維記咖啡粉麵

营业中

休息中

心血來潮想食豬潤麵，雖然朋友不太喜歡，但都肯陪我去真係好！假日約1時多到達，有2間鋪，等約5分鐘已有位，比預期中快，加上老闆好好笑容。好佩服姐姐不用紙筆落單已牢牢記得客人要什麼。點了豬潤餐肉米、朋友的腸仔蛋麵。湯底好濃，豬潤好多件夠足料，而質地爽口，多食可以預防生飛滋，哈哈。不過都是以前較有水準。而腸仔蛋公仔麵味道都不錯了，以薑湯為湯底，味道較清，粉麵份量幾多。還有咖央西多士，咖央不太甜，西多士幾脆幾香口，好有蛋味，不錯。

出名人多又好味的維記咖啡粉麵，聞名已久，終於鼓起勇氣去排長龍，吃下午茶。聽聞湯底是用豬潤淆制，公仔麵本身的味道較重，而米粉比較淡，所以點了一個豬潤米粉。豬潤米粉送到後，忍不住瞄了一眼旁邊的豬潤麵，發現米粉底比麵底多，為了「吃抵左」心中暗喜，看來晚餐也吃不下了。吃豬潤米粉第一口當然是喝湯，一口下腸！燙熟了舌頭......由出菜到上桌，一般都會涼了一半，要上菜後拍完照再喝湯還會燙著舌頭，可見呀姐送餐速度很快，大家記得要吹吹才喝哦！哈哈！湯好像沒有傳說中的好喝，喝出不是味精湯，但也沒有非常甜的豬潤味。不過，一碗麵內的豬潤很多，光吃豬潤已經3成飽。正在納悶豬潤麵沒有很好吃之際，搭枱的女生也說今天的豬潤麵一般，我算是不太幸運了，選了他們失準的一天才來。

這次與朋友專程去到深水埗品嚐於香港非常著名，每日每段時間都是客似雲來的豬潤麵專家-維記咖啡粉麵！一如過往，午餐時段需要排隊，等了大約十分鐘左右，不用考慮便叫了兩款馳名食物。豬潤牛麵果然名不虛傳，豬潤和牛肉非常新鮮，湯底非常好清，再配上不硬不軟的公仔麵，好吃。咖央西多西多士加上咖央醬，口感非常好，但略嫌太甜，建議可以不用落糖漿！總結:食物款式選擇多，味道好之餘，亦很足的份量,每次都是水準之作, 大滿足

出開深水埗，當然少了免係度食嘢，附近食店多的是，必食呢間經常有人龍嘅豬潤麵！入黎嘅十個有八個都會食，滾熱辣上枱，先飲啖湯，好豬潤水味道，食到薑絲辣味，豬潤厚薄適中，唔老無異味，食埋個麵，加杯凍檸茶，堅貼地嘅下午茶，滿足！

一向不爱吃猪润，但这家老店一直被推荐，还是决定来试试，店里都是本地人在吃早餐，我要了个猪润牛肉面，汤头蛮鲜甜的，好像还放了点姜，猪润爽口，不是那种粉粉的，不错，我都吃完了！还有牛肉，也是很嫩，但相对我会宁愿要一碗全猪润面，面很软，不是那个出前一丁，所以不会很油腻！适合做早餐！

維記豬潤麵誰都沒法可取替以前睇雞汁台知道湯底加姜同新鮮豬潤煮成成個麵由肉到湯底鮮甜原汁原味豬潤麵 $33潤．新鮮滑身麵．軟硬適中湯．鮮甜帶姜味Rating: 9/10．咖央多 $13多士熱辣辣配上不太甜咖央醬Rating: 8/10．啡走 $14最愛咖啡加練奶啡味夠濃入口淳厚Rating: 9/10．Tips: 假日12點後會出現人龍等位

好日都唔去深水埗，突然又去得好頻密，繼羊仔要去睇工具、電腦野之後，死黨因要幫公司買野，我呢個無業遊民當然係當仁不讓陪佢去買啦行到餓餓豬就梗係去食野啦，但係兩個深水埗白痴淨係知道條食街(唔知叫咩名，只係知成條街都有好多野食)，咪行過去囉！我地仲係度思考緊食咩嘅時間，居然俾我地見到平時大排長龍嘅維記無人排隊喎😱我地兩個都未食過，見無人排隊，點都衝過去食啦，仲等咩😗入到去睇到嘅一張張圓枱，密側側，舊式餐廳格局，好有親切感呀！☺️呢度出名係食牛肉豬潤麵，可惜嘅係我同死黨因都唔識豬潤嘅，所以只可以叫牛肉麵啦！牛肉唔洗講啦，一個字--多，仲要肉質一啲都唔韌，不過重點係個湯底，雖然見到有啲啡色一舊一舊飄下飄下(我估係豬潤同牛肉淆制而成嘅)，不過入口非常清甜，同啲牛肉味道勁夾，簡直係無得彈呀另一個必叫就係加央西多士，但係因為我地唔知咩係加央西多士，最後叫左普通西多士。西多士外層炸成金黃色，但係一啲都唔燶，咬落去非常軟熟添呀！下次要試埋個加央先得

