美味佳 (已結業)

紅磡有不少串燒小店，當中最多認識就係呢間美味佳，出名抵食但服務態度麻麻，夜晚經常坐無虛席。假期的中午時段食客不多，不會擠迫。這裡除左串燒，還有車仔麵食。3餸車仔麵連熱飲$30, 點了兩碗 - 一碗係海膽丸+冬菇+芝士腸；另一碗係牛腩+豬皮蘿蔔+魚皮餃。湯底竟然係豬骨、雞肉和薯仔煲的湯，仲俾埋湯渣，成碗麵都好足料，湯底亦夠味。D餸就普普通通，唯獨牛腩較差，帶點燶味。另外點了油菜($12), 都係用車仔麵豬骨湯底上，亦有湯渣，好大碗。招牌燒雞全翼$25三隻，好抵食，沒有唔試嘅理由。雞翼燒得剛好，既有蜜糖味，也有孜然粉和少少辣粉，算不錯。