影片
更多
2020-10-10
128 浏览
🉑：外賣自取 ⭐評分: 8/10———————————————呢間餐廳長期都超受歡迎，記得第一次去係半年前，唔知要book位結果無得食，再下次下次都係太遲book位得翻2100／1800呢啲時間，終於今次比我食到，好感動！😭——————————————————▪不可能漢堡配蕃薯條($128)▪️黑松露蘑菇漢堡包($98) ▪️日式咖喱吉列豬扒意大利飯 ($108)嚟到呢到必食impossible漢堡！個漢堡同出面食burger嘅黃店一樣超大個！素牛漢堡扒好厚身，而且煎到出面啡色，但入面仲係粉粉嫩嫩，完全睇唔出係素肉.....😳咬落去又點呢？咁當然佢唔係真係牛，唔好expect佢有牛味啦，但個質感真係好似，帶有小小juicy感覺👍🏻不過同上一個post一樣，如果佢可以加多啲調味就好！因為個質感真係perfect，但會覺得唔夠濃味，就好似埋門一腳突然腳指抽筋射唔入🥵漢堡夾咗車打芝士、火箭菜同洋蔥，特別一讚個包個面烘得好脆，而且好鬆軟，食落似甜包，朋友直頭話似排包嘅味道，不過其實佢唔係啡色上面有搽蛋漿焗嗰種甜餐包。😛蕃薯條超好食！炸到外脆內軟，份量極多，薯肉非常香
🉑：外賣自取
⭐評分: 8/10
———————————————
呢間餐廳長期都超受歡迎，記得第一次去係半年前，唔知要book位結果無得食，再下次下次都係太遲book位得翻2100／1800呢啲時間，終於今次比我食到，好感動！😭
——————————————————
▪不可能漢堡配蕃薯條($128)
▪️黑松露蘑菇漢堡包($98)
▪️日式咖喱吉列豬扒意大利飯 ($108)
嚟到呢到必食impossible漢堡！個漢堡同出面食burger嘅黃店一樣超大個！素牛漢堡扒好厚身，而且煎到出面啡色，但入面仲係粉粉嫩嫩，完全睇唔出係素肉.....😳
咬落去又點呢？咁當然佢唔係真係牛，唔好expect佢有牛味啦，但個質感真係好似，帶有小小juicy感覺👍🏻不過同上一個post一樣，如果佢可以加多啲調味就好！因為個質感真係perfect，但會覺得唔夠濃味，就好似埋門一腳突然腳指抽筋射唔入🥵
漢堡夾咗車打芝士、火箭菜同洋蔥，特別一讚個包個面烘得好脆，而且好鬆軟，食落似甜包，朋友直頭話似排包嘅味道，不過其實佢唔係啡色上面有搽蛋漿焗嗰種甜餐包。😛
蕃薯條超好食！炸到外脆內軟，份量極多，薯肉非常香甜。呢度係配茄汁，不過我自己鐘意甜番薯配蛋黃醬多啲！🍟🍠
黑松露蘑菇漢堡包，個菇juicy多汁，車打芝士嘅鹹香加黑松露蛋黃醬，帶出咗成個包嘅香氣，成個配搭好清新，唔想食素肉都可以一戰！🥰
以咖喱汁煮意大利飯真係夠新奇，吉列素豬扒上面仲有兩塊蘋果。食物份量都幾大，咖喱係日式Style，一啲都唔辣，但帶有香氣，個人覺得配撘幾得意🍛至少出到嚟個效果幾夾，不過意大利飯煮得太淋，無咬口要扣分。好彩混入咗雞髀菇、露荀、車厘茄 ，增加咗成個飯嘅口感，無咁一pat嘢👍🏻
吉列豬扒採用新豬肉，炸皮幾脆，趁熱食有嗰種吉列豬扒好熱氣嘅感覺，但嗒真啲會知道無肉味，同埋質感唔一樣。😛
喺屋企平時都有用「新豬肉」煮嘢食，我就覺得可以再醃得重味啲，或者加啲洋蔥係入面（不過可能咁就令禁五辛嘅人無得食😖 ），令到個味豐富啲。真心覺得新豬肉個質感係無得輸，但本身係無咩味，所以調味相對重要🙈依家吉列豬扒就係無咩味，好似食緊舊無味但有脆皮嘅嘢😢
最後要超感謝好好人嘅店員，嗰日黑雨我同朋友擔一把遮勁狼狽，重要去錯咗本店（本來book咗新鋪）好彩店員肯俾我哋入，簡直好似得到救贖咁😭💦
✨ 素年 ✨📍Park By Years : 深水埗汝州街132號地舖
📍本店：深水埗福隆大廈1號地舖
📍Friends of Years :荃灣三陂坊20號地舖
⏰1200-2200
张贴