朋友+網站熱賣介紹之下平日也人山人海下環境無(空調不足，所以風扇多)衞生無(以前舊式風格)座位(細台坐8個人)招呼尚叫有……1個人食牛肉麵+央茶+咖央多士。食物之中衹有咖央多士+茶尚好(不外如是)

深水埗出名汁平野～食野都唔例外～呢間就真係夠哂舊式同古祖味啦～懷舊環境當然係舊嫁啦～不過算係咁嫁啦～食飯保持水準。。豬潤雖然大不如前。。不過都有果種風味。。重點緊係要連埋個湯底一齊食。。Perfect😂。。識食一定係食咖央"西"多。。不過咖央多小小就好啦😂食飯：味道Keep到。。係食材唔夠新鮮環境：係咁嫁啦。。第二度你都食唔到嫁啦推介：豬潤個湯。。咖央總括：久唔久食下係開心同滿足既。。唔食豬潤就。。。。Sorry Sir啦

SUNDAY LUNCH 來, 有成幾間分店都要排隊, 真是幾受歡迎WOR豬潤米: 我唔食豬潤GE, 不過成碗野真是好足料, 勁多豬潤, D 湯都好重豬潤果種味, 湯底就清清淡淡咁LAW架央多: 其實我以為係椰汁味, 點知原來好重蛋味, 唔會太甜, 岩我, 不過我估西多好食D

星期日下午，三間維記門外都是長長的人龍，狹窄的街道變得更水泄不通，就連馬路也。。。。等了約二十分鐘才有位，坐下也不用多想：唔該，一個潤牛米！潤牛米不用５分鐘已送到上枱，滿滿的潤牛和米粉，正呀其實自幼也不喜歡吃豬潤，因為覺得味道很怪。但這裡吃的豬潤，沒有異味，容易入口，真的很感興趣師父是怎樣做到的牛肉相對少，不過沒所謂吧！我覺得潤牛和米粉是絕配，因為米粉本身無味，潤牛則有點咸，兩者一起吃就剛剛好！看似簡單的食物，卻令不少食客回頭再吃，每次來到也要等待一會才有位，維記真的很成功不過吃完特別口渴，我想是味精作怪吧，唯有急急買飲品了。。。。。。

下午3點,去到門口竟然要排隊~ 等了5分鐘就可以入座~ 但係搭枱～我叫咗潤牛米， 老公揀咗豬潤公仔麵～我嘅評價就係: 平平無奇～ 呢碗豬潤米對我嚟講只係普通料～奶奶喺屋企都煮到咁嘅味道… 況且D豬潤並不是預期中嘅鬆軟～無需要山長水遠走到深水埗食。

成日心思思想落去深水埗，就係為咗想去食呢碗麵。今日日都如常叫咗一個潤牛麵 ，一放底已經聞到呢一種久違了嘅香味，豬膶係絕對唔會好鞋，份量都好多， 食落去係起哂沙。牛肉好嫩滑，好爽口。公仔麵亦都一啲都唔諗， 湯底係好濃沃嘅豬潤味 ，味道一流 。以後每次行經深水埗 ， 都會嚟食一碗。

好耐冇食啦有啲掛住佢但今日黎到 有啲失望嘍...其實唔介意佢冇賣相，好食就得嫁喇！老公叫潤牛麵，我叫潤牛米點解我碗米啖味咁多？老公果碗咁濃味🤔🤔🤔？而且以前薑味比較重，而家就冇咩薑味咁🙄🙄🙄豬潤薄薄地，煮得幾好但牛肉稍微有點筋，有啲韌度。真係好失望🙁🙁🙁🙁😐😐😐😐😐😐😐

【2016 年 9 月】 深水埗有很多美食，這間茶餐廳的豬潤麵好出名的 雖然它在福榮街有同一條街有幾間店，都是在隔離，但好多時都坐滿客的 這日陪儍爸到深水埗買野，他就帶我們到這兒食個下午茶 本來想點這兒的招牌『豬潤麵』，但是今日唔想食即食麵，所以點了客豬潤米 豬潤不是得兩三片，份量都幾多，不太薄也不太厚 也不會煮得過熟，食落去爽滑冇腥味 湯也有很濃的薑味和豬潤味，仲好清甜，配米粉都不錯 怕兩隻小魔怪不食豬潤，所以另外點了碗火腿牛肉麵 牛肉鮮嫩不靭，即食麵夠彈牙 湯頭看上去以為與豬潤麵一樣會有薑味，原來無薑味喎 ! 但飲落去很清甜，不只招牌豬潤麵，這兒的牛肉麵都不錯的 港式茶餐廳一間，食物種類不多 不過，只是一款招牌的豬潤麵已經夠 ... 因為人人入到嚟都是點它 ** 以上分享是以我的口味、喜好和情況作出分享及感受，一試 / 合用與否請自行決定