素食一家 (已結業)

近年素食已成全球潮流, 不同類型的素食餐廳愈來愈多。本人原本不太喜愛吃素食(因為以前吃過的素食, 感覺都單調得來又很油膩), 今天都要應潮流, 去了旺角”素食一家”嘗嘗這裡的素食。先來一道前菜, 涼拌雲耳淮山沙律, 用簡單健康素材, 雲耳, 淮山, 杞子混合自家制素沙律醬, 做出一道味道天然, 清清甜甜的開胃小食。香煎自家野生竹笙腐皮卷, 6件腐皮卷被6棵菜芯分隔, 整齊有致。 煎脆的腐皮卷, 包裹絲絲的竹笙, 雲耳, 筍, 和香菇等。 咬落感覺外面乾爽, 內面鮮嫩多汁, 味道清淡中帶脆香,。最後淋上分量剛好的蠔油醬汁, 為菜式加添鮮味。薑茶菊花, 據說廚師用細緻的刀功, 將豆腐幼切, 切成一朵菊花, 浸在薑茶中, 賣相特別。 豆腐口感嫩滑, 薑茶微甜, 薑味很濃, 夠辣! 吃後覺得很回味, 可惜細細碗, 稍嫌"唔夠喉"。於是加單點了一份黑松露百寶袋, 同樣味美, 腐皮包裹雜菜粒, 中黑松露碎不是很多, 只覺淡淡的黑松露味道。今天對素食有新的體驗, 日後定必再接再厲, 為身體排排毒。

每天外食都不免做食肉獸，今天午餐決定食新派素菜。在旺角火車站附近找到這間素菜。年輕的老闆，令這裏靜中帶有活力。前菜先來涼拌川味手海蜇撕雞 ($45)小小1碟，份量其實不算少。海蜇是爽口的蒟蒻做，雞絲是素肉茉。青瓜也爽脆鮮味。涼拌川味海蜇手撕雞，作為微辣前菜，很惹味。紅燒野生竹笙素翅 $38先來一碗素翅2個人 share。素翅都很多粉絲、荀絲、竹笙。叫了2個主菜。秘製一家蓮藕餅 $78熱煎的2片蓮藕餅夾在一起 ，有芋頭蓉+素肉茉。所以甜、咸皆備。蓮藕餅又爽口。 好推介。香煎自家野生竹笙腐皮卷 $88腐皮卷煎得非常香口，脆身。腐皮卷內的雜菇也很充足、多料。整體很不錯呀!山竹汁 $22母親點了比較少有的泰國產山竹汁。最後，甜品必食薑茶菊花 $38超濃的薑湯，飲完喉嚨已覺熱。切成藝術品的豆花，幼嫩易常!咖啡雲石芝士蛋糕 $18咖啡雲石芝士蛋糕也非常濃味、幼滑。餐廳整體食物都高質素，是我會再來的素菜店哩! 

早一星期打電話去book枱時都差d book唔到,原來咁o岩撞正初一,加上又係母親節weekend去到門口都有好多人等緊位,不過由頭到尾都冇人話限時交枱,都算唔錯冇套餐,要散叫,就咁望落都唔算好平落order時想叫人,有少少叫天不應o既情況,店內都有4-5個店員,但無論我舉手舉到幾高又揮手又轉個頭都唔知有冇5分鐘,就已經開始上菜,快得好緊要沙律入面有椎山杞子同雲耳,都幾清.初時以為沙律醬係日式芝麻醬,原來係店方自己出品o既全素沙律醬,唔怪得個味咁清淡可能因為5個人食,覺得份量唔多;腐竹剪得太碎,夾起上黎有d狼狽,但菜心都係靚o既,如果可以切開就更好新派素食店唔興芋頭魚,通常會推出呢個荔芋卷代替.一份得6件,少左d,每卷都唔厚,兩三啖食哂,好似$88定$98,唔抵食我地一致認同呢個炒飯係西炒飯o既素食版,頹得滯 而且油分都幾多,唔理係用咩油黎炒都好,咁多油都唔會健康得去邊menu裡面只有兩款pizza,我地揀左正常d o個款,因為另一款係齋滷味pizza 足料到芝士下面包住一座小山咁多o嘅野,薄批邊有少少膿,趁熱食脆脆地十分惹味後尾再加多一個餸同甜品.今次就繼續俾人無視,就算屋企人用

