維記咖啡粉麵

营业中

休息中

維記豬潤麵一向出名，筆者也不是第一次到訪。豬潤豬依舊出色，分量多，剛上枱的時候還帶點粉紅色，吃起來不會粉。麵質也剛好熟透。另外，再點了一份咖咉西多，咖咉味略嫌不夠。

很久沒有吃豬潤牛麵，真係維記的招牌食品，就算現在可能其他地方都有，但湯底無得學，維記的湯真的很鮮味，無味精，於是專誠去深水埗排隊，好彩有3個鋪位，排左15分鐘就入到去，同老婆分別叫了豬潤通粉，同豬潤牛肉蛋麵，老婆話食通粉先夠正，飲埋湯補身喎！見到一片片粉嫩豬潤，真的很吸引！豬潤牛肉加蛋麵豬潤薄而鬆軟，牛肉嫩滑，蛋就過熟，而且一早煎好的，所以食起來凍凍的，不過湯底真的係靈魂，味道很濃又無味精，薑片食到很多，真的有補身感覺，食完出晒汗呢！老婆豬潤通粉，通粉很淋又大粒，老婆話要舊式茶餐廳通粉先好食，現在連鎖快餐通粉口感不一樣，通粉要夠淋湯要夠熱夠味才好吃，老婆俾90分。 我們最高興係維記保持到品質，真的無變

維記可以話係深水埗街坊既集體回憶，呢陣味係你至有，其他地方食唔到，由拍拖到而家帶埋仔女黎食，可以話對佢情有獨鐘，時不時都挑起條癮就要過黎食，好彩今次條龍唔係好長，等兩個人頭就到，阿姐依然好夠中氣，太陽蛋豬潤麵係我最愛既配搭，次次都係佢，雖然個湯底覺得無以前咁濃，但依舊好味大少第二次黎，上次話唔食，點知食左我成半碗，今次獨享一碗，只見佢默默咁食，全餐竟然無出過聲細囡就仲未到識欣賞既階段，最後，加埋個咖央西多就大滿足喇！

到深水埗要吃的美食有很多維記便是其中一間了吃一碗潤牛米加凍奶茶簡簡單單，十分寫意豬潤很新鮮很甜是黃沙潤😋不明白為什麼男朋友不喜歡吃雖然是好吃的但要知道不能吃太多內臟牛肉也很鮮湯頭很清吃飽飽後可以再尋寶了🤗

今日喺深水埗做完嘢，順便搵嘢食，諗起好耐無食過維記嘅豬潤麵，啱啱食飯時間，見到好多人等緊位，所以再周圍行一陣先，過埋個食飯時間先去， 差唔多兩點半，唔駛等位，不過都坐滿晒人。叫咗豬潤牛肉麵，好快有得食，新鮮熱辣，梗喺要即刻食，先飲一啖個湯底先，好鮮甜，又唔會過鹹，忍不住要飲多幾啖。豬潤煮得啱啱好，唔會煮到過咗火，變得又乾又硬。牛肉都OK，好有肉味，又有口感，個麵就普普通通啦，唔會煮到淋晒，入口都仲有D彈牙。飲品叫咗杯凍檸茶，茶味一般，唔係好夠凍，又甜咗少少。維記個麵都算幾抵食，因為佢好足料，豬潤同牛肉都好多，食完真係好滿足。

星期六兩點鐘， 去到三間鋪頭都排長龍，我哋揀咗一間裏面嘅最大嘅排， 貪佢地方夠大，人流轉得夠快， 等咗大概十五分鐘，就有位啦一人一碗豬潤麵 ，一碟加映西多士三個人分 。等咗大概五分鐘。豬潤麵嚟啦， 外表平平無奇， 一飲過湯個湯底，起曬沙嘅湯香甜無比，豬潤煮得啱啱好， 又夠多件。 即食麵硬度適中 ，一啖湯 一啖豬潤一啖麵 ，好滿足呀 加映西多士 ，佢唔係一般用油炸嘅西多士， 而應該係用鑊煎嘅， 中間夾住自制加映街， 甜甜地， 唔使落糖漿都好好味呀! 雖然排長龍 ，下次都會再嚟

來到深水埗買電器，對於深水埗搵嘢並唔難要選擇食乜嘢先係最難一件事！野吃周圍都可以見到，行到維記門口超級多人，可能禮拜日原因！放假大家都得閒出來行街買嘢！大概一年前就吃過一次維記的豬潤麵，好好吃⋯⋯時過咁耐唔知到是否還能保持著不變的水準質素，再重溫一次。禮拜日人真的超級多，檯坐滿人！豬潤麵比起舊時後少了些，不過豬潤依然保持著唔老煮到咁好又無太乾，爽爽不過現在豬潤沙沙的口就感覺唔明顯！湯底最愛，有姜味重，好暖又可以去腥，公仔麵普通，Q彈感差了！

