連白飯，醬汁幾香，送飯一留最愛嘅牛油芝士焗大蝦，超有芝士同牛油味，好入味好正蝦新鮮好彈牙好大隻，如果有飯送就更正仲有個唐生菜同埋金沙鮮魷魚，好有鹹蛋味，份量多，炸得好香口鬆脆，都係要趁熱食，唔係就會淋籠仔櫻花蝦海味蒸飯，超大兜，我同朋友都超飽食唔晒，好足料，有蝦、魷魚同櫻花蝦，好好味最後當然唔少得主菜馳名北京烤鴨，仲有師傅即場係你面前切開，包括有鴨皮、鴨胸肉同鴨肉，燒得好香口，分別有唔同配料同醬汁加薄皮包起，當中有爆炸糖配搭，超特別口感，值得推介超豐富既一餐，食唔晒店員仲好好幫我地打包，服務不錯

我和好友都鍾意食鴨，之前兩個人來覺得炒飯小菜精緻美味，但礙於兩個人難食鴨，於是今次搵多兩朋友來才叫鴨這店環境靚，對海，好舒服，可惜隔離檯一直有bb喊，破壞了傾計享受慢食的味道。侍應好惡，唔解清楚個木盒用來做咩，個盒濕到水噴煙竟然怪罪客人，擺出一副麻煩到佢的樣。不過朋友相聚心情好，大家笑下就算，否則我們也擺客人款去嘈就相拗唔好口了。是次點了：炒飯：如上次仍舊炒得一粒粒有口感蒜蓉津白：一朵朵花好靚，好香，好好味全隻鴨： 三食好特別，不同食法也好好味。不一隻鴨好細隻，唔抵食。總括而言，食過一次就夠啦！係得意特別，但唔抵食，鍾意食鴨唔會滿足。再加上喊聲太嘈，印象唔好。雖然我們唔係明星唔係VIP，但都係客，基本良好招呼都係需要的。

今個月業績唔錯，老細就獎勵我哋食飯慶功，呢一間羲和雅苑，我哋想去食嘢好耐，難得今晚有咁嘅機會當然唔會放過。羲和馳名烤鴨，有位大師父在你跟前，即席演出功架，眼見大師手起刀落，不消一會，便片出一片一片甘香薄薄的鴨片，共有 三個部位給客人品嚐，一款油香撲鼻透明的鴨件，香脆非常，第二款冧冧肉 滑捋捋，同樣甘香可口，第三款肉質柔軟蜜甜，皮脆肉嫩，配搭自家手工精製薄餅，夾著多款配菜一同進食，美味非凡，不愧稱為招牌菜。一道芥末沙律蝦球，呢款都係我至愛，烹調後蝦球還 king size 蝦肉爽甜汁 自家調製沙律醬配上脆米餅，配搭得出色，口感豐富。一道金磚豆腐塊，金黃亮麗，外皮鹹香鬆脆，熱騰騰內心軟軟嫩嫩，會令你食不停口。一碗松茸素佛跳牆，非常滋味，雖則是素食，但口感濃郁芳香，鮮甜至極，湯底淆製得非常出色。一碗粟米魚肚羹，名字雖然平凡，但烹調功夫絕不 平凡，綿滑清甜，魚肚煙韌又軟綿。一款燕窩紫薯蒸蛋白，滋潤養顏，紫薯散著陣陣清香，蛋白平滑如鏡，非常蜜甜。另一款楊枝甘露，與別不同，非一般的手作，大師手藝非凡，潤蜜甜美。今晚我們吃得非常開懷，往後更加投入工作，增加更好成績，下次可以再嚟了。

