羲和雅苑

营业中

休息中

適逄係爸爸既生日,,就成家人一齊食餐勁嫁喇!! 爸爸最鍾意食北京填鴨, 就帶佢來依間勁有海境既^^ 好HIGH CLASS咁嘛HAHAA.除左食個烤鴨,仲有叫左好多其他小菜.--> 宮保帶子球 $228叫左佢少辣嫁喇,, 但上到枱都係好多辣椒,, 嚇死了(爸爸唔食得好辣嫁><) 好彩係得個樣嫁咋 食到食到!! 仲要D帶子好大大粒好肥美啊-->羲和小肉餅$48 四件係除左烤鴨之外,小肉餅都係宜度既招牌野~ 其實出面係酥皮卷(有點似響鈴?!), 入面就有D肉不過GIMMICK個位係上面吉左枝滴管,自己鍾意咩汁自己唧入去食, HAHA! 又幾得意得啊-->蒜蓉粉絲娃娃菜$108每道菜都整得靚靚咁, 中間仲要有朵花BTW 佢D甜品幾唔錯的! 叫左紅豆沙湯圓$58 同薑汁紅早桃膠$48

真係好耐無食片皮鴨了。。！細個成日一家人去食鴨嫁，所以見宜間係tsim sha tsui，環境又不錯，一如帶daddy mammy泥食，兒時回憶一下haha!果然泥到任底，個境真係好正！！望住個海境，睇住師傅端出一隻熱辣辣，香噴噴既烤鴨出泥，係享受啊：ｐ叫左成隻烤鴨，＄５９８，預左食唔唒就打包返去啦～師傅一路盡顯刀功，又搽上不同的秘製醬汁，口水都流出泥加埋好打耳既烤鴨跳跳糖，食落口，就是佢所形容＂跳動的鴨皮＂，ｈａｈａ，就係脆卜卜好香口，咬落去卜卜聲既烤鴨，夾埋蒸起仲熱既皮泥食，嗯！！跟住仲想推介佢既金磚豆腐塊，一客有８件，＄１０８。豆腐泥講，宜個價錢的確係有點ｗｏｗ不過試過之後，我諗我下次泥都仲係會再叫！！因為本人好鍾意食豆腐但做到宜個質素真係要讚。外面個層好香亦脆亦唔會太厚炸粉，薄薄一層。咬一口，入面既豆腐好滑之餘唔會一咬就散唒出呢。。！同埋唔會吸唒ｄ油溢味～～嗯！ｈａｐｐｙ　ｄｉｎｎｅｒ！

今次一行3人來這裡。Fusion 和傳統北京片皮鴨讓大家自由夾！ 法國朋友喜歡傳統的風味。 我就喜歡fusion 風味， 甜甜的。 沒有傳統的鴨"鬚" 味。 另外， 廚師和waiters 都很好， 介紹每樣餸菜。 可惜我不懂傳統片皮鴨要怎麼吃，大家都是亂包一通。 法國朋友不吃豬的。 廚師也為他改變菜式。 除了鴨外， 八爪魚 和 田螺都做得很好。還有很好的夜境酒的話， 我自己就隨便選了一杯白酒。基本上， 這裡就算你不吃鴨， 點其他的， 都可以令你吃的滿意！！！

