素年 (福隆大廈)

营业中

休息中

夜晚一定要book檯先有得食，見到有無少人想walk in都冇位。試咗莞茜意粉，唔好以為係素食就淡茂茂，呢個意粉都好重口味，中意食莞茜既人一定要試，有超級多莞茜。服務態度都好好，以為一開始我碟意粉煮得唔係太熟，佢都有幫我換一碟新既。餐廳唔係太大間，所以記得想食就book定檯先啦。

這家店我相信是素食界的新寵，非常多人慕名而來。餐廳開正午12時，我們提早半小時來到，卻仍然未能成為第一批客人。儘管要等上差不多一小時，排隊亦日曬雨淋，客人仍絡繹不絕。未入餐廳前已與友人決定必試冬蔭意大利飯及黑松露蘑菇漢堡，因為看過食評後都覺得最吸引，天氣甚熱，所以決定餐飲要凍伯爵茶。大約等了45分鐘幸運地可以內進用餐。餐廳挺細的，中間的枱與枱之間距離頗近，幸好我們有機會坐最入的枱，感覺私隱點。下單後很快便上漢堡，一看便知很好吃。黑松露醬汁非常香，且多，令漢堡包濕潤。麵包甜甜的，夠鬆軟，加上大啡菇厚身，蕃茄又多汁，口感很豐富。配菜是蕃薯條炸得香脆，吃完都已經半飽。而我更喜歡冬蔭意大利飯，一則我十分喜歡香料的味道，此外我偏好這個飯質感淋身，更吸收醬汁。這個飯比我想像中辣，吃得很過癮。素菜材料有小圓茄，小蕃茄，蘑菇和露荀，沒有肉類也覺豐富。吃完重味的食物再喝一杯凍伯爵茶有解膩的感覺。雖然排了很久，但質素都令我們覺得值得和對得住價錢的，非常滿意。偶然想吃素的話不妨到此一遊，素食原來也不簡單。

如果提到深水涉食素，一定會想起素年，而且講到食素又有cafe舒服感，素年亦都可謂香港第一批的食店南瓜蘋果意大利飯南瓜味濃，蘋果的清甜，令味道更加豐富，而且增加口感，都係第一次食純素的意大利飯。不可能漢堡包不算太新奇，不過用心整作仍然可以食得出，由其係雖然是素漢堡，但肉味和真的差不多，當然質感和真肉還是差一點點，不過都令我食得滿足。豆腐芝士蛋糕果然和我想像一樣，豆香味好濃，純粹豆香的甜，是健康得黎令人喜愛的甜點香蕉火龍果燕麥奶感覺相當健康的飲品，不過香蕉咪真係太出，好易覺得飲緊香蕉奶Oskar bule can o bliss唔知邊到既手工啤，純粹見到試下，花香味好強烈，食素飲啤酒當然岩

不可能漢堡飽 $128第一次食impossible meat🍔真係令小編十分驚奇！首先塊扒係有返咁上下厚度 切開塊扒中間係粉嫩色 聽聞係由紅菜頭整成 食落又真係有牛味 亦唔會乾爭爭 無論味道或者外貌都好似真牛肉 完全唔覺得食緊素🤩burger仲有火箭菜同車打芝士 各款配料既味道都配搭得好好 另外有炸蕃薯條 夠脆又有蕃薯甜香 好快清哂😋日式吉列豬扒意大利飯 $98呢塊豬扒都係由素肉整成 望落亦好似真既吉列豬扒 炸皮唔太厚 不過肉質略為乾散 反而底下既咖哩risotto幾好味 每粒飯都帶有香辣既咖哩汁 而露筍、車厘茄同杏鮑菇又可以中和返濃汁既油膩感 順帶一提 呢到既份量超級多 尤其係個飯 我地兩個女仔僅僅食得哂所有野 建議可以嗌少飯 咪做大哂鬼🤡香蕉火龍果蕉燕麥奶 +$36香蕉味無想像中咁重 反而火龍果既清香好出 令成杯野好清新 燕麥攪碎左融入喺奶昔入面 飲完會更加飽😂.藍莓黑提子燕麥奶 +$36黑提味好明顯 藍莓味略為欠奉 唔知有無額外加糖水 相對香蕉火龍果會較甜 但係清新既甜

