維記咖啡粉麵

营业中

休息中

今日經過深水埗附近做嘢，順便來呢間好出名嘅粉面店試吓佢嘅豬潤米啦。平視我都比較鍾意食內臟之類嘅粉面，雖然製作上比較簡單，但重視嘅係食材本身嘅新鮮度，新鮮嘅食落去感覺上真係好唔同架。今次呢間粉面店嘅豬潤米份量都幾大下，一碗已經有好多舊豬潤，最可惜嘅係冇得揀黃沙潤，有少少失望。但呢隻豬潤食落去都冇咩異味，可能都被酒醃過。但略嫌煮得熟咗少少，失去左嫩滑口感。湯底係我想要嘅嗰種口味，冇另外特別調味，用嘅係豬潤淆製出嚟嘅湯汁，非常鮮甜。

豬潤麵出名就係人都知，但本人去親深水埗偏偏都無去食過，原因係深水埗太多美食喇!今次難得一人在外就決定去試下。其實對本人黎講食豬潤係一個挑戰，因為本人一向唔太食內臟，因為內臟一般有自己既獨特味道，所以真係有d驚驚，但網上見人地都話唔食內臟都食到，咁就試下喇!本人就叫左潤牛米，唔講豬潤，先講湯底，一飲落口，好好味啊，無怪味，而且有陣陣彊味，即刻飲多幾淡!補下血先~豬潤方面，有d驚驚情況下咬左淡，佢比我記憶中既爽口，而且怪味都算無，所以都食左幾塊，當然食到最後我都無食哂，因為雖然無怪味，但自身既味道係還有，所以都要適應下。但我相信鍾意豬潤既人一定好鍾意!牛肉方面相對無豬潤份量咁多，而且牛肉片食得出幾新鮮，又爽口，唔錯米粉方面，佢就屬於算粗身既，一口湯一口粉就剛剛好。除左剩下幾塊豬潤，其他我都ko哂!

今天放假來深水埗行街，就諗到必食既一間餐廳，就係維記粉麵餐廳喇，講到這餐廳我同女友一進去已經聞到一陣香濃既豬潤味道了，坐下後即時叫了最出名既豬潤牛肉麵、自製咖央多士及凍奶茶，女友就叫了雞蛋牛肉通粉和凍檸檬茶。這裡的豬潤牛肉麵湯真的很正很香呀，麵煮得剛好不會太淋，牛肉又爽有咬口，另外豬潤很滑唔粉，咖央多士熱辣辣很脆口，真係好食到停唔到口呀。這兒的奶茶，味道香濃入口很滑。女友食既雞蛋牛肉通粉一樣咁好食啊，檸檬茶一樣茶味香濃，入口不會帶有太多苦澀味。其實每次去深水埗都會來食，由一間小舖到而家三間小舖，水準依然無變，睇落普通既豬潤麵竟然可以賣到街知巷聞，食過既朋友仔一定知道點解啦，真係食幾多次都要讚啊！

呢間維記可以話由細食到大 每次去親長沙灣都會去食佢 個湯係用豬膶煲出黎既 啲豬膶又唔會好老 加埋啲薑絲簡直一流 另外要再提下既親係杯凍檸茶 果種味道真係唔係到到搵得到 真係食咁多年都咁正啊！

上兩年來維記食碗豬潤麵都係排隊排隊到癲,  排成粒鐘食碗豬潤麵, 對我而言是件不可能的事, 今日去開黃金買野, 可能係三點三下午茶時間, 唔見有隊龍, 便心血來潮, 來一碗豬潤米面補補身.豬潤米($30)堆積如山的新鮮豬潤, 呷一口湯, 有清清的豬潤味, 放了大量薑絲煮, 唔腥, 豬潤爽嫩, 最緊要係補血又補鐵麻, 女士恩物, 如果湯底有誠意些好正, 調味的豉油改用日試醬油就好啦..........自言自語中..........

本身我個人唔太好豬膶，不過呢間維記餐廳出名嘅就係豬潤麵，咁點都要來試吓。麵質其實普通，都係公仔麵。豬膶就幾爽口，一碗麵來講豬潤都算多，個湯底都係普通清湯，味道唔算話太濃太咸。但因為好多人食嘅關係，好多時都大排長龍。所以專誠來食佢嘅要預番多少少時間。

已經很多年沒有幫襯維記了，依舊是坐滿了客人、座位擠擁、食完就要走；而食物質素也依舊跟從前一樣好味樓面阿姐態度則比從前客氣了。我們點了豬潤麵、牛肉米、咖央西多士，每一樣都很美味又充滿回憶

自從上次的豬膶麵一別，已濶別多時。這次喜見維記沒有人龍，怎可錯失良機。邪惡之一餐肉豬膶公仔麵，豬膶紅潤粉嫩，絕沒有半分的渣，口感濃膩，卻嫌薄身一點，厚些的話口感一定更好；可能是公仔麵湯包的湯底，湯味很鹹，喝後口乾。午餐肉就必然夠薄，況且煎得過份，呈硬體，下次來可以不叫。邪惡之二乃架央西多士，多士不是超級超脆的那一種，反之是脆中帶腍，吸收了楓蜜糖漿，還有是必需即場才加的港式凍牛油，那份滋味，要忘掉幾多卡路理！港者之選，不為過也。

