影片
更多
2019-04-01
74 浏览
聽聞尖沙咀開咗間好正嘅中菜，今日去開shopping，就順便試下佢啦。一入座，發現原來係對住個維港夜景食飯，正呀！店內嘅裝修亦中西合璧，既富有中式味道，又型格時尚，感覺幾好。-椒鹽魚皮炸魚皮就食得多，椒鹽魚皮就未試過喇。魚皮炸得香脆，配上椒鹽更加惹味。魚皮份量好多，多人分享都足夠。-金沙魷魚香口嘢唔會有人嫌多，近期潮流好興嘅金沙/鹹蛋黃就更加吸引！平時好受歡迎嘅椒鹽鮮魷，換上金沙口味，一聽就知冇得輸！食落唯一扣分嘅，就係佢粉漿過厚，略略影響咗口感。-黑椒鹽炸粟米黑椒鹽同炸蒜鋪滿粟米，微辣又醒胃。不過粟米比較黐牙。-獅子頭獅子頭係逐位計嘅。上枱嘅賣相非常”的骰”，一個小砂鍋裝住獅子頭，一個小小嘅飯碗裝住送獅子頭嘅飯。獅子頭肉質唔會太鬆散，好入味，配上小碗嘅飯，撈埋汁，好滿足👍🏻-籠仔櫻花蝦海味蒸飯以為蒸飯好頹？其實蒸飯都可以好講究！一打開個籠，嘩一聲！蒸飯賣相好靚！滿滿嘅櫻花蝦，配上各種海味同埋香噴噴嘅蒸飯，色香味俱全，一定要試！-馳名烤鴨 三食烤鴨好多地方都有，但尼度嘅真係與別不同！皆因尼度有多種食法，中意點食就點食！首先，師傅喺我地面前切鴨。之後店員順次序介紹每個部位同食法。鴨胸皮香
一入座，發現原來係對住個維港夜景食飯，正呀！店內嘅裝修亦中西合璧，既富有中式味道，又型格時尚，感覺幾好。
-
椒鹽魚皮
炸魚皮就食得多，椒鹽魚皮就未試過喇。魚皮炸得香脆，配上椒鹽更加惹味。魚皮份量好多，多人分享都足夠。
-
金沙魷魚
香口嘢唔會有人嫌多，近期潮流好興嘅金沙/鹹蛋黃就更加吸引！平時好受歡迎嘅椒鹽鮮魷，換上金沙口味，一聽就知冇得輸！食落唯一扣分嘅，就係佢粉漿過厚，略略影響咗口感。
-
黑椒鹽炸粟米
黑椒鹽同炸蒜鋪滿粟米，微辣又醒胃。不過粟米比較黐牙。
-
獅子頭
獅子頭係逐位計嘅。上枱嘅賣相非常”的骰”，一個小砂鍋裝住獅子頭，一個小小嘅飯碗裝住送獅子頭嘅飯。獅子頭肉質唔會太鬆散，好入味，配上小碗嘅飯，撈埋汁，好滿足👍🏻
-
籠仔櫻花蝦海味蒸飯
以為蒸飯好頹？其實蒸飯都可以好講究！一打開個籠，嘩一聲！蒸飯賣相好靚！滿滿嘅櫻花蝦，配上各種海味同埋香噴噴嘅蒸飯，色香味俱全，一定要試！
-
馳名烤鴨 三食
烤鴨好多地方都有，但尼度嘅真係與別不同！皆因尼度有多種食法，中意點食就點食！首先，師傅喺我地面前切鴨。之後店員順次序介紹每個部位同食法。鴨胸皮香脆，油脂豐腴，齒頰留香！鴨胸肉肉質結實，切得薄薄，唔會嚡口。鴨腿肉肉質嫩滑，油脂豐富。配爆炸糖、藍莓醬、京糕條定係傳統食法，各種食法都好正呀！
-
乳鴿
乳鴿上枱熱辣辣，肉質鮮美有口感，不過唔夠厚肉，不過不失啦。
-
金沙海王扒白玉
又係金沙嘅菜式呀！但尼味唔係熱氣嘅，係清淡嘅豆腐。淡味嘅豆腐，配上濃味嘅金沙同海鮮，味道恰到好處。值得一提嘅係，菜式上碟嗰陣，有個火座住，令金沙豆腐keep住熱，唔會”鯨”。
-
蒜蓉粉絲娃娃菜
食左咁多肉，叫返個菜啦。蒜蓉粉絲娃娃菜，同平日蒜蓉粉絲蒸海鮮嘅味道相似。上碟賣相有心思。濃濃嘅蒜蓉味，灒上熟油，令娃娃菜嘅味道昇華。
-
白牡丹
茶香四溢，消脂解膩，一邊食豐富大餐，一邊飲靚茶，perfect match!
张贴