這天下班相約朋友一齊去試試這間吃烤鴨非常有名的餐廳！一坐下就看到這本menu，光看口水就已經開始流下來了Menu內有說明吃烤鴨的三個方法:以下是我們ordered的食物:馳名烤鴨 (半隻) $328 擺盤精美用心，不但蒸龍下面放了暖包，令包烤鴨的皮保溫之餘，烤鴨下面還放了乾冰，會出煙，令整道菜如畫龍點睛的藝術作品。味道方面，烤鴨肥瘦均勻，並且安排了工作人員在客人面前用心地切割，還沒有吃已經感受到餐廳的誠意。另外值得一提的是，用爆炸糖配烤鴨片這個方法十分新穎，口感特別，香港首創，值得一試！拆骨肉燉白菜 (例) $98這鍋湯非常好喝，非常大鍋，裏面有白菜、木耳、豬皮、豬肉、還有粗的紅薯粉，好喝又好吃！撈汁秋葵 (例) $58這個是我吃過味道最特別最好吃的煮法！有花椒麻麻的味道，加上蒜香味，一流！金沙鮮魷魚 $168這個是有咸蛋醬味的炸鮮魷，脆脆的，非常好吃，而且分量也非常多松露蝦仁煎蛋 $106這首菜驚喜的地方是它的蝦仁非常的大！加上松露醬及蛋，完成是完美的搭配燒汁芥末牛肉粒 (例) $128這個牛肉粒煮得剛好，不會太硬，軟軟的非常好吃！有少量紅椒及黃椒及一些綠色的蔬菜。籠仔櫻花蝦海味蒸飯

哩間位於海港城嘅中菜餐廳裝修高雅，餐廳旁邊就有個無敵大海景，望住海景品嚐佳餚簡直係賞心樂事，適合同朋友過嚟聚餐，慢慢地渡過悠閒嘅下午！同朋友叫左以下料理：蝦乾冰草（$78），之前到北京旅遊嘅時候已經品嚐過冰草嘅美味，終於俾我喺香港搵返佢！冰草嘅特點係表面似有露珠凝結，食落去口感非常之清新爽口，簡單地用糖、醋、蝦乾作為調味已經非常之好食，品嚐落去酸酸甜甜，推薦作為開胃前菜！馳名烤鴨（半隻）（$328），配有薄餅、大蔥絲、黃瓜絲、洋蔥絲、山楂條、甜麵醬、秘製芥末醬、藍莓醬同爆炸糖，讓大家隨意配搭。師傅會到餐桌旁邊片切鴨肉，分別切左三類唔同嘅鴨肉，而侍應會亦都會講解佢哋嘅分別同埋點樣食法最好味，服務非常之貼心！鴨肉會放在一個保溫箱上面，讓食客可以慢慢品嚐之餘亦都唔會怕溫度流失而影響食物嘅味道。呢間餐廳特別嘅食法就係將鴨皮沾上藍莓醬、爆炸糖，將鴨皮放入口中停留幾秒，鴨皮嘅油脂同藍莓醬充分融合，入口即溶，而且仲會有爆炸糖在舌上跳動嘅感覺，非常特別！自己最喜歡嘅就係個秘製芥末醬（我估係將芝麻醬混合芥末醬），食落冇一般芥末醬咁嗆鼻之餘，但稍帶點甜味，同鴨肉配搭上嚟可解油膩感！P.S 薄餅薄到透光！特

片皮鴨一直都係我的最愛今次就黎到牌場非常大的羲和雅苑之前曾於內地食過 覺得唔錯所以就訂左檯同家人食晚餐 坐落於海港城 位置一望就係維港兩岸的燈火一行7人 叫左好多唔同野食但係我個心 只放左係片皮鴨佢會係你附近切片皮鴨佢亦會分左3份分別係鴨胸皮、鴨胸肉及鵝腿肉另外一盒轉盤 放左不同片皮鴨的材料職員更詳細介紹咩材料配邊款鴨比較適合佢更建議我地要先食皮 因為比較脆7個人其實叫一籠再叫其他小食都夠雖然訂左位置 但係亦需要等一陣證明佢既受歡迎程度!!

