素年 (福隆大廈)

营业中

休息中

這是一家素食店，用素食食材煮出西式和日式的菜式。久聞大名，但來過幾次都被長長的人龍嚇怕。這天只需等5桌，結果也等了半小時，但總算可以一嚐店中美食。食物的選擇不太多，每款主食都列出食材，我們最後點了兩客主食，每客主食都附送熱黑豆茶或凍伯爵茶。不可能漢堡包：麵包柔軟，漢堡和平日吃的牛肉做的漢堡分別不大，配上芝士、洋蔥和火箭菜，味道和口感都豐富，黑醋汁惹味。這漢堡配上大量蕃薯條，很好吃，比一般的薯條好吃得多，一試難忘。日式咖喱吉列豬扒意大利飯：這主食一上桌，就傳來咖喱香。意大利飯沾滿咖喱汁，味道很好。素豬扒的肉質比真正的豬扒柔軟一點，味道也不錯。不過，由於咖喱汁已被意大利飯吸收，吃豬扒時沒醬汁可沾。若咖喱汁多一點，吃豬扒時可以沾上醬汁就更美味。熱黑豆茶：這茶味道清淡，若黑豆味更濃就更佳。凍伯爵茶：這茶的味道也比較清淡，只有淡淡的伯爵茶香。食物方面，味道不錯，而且份量很大。環境方面，裝潢簡約，可惜店舖的面積比較小，桌子之間距離較近，離座時要小心翼翼，恐怕會碰到鄰桌。服務也算不錯，侍應工作勤快。

呢間岀名既素食餐廳想試好耐啦💛記得打電話book位喔💛莞茜控既我即點香蒜莞茜意大利粉($88)配熱黑豆茶一上枱已經有一陣好香既蒜蓉同莞茜味撲上黎🤣食一啖食覺得呢個配搭好fresh!!莞茜都好多好足料，配埋蕃茄乾，成件事係意想不到的夾👍🏻👍🏻appreciate鋪頭諗到呢個用莞茜做主角既配搭🤣意粉份量都好多，夠曬食👍🏻略嫌意粉比較多油另外叫佐日式咖喱🐷扒意大利飯($108)配凍伯爵茶。呢個相對意粉有啲普通，正常咖喱飯，入面有雞脾菇，蕃茄仔，露荀。個🐷扒都整得唔錯，咬落去好鬆脆😋似真肉🤣為食指數: 3/5性價比指數: 3/5推介指數: 3.5/5

素年可謂逆市中的奇葩，連開3店，素食界零負評，不過開咁耐takeaway 先order份量充，好味，不過takeaway 唔夠熱，全部order 招牌菜式，同家人share : 日式咖喱豬扒意大利販Risotto 必食，新豬肉又唔覺得好肉，大塊鬆脆，個意大利飯好creamy , 咖喱味濃，配菜亦好食😋黑松露漢堡+ 招牌蕃薯條唔夠熱，熱應該更好味，大啡菇肥厚好味，蕃薯條反而夠熱，天然甜，間中食可以冬陰意大利飯Exactly 冬陰公味，比咖喱豬扒意大利飯辣，不過家人話各有各好味，我唔食得辣，recommend 豬扒意大利飯，個咖喱做得好味美中不足，takeaway 冇芝士豆腐cake !玄米茶ok伯爵茶涷飲唔好味

難得同同事出街食lunch 我地又有兩個同事食素 所以一於食呢間人氣爆登既fusion素菜😍lunch冇得book位唯有早啲黎排 結果都係要等半個鐘 不過果然冇令我地失望🤤🤤叫左日式咖哩吉列豬扒意大利飯同熱玄米茶 份量超大 risotto煮得啱啱好 同咖哩汁完美融合🤩個新豬肉又係炸得非常出色 完全唔覺得自己食緊素肉 仲有兩塊蘋果係面 有種好清新既感覺☺️有個不嬲麻麻地素食既同事都大讚食物有質素 另佢對素食改觀！最重要 係黃既🤩好少可以食到咁出色既黃店🥰

