美味佳 (已結業)

食左幾次，每次都係燥底離開，因為等幾耐先有得食，就算叫外賣都預45分鐘但講到味道&價錢，依然有吸引力識食係食全翼，燒到外表少少燶又脆，加埋唔少調味粉燒，孜然粉，胡椒粉等, 特別惹味全翼/中翼/雞肉， $24/3串，通常都係最快上，可以塞住你把口先其他食物，你預左慢慢等燒茄子，原條上，都幾重口味，已落左蒜蓉&燒汁黎燒，唔需要再落其他醬燒韮菜，燒得太乾燒魚皮頭，最底兩舊多蜜糖，特別正燒雞腎，爽口燒蟹柳， 份量足，味道唔差燒豆泡，少少失望，唔夠脆都有中伏既時候，燒獅子狗，唔知用咩粉做，超級難食燒粟米，一份兩件，加左牛油特別香，粟米本身甜唔甜，好睇彩數題外話：負責燒串燒既阿姐有禮貌左

以前係理工讀書成日食佢雖然次次都要等位等好耐，等佢燒都等好耐不過仲係每隔一段時間又會過去食今日假期，諗住碰下運氣，行到過去有開好開心舖頭今日唔算多人，係無諗過佢由一向播開k-pop變左播80年代香港舊歌😂每次嚟到都要嗌蛋炒腸粉，今次都唔例外蛋醬包住腸粉，既有蛋食，仲令到腸粉脆卜卜，加甜醬麻醬，正！串燒嗌左雞翼，豬頸肉，牛脷，雞腎，磨菇，脆玉瓜，豆角，豆卜雞翼係美味佳既王牌，皮燒得香脆，肉質仲係好滑豬頸肉夠厚身，但略嫌燒得燶左少少牛脷夠味，但細粒左少少雞腎$8串，係咁多串燒最抵食，因為有五粒磨菇同脆肉瓜一樣，保持到濕度，食落唔乾，仲有汁㖭豆角一串起碼有二十條，但每條都燶左，不過啲孜然粉搭夠，仍然惹味每串$8-$1x特別推介燒豆卜，燒得香脆加上蒜蓉，juicy又惹味

黎到紅磡食宵夜又點少得美味佳? 價錢中肯選擇又多，雖然通常都比較多人要等下位，有時冇得揀仲要坐出面，不過呢間野D串燒真係值得一食既。 蛋炒腸粉係我既最愛，雖然普通一碟家常菜，好多人都識整，但係美味佳就係可以整到腸粉外脆內軟，每次黎食都keep到水準。不得不提既就係佢既雞全翼、雞腎同埋牛油金菇都係整得非常之咁好食。雞全翼同雞腎燒得岩岩好唔會燶，外脆內軟而且D肉仲係好嫩，表面再加上左一層薄薄地既椒盬吊味，真係會令人食上癮! 食串燒咁熱氣就緊係要食番D菜平衡下啦，牛油焗金菇就絕對係我既首選喇，呢度既牛油金菇全部都係即叫即整，送到上你枱就岩岩好D牛油既味道融入哂落D金菇度，鍾意食呢味野既朋友真係唔可以錯過。 唯一美中不足既係呢間鋪頭既客人真係太多，好多時就算你有位坐都仲要等一段時間先有得食，想食既朋友就真係要俾D耐性喇。

平日放工經過紅磡舊區果面，經常見到店外很多人排隊，今個星期專登HAPPY FRIDAY約家人到此晚餐晚上8點到店外，吃飯的人比較多，需要等位約45分鐘，但排隊前還先要點食物。燒雞串($24 / 3串) / 燒雞軟骨($12 / 2串)燒雞串和雞軟骨串烤的程度把握的不錯，外表微焦，但雞肉正好熟，比較嫩，叫了小辣十分惹味。燒雞全翼 ($48 / 6串)雞翼因為沒有醃漬過，只是靠味粉帶出味道，可幸此店是生燒而不是炸到半熟才燒，所以同樣保持著原有的肉汁。只是翅尖微焦。芝心丸 ($24 /2串) / 芝士腸 ($8 / 串)芝心丸和芝心腸經過火烤，更多加了一層炭燒的味道，吃起來比火鍋的煮熟的帶來更豐富的層次。雀巢檸檬茶 ($7)

As one of the more popular places in Hung Hom due to its price and the great BBQ items they serve, you will be in for a long wait. I would estimate at least 30 minutes or so for a table and then an additional 30-45 minutes to get your food as they only have on small grill to serve all the customers. Even takeaway takes around 45 minutes or so. The place is very old school, no frills, with just a few simple wooden tables and often you will have to share a table with someone else. The kitchen is i