今日又到素食日，同爸媽一齊去食素。素食一家裝修骨子，清新簡單餐牌有各式各類素食香芋荔蓉卷，芋頭蓉清新可口，咬落有點荔枝味，香煎可口，不油胂。香煎腐皮卷，上碟好靚好有心機，腐皮新鮮香脆可口，食得出是新鮮腐皮。咬落有冬姑絲，羅白絲，用料豐富口感佳。靈芝肉絲豆腐，好香靈芝味，肉絲口感像真度高，豆腐香滑可口。

上個月朋友聚會，個個都話想食清D，又話想地方就腳，就揀左係旺角呢間素食餐廳。 入到去環境都不錯，點了幾個菜。生菜包和味雜錦鬆 有粟米、紅蘿蔔、冬菇……炒得好乾身，唔油膩，用生菜包埋食，感覺好清新！好爽口。西檸焗猴頭菇，炸得好似薯片，炸粉唔厚，口感的確唔錯，不過味道略嫌淡D，一定要點汁先好味，酸酸甜甜咁，唔錯！ 不過份量好似少左D…粟米菜粒豆腐羹粟米菜粒豆腐羹，賣相麻麻，飲落似水加鹽…

我相信身體任何一個部份都有quota, 有良好的健康不是必然。就如消化系統, 長期大魚大肉, 都會吃不消。最近經常飽飽濟濟, 覺得消化系統運作緩慢, 自問不喜歡吃蔬菜, 對自己身體確實感到幾分內疚。今日, 自己腸胃自己救, 由素食開始!在旺角鬧市區食素食, 挑選「素食一家」是因為看到他們食物非常創新, 而且亦相當有善心, 定期將收益捐贈出去, 所以希望在這裡試一試不一樣的素菜。Menu選擇十分多, 令人花多眼亂, 很多食物圖片都幾可亂真, 差點以為是肉類。坐下時店員招待的炒麥米茶, 像是有濃濃煙薰味道的玄米茶, 很特別。自家齋滷味拼盤 $55細細個已經鐘意食酸齋, 夠開胃。齋叉燒口感夠紮實。香芋荔蓉卷 $68荔蓉卷帶咸香, 荔蓉夠綿細。 覺得不蘸醬更好吃。黑松露百寶袋 $108松露香味四溢, 但入口偏淡。百寶袋入面有翠肉瓜、粟米、紅蘿蔔、生葛, 口感豐富。 顏色悅目, 看得見的健康飲食。鮮茄海鮮焗飯 $82賣相好吸引,鮮茄夠多味道好天然, 素海鮮其實扮得好勉強, 但口感好爽好有趣。薑茶菊花 $38是晚亮點, 薑茶是薑茶, 但菊花卻不是一般菊花, 而是豆腐花! 很有心思的一道甜品, 薑茶

早兩天媽媽提起突然間想吃素菜，身為乖女當然要馬上尋找一間有質素的素菜，帶媽媽去試試。午市餐牌。黑松露松子炒飯。黑松露味道濃郁，香味濃厚。雖然是素食，但毫不清淡，松露香味已經勝於一切。松子仁非常香口，果仁是我最愛，脆脆的松子仁香口又滋味，炒飯乾身不油膩，大量蔬菜口感爽口清新。另外點上一客菠蘿咕嚕肉。仿真度非常高的咕嚕肉，口感與豬肉無異，味道非常相似。入口脆身而味道酸甜，爽口彈牙的仿豬肉，其實是豆乾，味道香甜惹味，一滿吃肉的感覺。香炸龍蝦丸。酸酸甜甜的醬汁，味道好似乳酪，開胃惹味。即叫即炸的龍蝦丸，非常爽口彈牙，香脆香口，與真正的龍蝦丸非常相似。⋯頗為滋味的素食，間中健康一下也不錯。