放學食乜好～～～諗唔到不如近近地搵間餐廳食啦。今次呢間餐廳都好有水準下，仲要係健康的素食餐廳－素年👍👍👍睇吓Menu，又有主食又有小食，其實仲有飲品Menu，都好多選擇下㗎呢個係青咖喱意大利飯$88個飯煙煙韌韌，加上個青咖喱汁，少少辣，再加上少少新鮮蘑菇&蕃茄超正。不過如果小朋友食的話，可能味道唔太啱了，因為呢隻青咖喱味的辣不是個個小朋友都喜歡呢個係菠菜闊條麵$88呢個超正，佢將菠菜打成汁，再加上自製的醬汁配上個闊條麵，例牌都係加上新鮮蕃茄&蘑菇，健康又美味，仲要係不添加任何味精同色素，啱晒現時小朋友的健康生活不可能漢堡包🍔$128睇返個價錢，呢個漢堡包會比較貴少少🤏不過呢個價錢都係超值的，大家睇吓最吸睛嘅薯條，係咪超大份呢，佢最重要嘅唔係用薯仔整的，佢全部係用新鮮靚番薯炸出來的，外脆內軟，超正。番薯嘅心仲係好軟熟好甜，因為咁甜咁靚嘅番薯係好難搵到的。再加上巨大的漢堡包，漢堡包嗰塊扒仲厚過嗰塊麵包，最緊要佢做到好似真嘅牛堡咁，啖啖肉又Juicy😋😋😋大人小朋友我超級喜歡這個餐呢個係日式定食$88真係超大份超抵食囉，成個托盤共八樣嘢，絕對超值超飽。味道都拍得上喺日本餐廳食嗰啲。仲要係咁嘅

很喜歡跟明友到處吃吃喝喝，今次去我地至愛嘅素食餐廳，再遊玩具街我哋唔係煎炸食物控，但偶然肚餓都會點D來嚐嚐！這店外酥內軟的美味炸豬排，入口素肉質鬆軟、內脆外嫩，再配上美味咖喱酱汁，實在滋味無窮泰式素肉碎意粉也美味可口，令人食指大動🥰呢度經常排大隊，早少少攞飛，然後附近逛啦

🐾素年（素食餐廳）🐾日式定食✔️$88泰式香辣不可能肉碎意大利粉✔️$88日式咖喱吉列豬扒意大利飯✔️$108不可能漢堡包✔️$128-日式定食：佢個煮食係腐皮烏冬湯底係昆布醬油湯底，有少少偏鹹，腐皮就甜甜地嘅，而小食方面就有六款，有紅豆糯米糍、枝豆、小紫薯、豆腐、醃蘿蔔、南瓜餅，分量都好大👍🏻-泰式香辣不可能肉碎意大利粉：呢個意粉比較乾身，肉碎係用咗「不可能」呢個牌子嘅肉碎，係全素嘅，雖然係香辣意粉但係佢只係用咗少少辣嚟吊味👍🏻所以我唔食得辣嘅朋友都食到🤣-日式咖喱吉列豬扒意大利飯：呢個真係超推介10粒星🌟我自己就冇乜點食開意大利飯嘅，但係呢個咖喱意大利飯呢超入味，啲飯係好綿，應該係用咖喱煮嘅所以係超入味真係，吉列豬扒對普通平時有食肉嘅人應該會覺得有一浸麵筋嘅味🙈但係因為我朋友係食素嘅，所以佢食呢一個係好開心，覺得自己係食肉咁樣🤣-不可能漢堡包：呢個份量係勁大，不過其實素年呢一間餐廳份量都係偏多嘅，啲芝士超濃，塊漢堡扒係食得出有少少牛肉味咁，入面有啲洋蔥但係太生 我就撩左出嚟🤣佢隔離有啲番薯條，比起薯條更香，又甜甜地咁都好好食👍🏻👍🏻👍🏻-大家如果去嘅話我會建議book咗位先，因為佢哋舖頭