看到不少人聚集此店，好奇心驅使下走過美味佳，開始串燒晚餐之路。首先上菜是原隻茄子開邊燒，撒上七味粉，令本來淡而無味的茄子增添微辣味，兼備香口與惹味於一身。第一次嘗燒菜心，令人眼前一亮，看見職員先以水煮過菜心後才燒烤，減少因燒烤太久而變濃的機會，味道可算是恰到好處。花枝丸串燒雖然夠彈牙，可惜一面燒得太燶，影響賣相。雞軟骨的燒烤時間最為合適，外表並沒有燒燶，仍可品嘗其爽脆有咬口的感覺。豬腩肉串燒，肥肉不會太多，像是抹上蜜糖來燒，既能帶出豬腩肉的美味，亦令串燒有甜中帶鹹的味道，沒有肥膩感。燒燒賣，外皮燒至脆身，但不致太乾身，燒賣內裏的肉質柔軟。

行過路過唔好錯過紅磡抵食串燒😋款式選擇都好多雞全翼燒得剛剛好，雞皮夠脆，而肉質"淋",又能夠鎖住雞汁!😊雞肉串好香，又唔會燒得好乾身！雖然沒有醬料，但加上胡椒粉，辣辣地都夠惹味😋仲有豬頸肉，煙肉腸同牛舌都吾錯，大家可以試試😉

今日終於黎試，內籠裝修濃厚大陸氣息。嘩！黎依度食起碼半個鐘，超慢呢。串燒種類偏少，丸類佔大多數。燒雞全翼，又會如此美味呢！剛剛燒起好好味，孜粉辣椒粉加淡蜜糖，外皮香脆、內裡嫩滑多汁，連骨都損到乾乾淨淨，即刻添食！原本添食一隻，但姐姐話單隻唔抵食喎，一客三隻更抵。美味依然，必需趁熱食，第一隻 100 分、第二隻 90 分，第三四隻一般，少食多冶味！牛腩牛丸幼麵，豬骨薯仔湯底？咁得意，有點咸帶點油，非常清淡唔難飲。幼麵居然會係腍身全蛋麵，好似兒時阿媽煮既麵，童年回憶。牛丸太過粉口喇，質數偏差，微微牛味。牛腩跟煲湯牛腩一模一樣，味淡鬆軟一絲絲。奇怪唔辣既辣椒油，勁似礳豉醬，甜甜的，撈麵都幾得意。

話同同女朋友去紅磡掃街 之前聽人講呢間好似不錯 於是就又興奮又期待咁入去食因為掃街 間間鋪都食少少咁樣 所以就叫兩串 雞同金茹黎試下 由於唔夠5串 所以佢叫我地用口頭落 唔好寫紙 之後就坐底咗等果陣大約下午5點 鋪唔係話好多人 又唔使等位 諗住得兩串應該好快得 雖然同女朋友傾住等甚高興 但等等下已經20分鐘又覺得有啲耐 所想舉個手追一追 點知未開聲佢就已經 「得喇！整緊喇」咁算啦無漏就得啦 再傾傾下已經等咗差不多40分鐘 喺呢個時侯個啊姐喺燒野果個位嗌過黎「啊邊個！你地係牛肉同咩話？」原來佢仲未開始燒 仲要記錯單我即刻果斷放棄再等 同佢講唔洗喇 起身走人叫兩串串燒 無乜人都等成40分鐘 仲要未開始未燒 又記錯單  

剛好要去紅磡火車站附近做野，所以就約女友食late lunch,下午3點去到得兩檯人，叫了必食的蛋炒腸粉，幾串串燒，燒茄子等。串燒雞中翼最快到，落order 5分鐘就到，之後就是蛋炒腸粉，其餘串燒+燒茄子都在20分鐘內上檯，又唔駛等好耐喎。蛋炒腸粉 - 醬超多 + 腸粉煎得脆，好味雞中翼 - 火喉燒到剛剛好，皮脆肉嫩豬腩肉 - 肥瘦相間，燒完仲好juicy 豆卜 - 好脆，再加上豆卜表面搽左帶甜的調味料，好好味燒賣 - 普通墨魚咀 - 普通燒茄子 - 味道太淡，可以不試

同事話知道紅磡有間平串燒...突登搭的士黎食...點知原來係幾年前番POLY食過-.-仲記得佢GE車仔面好難食><...不過突登黎到...唯有食多次等足9個字....終於有得食...都幾意外....叫左雞全翼, 雞中翼, 表皮燒到好香口, 但一D都唔干,仲希好多雞油必出黎, 不過唔明點解同樣係雞翼, 雞全翼最快到...但中翼D野到齊再吹2次先到...牛利都好好味呀, 厚薄適中, 好有口感得黎容易趙, 而且唔會太咸豬頸肉好爽口, 應該係加左D蜜汁落去, 甜甜地咁, 同埋都幾厚身, 咬落有D油吱出黎咁...豬腩肉好肥-.-..舊肉好細...完全係食緊肥膏...不過個邊位好痴牙....食落都幾得意GE唔知係咪我地夜-.-好多野都話賣哂....識食串燒GE...一定會點"九"菜...但佢竟然賣哂...好失望另外一提...我唔食辣...佢地食...但張紙冇得揀......問呀姨分單得唔得...佢竟然話: 你咁樣有排等...另外比碟辣粉你咪得囉 其實我地冇分單都等左咁耐...唔知分單會變成點-.- 