同阿媽食午飯 阿媽話想食素 唔想食肉即時上網搵下有邊間係旺角附近 搵到呢間 仲要評論唔差 我又唔識 就呢間啦相當方便既地理位置 旺中帶靜既環境 靜心一下有別於一般既素食舖 內裏既環境擺設比較下係好悠閒 我見其他食客都係一路睇劇一路食野 又或者細聲閒談 令到氣氛都好和諧 好配合素食 靜心既宗旨有午餐有散叫 任君選擇因為叫左兩個餸同一個午餐所以隨餐送一碗老火中湯 蓮藕紅蘿蔔粟米湯好足料 無味精 連阿媽都讚好!!!!!!呢個百寶袋 真係幾精緻有誠意將大量切粒既材料放入去腐皮袋入面再用西芹外層既絲包扎好袋口腐皮既好有咬口 厚而軟 唔會UN 有啲似粉菓既配搭 但變左做腐皮令到成件事高左一個層次 而且用左黑松露作醬汁 完全將百寶袋既等級昇華黑松露味道好香 而且份量唔少 有誠意!!! 清淡既西蘭花再加上黑松露 完全可以令到黑松露更加實在 更加食得出黑松露既香味百寶袋內全是素菜 粟米 青瓜 紅蘿蔔 白蘿蔔 粉葛等等爽口素材賣相上 已經吸引左我既眼球 可能係一款好平凡既腐皮卷 更顯誠意及用心熱辣辣既腐皮包住野生竹笙同雜菇 爽脆非常外皮煎得好香 金黃色點到即止 唔會好熱氣 簿簿的一層腐皮唔會UN 有心思同

娘親大人一向主張健康飲食，這星期六下班後便帶著她去品嚐素食，享受綠色週末！位於洗衣街的素食一家處於旺角太子之間，有點遠離購物圈但也不算難找。中國風味的餐具與木椅配上牆上的西式小掛畫，多了種fusion感覺便不會過於老式死板，用餐氣氛是輕鬆的。彩色餐牌上有不少食物照片，就是外藉人士也可以按圖索驥，素食款式從小食、湯品、小菜、主菜、飯麵到甜品都有，選擇也不少。涼拌雲耳淮山沙律 $45雲耳與淮山拌上沙律醬，再灑上芝麻與杞子，香味淡淡又清涼。淮山與雪耳同樣偏爽口，帶有少許清甜，非常清新。這款沙律使用了純素沙律醬，味道較一般沙律醬清淡，而且成分中不含蛋奶、動物成分及防腐劑，素食者可以安心食用。蘆筍百合炒竹笙 $98娘親大人挑的純素菜式，青翠的蘆筍切成小段與鮮百合竹笙同炒，蘆筍口感偏嫩，第一次吃到鮮百合，味道爽中帶甜蠻不錯，竹笙吸收了醬汁後略咸，配蘆筍百合一起吃可以中和一下。松子黑松露炒飯 $88店裡推介的黑松露炒飯，上桌時已聞到松露香味，炒飯的配料有蔬菜、粟米、松子等，分量不少每口也能吃到。特別喜歡香脆的松子與甜粟米，配搭溢著松露香的炒飯，雖然都是普通的食材但口感味道非常豐富。薑茶菊花 $38吃

我爹常常取笑我無肉不歡，十足一隻食肉獸，時常提醒我不要做錯事，否則要我齋戒補救罪孽時必定痛不欲生，是啊，我每餐在家下廚的話都會必定有肉有菜，飲食健康均衡呀嘛，外出用膳要避免肉類？很難呀，除非到素食館吧。上星期看到茹素十多年的舊同學，在面書上載了這家餐廳的pizza，私底下問她卻發現原來薄餅上的是齋鹵味！嘩好吸引，海鮮至尊，千島風情等吃得多，齋鹵味真的聞所未聞，怎樣也要吃一次！約了波友到旺角打壁球，再到附近的這家餐廳用餐，先運動後吃大餐是我們一貫的生活態度。餐廳格調簡單，播著令人舒適的輕音樂，桌上餐具擺放整齊，有茶壺自己享用，實在舒服。二話不說立刻點了齋鹵味pizza，再慢慢研究吃什麼其他的。甫一上桌，芝士味香濃直撲鼻蕾，細看一下，份量不少，而且即點即焗。餅底Cripsy細薄，咬落脆口。面頭芝士厚身重料，一拉之下芝士絲隨隨淡出，芝味盡現。芝士與餅底中間夾著各式的鹵味，有齋雞，有甜酸面筋等，亦有大片蕃茄中和飽滯感。但薄餅拿上手就已經感受再滿手油光，油份未免太重，而且蕃茄有點太濕滑，咬開芝士後，中間的配料凝聚不住，很易散落，令這個極具創意的Pizza帶點可惜。鰻魚炒飯，看似簡單，其實只是想看