要係香港食到正宗烤鴨，非羲和雅苑莫屬。除左有出名既烤鴨，仲有多款京菜佳餚，北京老味道。叫左馳名烤鴨(半隻$328)，青梅一字骨($138)，張氏獅子頭($48)，羲和小肉餅($48)，芝麻香餅($48)。師傅係面前親自將烤鴨切片，非常講究刀工。烤鴨有3種獨特既食法，先將鴨片醮上藍莓醬及爆炸糖，鴨油既香加上爆炸糖係口中”炸炸”聲。之後，中間個碟厚身少少既鴨肉就醮上廚師秘製黃芥末醬，刺激味蕾。最後，鴨肉就以薄皮包住食，可以以中/西式方式配搭餡料。八寶盒keep住暖，所以唔怕薄皮變凍。係香港都可以食到一流既烤鴨。一字骨一共有10件，每件都沾滿酸甜既醬汁，非常入味，而且燒製完都冇令肉質變乾，開胃菜之選。獅子頭配一球白飯，侍應教我地將白飯加入獅子頭一齊攪勻，更好食。半肥瘦既肉混合白飯，加埋秘製醬汁，啖啖肉香味。小肉餅用酥皮卷住肉餡，面頭插有小滴管，按個人喜好加入醬汁。一層肉一層酥皮令口感更豐富，醬汁以滴入方式加入，令每層都吸到醬汁。就算咬左一啖，肉餅都冇散開，做到好結實，勁。芝麻香餅亦做到好結實既效果，唔會咬左一啖之後其餘既散開。芝麻味濃，仲食到有花生(?)既香味，飯後甜品一流。整體，餐廳環境非

提早慶祝母親節，同媽咪黎咗依間評價非常高嘅羲和雅苑，試一下宮廷菜。餐廳裝潢高雅，有古風嘅味道，配上維港海景，令人賞心悅目。黎到依度一定要食馳名烤鴨(半隻，$328)，配一個八寶盒。師傅會係客人面前即切烤鴨。第一碟係烤鴨皮，就咁點藍莓醬。第二碟係鴨胸肉，點芥末醬就更佳。最後一碟就係片皮鴨，有中式同西式食法自由配搭，傳統得黎又創新。椒麻澳洲牛肋條($488)，係整整一條骨嘅牛肋條，肉質軟熟，肉味濃，脂肪少。旁邊嘅茶壺裝住濃濃嘅牛肉汁，淋少少上去更加帶出牛肉嘅鮮味。磯煮鮑魚($88/隻)，用秘製嘅方法黎烹調，鮮味中又有少少酒味，非常爽滑，有口感。桂花蜜山藥($48)，第一次食，本來好抗拒中藥依啲食材，但意外之中嘅好味，甜甜地，又非常爽口，冇想像中啲苦味。擔擔麵($88)，配上黃豆、肉碎等等嘅配料。辣味非常夠，好有北京地道小食嘅味道。

員工很耐性介紹鴨的食法，服務細心殷勤，食物精緻美味，有維港景色陪伴食晚餐！那天是太太生日，帶了蛋糕去，沒有額外收費！除了一定要食的烤鴨外，那蜜糖芋絲很特別！一定會再去！

聽人講話羲和雅苑嘅片皮鴨好出名好高質 今晚我同friend就去試吓🧚‍♂️ 門面裝修睇落都幾high class 接待既waitress幾有禮貌 第一印象很好🧞‍♂️食物overall都唔錯 好多都幾特別 帶啲fusion🧞‍♂️ 以酸辣湯為例 竟然係酥皮酸辣湯 唔講仲以為自己去咗西餐廳飲酥皮忌廉湯🧛‍♂️ 酥皮厚得來好鬆軟 好多層好鬆化 亦冇乜油膩感 酸辣湯夠熱 辣得好過癮🧛‍♂️🧛‍♂️ 仲勁多材料 豆腐都大舊過人🧛‍♂️芥末沙律蝦球味道唔會好漏 因為加咗啲芥末增加咗個層次感🧞‍♂️ 而蝦球勁大粒 又爽口 口感大滿足 另外每粒蝦球個底都伴左鍋巴 好脆口🧚‍♂️即場有師傅喺我地桌邊切片皮鴨 做到即切即食🧞‍♂️ 師傳見我哋影相嘅時候仲擺pose 好friendly🧚‍♂️🧞‍♂️先上鴨胸皮 用黎點藍莓醬加跳跳糖 食嘅時候甜甜地🧞‍♂️鴨胸肉好有鴨味 肉質都幾結實 最適合點芥末醬甜甜酸酸🧞‍♂️重頭戲就梗係片皮鴨啦 帶有少少油份同脂肪嘅鴨肉點傳統醬汁 加埋爽口青瓜大蔥 超好味阿🧛‍♂️ 最正係食嘅時候鴨皮仲有少少脆 烤既時間啱啱好🧛‍♂️🧛‍♂️ 🧞‍♂️除咗有傳統配料 仲有新口味 山楂條 紅洋蔥🧚‍♂️ 山楂條就酸酸地幾

