繼 (已搬遷) 新店位置

臨近生日，好多朋友都約我食飯～ 好想食OMAKASE，好友今晚帶我黎荔枝角"繼"～一入到店，先經過鐵板燒AREA，然後入面先係食OMAKASE =] 一坐低，朋友幫我安排左一切，所以我坐定定等食！！全部由師傅發辦～石門鯛 -正值時令，肉味濃郁爽口鮮甜～平政魚 - 脂含量豐富，口感肥嫩，味道也較濃郁～左口魚 - 甘甜魚油緩緩滲出，層次豐富，甘香濃郁。深海池魚 - 味道比一般池魚更鮮甜，肉質爽更滑肥美!平貝 - 肉質比較酥脆爽甜.之後黎個鮮甜既白蝦仔、油份重既赤陸魚。再黎薑蓉池魚、配埋啫喱同鮮甜粟米，正!壽司黎左銀雪魚、拖羅生菜包、馬糞海膽、拖羅卷，真係件件真材實料，冇得輸！最後再黎個魚湯、熱茶同雪糕，大滿足～好推介，下次會試下同男友食！

今日專程去左荔枝角D2搵好嘢食，就係鐵板燒。同女朋友一致裁定要食特上活伊勢海老鐵板燒。因為今日想大大啖肉咁食龍蝦， 所以別無他選。前菜係野菜沙律，當中有海葡萄，另外仲有一個叫水雲菜，第一次食，醋酸的香味，十分醒胃。跟住上碟嘅就係日本響螺，牛油炒香，爽口清甜。北海道帆立貝就頗有驚喜。師傅將帶子殼放係鐵板上，加上新鮮紫菜、醬油同水，簡單嘅烹調，更加食得出材料嘅鮮味。帆立貝配上新鮮紫菜嘅湯底，鮮味與眾不同。白甘鯛嘅煮法令人大開眼界。先將白甘鯛放係滾油中炸魚皮，然後再放上煲蓋焗熟魚肉。魚皮連魚鱗炸至脆而不膩，鮮嫩的魚肉配上醬汁，令一向唔好魚嘅我地亦都忍唔住大大啖咁食。輪到今日嘅主菜要正式上場見我地啦。師傅原隻放喺鐵板上燒，再慢慢去殼切肉，功架一流。然後師傅加牛油連龍蝦肉一齊炒香，未食嗅覺已經先飽享一頓，令人口水直流。師傅煎咗個香脆嘅多士，仲笑講話係呢度嘅招牌菜。間場黎個青檸啫喱清清之前的味道再品嚐之後嘅美食。另一道主菜就係A5鹿兒島野崎和牛薄切。薄燒和牛以香葱同炒香的薄蒜片快炒，牛油浸透落蒜片中，份外惹味。和牛之後係一碗乳白色嘅魚湯。濃濃嘅魚鮮味，鮮味十足。最後師傅炒左個烏冬，為呢餐畫上完美嘅

今日仲諗緊喺附近食日式咖喱蛋包飯or 韓國Kimchi湯，行到半路見哩間餐廳本Menu放响門口就打開嚟睇吓，見有午市套餐，就改變主意諗住試吓😬點咗個 “松” 午市套餐，有溫室野菜沙律、銀雪魚、法國鵝肝、美國特級牛柳、麵豉湯、炒野菜同炒飯，最後仲有甜品or飲品👍🏻野菜沙律加咗海葡萄同芝麻醬，fresh👍🏻銀鱈魚魚皮同魚肉用鐵板煎到一半，廚師就分開煎，令到魚皮煎得香脆可口，而魚肉保持鮮嫩唔會老👍🏻👍🏻👍🏻鵝肝用鐵板煎得香口，外脆內軟多汁👍🏻美國特級牛柳厚煎🥩，好味得來有質感，有咬口👍🏻 廚師仲免費請我食咗個牛油+糖煎多士㖭，好食👍🏻👍🏻👍🏻麵豉湯清甜，炒野菜同炒飯香口惹味👍🏻估唔到呢區都有咁好質素嘅鐵板燒，而佢哋嘅服務招呼周到，不斷加茶換碟，有禮貌又有效率👍🏻

