美味佳 (已結業)

呢度有串燒、車仔麵、腸粉等小食，不過每次來都是食串燒。今次有少少感冒，放棄食雞翼，改吃牛肉同牛舌，加多盒飲品先$19，牛肉一般，牛舌頗juicy。食物用料普通，不過重點係枱面任落的沙嗲汁，好似印尼沙嗲咁，單吃係唔好食嘅，要加汁醬先惹味！

多年來常搭車經過沒有機會來吃，今天突然來到紅磡，坐下時間尚早，吃幾串就走。燒賣：平平無奇，皮脆是最基本，但裏面太粉。魚蛋：很普通，有魚蛋味，滿意未？墨魚丸：這裏應該絕大部份也是乾燒加調味，沒有汁燒。墨丸是中下水平。柴灣街邊檔還好食。六串一齊上，不能慢慢食，食完三串，其他的也都涼了。墨魚咀：可知墨魚咀涼了，口舌有多難受？腥腥地，沒有墨魚香。雞軟骨：不過不失，雞軟骨要難吃也很難。雞全翼：最期待的，不過不太入味，肉也不算嫩。整體來說，也是一般，要吃好吃的串燒，請去天后。對挑剔的我來說，不會再來了。再見！

而家好難搵到好似呢一間咁平又大件好味既串燒店啦係就係加左價..但係感覺仲係比出面既平呀~同老公黎食下先~叫左3串燒全翼..好大隻嫁真係..都係18蚊3隻即係5個幾就有一隻啦好香呀~落左D 辣粉調味粉真係令到隻雞翼入哂味呀入面仲好滑嫁仲有蟹蟹@@估唔到佢燒起上黎真係幾得意..係幾香嫁不過干身得制仲有呢個//真係一定要食嫁燒茄子因為原條燒到佢熟哂..要等半個鍾嫁但係老闆加左好多粉落去食落去好香蒜味又夠辣呀但係又唔會太干身..入面既茄子肉都仲有水份嫁

食好多間串燒啲間都算係經典啦！好味會再去。先講味道再講價錢然後就地方同時間。味道：講真我覺得如果你要同正宗串燒或曰本爐端燒比就當然無得比啦、啲嘢食係真係有啲油和流，但勝在夠街彷和地道。啲雞翼和雞棒雞肉串都真係燒得幾好味。玉米係一流、紅腸、軟骨，筍，都係我至愛。相就冇影啦，下一次啦！價錢：咁嘢價錢，咁嘢質素，我覺係香港有但係好少。我叫咗差不多成十樣嘢，三個人分再加汽水都係五十蚊個人走得。我覺得算好ok啦！時間：千其唔好咁早去，一定等位等到瘋。冇半個鐘你都算吧啦。我通常都係過咗一點先到都要等位，所以點難食得去邊呀！地方：紅磡。開車會比較好啲。衛生就唔好太多邀求啦，好似大排擋咁係會有少少髒㗎啦，但係都係個句怕髒就唔好去啦。食完立刻閃！！！哈哈！但我通常都會同啲friend啤啤！

朋友介紹，所以專登過海黎食，環境不佳，不過串燒黎講價錢比較平（普遍$6-$10/串），而且以往食過燒雞翼都唔錯，香口大隻，孜然粉味濃（不過食過其他野之後，發現全部食物都只有孜然粉調味-.-"冇其他）第一張單等左半小時，諗住星期六晩忙啲慢啲唔緊要，所以一有野上枱已經加左單。黎左翠玉瓜、菜心、芥蘭、雞全翼、雞肶菇、雞軟骨等。當中以蔬菜類最驚喜，翠玉瓜、雞肶菇唔會吸哂啲油，重幾多汁。可惜之後等左差不多一小時！係一小時！都未有第二張單既野食，第 心一張的亦未齊。其實已經係第三次講，一個化行妝既呀姐即刻大聲話＂一定出左囉！＂講完重即背向我地！根本就係掛住做外賣！等多三分鐘終於有野食，不過都未齊，又轉哂辣！同行友人根本唔食得辣，咁又點食呢?!唔建議墨魚咀，又冇味又腥。

已是第N次光臨美味佳3隻雞翼已不經不覺地加到17元只要是高水準依舊我仍是會對這店支持的點了豬腩肉, 雞肉和雞翼豬腩肉有驚喜, 香口而沒有肥膩感雞肉比較不鮮嫩雞翼水準仍高, 但生熟度仍掌握不好畢竟老闆娘是由全生烤至全熟的美味佳是夜宵的好地方是三五知己喝著啤酒隨性聊天的好地方PS. 清潔度需加強

幾星期無同啊路盲朋友覓尋新食店, 今晚在紅磡一些橫街小巷覓食; 想不到啊路盲朋友竟然選擇了這間完全講不上有修飾的店舖, 簡直出乎意料, 係咪跟得我多呢!?店舖狹小只可坐上約50人, 十幾張摺枱、數十張膠凳、十數呎長形的廚房、三四個店員、$6至 $12而沒有貴當嘢的串燒; 完全係一個平民化而又衛生的手作小舖。吃了什麼?!雞中翼、雞全翼 (香脆)、韮菜 (爽口)、雞骴菇 (鮮嫩)、牛肉 (嫩口)、牛脷 (有質感)、牛油栗米 (甜味)、獅子狗 (一般)、墨魚丸 (墨魚味重)、薯仔芝心丸 (啊路盲朋友的心頭愛, 薯仔味濃) 、原條茄子 (鮮嫩) 。雖然滲上辣粉作調味, 但也蓋不上食物的原味, 加上陣陣燒烤香味; 令食慾大增。 店員更是個精靈BB, 下了單而無上枱的食物更記得一清二楚; 還問我倆要還是不要還未上枱的食物!! 單是這一點已令我消退初時下單時沒有店員理會的悶氣!!!埋單離去時只是十時許, 但門外已有很多人等候; 估不到一間平平無奇的食店, 竟然有那麼多的捧場客, 可能是吃得自在的原故!!