今朝早去維記。叫左個豬潤湯米 。一試 同之前已經唔同左 首先我唔係食家 深水埗人 一個月總會食一次 以前湯低較濃 而且薑味好出 以前就算落埋辣椒油都唔會沖淡個湯低 今日一試 已失去信心

呢間維記嘅豬潤公仔麵我相信好多人都食過 的確係好多朋友都食過 仲好鐘意食但我今次係晏晝下午茶時段食既真係坐無虛席一連三間既維記地鋪間間都咁多人好彩既係我地只有兩個人一去到已經可以入去坐啦咁由於我同個朋友一齊去食我係點咗個蛋牛麵但睇圖發現我係有塊午餐肉因為個朋友比咗佢個塊午餐肉比我食既佢話唔太餓飽飽地 但係又係佢提議去食下午茶講返個麵先個牛肉公仔麵加佢個湯底真係無得彈 係好好味啲湯仲好好飲連雞蛋同午餐肉都係煎得好香整體係非常之好但係論價錢黎講係偏貴而家咁樣一個麵都已經三十幾蚊再加個檸樂要五十蚊賣單我認為係賣得好貴但問值唔值既話 我都可以講值既但環境比較惡劣 好污糟嘅感覺真係但我就未必會次次都考慮食呢間喇

維記係深水埗都算係小有名氣，去到都要排一陣先有得食，但係食食到咁高質嘅豬潤面係值嘅😎 豬潤爽脆冇腥味，份量豐富。面嘅湯底值得一讚🖒鮮甜得黎帶有少少薑味，雖然外觀唔太吸引，但係絕對值得一試😋

食左十幾年睇住佢走下坡有時覺得一次比一次唔好食不如以後都唔好食啦最後間開d先再去可能又會好食返點知都係幻想潤牛意意粉過熟到 入口一粒粒散開無牙都食到諗住飲下湯都好點知太淡牛肉勁熟潤有舊好生就係咁我都唔知又隔幾耐先會再去有時 回憶的味道 叫人懷念但味道只能在回憶裡找 叫人痛心

細細個已經好中意食豬膶，因為阿媽煲湯用嘅豬膶好爽口，所以除左飲啖湯，我更中意食D湯渣 －豬膶。之前都聽過維記嘅豬膶麵好出名，但一直都未有機會試。咁啱呢日出去深水埗尋寶就一於排下隊試下。係同一條街，維記有3個鋪位相連，不過去到 每一個鋪位都有一條長長嘅人龍！真係見到都有少少卻步...小妹猶豫左幾秒之後都係衝左去間人少D嘅鋪位排。以為會等好耐，點知原來人流都幾快，大約等左3分鐘就有得坐低食小妹叫左個膶蛋米，如圖所見真係成碟豬膶架D豬膶都有少少紅色，但食落又唔會覺得生，反而好爽口彈牙！不過隻蛋有D過熟，唔係流心太陽蛋，小失望個湯底幾清甜，有淡淡嘅薑味，配埋豬膶食，更能突顯豬膶嘅鮮甜味，小妹可是飲左大半碗以深水埗黎講，33蚊唔算平，不過咁大碟又咁多豬膶都算係CP值高嘅！

經過北河街，就順便食個豬潤麵。今日正午經過，唔洗排隊即刻有位。每次黎必定叫的豬潤麵，落單3分鐘就上台了。豬潤鋪滿大半碗麵，肉捻得黎唔怕枚晒，每片大約5蚊銀咁厚，麵湯由薑煲成，甜甜地又有少許薑的辣味，好滋味。係公仔麵稍微捻咗d但仍算可接受，算keep到水準！連凍奶茶，埋單都係45蚊，算可以接受，因為深水埗宜家的茶記都唔平，閒閒地都40-50蚊，但都未必食到唔中伏的食物，如果想穩穩陣陣地食一餐午餐，維記咖啡粉麵可以係一個好選擇。

星期六黎到深水埗人氣食店維記咖啡粉麵，諗住食下久違的豬潤麵，在門口排左10分鐘齊人就可以入座，效率比想像中快，人多預左迫埋其他客人一齊坐，快食快走完全符合港式茶記文化！呢度叫餐呀姐會幫你哎入廚房，好神奇呀姐可以一次過處理10幾樣嘢食，當然有時會漏單，因為廚房一出餐d呀姐就鬥快搶俾佢地負責張枱，真係有點混亂！我隔離枱有位姐姐就係因為等太耐出左10幾碗麵都未到佢，嬲得滯棄單走人😳好在我地order完好快就有嘢食咖央西多士（$19）西多士炸得夠鬆軟，充滿蛋香，而咖央有少少甜，兩個人share會冇咁邪惡～哈哈潤牛米（$33）上枱熱烘烘，豬潤牛肉佔左米粉的一半，份量算多，$33幾抵食！豬潤不算太新鮮，有少少粉，跟一般外面食的差不多，唔算有特色！牛肉有少少韌，一般！湯底則算鮮甜唔會太咸太重口味！凍奶茶（$15）入口香滑，有濃郁的茶香，不錯！維記豬潤麵或者靠名氣，已經大把人搶住去食，但要keep 住食物素質及服務先可以令顧客回頭幫襯！