朋友想試一間素食餐廳，相約在深水埗的素年，由於要預早排隊等吃，於是便直接約在餐廳等，先到先排隊，原以為食店招牌會寫住中文名字，頭望望一直找，去到才發現原來是寫上”Years” ⋯⋯幸好老友預早過去，決戰第一回合，準時12:00等開門，很快便見大排長龍⋯⋯Years 中文名字為素年，名字又頗為特別，吃過便會記得。門外貼上簡約餐單，新派素食，甚得女性歡心。飲品方面都頗多選擇，咖啡、花茶、水果特飲，還有手工啤酒⋯⋯由於限聚令，大部分位置都是二至四人。南瓜蘋果意大利飯$88~南瓜、蘋果、栗子和百里香，粒粒有𡁻頭，飽肚得嚟夠健康。香蒜芫茜意大利粉$88~蒜香加芫茜香口無比，還大量芫茜草草的舖上意粉上，加了點點的番茄乾，香味有層次，朋友說如果蓮藕及珍珠荀多一點點更好。泰式香辣”不可能”肉碎意粉$88~店員一端上枱，看見碟上的的裝飾旗仔寫上”Impossible “ ，所謂”不可能”肉碎，筆者估計，大意是指味道怎可能如此似肉碎，又一令人吃過會記得的一個有趣名字。指天椒、金不換和番茄泰式必備口味，但加上露荀和雞髀菇配意粉，明顯地是新派泰式口味，難怪惹年青人討好。炸南瓜薯餅$68~炸南瓜餅和南瓜蓉，其實

🉑：外賣自取 ​⭐評分: 8/10​———————————————​呢間餐廳長期都超受歡迎，記得第一次去係半年前，唔知要book位結果無得食，再下次下次都係太遲book位得翻2100／1800呢啲時間，終於今次比我食到，好感動！​😭——————————————————​​▪不可能漢堡配蕃薯條($128)​▪️黑松露蘑菇漢堡包($98) ​▪️日式咖喱吉列豬扒意大利飯 ($108)​​​嚟到呢到必食impossible漢堡！個漢堡同出面食burger嘅黃店一樣超大個！素牛漢堡扒好厚身，而且煎到出面啡色，但入面仲係粉粉嫩嫩，完全睇唔出係素肉.....​😳​咬落去又點呢？咁當然佢唔係真係牛，唔好expect佢有牛味啦，但個質感真係好似，帶有小小juicy感覺👍🏻不過同上一個post一樣，如果佢可以加多啲調味就好！因為個質感真係perfect，但會覺得唔夠濃味，就好似埋門一腳突然腳指抽筋射唔入🥵​漢堡夾咗車打芝士、火箭菜同洋蔥，特別一讚個包個面烘得好脆，而且好鬆軟，食落似甜包，朋友直頭話似排包嘅味道，不過其實佢唔係啡色上面有搽蛋漿焗嗰種甜餐包。​😛​蕃薯條超好食！炸到外脆內軟，份量極多，薯肉非常香

次次食素食都意外地飽🤣又大份又多料叫左個日式咖哩吉列豬排意大利飯🐷🍛個素豬排幾好食 幾香🥺👍🏻💗偷左啖芫茜意大利飯😀umm唔識食😀另外朋友食嘅青咖哩飯都好好食！大推！💚

之前的素年非常難BOOK，一直是人氣之選，懷著過於期待的心情去吃，其實味道是不錯的，是我自己期望太大冬蔭意大利飯 $88價錢便宜，份量很足，裡面包含金不換、車厘茄、泰茄子、草菇和蘆筍，每一口都帶點酸辣惹味的冬蔭功味，意大利飯軟中帶硬，口感不錯，推介日式定食 $88有許多配菜的定食烏冬，例如南瓜薯餅，豆腐，枝豆，麵鼓湯等，大部分味道較普通，然而烏冬有點失望，口感偏淋，湯底像是用日本豉油加水，而且有點咸，不建議黑松露蛋黃醬番薯條 $68讓我們目瞪口呆的超大份量，最後吃不完要包走一半黑松露蛋黃醬很濃黑松露味，但和甜的番薯條不太夾，如果兩者分開吃是很好吃的，因為番薯條熱辣辣外脆內軟，好香口抹茶鮮奶/培茶鮮奶 每杯+$24兩杯都很香茶味，不過沒什麼奶味，我認為可試其他飲品

