維記咖啡粉麵

今日過來深水埗, 忽然又想吃, 又坐番中間的舖位, 又叫番豬潤🐷雞蛋🥚湯意粉, 凍奶茶少甜少🥤冰, 等左一陣, 飲品先到, 飲左一口, 我唔覺得係少甜😂, 茶同奶的比例都ok, 但唔係好飲到紅茶味, 只飲到甜味, 再隔一陣送上豬潤🐷雞蛋🥚湯意粉, 好熱辣辣, 飲啖湯先, 唔係好飲到乜嘢味, 不過又有少少甜味, 意粉食落正常, 浸左湯OK, 但感覺d湯飲左好口渴🙄😆, 再之後食d豬潤🐷, 都比得幾多, 但唔係切到好大舊個只, 有d碎濕濕, 但又唔係脆又唔係粉, 食落無乜味😅, 好似真係感覺無以前d質素敢好😂, 之前食d豬潤🐷係爽脆, d湯又有薑味🤣, 不過42元一碗都算係經濟抵食, 可能要求要降低d, 但食左之後都幾口渴🤐要不斷找野飲😶, 又真係唔係好得了😁😆…查看更多

深水埗必食維茶餐廳，餐廳裝修源於80年代款式，一張張圓形同方形摺枱加摺凳，開放式茶水吧，牆上餐牌，完全感受到時光倒流回去80年代。每次光顧，我都一定叫豬潤牛肉米加凍檸茶，維基嘅豬潤牛肉完全沒有渣，鮮嫩好味。豬潤牛米湯底有濃郁豬潤牛肉清甜味，米粉完全吸收湯底精華，超級入味。另外咖央西多士值得一試，斑斕香加夜油香放喺熱辣辣外脆內軟嘅麵包裏面，口感加味道一流，回味無窮。總括嚟講，嚟到深水埗一定要試維記。…查看更多

步入唯記的玻璃門，撲鼻而來的是薑片與麻油味，這碗豬潤牛肉麵，依舊是深水埗街坊的早晨儀式。琥珀色的湯底，滾燙上桌，湯面浮着現燙的薄切豬潤，咬下卻帶着微妙的金屬鮮味，正是老派處理內臟的手法。鮮牛肉慢火浸熟，肉質有雖然小小柴，但與薑汁湯底做出清甜層次。公仔麵條吸飽湯汁，掛着香港人最愛的「半生熟」口感，唔太淋，再加多隻雞蛋，蛋黃混湯味道更豐富。 店內白格瓷磚、鐵風扇與舊式餐牌，定格了八十年代的茶記風貌。阿姐落單的聲音、鄰座食麵的聲響，比米芝蓮更真實的香港味，每個月點都來食一次。目的就在這碗有小小性格既豬潤麵裡。…查看更多

維記喺深水埗屹立多年，我都唔知食咗幾多次。當年豬膶麵佢差唔多喺獨市，後來都開咗唔少主打豬膶麵嘅食店，我都試過唔少，不過維記始終最吸引到我。佢嘅豬潤相對薄身，對比其他同類型食店主打厚身柔嫩嘅豬潤係有啲失色。不過佢嘅湯底係即場用豬潤同牛肉煲出嚟，味道特別新鮮清甜，非常出色。我經過多次測試，覺得米粉先最能夠突出佢嘅湯底鮮味。如果加多一隻煎蛋，脆邊嘅部份吸咗啲湯底，就會食到另一個層次。如果你有機會嚟，可以試吓我呢個食法☺️…查看更多

4/5⭐️ 豬潤麵x咖央西多新配搭** 🍜 經典雙絕 🐷 豬潤麵 + 煎蛋- 豬潤鋪滿碗 雖然冇以前咁爽脆，但依然嫩滑無渣 - 靈魂豬潤汁多到浸滿麵條，加隻太陽蛋撈勻更邪惡 🍞 咖央西多士-*爆醬級咖央，班蘭香+椰香雙重攻擊 - 麵包外脆內軟，即叫即煎熱辣辣 - 配熱奶茶係絕配，甜度剛好 一碗豬潤麵+半份西多士，完美演繹老香港早餐進化論！…查看更多