經朋友介紹得知呢間位於D2 Place主打鐵板燒同埋廚師發板既日本餐廳，趁住拍拖紀念日黎一試~ 甫進店先經過兩旁既鐵板燒counter，才到壽司counter。店員安排座位既同時，壽司師傅及兩位徒弟跟我們親切的點頭微笑食Omakase除了食材刀工，遇上一位健談既師傅都好緊要! 呢晚遇上了劉師傅(Sam)，對每一位客人都有交流(當中熟客可不少)，讓我地對食材又加深了解! 　先奉上沙律菜。看似普通一個沙律菜卻加上2片來自高知縣既蓮芋根，有一絲清香。令我憶起四國之旅亦嚐過，不過言語不通，沒有考究，幸好師傅今次介紹一下~花螺，甜甜地既味醂味道，螺肉幼嫩。師傅先準備omakase伴菜有蒜頭漬、山芋、菜頭漬而我最愛既係加左wasabi既山芋，清甜中帶點攻鼻感，真係令人回味!刺身先以白身魚的石鯛作開端，味道鮮甜，口感細膩，有靱感～水章魚又稱水蛸。其吸盤部位入口爽脆，切片部分柔軟，淡淡的海水味道，鮮美餘韻！輕炙過既深海池魚王，油份特別剔透，加上竹炭鹽，油香更突出鮮味，口感嫩腍。金目鯛肉質細緻肥美，粉紅色既魚肉添上黑魚子金箔，黑加金既配搭分外閃亮耀眼~鮮甜既響螺刺身，煙煙韌韌，邊位較彈牙爽口。大大隻既小

要食到重質又重量既日式廚師發辦料理，原來都不一定只限於銅鑼灣尖沙咀兩個飲食旺區，重點係遇到優質主理師傅及好班底就有口福了。飲食兵團講開荔枝角地鐵站毗鄰既D2 Place二期，一間提供日式鐵板燒及師傅發辦的料理店做得非常有水準，那就擇日來一次大滿足。穿過趟門內進原來另有一番景象，店內通道左右兩旁均劃為鐵板燒區間，再往前走便來到師傅發辦專區，第一時間已睹帶友善面容的主理劉師傅及其小師傅助手款待入座客人。今晚跟為食太太各點了一份Zaku作，重頭戲為刺身8點、壽司3貫及手卷。用餐前，先來野菜及花螺兩小碟冷物醒胃。炎炎初夏吃點配麻醬汁既野菜可以增強食慾喚發味蕾，3顆小口螺肉味道鮮嫩帶爽口。同時間師傅準備些蒜頭漬，甜炸菜，帶輕身既山葵山藥給我們佐餐。先由淡麗的白身魚種登場，師傅在云云食材中挑選出石鯛入饌，口感輕柔且含蓄地散發著薄薄之魚香。緊接的水蛸刺身，輕描淡寫以岩鹽簡單元素去托出本體鮮味個性，配合師傅切割既技巧，三幅水章魚肉片質感水盈亮澤，尤其吸盤部位，入口反覆咀嚼起時特別爽脆。師傅再介紹面前的深海池魚，經厚切處理既魚片先以火槍來回炙燒一下其表層，令到豐腴既油脂爆發開來，再配合少量竹炭鹽，吃起來

今日約了舊同事晚餐，來到一個夜晚比較少人的地區—荔枝角；我們一早預約，打算食omakase；因兩個女生不會吃得太多，所以點了一個「作」omakase餐($1180/ppl)。*前菜是一個用了秘製的醬汁醃的螺，咪道帶點甜甜的；螺肉粒粒都很肥美厚肉。*沙律沙律用上日本人常用的醋汁，酸酸的帶少少甜；沙律菜很爽脆，車厘茄都很清甜。*真鯛先來是真鯛刺身—鯛一羅；魚的味道較淡，肉質較軟身，可以配上酸汁食。*石鯛魚第二款刺身是石鯛魚；魚肉味比較濃，而肉質都是較厚實；可以配上wasabi和豉油。*深海池魚深海池魚是上加了木魚花和蔥；我就沒有再加豉油；直接品嘗魚肉配上的木魚花，真的很香口，又可以帶出鮮味。*平貝其實是切了片的北海道帶子，肉質爽口；上面灑上了海鹽，可以不沾豉油。*象拔蚌象拔蚌很滑，肉質爽口鮮甜；只需加上少少的豉油就可以了。*螢光魷魚現在是螢光魷魚當造的季節；不過個人就不太接受到螢光魷魚刺身；雖然有薑和蔥，但腥味都太濃了。*油甘魚這片油甘魚真的很肥美，咬到中間更肥，有點入口即溶的感覺。*果蜜蕃茄這是吃到一半用來清一清味道的果蜜蕃茄；看似只是普通的蕃茄，但它的甜味真的難以形容，一點都不酸，超驚

