羲和雅苑

营业中

休息中

上星期堂姐嚟香港旅遊， 佢好耐都冇食過中菜，我哋就帶佢去食正宗烤鴨，尖沙咀羲和雅苑最出名就係呢度菜，有大師即席在你面前片出香噴噴熱騰騰的鴨片，一層薄薄透明嘅鴨肉，油光閃閃，鬆脆到不得了，三種部位有不同嘅口感，肉質軟綿幼嫩， 甘香無比，用一片薄薄嘅 粉皮夾著各款配菜進食真係名不虛傳。一碗燕窩羹，軟綿嫩滑，滋潤養顏。另一個酥皮酸辣湯，酥皮香噴噴，浸在酸辣湯一起進食口，感豐富湯，底烹調得非常綿滑。一碟炒飯端上枱已經聞到香噴噴，櫻花蝦鮮香無比 配搭多款海鮮，炒得飯粒顆顆圓潤，煙煙靭靭。另一款上湯伊麵蝦球，非常蜜味，蝦球隻隻爽口彈牙鮮甜多汁，上湯飲得出 用上長時間烹調出來，配搭得非常出色。一款蠔仔煎蛋，蠔仔粒粒脹卜卜鮮香至極，蛋漿滑捋捋，灑上松露散著陣陣幽香，配搭非常巧妙。關於甜品都係另一傑作，蛋白杏仁露，外表平滑如鏡，白雪雪，杏仁散著香氣迷人閏蜜又清甜。另一款法式朱古力蛋糕， 都不遑多讓，朱古力味非常濃甜，蛋糕軟軟綿綿，甜蜜蜜，喜愛食甜的堂姐非常滿足到她的口味。