聽聞深水埗有間勁出名的豬膶麵已有很久，可惜一直沒有機會嘗試。今日到高登幫朋友買東西，找車位一直找到福榮街那面，落車後發現原來仰慕已久的豬膶麵檔就近在咫尺！當然是立刻進去試試招牌豬膶麵豬膶超正， 勁入味，質地軟腍又起晒沙，而且一點腥味也沒有，美味得非筆墨所能形容湯頭也是一絕，清甜而且充滿豬膶鮮味如果不是吃完麵已飽飽，真的想像整碗湯也喝完呢！豬膶麵真的名不虛傳，待吃了超量膽固醇的罪疚感消失後，我們一定會再來的

星期六食晏心血來潮想食老字號維記粉面的豬膶面，就黎到深水埗食喇。一黎到，當然係要排隊啦 !本地人又有遊客又有，加上假日關係，就算依家維記有三個鋪位都要等成半個鐘先有得入去啊 !我地兩個人叫左兩個膶牛面 、一杯凍奶茶同一個咖央西多岩岩好一百蚊。可能今日實在太忙喇，我果碗膶牛面不單只咸到咩咁，豬膶亦都煮得比較鞋。但女友果碗就好正常，仲好好味添。咖央西多就保持到一貫水準，落足料而且好香口。一碟四件話咁快食哂。凍奶茶亦都好飲，茶奶比例均衡，抵讚 !

本來以為老字號，行過深水涉，去食個朱潤米，質數下降左好多，栝面又冇人清理，個湯低比起以前淡左好多，朱潤份量還算足，埋單收我33蚊，我話朱潤麵吾係30蚊咩，佢話我食左朱潤牛米，我影左相，比埋個老世睇，佢指住埋朱潤話係牛，我算，食完好口渴，出去買野飲！呢間哩野，為左3蚊，咩都做得出嘅，我今世都吾再幫襯！我吾多寫食評，但見到不公，一定出聲，比人屈一次事少，最怕個老世成日吾寫單，又亂咁收錢，各位幫襯時，緊記影相，吾係呢間野又會屈你，不過深水涉而家多左好多好野食，佢咁做生意都得嘅!

星期日放假冇乜嘢做，就去深水埗搵嘢食，去到決定就食維記，因為好耐都冇食過佢個豬潤麵，去到大概一點鐘，三間分店都好多人排隊，不過好快就輪到我，排咗15分鐘左右。落左單5分鐘左右就有得食啦，真係快靚正，豬潤麵保持應有嘅水準，熱辣辣，裏面啲豬膶真係好多，起碼有20舊，豬潤煮得啱啱好，切得薄但係唔會太鞋，再加埋啲麵同啲湯一齊食真係好正，不過豬潤唔好浸住落嗰啲熱湯到咁耐，如果唔係就會變硬，要即刻食。兩個人一人叫咗一碗豬膶麵，再叫多個伽央西多一齊食，呢個西多同其他西多唔同，又係必食！每人都係食咗$40幾，又抵又飽又滿足

好耐冇食過維記喇，今日約左個朋友聚舊，順便去附近玩具街買d野俾朋友的小朋友，就有得一嚐呢間地道小店。今日好彩唔多人，等左110分鐘就入到了。地道小店的餐牌清楚易睇，懷舊特色，令人懷念潤牛米呀~好耐冇食了，賣相不佳，但記憶中的美味令我好想即刻食！！湯都飲埋，冇味精，唔口乾朋友話今日咁高興，不如叫多個咖央多啦。 我就梗係歡迎啦~呵呵。 好好食，甜道適中炸得剛剛好，香脆鬆軟再來一杯超懷舊的煲檸樂，防治感冒吧~

好耐好耐冇食過維記， 難得收早就自己一個過嚟食晚餐， 依舊係咁多人，不過好彩唔使排隊！坐低就叫咗個豬潤雞蛋麵， 依然係咁大碗同埋好足料， 豬潤好爽口，好好食 最鍾意係隻蛋， 係荷包蛋嚟㗎！正 一個人食完碗麵已經好飽下次同朋友過黎先再食咖央多

維記，大學時代非常熱鬧，大排長龍，甚至夏天閒日3X度都要排隊，但質素每況愈下。有天晚上再嚐，質素更加低下。還是點豬潤麵，因為單併始終豬潤最多。但麵端來時，發現豬潤份量的確少了許多，雖然不算太老太乾，但也不夠厚不夠起沙。麵條也不像以往那麼彈，完全林晒，比起自己在家中煮麵還要差。環境熱，而不太乾淨，間中還要排隊，現在的維記，可能是吸引遊客的吧。成本價不足$10，叫自己媽媽煮也可，甚至更好，短鈅內未必會再來。

維記連開三間舖係深水埗, 最出名當然係豬膶湯底，小編比較貪心，要左個雙拼豬膶牛肉麵，一次可以滿足兩個願望。豬膶出名難煮得好食，但佢可以咬落爽口，唔簡單，牛肉同麵就無咩特別，好彩有個湯底，都係有鎮鎮既豬膶，面頭仲有啲豬膶碎粒，可以而知個湯係用幾多豬膶烹調出唻而凍奶茶就係典型香港冰室絲襪奶茶，茶味香濃又有奶味，以上係一個完美既下午茶, Perfect!!!!