食完意粉，行去寶其利街附近買鍋貼。途經美味佳，而我之前有個朋友話呢度嘅串燒好食。於是就買三隻全翼試吓，$16/3隻，唔貴。即叫即燒，要等一陣先有。燒得幾好喎，外脆，肉嫩，唔會乾身。而調味方面就好濃孜然粉味，幾惹味。

食物太鹹,出野慢足足等咗半個鐘同朋友食完野,朋友話唔夠飽見呢間燒烤店好似好多人幫襯又未試過咪入去囉,坐低個陣已發現張檯好污糟都算啦,我個朋友order了燒物等咗20分鐘一樣野食都無上我朋友就同個樓面亞姐講話等咗好耐仲未有野食,樓面亞姐去問負責燒野既女士,個位燒野亞姐既回應催咩啫唔係入咗紙好耐之麻,催!由於我坐對住廚房既左3號檯原全聽到晒佢講d咩,心裡已經不忿,佢整係顧住燒比外賣客一d都無理過堂食客,等咗足足30分鐘,我忍唔住出聲問個燒野亞姐到底幾時先有坐向度等咗半個鐘喇,飯都食咗盒啦!跟住個亞姐唔出聲即燒野比我地,仲要燒燶條香腸,我個朋友order了一串牛舌,佢比漏咗夠膽死向爐頭燒野個窗口直叫我伸手攞起串牛舌,我心諗唔駛咁懶卦,連個碟都唔拎出黎比我,要我向窗口自己取串燒!真係唔會有下次!!

先聲明小弟乃是一個重服務素為先食物質素為次等的平民第一次要寫的食評居然是這篇真遺憾小弟跟女朋友一起去吃踏入食店時是晚上九時食店的店員有三個"阿姐"可能因為很忙沒人理會自行找到一個角落坐下那時是九時十分枱很髒店員也沒打算清潔桌上只有點"車仔麵"的紙好不容易找到了點"串燒"的紙食單如下︰芝士腸x２雞翼x１牛肉串燒x１芝心丸x２串燒韮菜x１牛油粟米x１雞軟骨x２獅子狗魚卷x３九時四十五分來到第一份芝士腸、牛肉、獅子狗、雞翼小弟覺得可以體諒因為很忙女朋友說雞翼很好吃我沒有吃牛肉是OKAY的獅子狗配籽然分原來會沒有味道的芝士腸就是原來的味道十時再來第一份粟米但這次不知是混了很多其他客人的食物在其中不過不要緊不影響這頓飯算了在這之後有點渴看看任何一張點菜的紙都沒有點飲品的方法去了問其中一個店員她喝了一聲︰「自己攞啦！」我呆了還是自己去了拿十時十五分雞軟骨跟芝心丸來了雞軟骨要咸死人了芝心丸不是平常吃到正方形的那種所以不合我的口味但還欠韮菜看到這裡都知道已經一個小時多了不知何時燒到韮菜去了燒爐看了一眼那個"阿姐"說︰「仲有個韮菜丫嘛！排下隊先啦！」心想『虧你記得』我說︰「如果妳仲未燒咁我唔要喇~」「咁

上一次.來光顧時.呢間店已經搬左舖,不過食評仍末重新開始.呢一次呢間店食評重新開始,我再幫此店做多一次食評... 到呢間店的人客,有8成都係食串燒,而我來呢間店前感覺好凍,想食一些食物取暖,我仍然叫車仔麵.. 二十元.包三餸麵,同一杯飲品,三餸是豬腸,牛腩.午餐肉,配新竹米粉加一杯熱好立克...首先...評好立克味道正常,不會過濃.亦不會過淡,加1匙半糖調味.就好好飲三餸豬腸.中間夾住大量肥膏,而豬腸是用鹵水汁煮成的...味道香口,而入味...入口彈牙 牛腩.:是半肥瘦的,上半是肥膏,下一半是肉,入口唔覺太林,要咬一段時間先可以,不過因為有一半肥膏都是香口的 午餐肉:絕不欺場,有2塊,老閭娘即場煎的,只嫌不是煎到金黃色,入口唔脆,所謂煎只是午餐肉加熱.. 加埋老火湯,湯底,有薯仔.腎,豬骨加埋6個餸..非常抵食..呢次的飲食經驗令我想在家中煲呢一個湯底,如果我住紅磡,我會時常在呢間店開飯...認真的行紅磡,原來很多串燒店,不過有一些係全無客人, 今次到呢間店...衛生進步了一點,不過在枱上調味品的罐是黏手的,是欠呢點衛生就合格,至於服務老閭娘只是真性