美味佳 (已結業)

11蚊一份 平 靚 正蛋炒腸粉 腸粉原本較為硬身 所以炒時不會碎一份腸粉配一隻蛋 差不多每一舊的腸粉都有蛋配上很多的醬料非常香噴噴另外必買的串燒相片忘記了拍由當年新開將10蚊3隻雞翼 直到現在21蚊3隻有時要提提職員燒耐少少因為多次內裡未熟

係果邊有同學推介說串燒不錯就去了試！滿心期待的去到，叫了朋友推介的$21/3隻雞翼、$6串的芝士腸、$11蚊的墨魚丸！ 等了十多分鐘食物來了！芝士腸不過不失，墨魚丸是很好味的！可惜雞翼未完全熟只有中間雞中翼全熟透，頭尾兩邊都唔熟但最後只是沒有食就罷了。要試可以一試，但食物熟度我覺得店舖可多加留意一下！

半年也沒有來吃美道佳的串燒了! 回想起真是非常好吃，但燒得太耐及見過不少小強出沒，非常恐怖，就決定不再光顧。不過今次路經這裡，衛生情況明顯改善了好多，比較清潔，亦不見小強蹤影，所以便再一嚐。其實今次不用等位，但等了近45分鐘食物才到，先來必點的燒雞翼，雞翼一叫3串有特價，1串2隻雞翼。燒得不太燶，剛剛好，上面配辣味粉，好好味!燒韭菜也是每次必點，雖然韭菜掃上一層油，外身比較油，但燶燶地，好好味，加上帶有辣味粉，好惹味!燒燒賣燒到外皮好脆，不過就比較燶，帶有陣燶味的皮。牛舌就不錯，雖然有少少韌，咀嚼時內層不會太乾，還有牛汁，正。原以為司華力腸是一大條過燒，但來到時是一片片，有少少失望。不過腸仔脆卜卜，帶有點辣味及小許蜜糖味，味道亦佳。雖然等食物到的時間太耐，有點心急，但為了好吃的食物，等又何妨呢? 不過衛生問題真的要再加以改善。  

呢間位於紅磡寶其利街既美味佳好出名，出名左平同好食！所以好多學生仔都會黎食！呢度既雞全翼真係好好食，燒得好香又多肉汁 。怕唔飽可以叫個車仔面，都係好大份，有時俾好多煲湯既餸俾你，直情會認唔返自己嗰碗！VERY GOOD

個日係紅館睇完演唱會真係好好好肚餓，好彩有個讀poly既friend帶我去食野姐！而個串燒真係好好食聽講係好出名既所以佢都叫我試 下次一定會再黎食 又真係燒得好香又唔會太燶 又唔會燒到太老 醫肚餓1流!不過認真，都真係有幾多野食選啊：DD最好既係佢開得耐，d姐姐有好人，好岩好夜黎食啊

咁岩經過紅磡, 就同班FD一齊去食宵夜喇! 朋友介紹一間又有串燒食, 又有車仔麪既鋪頭「美味佳」個晚等既人唔多, 咁岩有位我地好快就坐低左喇個度環境唔算好大, 好多年輕人聚埋一齊食, 仲有部電視播埋啲老餅歌添我叫左一碗車仔麪, 自選三個送加一杯自家製涼茶再嗌左幾串串燒同埋燒茄子.等左好耐之後先有野食, 碗車仔麪相當豐富, 有大量豬骨同連皮薯仔, 老闆娘話私人醒啲湯渣俾我地! 個湯底又真係幾好飲既. 不過略嫌有啲咸, 但幾鮮美, 啲送都OK ge個麪軟硬適中, 加埋串燒都不錯不錯!串燒又真係幾夠火氣, 又真係幾香! 面頭啲香料好正 的確有一番風味! 下次會試下加辣燒茄子就反而一般般, 無想像中咁好食面頭既蒜泥唔夠多, 亦唔入味, 無一般串燒店個啲咁好食自家製涼茶都幾好飲, 幾冰涼, 食完咁熱氣既串燒 仲可以去下火!下次食宵夜會試多啲其他串燒 

