更多
2020-09-26
7900 浏览
慢人十拍之依家先写「素年 」🤣素年有几出名就唔多讲啦其实早系上年食过一次，因为拖延症...所以一直冇出post。咁点解而家又讲呢？事缘只手受伤(黑仔)唔太可以煮饭...然后见到有外卖平台竟然同 「素年」 合作...谂都冇谂，即落单！呜～ 食物到手仲系暖㗎，份量超级大🤣亦因为咁，呢几日嘅午餐晚餐就解决到(松一口气，呼～)哈，及时雨。 一于嚟过顺水推舟，顺便介绍啦。因为系上年食过，有啲饮品或者食物可能已经冇再推出，就当记录一下，话唔定迟啲有快闪又或者重新推出呢...1. 泰式香辣不可能肉碎意大利粉呢个超级好食！爱食辣嘅人会好钟意，意粉入面有菇、芦笋、蕃茄仔、Impossible meat(口感劲似肉)唔油腻，够干身。呢个dish已encore好多次，超爱！2)吉列猪扒三文治第一次食素猪肉，好impressive，有好多下错觉都觉得自己食紧真嘅猪肉但记住要趁热食，冻咗嘅话口感上会有分别，但味道系好食嘅。3) 黑松露酱番薯条大推介，好好食。番薯条够甜但唔会过甜，而且炸得好干身，唔会油淋淋，同黑松露酱非常夹。4) 冻伯爵茶虽然冇入镜，本身自己唔钟意饮伯爵茶，但钟意伯爵茶叶制嘅食品或饮品，冇谂过净
素年有几出名就唔多讲啦
其实早系上年食过一次，因为拖延症...所以一直冇出post。
咁点解而家又讲呢？事缘只手受伤(黑仔)唔太可以煮饭...然后见到有外卖平台竟然同 「素年」 合作...
谂都冇谂，即落单！
呜～
食物到手仲系暖㗎，份量超级大🤣亦因为咁，呢几日嘅午餐晚餐就解决到(松一口气，呼～)哈，及时雨。 一于嚟过顺水推舟，顺便介绍啦。
因为系上年食过，有啲饮品或者食物可能已经冇再推出，就当记录一下，话唔定迟啲有快闪又或者重新推出呢...
1. 泰式香辣不可能肉碎意大利粉
呢个超级好食！爱食辣嘅人会好钟意，意粉入面有菇、芦笋、蕃茄仔、Impossible meat(口感劲似肉)唔油腻，够干身。呢个dish已encore好多次，超爱！
2)吉列猪扒三文治
第一次食素猪肉，好impressive，有好多下错觉都觉得自己食紧真嘅猪肉
但记住要趁热食，冻咗嘅话口感上会有分别，但味道系好食嘅。3) 黑松露酱番薯条
大推介，好好食。番薯条够甜但唔会过甜，而且炸得好干身，唔会油淋淋，同黑松露酱非常夹。
4) 冻伯爵茶
虽然冇入镜，本身自己唔钟意饮伯爵茶，但钟意伯爵茶叶制嘅食品或饮品，冇谂过净饮伯爵茶可以咁好味，零涩味，好易入口。推介！
5. 薄荷朱古力咖啡
呢个又系另一惊喜嘅饮品，平时饮开嘅薄荷朱古力咖啡，好多都系糖浆嘅味道再加咖啡。但呢间系饮到好纯粹嘅薄荷味，经过喉咙会凉浸浸，而朱古力、咖啡、薄荷三种口味嘅嘢系共存到，唔会抢味，balance得好好。
但呢款饮品好似冇再出喇，曾经inbox佢哋，话好挂住呢杯饮品，希望佢哋考虑重新再推出🤣🤣唔知有冇机会呢☺️🤣
‼️ 位于福华街嘅总店，系最方便坐轮椅嘅人去
因为门口系斜梯，枱枱櫈櫈都可以移动，店员好好人㗎，同佢哋讲声就会安排座位。
张贴