好耐無食OMAKASE， 今日來左D2 place開餐！店舖裝修用心，空間感足夠！我地6點9到，開始我地美食既旅程一坐底飲杯熱綠茶，再加上熱毛巾好貼心既服務！ 我同友人都揀左 1180一位既OMAKASE第一個魚生係：鯛一郎，薄薄既魚生，新鮮！口味淡淡的，由淡的開始食偶爾一兩片加少少醬汁，別有風味然後係石鯛, 司傅話一條3kgs, 魚比較大條，味道也比較濃烈跟住係北海道既海膽配墨魚海膽好鮮甜creamy睇住司傅拿著一盒包裝好靚好珍貴既海膽出來，就知道一定好食好味既海膽一食就食出！完全無個種唔應該有的味道跟住係深海池魚，肉質較結實！ 加上少少wasabi 積fresh!以為平背係生食，但司傳今次輕輕一燒，再係面加上少量調味料好好味，同平時口感不同，燒一燒會比較硬身象拔蚌鮮甜！連醬油也不點了最後一件刺身，係油甘魚自己比較喜歡油份高既魚好喜歡第一件壽司金鯛魚+魚子醬+金薄就咁睇個樣都知道富貴輕輕一燒既金鯛油份足夠第2件係海膽壽司同岩岩個款唔同，但都係來自北海道第3件..睇個樣一定估佢唔到入面係拖羅油份好足既魚再加上用菜包住，好平均最後飲左個魚湯，煲左3個鐘司傅話佢地落場就開始煲完美既一個美食

好耐無黎過荔枝角，D2 place 都已經開到第二期，今次嘅目的完全係為左黎試呢間零負皮嘅鐵板燒，早早book定位係明智嘅，因為一入到去已有好多人，滿座咁滯我地嗌左特上活龍蝦鐵板燒，二人份的前菜同溫野菜沙律分別係水雲菜同海葡萄，前者酸香清爽，兩樣都好新鮮跟住就已經係重頭戲，師傅將新鮮海鮮攞出黎個刻真係好想尖叫視覺享受之後就係味覺，首先係日本響螺，爽勁十足，而且好濃味，靚野就是好北海道帆立貝 - 帆立貝上菜方法好特別，帶子燒完用紫菜高湯盛載襯托，啖啖都係鮮味。師傅仲建議點海鹽食，更添層次白甘鯛 - 用半煎焗方式煮，魚皮油炸後脆香魚香完全充斥口腔，加上薯仔枝豆汁，濃而不膩，係自己食過最美味嘅煎魚終於到最期待嘅活龍蝦啦，順便可以欣賞師傅嘅手工，首先將頭身分離，再將龍蝦膏挖出，加上海膽製成醬汁，鮮上加鮮，肉身爽嫩彈滑，非常得，個汁嘅香氣將龍蝦推至另一層次，同時無掩蓋主角嘅風味餐廳貼心地係呢個時候上青檸啫喱清清味蕾A5鹿兒島野崎和牛，呢個侍應一早問左我地要厚燒定薄燒，原來可以兩樣都試，兩樣當然都係高質，但自己更偏好薄燒，因為加入大量青蔥平衡油膩感。師傅仲係我地面前即席炸蒜片，從來未見過咁大塊嘅巨