好似好來無來食過佢的豬潤🐽, 望下餐牌, 有通粉, 米粉, 公仔麵同好少外面會煮的湯意大利粉😘, 叫左豬潤🐽加雞蛋🍳🥚湯意粉, 凍奶茶🥤🧋走甜, 等左一陣凍奶茶先到, 可能真係走甜😆的關係, 帶唔出味道出來😁, 只係飲到奶茶的茶味😅奶味就唔係好飲到😀, 再等左一陣送來意粉, 不過店員知道比錯牛肉🐮, 之後立即拿走👍再等左一陣送來豬潤🐽雞蛋🍳🥚湯意粉, 飲啖湯先😚好清甜, 湯上面好多滾起的豬潤汁😆, 真係d湯超級滾熱🥵, 食啖意粉, 浸左豬潤湯🤩好味道😀, 豬潤🐽都比得好多, 但已經比以往食覺得無敢爽脆😅, 不過又不是好粉個只, 只🥚🍳煎蛋食落幾香蛋味🥰👍 一啖湯一啖意粉一啖豬潤, 簡簡單單的一頓午餐, 可能真係連續假期的關係, 都好容易找位置😀 抖一抖飲埋杯凍奶茶走人😁唔係阻礙人家位置太耐了😂…查看更多

作為一個資深的美食愛好者，深水埗嘅維記，是我每個月必定會打卡一兩次嘅地方。每次光顧，我都會毫不猶豫地點上一份猪肝牛肉米粉，再搭配上一杯凍柠茶或者凍奶茶，另外，西多士也是必不可少嘅。這樣嘅搭配，對我而言，簡直是絕配！維記嘅猪肝牛肉米粉，湯底清甜，米粉充分吸收了湯汁嘅精華，每一口都超級入味。而猪肝同牛肉嘅口感，更是鮮嫩得讓人贊不絕口。至於凍柠茶，清爽解膩；凍奶茶，醇厚香濃。西多士則是外酥內軟，夾心香甜，令人回味無窮。維記無疑是典型嘅平民美食代表，價格親民，味道卻是一絕。每次坐在維記，品嘗著這些美食，心裡都會湧起滿滿嘅幸福感。真心推薦大家都去試一試，相信一定不會讓你失望！…查看更多

懶惰二人組本身想去深水埗我地去開既冰室食返個下午茶，不過原來間冰室唔覺唔覺關門了！今日又想食下粉麵，於是轉去食豬潤麵食！《潤牛麵》 $40/ 《豬潤米》 $37/《凍奶茶》$16極速上菜，大大碗，湯熱辣辣。琥珀色既湯，有薑同麻油既香味。豬潤同牛既數量都算係多。豬潤爽口 鮮牛有少少咬勁。好食，不過一大碗食到最後有少少漏，飲兩口湯，有少少薑同麻油味都可以中和一下。奶茶茶味濃!🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體❤️食物選擇唔係多，不過豬潤好食，個湯都好香。💚環境就係一般粉麵店，佢有三個鋪位，有一間係特別舊架！💛服方面，姐姐人肉落單，上菜速度極快。有時會食下姐姐先寫單俾你😂Rating：懶惰鼠😻😻😻+0.5懶惰虎 🤩🤩🤩📍維記咖啡粉麵深水埗福榮街62 & 66號地舖/ 北河街165-167號地下D號舖💰人均消費：$60⏰營業時間：星期一至五 06:30 - 17:30星期六日及公眾假期：06:30 - 19:15…查看更多

好耐無去維記食, 今日出開深水埗就去食, 點知勁失望, 好難食, 叫左餐牛麵多汁, 點知嚟到無味, 淡茂茂, 問佢地係咪多汁, 佢地話多汁左, 但可能無落鹽, 叫我自己落, 但湯底根本無牛肉味, 落完鹽只係變左鹽水麵, 試左一口, 都係好難食, 食唔落走左。竟然答得出唔落鹽要個客自己落都好搞笑…. 個麵自己係屋企煮真係好食過佢。…查看更多