平日同事食飯大家都無肉不歡，一定食菜唔夠，今日放假同朋友試下素食，其實食素真係幾好，我希望可以由Green Monday 做起。酸辣燴素翅而朋友就揀左這個素翅都比我想像中大碗，裡面有有好多料，有粉絲，木耳絲，紅蘿蔔絲， 冬菇絲，仲有腐皮絲。食落真係好豐富，酸酸地又辣辣地好開胃。栗米菜粒豆腐羹呢個就係最啱我中意比較清既口味，都係同素一樣咁大碗咁足料，裡面有栗米，豆腐粒，雜菜粒，豆腐同菜粒味道鮮甜。香煎芙蓉鮮竹呢個餸幾有驚喜，睇落好似用麵粉整“薄撐“一樣，但原來用左鮮腐竹加芽菜加娃娃菜一齊煎，個鮮腐竹真係好好味！紅燒鴛鴦粉煲呢個煲嘅兩種粉，雞脾菇，芹菜，金菇等同其他配菜，經過老闆介紹裡面一種係龍口粉絲而另一種係紅薯粉條，他們自找農村手工制粉絲同薯粉，所以食落係比較彈牙同爽口。薑茶菊花我喺menu 一見到就想叫呢個甜品，全人手手工將一磚豆腐切成幼絲，再將切好嘅菊花豆腐放喺碗，再加上熱呼呼的薑茶，一入口豆腐口感幼滑，薑茶味重又夠辣，仲可以驅寒, 我好中意呢個甜品啊！日式芥未龍蝦球見到有呢個係新菜色，就叫唻試一試，個日式芥末醬調教幾好，都冇龍蝦球嘅味道，好好味，仲有入口好爽口，好彈牙。

上次來的時候由於接近收鋪，所以未見有一些服務態度差的問題，而且店員都比較耐心和客氣。 可是今次來卻截然不同，一入店已經有個侍應說只可以食個半鐘頭! 唔緊要呀，都照食啦! 因為都唔會食到咁耐。 本來都沒什麼問題的，我都循例在這裡介紹他們的菜給大家。 首先是 黑松露松子炒飯係OKAY既，因為食得出有落好多黑松露，冇用D汁去掩飾的，之後再來一個素肉豆腐都可以，而且都整得幾好。 另外亦有一個煎藕餅都唔錯，因為入面有D芋蓉既! 功夫之作 但更好的菜式，卻被差劣的服務態度完全糟蹋了。我們二人食了差不多9個字，其實個時間鋪係有位的，出面亦冇人排隊，當我地食完，有個侍應好迅速走黎收左D野，重問我地有冇野要叫，我地話冇，但我唔明點解佢好似覺得我地食完要即刻埋單走人，我地都冇理佢, 我同朋友都照沖茶飲，又過左5分鐘! 個個侍應又走埋黎問我地有冇野叫!!! 其實我個時已經有少少生氣。明明外面冇人等，入面又有位，而且時間又未夠! 重咩想係度趕人走咁!! 我朋友話唔好理佢啦，由佢算 (他是一個好隨和的人來)! 又話5分鐘! 佢又走黎問!! 我朋友終於發火話:「小姐!! 你10分鐘問了我們三次有冇野要啦!! 你地