有時唔一定大事大節先食餐好慶祝嘅，要偶爾搵啲新野去試，天天都是情人節丫嘛🥰不過平日放工又唔想去啲離屋企好遠嘅餐廳食飯，喺明查暗訪之下發現原來荔枝角都有日式鐵板燒食就訂咗位喇🥣 餐廳供應兩款套餐-> 鮑魚餐同特上活龍蝦鐵板燒。其實有諗過食鮑魚餐，因為見到openrice好多人影嘅鮑魚都有成隻手掌咁大，不過今日想大大啖肉咁食龍蝦， 所以一致決定要食龍蝦餐🥳前菜係野菜沙律，沙律新鮮仲要有水雲菜，爽口，口感有d似白菜🥬跟住上碟嘅係日本響螺，刀功細膩，薄薄一片令口感更加爽甜，微微煎香隱約食到淡淡牛油香，略嫌太少晤夠喉😂北海道帆立貝上枱都好有心思。師傅將帶子殼放喺鐵板燒上，加上新鮮紫菜，看似簡單嘅烹調但配合新鮮紫菜嘅湯底，的確係非筆墨可形容嘅鮮味。白甘鯛令一向都唔係好鍾意食魚嘅我地亦都讚不絕口。魚皮經油炸過後脆而不肥膩，鮮嫩的魚肉再配上淡淡醬汁，有食緊薯蓉嘅感覺🤤主菜正式上場啦。唔講得笑，隻龍蝦望落去斤兩十足。師傅原隻放喺鐵板上燒，再慢慢去殼切肉，一流視覺享受。師傅將龍蝦膏加牛油連龍蝦肉一齊炒香，增添鮮味。未入口已經聞到佢嘅香味，口水直流。龍蝦肉鮮甜彈牙。中場黎個蒟蒻清清口腔再品嚐之後嘅餸

D2 place係近年新開又hit既商場，有唔少好餐廳相相進駐! 今次我黎到食日式鐵板燒 !黎呢度食一定記得要book定位! 事關餐廳非常旺，walk in 唔一定有位架~黎到坐定定就點左特上活龍蝦鐵板燒 二人前 ~先上溫室野菜沙律~沙律以海葡萄為主角，口感非常獨特，加上清新水雲菜，胃口大開!日本響螺~響螺切片後在鐵板慢煎，廚師立刻上碟讓我地品嚐。響螺非常新鮮，有海洋味道，口感軟而煙韌。北海道帶子~廚師非常有心思，用帆立貝外殼作為載具煮海帶湯，再慢燒帶子。最後用獨立爐具再上枱慢煮。海帶湯因而非常鮮甜，配搭帶子一流!在燒帶子既同時，旁邊正在半煎焗白甘鯛!任誰也不易猜到，原來鯛鱗可以油炸食用?!口感超脆!配汁用上薯仔枝豆汁，創意十足!然後終於來到主角燒龍蝦，除左口感享受，還有視覺享受。龍蝦肉非常鬆軟又彈牙，還有超濃的鮮味。大概只有活龍蝦才能有如此鮮甜口感。非常滿足。鐵板燒還有厚切 薄切A5鹿兒島和牛!配口炸大蒜，和牛味道更濃更突出~炒飯及炒野菜當然時標準配搭。鯛魚白湯~從湯顏色便可知道魚湯之濃，一試回味無窮。

因為D2 Place 嘅出現, 令荔枝角增加左唔少高質素餐廳。今次就要試試位於D2 Place 2 嘅 ”繼” , 佢除咗鐵板燒之外亦有供應壽司Omakase, 不過今次就食鐵板燒先啦, 壽司就留返下次。我地叫左個特上活鮑魚鐵板燒二人前套餐。前菜係海葡萄沙律同埋凍螺，沙律幾新鮮同開胃，凍螺亦都好入味。北海道帆立貝師傅煎完個帆立貝，再擺返落個殼到，加入湯汁,所以個湯都可以飲埋，幾鮮甜ga!跟住魚就揀左白甘鯛,感覺比較特別。 師傅將魚鱗炸至脆口, 真係好似食炸魚皮咁，好香口，連埋薯蓉一齊食，亦出奇地夾。鮑魚勁大隻，所以師傳準備左兩種食法，薄切同角切。 薄切會煙韌d,而角切會腍d,各有千秋。鵝肝多士都好好味，雖然好邪惡，但堅正。肉嘅部分，我地兩個都揀咗A5鹿兒島野崎和牛。先黎薄切,牛肉好嫩滑，中間包左好多蔥花，真係好香。厚切就切成粒狀再煎香。師傅技術真係幾好, 五成熟就真係五成熟，抵讚。食到呢到已經飽飽地，但仲有炒飯，炒野菜同湯。呢到嘅炒飯除左蛋同蔥花，仲加左好多煙肉，所以會更加香！ 食完炒飯再飲返碗鯛魚湯，潤一潤喉，就等甜品啦。甜品有雪糕同銅鑼燒。我要左白桃味雪糕，朋友就揀左銅鑼燒。白桃雪