夜晚12點去食，門口同平時一樣排隊人數唔係好多，等左陣就入得我地一行４個人，叫問野食唔係好多蛋炒腸粉，雞全翼，雞肉，豬頸肉，3-4類丸等等12點15左右坐低左，一直等30分鍾後，終於有第一碟蛋炒腸粉因為做完運動好肚餓，碟腸粉幾好味好快就食晒。然後再等，等到大約1點30，野飲都飲左半打，見野食個半鐘未到，就問一問（當時冇坐滿人），咁佢地都話就到。等多5分鐘到真係到啦，野食都係唔齊，淨係黎左D肉類，雞肉串勁咸你係真係會feel到佢落左好多盬個隻咸雞全翼鎚位有小小熟唔晒食左之後又再等。。等。。等。。等。。等。。等。。等。。等。。等。。到2點鐘，姐係足足坐左2個鐘，所有菜同丸都冇到，咁我地等唔到，因為第2日有野做。走去廚房個位望下D丸係咪燒緊，如果燒緊我地就第多陣，反正都等左咁耐。咁最後見到個爐一串丸都冇燒緊，就叫賣單走人，順便就話：我地個5串丸成2個鐘都未到，我地唔要賣單啦。丫點知賣單走個陣，比個女人夾雜粗口問候我地：等唔到就唔Ｘ好食，有爺生冇"拿"教，讀Ｘ片等等嬲到我地，好似係我地錯咁，最後仲搞到報警處理味道：２分 - 因為乜都食唔到，食到個Ｄ又唔熟又咸環境：１分 - 位置勁迫（雖然呢Ｄ細

呢間燒烤夜晚去，keep住滿座，一台走另外一堆人即刻來到填滿佢，所以去到都係要等下位咁樣。D價錢影左相比你睇，系價格相宜的。串燒多d人去食就抵d，因為分翻價錢平d，又食到好多種野。豬頸肉、雞全翼、雞軟骨系推薦食物。豬頸肉夠香，因為肉質關係，唔會太老，好好咬。加上串燒既做法，食落d鹽巴一粒粒可以感覺得到，好好味。雞翼就外面果層燒到有dd脆，d醬汁都係上面，睇翻相都想翻尋味。雞軟骨就真係彈牙，可以自己再落多dd椒鹽。因為雞軟骨會係口度咬得耐d，所以多d調味料感覺好味d中伏既得燒茄子，燒到好多汁液咁樣，咦~~口感我覺得好嘔心。

其實好耐之前都係到食過一次但因為果次唸住食碗麵都等左成兩粒鐘所以之後都唔想再黎😑今次因為朋友想食而再度前來～可惜服務態度依舊而且如果係極度肚餓嘅人千其唔好去黎度～你會餓死左先有得食XD呢度嘅串燒係的確唔錯 特別係調味方面串燒上面嘅調味粉為串燒生色不少今次黎其實叫左好多串燒～但我淨係有食到兩樣呢個豬腩肉串燒味道好到位 唔會太膿 而且食多D都唔會好膩～滿足左我呢個豬腩肉迷！而呢個雞蛋粉腸粉係幾特別 味道OK不過可能本身腸粉嘅醬已經好重味 所以個雞蛋味一D都唔出

第一次食呢間野，聽朋友講話串燒唔錯，所以去試下，但食完呢次唔會有第二次咁我同女朋友大約叫左十二串串燒，但等左半個鐘先有三串雞翼食，都算數啦，因為見倒有張紙叫人唔好催佢，但冇諗過之後啲野食要等多半個鐘先到齊，咁啱女朋友又趕時間走，剩低一串墨魚丸果陣問吓老闆娘係咪燒緊，點知老闆娘鬧我女朋友話繼續等啦，有架啦，中間仲夾雜粗口，態度極惡劣一副你咪唔好幫襯嘅樣，雖然之後串墨魚丸好快到，但我心諗使唔使咁惡呀，（老闆娘對其他客都一樣態度，有時啲人追超過一次單仲更加惡），真係乜野價錢乜野態度講番野食，串燒ok嘅，但大部分都過鹹，太多味精最後加句，如果唔係有好多時間千奇唔好食呢間，因為佢會分開唒啲單嘅串燒嚟燒，要等勁耐