尖沙咀OTE愈來愈多好餐廳，吃過對面的映水芙蓉後，這次來到在北京享負盛名的羲和雅苑，打算和朋友好好享受一個放下小孩的晚上。一行三人為了確保坐窗邊位，提早了一個星期預約，很幸運可以安排到窗邊的位置，但當天看到4人梳化裝潢亦非常古式古香，私隱到甚至更高呢！每位【茶芥 $20】，及後臨時有朋友來不了，服務員立馬幫我們招了一位茶芥，非常貼心！菜單有好多選擇，而鎮店必點菜式當然非【羲和馳名烤鴨 ($598/全隻、$328/半隻)】莫屬，大家都是衝著它的名號而慕名而來，熱烘烘的烤鴨由烤鴨師傅於堂前即席切片，分切成鴨胸皮、鴨胸肉和鴨腿肉三個部位，配以羲和研創的三種嶄新吃法，更能夠品嘗到烤鴨的不同風味。三款食法都難分高下，各有特色，其中我最欣賞是第貳種食法，鴨胸肉既有香脆的鴨皮，亦不會有鴨腿肉的中間那層肥膏的肥膩感，雖則這裡在烤鴨上已經處理得相當好，但不多不少還有丁點肥膏，是完全可以接受的！而且配上他們的秘制芥茉醬，更加能帶出鴨肉的香味！【八寶盒 $108】三食可以在上面的八寶盒找到～一. 鴨皮 X 藍莓醬 X 跳跳糖二. 鴨胸肉 X 秘制芥茉醬三. 鴨腿肉 X (1)甜麵醬 X 青瓜條 X 蔥絲；(

話說耐冇食片皮鴨，所以心血來潮想搵間食下，係貨比三家既情況底下，就選擇左呢間，但因為開頭睇到少量食評，講好多都係服務問題，所以都有啲卻步，不過個到個境就吸引左我，所以都決定照簡佢，卜左6:30，我本身就想坐出面 ，但打去個陣話要要walk in 先知有定冇，所以我就早左少少去，大概6:15左右 ，室內外都爆場咁制，幸好室外真係仲有個靚位，BTW我由一入去既時候已經留意店員既服務同態度，對我黎講其實相當吾錯，最緊要有笑容先，我最怕去食野都要比人黑面😂，之後我地三個人原先打算散叫，之後店員推薦左我地叫二人餐，諗左一輪都覺得二人餐都吾錯，反正吾夠都係再加野食咖姐，意外地食完都飽晒肚，冇加到野食，而最好既事係因為套餐入面有一樣我地吾食，都可以轉其他菜式，👍🏿三個人大概食左$1500左右