🌱💚Years 素年💚🌱今年二月開始咗flexitarian diet慢慢開始走素🤣所以呢個account都會想介紹多啲唔同dieting 嘅朋友都食到嘅餐廳💚今次去素年元洲街店就試咗lunch set😋吉列豬扒三文治🥪 HKD 98新豬肉近排咁hit我諗唔少人都試過😆一開始試真係覺得好神奇！後尾知道係香港公司自家出都覺得應該多多支持下🤣炸豬扒層衣中規中矩冇話好特別🤔醬同沙律都係正常水準～ 整體性價比唔算太高但試一試新豬肉都抵！💚💚💚冬陰意大利飯 🥘 HKD 88本身鐘意食泰國菜同意大利菜都冇乜點見過冬陰同意大利飯嘅match所以第一擔就愛上❤️微酸辣辣地嘅冬陰醬同risotto 好夾！本身鐘意用冬陰湯嚟撈飯嘅朋友會好鐘意😉只係當日嘅草菇有少少苦扣咗分但後尾再去食都冇咗呢個問題😋素食餐廳俾人感覺都係中式或者近年興起嘅素食自助餐店😆好似素年咁做多國菜都係比較少（開心嘅係越嚟越多🤣店員都好貼心提供信封服務好好！環境都舒服枱與枱唔算隔得近想傾下計都可以～食物味道份量都高汁😋絕對可以瘋狂返灼！最近開咗兩間新分店遲啲都會出返介紹💚📍深水埗福華街191-199號福隆大廈1號地舖

今次去到呢間深水埗既cafe，成日都見到好多人係ig度share呢野，佢係一間食素既餐廳黎架既，但係唔需要太擔心會食唔飽🤣我地係禮拜頻六開門既時候左右到，但都已經好多人，最後都掛排左一個鐘左右就入到，不過呢間分店比起大南街果邊細少少既1️⃣ 南瓜蘋果意大利飯 🎃🍎🍚 $88因為見到呢個risotto有🍎呢個配搭覺得好特別，所以就叫左。本身我以為通常有蘋果既料理都會加玉桂粉，但原來呢個risotto 係冇既，反而食過去係🎃南瓜味多過蘋果味🍎，所以有少少失望。票過佢既分量都幾大下，始於成碟都係飯🍚，冇乜餸，所以食哂果陣有少少吃力😅😅😅2️⃣ 黑松露磨菇漢堡包🍔 $108個磨菇十分juicy又唔會太過乾，而且黑松露蛋黃醬都幾夠味，就算加左芝士都唔會覺得佢個黑松露味會搶走左🤣 呢個burger係配蕃薯條❗️如果中意食蕃薯🍠既朋友，更加推薦👍🏻3️⃣ 焙茶鮮奶 ☕️ $36作為一個茶控既我點會唔叫有茶既野飲呢，杯鮮奶唔會太甜而家焙茶亦都好香，如果中意茶味嘅朋友，一定要叫4️⃣ 豆腐芝士蛋糕 🍰$58🍰個芝士味好香好濃，又有淡淡既豆腐既香味，呢個配搭十分match，而且佢甜而不膩，食多幾件都唔怕

Their spagetti never disappoint, only slightly spicy but just enough to spark your palette. With impossible beef it is perfect for vegan or people who would want to go green. The Katsu Curry Risotto is also pretty delicious but found the portion a bit heavy. so far one of the few dish ive tried with omni pork that doesnt taste weird. For a lighter menu I would recommend the spagetti while their rice if you felt like some comfort food in your tummy.They usually have a small group of people lining

