美味佳 (已結業)

其實好耐之前都係到食過一次但因為果次唸住食碗麵都等左成兩粒鐘所以之後都唔想再黎😑今次因為朋友想食而再度前來～可惜服務態度依舊而且如果係極度肚餓嘅人千其唔好去黎度～你會餓死左先有得食XD呢度嘅串燒係的確唔錯 特別係調味方面串燒上面嘅調味粉為串燒生色不少今次黎其實叫左好多串燒～但我淨係有食到兩樣呢個豬腩肉串燒味道好到位 唔會太膿 而且食多D都唔會好膩～滿足左我呢個豬腩肉迷！而呢個雞蛋粉腸粉係幾特別 味道OK不過可能本身腸粉嘅醬已經好重味 所以個雞蛋味一D都唔出