朋友介紹呢間串燒店抵加好味星期五10點左右去試下真偽先門口聚集左一堆人，流程係先寫紙～等有位同開餐一睇，樣樣平wor因為廚房地方有限，等時間會長一落單已經講明要45-60分鐘不過有位坐飲住野都ok la 腸粉首先到，煎到脆卜卜，混埋醬好味呀之後串燒66續續來燒全翼太抵啦！21蚊三隻，仲要燒到剛剛熟，滑！墨魚汁腸都好好味道，6蚊咋。有衝動再叫，不過要再等太慘啦茄子切左件～惹味金菇都好入味呢仲有韮菜，墨魚嘴，豬頸肉等等下次一定要再來食呀

係紅磡食玩夜晚唔夠喉 再去美味佳叫左d串燒 因為知要等好耐 所以特登食主餐前落定order 點知去到都係未有住 唯有等等今次要左三串雞肉同一份蛋炒腸粉 點知佢比左三串雞全翼我 為左唔洗再等多次 同埋我都試過食雞全翼 知道都好味 所以就算啦外賣返屋企食蛋炒腸粉都係咁好味 而全翼今次有d唔夠味 可能趕住燒比我整體都係好好食 介意侍應冇乜禮貌既就唔好去啦不過

此店由八/九點開始, 便長期滿座, 還有多人在店外等位, 夏天尚如此, 冬天不得了. 無他, 實在是價廉物美.今晚有食串燒, 但實在等得太耐, 唔係等位, 而係等食物, 所以唔記得影相了. 由落單起計, 等了一小時, 才有串燒上檯, 有點兒想死囉...不過, 一早都知道要等, 所以先叫了一碗車仔麵食住先.三餸車仔麵, 貢丸, 好正常的口感與味道, 與我在超市買的一模一樣, 豆POK, 又是正常, 夠淋. 豬皮, 爽口, 無問題. 還有兩大舊豬骨. 滿滿的一大碗, 還送一杯凍檸茶, 只收$28, 好抵吖.

繼續係同朋友N既黃埔食食食之旅。一路都有聽過唔少紅磡/黃埔/理大既朋友提過呢間野。今日一黎會一會, 真係唔錯!舖面其實幾污糟, 而且都真係唔係好起眼。入面幾張大檯, 隔離一班大學生, 另一邊一班中學生。一睇就知係學生既聚腳點, 但食物就係中上既質素!由此黎呢度之前已經同朋友N食左餃子 (一樣係好正!), 所以都叫得唔多。串燒有好普通既雞,豬,牛,各種丸等等..但材料唔錯, 而且味道一流, 尤其一定要加每檯都有既唦嗲汁! 加左真係過癮!推薦最左既魚片頭 (我唔sure個名), 好食, 而且燒得好香!特別推薦呢碟叫左三次先黎既燒韭菜!真係好正! 同燒京蔥 (本人既最愛) 有異曲同工之妙!其實到呢度, 都好似未到重點, 以上既一切仲要加上呢度既價錢真係好抵,幾蚊串既抗通漲價有呢個質素既食物, 真係唔話得!

呢間野，真係不得不寫！幫襯過幾次串燒外賣，等半個鐘閒閒地，執錯單、計錯錢濕濕碎，送你黑口黑面係bonus，門口仲要貼住大字報，講明唔準催，否則「食炭」！簡直係霸氣既表現！早兩日去試佢既車仔麵，紅腸超薄仲要係圓形唔係長形，用個平底鑊煎兩下，得個邊燶小小就放落麵度！點左蘿蔔豬皮，有3舊蘿蔔但得半片爛豬皮，不如分開蘿蔔同豬皮兩樣餸啦！最慘係完全冇汁揀，只有清湯味，淡如水！3餸$28連熱飲，我寧願俾多小小錢食好啲