素食態度由我做起，除了green monday，平日我都喜歡少肉多菜的飲食習慣。假日與家人來到旺角這間素食店，來個green holiday!店子自2001年開業至今，一直不斷創新，推出多款具特色和健康的素食。在現今競爭激烈的市場，要脫穎而出更要花不少心機去鑽研新菜式。除了積極投入市場工作，店子也不忘關積社會，將每個星期三的營業額的一部分撥作慈善用途，幫助社會和推廣素食生活的態度。在店子的不同角落留意到中國傳統特色的畫作和室內設計，如牆紙的設計和顏色滿有心思，近看會見到有茶道文化和健康生活的態度，讓人很寧靜和開朗。檯上的小擺設也滿載自然的氣氛，有一盆真的盆栽和盛載牙籤的小木盒。先來一個開胃小食-手製紅油抄手 $55這個是上海款式的抄手，看似是麻辣但辣度剛剛好，不會辣，而且有麻醬的香味。一碟餃子有八隻，每粒都釀了自配料十分豐富，有冬菇，切絲竹笙，芹菜，口感真實，好似真的肉餃子。粉皮厚度搓的均勻，能鎖住仿肉餃子的鮮味，又不會太厚！湯羹有四款的，分別選紅燒野生竹笙素翅 $38 一碗和酸辣燴素翅 $35一碗。想不到碗子也挺大，是用正宗湯壼盛載，所以剛端上來時，真是熱騰騰~竹笙和酸辣兩碗都有爽口

身為動物愛好者，閒來最喜歡走到通菜街的寵物店看看可愛的小動物。最近吃太多肉類，正想來一個清淡健康的晚餐。逛完寵物店到附近街道覓食，剛好遇上了這家素食店。 大師手工菜黑松露百寶袋是我這頓晚餐的心水推介。百寶袋用上了腐皮，腐皮新鮮不油膩，完滿地吸收了黑松露芡汁非常juicy。百寶袋內盛載著的有紅白蘿蔔粒，翠肉瓜粒和冬菇粒等等，冬菇的鮮味為其他味較淡的涵料加上了點綴。 香草焗稻庭烏冬上的素肉頗彈牙，非常好吃。白汁的做法較為中式，汁中加入了少許薑蓉和西芹碎。 西蘭花竹笙素球的竹笙很爽口，口感清新。這碟小菜少鹽少油，但又不會炒得太淡口，健康美味。 最後來了店家的招牌甜品薑茶菊花。菊花其實是切成花狀的滑豆腐，巧奪天工。配合薑茶，口味不俗！ 偶爾放下食肉獸的身段，來個健康美味的素食晚餐真的不錯😊

衣食住行是每個人的基本生活所需，但我相信要進展到吃渴玩樂並不困難。我這個BLOG一向都只有玩和樂，也很少吃和渴，在朋友力推下，也要多一點吃和渴了。我本身不是素食主義者，但對素食並不抗拒，始終到了一定年紀，健康也是需要注意，哈哈，縱使我不是真的很老。我相信隔一陣子食一餐也是不錯的選擇。這次介紹的是素食一家......啊！不要誤會我會介紹這餐廳的餸菜，我，不，會，的......因為我不是專業的食家，更不是長期素食者，我不能不負責任地介紹人家的食品，唯獨有一樣東西我可以介紹。我這次介紹他們的甜品！！人們常常說，女性是有另一個胃放甜品。這個真的不能認同更多。這次介紹素食一家的兩款芝士蛋糕：煎茶芝士蛋糕及蘋果金寶芝士蛋糕。份量不算多，但足夠，特別是芝士蛋糕，對於女性來說，有時細味比一切更重要！煎茶芝士蛋糕是二者當中我較想嚐試的，因為我有點討厭太苦的茶味蛋糕，我很想知道這個有沒有。哈！有一點挑戰的心態！不過這個煎茶芝士蛋糕沒有令我失望啊！蛋糕帶有甘甜味，香滑又不會太溜，很合我口味。這個味道不太濃，適合喜歡平實口味的人。另一個蘋果金寶芝士蛋糕會適合喜歡甜香味的朋友。清甜的蘋果粒讓整個芝士蛋糕充滿口感