好耐之前想試素年但好易爆，所以一定要book位。今次終於食到，可能係星期一晚，所以冇爆場。我叫咗南瓜蘋果意大利飯，男友叫咗黑松露蘑菇漢堡包，南瓜同蘋果係超夾，佢仲有栗子，食落比較清清地但又好開胃，我好鍾意呢碟飯。而個漢堡包裡面植物肉，口感最似真肉，味道都似但食得出係有啲分別，不過我接受到，嘢飲叫咗香蕉火龍果燕麥奶，火龍果味重啲，香蕉味好似遮咗，甜品係豆腐芝士蛋糕，食落唔會好似平時食一般芝士蛋糕咁咁heavy ，不過甜品反而上得最耐哈哈。總之呢間好高質，叫我日日食呢種質素嘅素食我都肯。

素年一直收藏在openrice 想去list 裡面，難得去到深水埗，即時check 下深水埗區想去嘅target list. 其實仲有幾間cafe, 不過正值lunch 時間，想搵間食得飽嘅cafe.未到中午12點行到素年，遠遠已經見到一條龍，前面排著十多人等開門，我們即本試下排隊博開門第一輪可入去食，幸運地第一輪已經可進入。Menu 唔係太多選擇，最終揀了：南瓜蘋果意大利飯松露蘑菇漢堡包份量非常足夠、可口。下次再去會埋其他食物試試😋

慢人十拍之依家先寫「素年 」🤣素年有幾出名就唔多講啦其實早係上年食過一次，因為拖延症...所以一直冇出post。咁點解而家又講呢？事緣隻手受傷(黑仔)唔太可以煮飯...然後見到有外賣平台竟然同 「素年」 合作...諗都冇諗，即落單！嗚～ 食物到手仲係暖㗎，份量超級大🤣亦因為咁，呢幾日嘅午餐晚餐就解決到(鬆一口氣，呼～)哈，及時雨。 一於嚟過順水推舟，順便介紹啦。因為係上年食過，有啲飲品或者食物可能已經冇再推出，就當記錄一下，話唔定遲啲有快閃又或者重新推出呢...1. 泰式香辣不可能肉碎意大利粉呢個超級好食！愛食辣嘅人會好鍾意，意粉入面有菇、蘆筍、蕃茄仔、Impossible meat(口感勁似肉)唔油膩，夠乾身。呢個dish已encore好多次，超愛！2)吉列豬扒三文治第一次食素豬肉，好impressive，有好多下錯覺都覺得自己食緊真嘅豬肉但記住要趁熱食，凍咗嘅話口感上會有分別，但味道係好食嘅。3) 黑松露醬番薯條大推介，好好食。番薯條夠甜但唔會過甜，而且炸得好乾身，唔會油淋淋，同黑松露醬非常夾。4) 凍伯爵茶雖然冇入鏡，本身自己唔鍾意飲伯爵茶，但鍾意伯爵茶葉製嘅食品或飲品，冇諗過淨

之前喺第二間cafe試過impossible meat，當時真係好驚訝味道同口感都做得非常似牛肉。今次就喺素年encore呢隻素肉嘅漢堡扒版本，咬落去口感其實同真肉好接近只係無咁結實，而且仲整到五成熟咁中間半紅而且非常多汁，加埋火箭菜同芝士唔講真係以為食緊真牛肉漢堡。不過原來呢種素肉雖然保留到真肉嘅營養但卡路里同時係比真肉高！至於新豬肉我就第一次試，同素牛肉一樣個口感會比較鬆散，無真豬肉咁結實，而且係完全無肥肉油脂個種感覺。換嚟嘅好處就係營養成份比真豬肉更好，減低一半以上嘅飽和脂肪同卡路里仲無膽固醇，非常適合追求健康嘅朋友。除咗個豬，日式咖哩同意大利飯好夾，當中仲有一啲雞髀菇，真係份量超大！至於蕃薯條個黑松露蛋黃醬係非常出色，蕃薯條唔算太甜所以都比想像中夾。我自問係個食肉獸，要我完全唔食肉基本上係唔可能，但考慮到人類引致嘅氣候同糧食問題，若然呢種新嘅生物科技可減碳排放同解決糧食問題，我覺得慢慢轉食素肉亦會係重要嘅一大步！