本身在D2 Place附近上班，有時午餐經過這間餐廳，總會被它的門面吸引，很想試。奈何價錢不低，所以很多次都過門而不入。前兩天，趁著剛出糧，與同事決定豪一次！ 選擇了特上活鮑魚鐵板燒二人前, 主角是來自澳洲的活鮑魚。飽魚足足有450克，是我見過及吃過最大隻的！前菜是海葡萄沙律，第一次食海葡萄。口感很脆, 與沙律菜一起吃很配。另一道前菜是凍螺, 螺肉的口感彈牙, 亦浸得很入味。 之後的一道菜是北海道帆立貝, 師傅在煎帆立貝的時侯同時加入湯汁, 然後連貝殼上菜。在進食帆立貝的時侯可一同品嚐湯汁, 非常鮮甜。 接著，魚類可選擇銀鱈魚或白甘鯛。我們要了白甘鯛，因為平時比較少食。師傅將魚鱗炸至脆卜卜, 口感似食薯片一樣, 好特別。魚肉的質地香滑, 不過魚味就較淡。 至於主角鮑魚, 師傅先將中心切開成薄片, 再加以黑椒調味, 簡單的調味更突顯出鮑魚的鮮味。口感剩餘的頭尾位置，師傅就將老切粒煎，口感比起中間軟腍。 之後就是鵝肝多士, 鵝肝表皮煎得香脆，內裏creamy,配合脆卜卜的多士, 最佳拍檔當之無愧。 肉類可以選擇A5鹿兒島野崎和牛薄切/厚切, 或者黑班牙黑毛豬。同事與我豪不猶豫選了和牛，薄切

男友心血來潮吃omakase，所以來到繼。是次由朋友介紹的師父主理，五感享受，新鮮不在話下，材料處理，食物配搭，烹調技巧，溫度熟成，擺碟設計也是別出心裁。師父手握壽司的功架力度也是賞心悅目。由前菜至刺身到壽司及丼，各類由淡至濃，讓味道層層提升，按時令食材精心設計的菜單，跟主理師父的交流就是omakase的吸引。是晚選了菜單「梵」，配上清酒，各種菜色左至右上而下：海葡萄沙律漬物真鯛刺身 （清甜）石鯛 刺身（硬身，清淡）炸雪魚條 （佐酒一流）鳥貝（鮮甜）高森（爽口，油份重）瑩光魷魚平貝 （燒過的平貝多了份香口味，配紫菜挺特別）黑鯥 （是我喜愛油份重的魚魚）真蠔（爽甜，豪味不淡不濃，配上師父調教的醬汁，味道配搭剛好）毛蟹+鮑魚 （好吃，色香味俱全，鮑魚煮得很入味，甜甜的，有咬感）金目鯛壽司虎山縣白蝦壽司 赤身壽司鰈魚壽司（嘩。是我心頭好，魚肝+烤過的鰈魚+刺身，三重奏，三種享受）拖羅壽司（稍稍烤過的拖羅用醬油醃製，味道非常豐富，提升了魚鮮但又不造作，還帶有陣陣的煙熏味）烤拖羅紫菜壽司（燒過的拖羅油香滿滿配烤過的紫菜中和）海膽丼 （配上兩種不同的海膽丼，非常鮮甜滿足）蜜瓜咖啡啫喱壽司做法很出