今晚去羲和雅苑 同朋友聚會dinner 餐廳望出去個view不得了😍 好靚啊 維港海景一覽無遺😍成班影完相之後就落單叫嘢食先 款式都有好多👍 最估唔到嘅係連水煮魚都有 川菜京菜都有得叫😝朋友醒目一早預留左半隻北京烤鴨 聽講係招牌菜必食架👍 然後打算再叫半隻雞同啲小菜韮香雞$158有半隻 好創新既煮法😝 上面有勁多切碎左嘅韮菜 加埋啲蔥蒜麻油 香得黎好送飯😝 如果雞再浸耐啲再入味啲就仲正 雞肉都幾結實肉質嫩滑 尤其係脾位！小菜都唔錯 原來萵筍除咗炒仲可以湯浸 冇咁肥👍 我哋試咗金銀蛋浸萵筍 都幾大碟 萵筍切絲湯浸都仲keep到爽口 配菜既皮蛋夠哂溏心😋 仲有乾瑤柱 帶出啲鮮味 個湯都甜啲😋三大招牌菜之一嘅黃扒魚肚都食得過 魚肚好厚身好有份量😍 兩個人share食都OK😝 而個湯好濃郁 仲有好香嘅南瓜味 完全係心機菜😍食到咁上下 主角終於黎啦 北京烤鴨😍先上一個靚靚嘅百寶盒 當師傅一路切烤鴨嘅時候會有職員一路介紹食法👍第一道食法係鴨皮配藍莓醬加爆炸糖 鴨皮配爆炸糖實在太有創意😂 職員話希望營造到喺口中跳舞嘅感覺 我就覺得鴨皮食落真係幾薄脆😝第二道食法係鴨胸肉配芥末醬 自家製嘅芥末醬香得來唔

話說果日落大雨，心諗喺夜晚商場食實吳會淋雨，咪去e間未去過試下。walk in要排隊要等是常識吧，咪等囉，到有位竟然係講都冇講明就坐出外面。又吳係傘哂所有地方，行出去要淋住出，坐喺度側邊飛哂啲雨黎，坐坐下上面漏埋水，勁暗的光得一個細枱燈照，影相都吳知影左啲乜。終於忍吳住同侍應講話要換枱，點知。。。係坐過一張枱。。。。話裡面冇哂位，大佬，坐外面淋住雨就一早講明啦，淨係得你一間食咩，食到一肚氣，仲要話俾折我，我真係貪啲平就吳黎海港城食啦，俾都係俾得9折啫，我心諗叫我收聲啫，我下次吳黎咪得囉！根本就係佢地問題，啲侍應攞姐送菜我都第一次見，話俾我同佢地經理反映，吳該經理冇黎講啲乜囉…啲送又吳係好食，一句講哂冇下次。

慕名而來食片皮鴨，果然無令到我失望。好好食啊！有師父即場係隔離片俾我地睇。超級期待的！店員好細心介紹片皮鴨有3種食法，第一part 鴨皮可以點爆炸糖食，鴨皮入口即溶又夠香脆加上爆炸糖係口中既感覺，非常過癮！第二部分，可以點佢地自家製既芥末醬，芥末醬好夾鴨肉，唔錯！最後就係最傳統食法，面皮再加大蔥、青瓜同醬，十分正宗！第二道菜，係磯煮鮑魚，非常好食鮑魚鮮嫩彈牙，鮑魚吸滿湯汁，好夠味！主食方面有花蜜汁黑椒雞翼，外面有一層甜既花蜜味，雞翼表面有炸脆，裏面的都好夠味，唔會出現唔入味既感覺。牛油芝士焗大蝦🍤，愛食芝士既人一定要嗌呢個。濃濃既芝士包裹住大蝦，每一啖蝦肉都沾滿芝士，大蝦肉好爽口彈牙。金沙鮮魷魚，大大條魷魚沾滿了鹹蛋黃醬。 充滿香氣，不得了。另一個和牛粒乾煸口蘑，夠鑊氣，嘢味都不得了，真系令我食唔停口，麵食個度就叫左上湯蝦球伊麵，有好多蝦球伊麵又索夠上湯，好食！仲叫咗個菜食，係金銀蛋浸萵筍。有唔少既肉碎同金銀蛋，有湯浸住萵筍。好入味，萵筍切條，易入口又夠爽脆，唔錯今餐真係滿足到不得了，一定會再同朋友來食