佢嘅豬膶麵都出咗名好多年，一直都幾好，間中會專登黎食，例牌食豬膶米。雖然要等位，通常都好快可以入座。以前個湯好清同埋有濃濃薑味，機本上每次都差唔多飲晒啲湯，而豬膶都新鮮。今次食已經完全唔同，飲第一啖湯就覺得怪，無咩薑味，又鹹又濁，飲多幾啖喉嚨‘確確地’就無再飲。又係變左味精湯🥲其實間鋪都係專注做幾款野，正正常常整個湯就好，豬膶係正常，但係湯底完全唔得。啲餐廳越做越求其，機本野都唔做好，又少一個選擇😓…查看更多

太耐冇食呢間嘅豬潤麵，有啲掛住，🤭🤭之前都有食過好多間唔同嘅豬潤， 但始終覺得呢間係好味啲嘅，🤗🤗當然有好多人嘅意見都唔同， 但係去到見到好多人食即係證明都唔錯😋😋今次只係簡簡單單叫個豬潤牛肉麵， 我喜歡佢哋就係唔係太大塊嘅豬潤， 比較容易食， 平時我就會嗌佢哋個咖央多， 因為今次得一個人所以簡簡單單就算數🥰🥰 等我下次同屋企人嚟再試過， 飲品我就叫咗杯熱鴛鴦， 始終都係覺得舊式嘅餐廳咖啡鴛鴦係好好飲嘅🤩🤩…查看更多

好懷念10年前嘅味道。以前嘅湯底好清好有薑味豬潤味，一上枱就飲咗一半，食完整碗麵個湯已飲了9成。雖然現在豬潤都仲keep到以前老闆嘅質素，但湯底飲兩，三啖就會停，食完成碗麵都會乘好多湯，食完個湯米後個喉嚨感覺唔舒服，個湯底咁深色及味道感覺似加入了豉油，偏咸，一路食一路唔開心，仲想停下來就完。食湯粉麵湯底好重要。現在感覺無咗靈魂。好掛住以前老闆打理食店時嘅豬潤“湯”米。還有加蛋，以前隻蛋係煎蛋個蛋黃係熟嘅兩面係有少少濃嘅，今時今日加蛋個黃半熟兩邊都唔濃。真係唔同哂。係幾年前去都發現唔同咗，但今次比機會再試，可惜食物味道都無咩改變，我諗暫時都唔會再去喇。…查看更多

今天去深水埗逛下，順便去這間小店食下午茶。已經很久沒有到這裡用餐。今次點了豬膶牛米，湯底跟以前相比沒有那麼多泡泡，味道也不如以前那麼濃郁。不過，豬膶依然鮮嫩。雖然是豬膶牛米，但牛肉的份量不多，而且切得很細，驟眼看以為只有豬潤。…查看更多

位置深水埗豬膶麵，深水埗排隊店，同朋友叫左一碗嚟食，再叫多份咖央西多，店內環境坐嘅位置不多，但大家都是密密食完就離開，所以都不用等好耐，豬膶麵的豬膶好重薑味，豬膶大件，食落唔會有內臟腥味咖央西多唔算大件，但加埋糖漿味道很好…查看更多

離開咗深水埗一段時間，再次食佢嘅豬膶麵真係震撼到我。冇諗過會變得咁難食，豬膶又老又柴，食落冇味，湯亦冇晒啲豬膶泡泡。唯一可取，係夠熱！為咗減低我因為食咗劣食而引發嘅憤怒，我加左件加央多，希望可以平衡味蕾，好彩冇浪費呢$16，佢療癒咗我，冇即場反枱。隔離枱有對銀髮族夫婦，嗌咗豬膶麵同牛肉麵，佢哋都話豬膶好老、咬唔到。伯伯想叫店家換，但婆婆制止佢，話食唔到就由佢，最多以後唔幫襯。冷靜落嚟，回想剛才嗰碗豬膶麵其實並唔係咁難食，只係佢唔再係維記豬膶麵嘅味道，佢只係一碗將貨就價，用唔新鮮豬膶做嘅麵，我剛才嘅憤怒只係恨鐵不成鋼，只要放下對維記豬膶麵嘅感情，就唔會影響到我情緒。香港飲食業萬歲！…查看更多