上星期堂姐嚟香港旅遊， 佢好耐都冇食過中菜，我哋就帶佢去食正宗烤鴨，尖沙咀羲和雅苑最出名就係呢度菜，有大師即席在你面前片出香噴噴熱騰騰的鴨片，一層薄薄透明嘅鴨肉，油光閃閃，鬆脆到不得了，三種部位有不同嘅口感，肉質軟綿幼嫩， 甘香無比，用一片薄薄嘅 粉皮夾著各款配菜進食真係名不虛傳。一碗燕窩羹，軟綿嫩滑，滋潤養顏。另一個酥皮酸辣湯，酥皮香噴噴，浸在酸辣湯一起進食口，感豐富湯，底烹調得非常綿滑。一碟炒飯端上枱已經聞到香噴噴，櫻花蝦鮮香無比 配搭多款海鮮，炒得飯粒顆顆圓潤，煙煙靭靭。另一款上湯伊麵蝦球，非常蜜味，蝦球隻隻爽口彈牙鮮甜多汁，上湯飲得出 用上長時間烹調出來，配搭得非常出色。一款蠔仔煎蛋，蠔仔粒粒脹卜卜鮮香至極，蛋漿滑捋捋，灑上松露散著陣陣幽香，配搭非常巧妙。關於甜品都係另一傑作，蛋白杏仁露，外表平滑如鏡，白雪雪，杏仁散著香氣迷人閏蜜又清甜。另一款法式朱古力蛋糕， 都不遑多讓，朱古力味非常濃甜，蛋糕軟軟綿綿，甜蜜蜜，喜愛食甜的堂姐非常滿足到她的口味。

（羲和雅苑）在北京享負盛名，初次到港，其選址尖沙咀海港城海運大廈OTE的newly food complex，佔盡地理優勢，坐擁270度維港景緻，攝盡夜光十色。港人熟悉的優質京菜餐廳北京樓、美中鴨子恐怕還未是對手，論其氣派、裝潢設計、更湛的當然是（片皮鴨）的premium quality。大廚即席在大堂展示精湛刀工，把片皮鴨切片，大量鴨油香徐徐溢出。卡座以古雅胡桃木清代雕刻屏風分隔，是一種老北京人的古典情懷。馳名烤鴨半隻$328，分別有烤鴨皮、鴨胸肉、鴨腿肉，八面玲瓏。八寶盒有京蔥、紅蔥、填鴨醬、甜芥末醬、山渣條、創新的爆炸糖。幹鍋菜花$98，辣度足，鍋底有微火能保温，放久更辣更嗆，惹味、過癮。櫻花蝦海皇炒飯例牌$138，櫻花蝦滿鮮味帶子甜滑，炒飯粒炒得乾身清爽，伴入乾海鮮食材，勾出鮮香。金銀蛋浸萵荀$88，切成長條狀見其刀封利落，創新融和本地菜（fusion菜），採用金銀蛋湯，混入多種蛋香，突出萵荀清甜香鮮。宮保帶子球$228楊枝甘露，芒果香夠清，亦有芒果汁及大量芒果粒。

同媽子慶生，食中菜是常識吧！馳名烤鴨🦆 (推薦指數：😋😋😋😋😋)呢度嘅北京填鴨，真係好出名，同埋真係名不虛傳，燒得好靚，油香好足，睇得出師傅工力好好。佢d topings好多，有中西新三種食法。1.全隻鴨皮薄嘅部份，佢係燒得最脆既，建議我哋用爆炸糖溝西莓醬 嘅食法，入口即爆，好得意。2.油脂中等的部分建議用 中式食法：芥末 及西式食法：酸梅醬3.而油脂分布最平均嘅部份，就用返傳統有包皮包住的食法。個個人都幾鍾意第二種食法。.金沙鮮魷魚🦑 (推薦指數：😋😋😋😋)新鮮嘅魷魚🦑用咗呢個有鹹蛋黃嘅脆皮包住，鍾意香口嘅朋友一定唔可以錯過啦。.青梅一字骨 (推薦指數：😋😋😋)都幾大碟，總共有三少分，每分有三大嚿，所以都夠好多人食。燒長既肋骨，上面用咗酸酸地嘅青梅醬，代替左傳統咕嚕肉，做開胃餸幾好。.特色宮保雞丁 (推薦指數：😋😋😋😋😋)用嚟送飯真係一流，辣就唔係好辣嘅但係佢嘅花椒啦令到成個餸都好香好麻。好正。.蔥燒海參 (推薦指數：😋😋😋😋)一人一條，係一個好矜貴嘅餸嚟嘅，啊用蔥同一個甜甜地嘅醬汁扣個海參，如果當係鋸扒咁都唔錯嘅！.芥末沙律蝦球🦐 (推薦指數：😋😋😋😋😋)芥茉醬配合炸蝦球

