影片
更多
2018-01-26
419 浏览
放工又到左今晚食咩餸時間，因為經常性出沒紅磡，決定係呢殊覓食。因為3個人前一晚先食飯完(中式菜款)，今日唔想食炭水化合物類咁飽滿，決定食其他，於是閃左去食串燒。數落紅磡區都有5-6間串燒鋪，但要數幫襯次數最多既，係呢間，因為性價實在太高，ok好味又抵食，係佢未俾雜誌推介之前已開始幫襯，其時價錢仲抵，人流亦未達至而家咁爆場。而家基本上過左7點半就會出現人龍(附近理大生聯群結隊黎食)，所以如果6點半至7點左右到達都唔使點等就可以有坐位(店面不大，會坐得比較迫)。真正要等既時間係燒，等佢上串串既時間先食真正等待既開始，故此食肥大媽(負責係門口燒野食果位應該係老闆)要預左食一個半鐘走少不了的。咁碞有位坐近店尾二張方枱，因為係店外排隊等位時就已選好食咩(畫好紙然後交比姐姐，按收單先後次序安排入座的)，所以一入黎就係等食。等左15分鐘左右，先上雞翼(25蚊有3隻原翼，超抵)，外層有掃蜜糖同七味粉燒，令表皮頗脆仲帶點輕鬆蜜甜，可能係大量燒既關係，肥大媽一時時火喉控制得都會有唔係太好時候，試過有時雞翼啲角位、邊位會燒燶左，要自己動手搣走燶左既位置先食。不過整體上呢度既燒雞翼係無得輸，勝在又抵又香，必點
數落紅磡區都有5-6間串燒鋪，但要數幫襯次數最多既，係呢間，因為性價實在太高，ok好味又抵食，係佢未俾雜誌推介之前已開始幫襯，其時價錢仲抵，人流亦未達至而家咁爆場。
而家基本上過左7點半就會出現人龍(附近理大生聯群結隊黎食)，所以如果6點半至7點左右到達都唔使點等就可以有坐位(店面不大，會坐得比較迫)。真正要等既時間係燒，等佢上串串既時間先食真正等待既開始，故此食肥大媽(負責係門口燒野食果位應該係老闆)要預左食一個半鐘走少不了的。
咁碞有位坐近店尾二張方枱，因為係店外排隊等位時就已選好食咩(畫好紙然後交比姐姐，按收單先後次序安排入座的)，所以一入黎就係等食。等左15分鐘左右，先上雞翼(25蚊有3隻原翼，超抵)，外層有掃蜜糖同七味粉燒，令表皮頗脆仲帶點輕鬆蜜甜，可能係大量燒既關係，肥大媽一時時火喉控制得都會有唔係太好時候，試過有時雞翼啲角位、邊位會燒燶左，要自己動手搣走燶左既位置先食。不過整體上呢度既燒雞翼係無得輸，勝在又抵又香，必點。
栗米幾乎例不虛發，好甜亦好香牛油味；墨魚咀，一串有差不多10粒，燒得好香好脆好有咬口
另外，每次黎開都必點豆卜，帶點微甜好香脆﹔花枝丸，個人偏愛，簡直無敵(枱上有樽沙爹醬，點來食一流)
另外一個必食之選就係蛋炒腸炒，沾了蛋汁炒好香口，外面脆脆，同食街邊一碟蒸腸粉有好大分別，又係每次去都例點上面呢幾樣野因為有保證(呢啲以外既就無點試過了)
燒雞翼我鐘意食~~~
另外一提，個雞腎都好正，又大件又彈牙爽脆，20蚊有3串，抵到核爆)係最底果度掛住食無影到)
基本上肥大媽(個名係我老作既，因為成日醒唔起店名，又因為燒野食位主持人肥得黎有D似渡邊直美而為佢起左個名)串串真係不吃不可之選，唔係指啲串燒達神級既美味，始終係地道做紅磡街坊，店面無點裝潢，無海鮮類選擇燒的。但亦就係咁，就勝在夠小店風味，價錢抵，串串性價比高，兩個人食15至16串野都只係160左右已很飽，飽尚且後話，而係佢抵得黎又熱辣辣幾好味,呢個價係外面區食唔到先係精髓。
P.S:茄子同九菜就真係跌晒WATT了，以前又係成日點，但後幾次食發現味道好淡(唔關七味粉事，九菜直情咬唔爛咁款)，所以都已好少再點，今晚特登比多次機會條茄子，都仲係未復活
张贴