加左價，但依然都係性價比高嘅一餐以前雞全翼18蚊三隻，依家加左價，都只是$19，3隻，老實說，我已經好耐無見過取價禁公道既鋪頭依家串燒鋪賣你20，30蚊一串都好等閒講完價錢，再講質數其實我食過唔止一次水準的確下降左，特別係雞翼因為以前係由生燒到熟但依家有時下就經過見到佢已經燒緊應該係預先準備好，食落的確差左，但睇返個價錢，完全值得，交足功課另一大退步之作係燒燒賣之前每次我係外皮脆，入面有彈性依家已經唔脆，彈性都同時消失豬腩肉依舊出色，肥膏同肉比例恰好總體而言，以如此超值既價錢，我可以絕對包融味道上的退步

終於又到星期五 在過去一星期壓力有點大 因為第一次要自己一手一腳完成一份報告 東西雖說簡單 但對於沒有經驗的我也是一大挑戰犯了些過錯被罵了 心裡有點點不是味兒 不過人是要在錯誤中學習的 被教訓過後下次該不會再犯同樣的過錯吧（自我安慰中）是晚大概八時半到達美味佳 二話不說立即問阿姐拿下單紙瘋狂點這兒的排隊方式是用下單紙來排的 所以到來後不用急著找位子 反而下單要緊啊！已是第二次來 看見長長的單就知道等候需時 幸好門外剛巧有一個很可愛的小弟弟和我玩 打發了許多時間 我們二人坐近燒爐和出菜處 看了良久仍是不太明白他們的流程只見打扮得花枝招展的阿姐一直落力的燒他們是一次過做數張單 每次由點菜紙第一項開始燒起嗎？！好好奇哈哈！叫了：雞中翼X3雞全翼X1雞肉X2雞腎X1豬頸肉X1牛舌X2芝士腸X1雞脾菇X1墨魚嘴X1芝心丸X1 由下單到有第一碟食物 前後等了四十五分鐘 （肚餓的話真是要打底）因為全部都是即叫即燒的關係 上枱時絕對是熱辣辣的而在云云眾款之中我最喜歡的是燒雞翼 它皮脆肉嫩 調味適宜 我們一隻又一隻的 轉眼殲滅 若不是要等的話 真想多來三五七隻！吃得又飽又滿足 全單才不過是＄113 真

果晚夜晚同班frd打完波 雅興即起於是就去左紅磡美味佳進食 果時係夜晚11點多 果度d人何其壯觀 d臺凳擺晒出面 仍然不少人在外等待〜 大概等左15分鐘左右 入到去喊左最like既雞全翼和惹味韭菜 此外還order了雞腎 牛油粟米等。d雞翼燒到岩岩好 一咬入面出晒汁好正幾入味同埋好好食咯 至於雞腎加d沙爹醬帶出雞腎既美味 種感覺無法形容〜還有牛油粟米和韭菜夠晒正呀 韭菜岩岩熟透而牛油溶合了粟米 天神合一好好味道。我覺得夜晚先好去 因為夜晚個肥女人燒既岩岩好 其他人燒既麻麻地 燒烤呢d野最講求係火皋和時間的掌握同埋等待時間長岩晒喜歡傾計和聚會的人 果度雖然服務態度和衛生環境有d唔ok 但係甘啦好抵和好味補返數啦xd 下次會再來既xddd

美味佳在紅磡是紅透的街坊小店, 由傍晚至凌晨, 街頭至街尾都是它的天下 !店子小小, 已擴充營業了的鋪位, 依舊坐位不多. 凌晨時份, 成條街都放上它們的桌子椅子, 十分壯觀. 食物方面, 價廉, 物美不美是其次, 人多, 經常燒錯食物是等閒事. 很多也很燶, 燒得好不好, 真是見仁見智...至於晚上大概十時後, 黃金時段開始, 燒5串以上外賣自取要等一個鐘, 兼送你態度惡劣, 一副你可以不買的態度, 令人生厭. 今時今日咁既服務態度, 老闆娘, 你話得唔得呢 ? well 至少, 你唔會再得到我一家的再光顧了.