自從海港城新裝修的OTE開幕後，這邊開了很多新餐廳，賣點大多都是維港兩岸的夜景，今次去到吃京菜［羲和雅苑］🍲🍚被安排坐近窗邊，看到維港夜景，而室內環境都舒適寬闊，更有獨立廂房。除了有多人套餐外，都有不少單點食品，定價中上。磯煮鮑魚 $88先點了鮑魚，以冰鎮形式送上，鮑魚有半隻手掌大小，黃色小花伴有用昆布、鮑魚一齊煮既蘿蔔，入味軟腍。師傅好細心將鮑魚煮熟後切片狀，方便食用口感爽滑彈牙，新鮮開胃說是遲那時快，師傅已經準備好即席切烤鴨了馳名烤鴨 $328 餐廳主打烤鴨，就點了半份試試。非常大陣容，除了用來保持鴨肉溫度的黑色盤子，還有八寶盒。此賣點之一就是醬料配搭比坊間食法多。八寶盒內竟有爆炸糖、黃芥辣、藍莓醬。之後店員再細心介紹烤鴨的三種食法：一） 首先以最左邊的鴨皮加點爆炸糖、藍莓醬食，口感脆卜卜，就好似係口裡跳舞一樣，好有趣既食法！二）然後到中間的鴨胸肉，蘸上店方自家製芥辣醬，不用卷餅，放入口中無想像中的嗆辣，反而酸中帶甜又能解膩。三）最後就是右邊的鴨腿肉，亦是我最愛的部位。連皮帶肉就用來卷薄餅食，加上傳統的青瓜絲、京葱絲和甜麵醬，鴨肉略帶脂肪，份外滋味店員亦介紹另一西式食法，用藍莓醬、

尖沙咀靚景中菜😍望曬成個海景星期三晚8點多到達，已經枱枱full👍🏼裝修別有一番中國風味，好多旅客都專程嚟食，不過位置係海運最入，唔行多幾步真係會miss咗間咁好嘅餐廳必食菜式一定係羲和馳名烤鴨，我地兩個人叫咗半隻，我覺得份量足夠4人share😻即叫即切俾你吃法創新，不局限於傳統一種，仔細聆聽店員講解有3種食法，第一種係主要鴨脆皮加爆炸糖和藍莓醬，口感層次挺特別。第2種係少少鴨肉連皮，可以配上黃芥末醬。第三種就是傳統嘅加洋蔥、青瓜絲等等。將鴨嘅風味用不同配搭程現，總有一款你會特別鍾意🤤🤤特色宮爆雞丁，帶微辣🌶雞粒肉質十分脆口入味，搭上花生🥜腰果等果仁，香氣撲鼻🤩金沙鮮魷魚🦑外表佈滿咸蛋黃，炸至金黃色，加上蔥花，十分惹味芥末沙律🦐蝦球，底下有脆米，十分飽肚，蝦球粒粒都好大，醬汁帶點甜品，不錯👍🏼👍🏼籠仔櫻花蝦海味蒸飯，飯粒程金黃色，最底有荷葉，增加飯香，用料飽滿👍🏼👍🏼真係吃個不停餐廳無論從外觀到內至食物質素和服務真係💯💯推薦俾朋友💝💝💝💝💝

好幾個月前因朋友生日， 朋友好想食北京填鴨所以就訂了羲和雅苑還訂了房，因聽講每隻鴨均即叫即烤，烤好後師傅會係堂前片鴨，切成胸皮、胸肉及腿肉三部分，每片鴨皮都呈蜂窩狀，還有獨創嘅三種嶄新吃法！所以聽到這講究的食法非常吸引。 當天我們點餸時侍應不停介紹我們點套餐和貴的食品， 但有些食物不啱朋友吃， 最後沒有點侍應介紹的套餐， 所以當天侍應全程黑面也沒有熱情的招呼我們。我們想當天點了羲和馳名烤鴨，青梅一字骨， 金沙鮮魷魚， 龍仔櫻花蝦海味蒸飯，荷香鮑魚雞粒燜飯……烤鴨味道可以，最主要花巧取勝青梅一字骨沒什麼特別金莎鮮魷魚反而最好味成餐最欣賞就係個景