-🦄素年 -純素沙律碗 Hkd78Rating🌕🌕🌕🌗🌑-⚠️中午食飯時間會好多人😣⚠️建議大家要預返啲時間等位😌-由本身最初頭素年開第一間分店嘅時候🧐其實個陣都即刻收藏左 一直都好想去食🤤見到佢嘅日式定食好吸引😋又係素食又豐富🤩直到佢而家開左三間分店 其中兩間係深水埗😯而另一間就係荃灣 我終於PLAN好今日去食喇😬素年YEARS每一間分店都有供應唔同嘅食物🤤👍🏻而我就係睇岩食咩先決定去邊間分店嘅🤣🤣-星期一中午時間大約1230左右 都已經要排隊😣大約等左10-15分鐘就可以入座 都算快啦👌🏻今次就叫左一個純素沙律碗🥗再配熱嘅玄米茶🍵本身仲想叫小食嘅薑黃焗福花🙈🙈好似好特別不過睇人哋啲食評話每款食物嘅份量係好大份😨而我睇佢餐牌嘅最底個行都好似話會好大份咁...所以最後都係放棄🤣但係我食完呢個沙律都唔飽🤭-🥗純素沙律碗🌱賣相十分之靚🥰顏色配搭都襯托得好好😳會有澱粉質類嘅南瓜🎃南瓜好淋好鮮甜🤤有蛋白質嘅鷹嘴豆同埋各種新鮮嘅蔬菜🥬本身我自己唔太鍾意食沙律菜嘅椰菜😫因為覺得硬碰碰咁好難食 但佢呢個又唔錯喎😳配埋佢嘅柚子汁 酸酸甜甜咁好開胃👍🏻🙈係會愈食愈想食 而且個醬汁又好清新🤤好岩我口味呀🤭羽衣

又到咗每月同中同聚會嘅日子，有人想試試呢間素食好耐，上次因為打風食唔到，今次終於食到，每樣野都好好食。🍽 香蒜芫茜意大利麵呢個主食唔係人人岩食，芫茜唔係個個接受到。好香香蒜味，芫茜就咁原條撒面，幾多下，鐘意食芫茜，必食。🍽 日式咖喱吉列豬扒意大利飯呢個飯大推！豬扒係用咗新豬肉，好厚炸得岩岩好外脆，冇肉味岩晒我。咖哩飯超好味。🍽 不可能漢堡包漢堡包都超好食，包夠鬆軟，塊扒好厚身食落極似牛肉，重有啲蕃薯薯條大條之餘係好好味食唔停。☕️ 髒髒咖啡同我想像有啲唔同，以為有可可粉整到個杯髒髒的，但幾好飲。

呢間素食店出晒名食漢堡，但我對荽茜有興趣啲就食左個意粉。黎到青BB一大碟，望落好正；食落呢⋯其實蒜味仲重過茜味😂似係鋪左一堆茜係蒜味意粉面咁，份量好蛋女仔食唔晒。反而漢堡就真係好食，好似食緊肉，炸蕃薯超甜超脆。

素年久仰大名，每次經過都會看見長長人龍。本以為沒有機會在不用排隊的情況下用餐，昨天情緣巧合之下，能在剛營業的時候不用等候直接進去吃，真的很幸運！店內的環境如同店外大玻璃看進去的一樣簡約，梳化櫈的位置很舒服，就算旁邊放包包，鄰座也不會因出去去厠所或離座時碰到。枱面打掃得很乾淨，每枱中間都有透明膠板相隔，整潔程度令人很放心。我點了日式定食配熱玄米茶。玄米茶雖是附送，但並不隨便。杯入面看到浮起的炸玄米和茶葉，喝下去茶味濃郁且熱度適中，偶爾還會喝到幾粒玄米，很有質感。而素年的日式定食是始料不及的高水準。由烏冬，麵豉湯以至配菜均顯心思：首先是烏冬配腐皮，扁身烏冬有咬口，不像粗烏冬惗身且有滯感；腐皮應該是預先浸過醬汁，非常入味，配上清淡的烏冬湯底味道濃淡十分平衡。麵豉湯的味道則一般，不過看著麵豉不斷在碗內徐徐升起，很是療癒。什錦配菜方面，紫薯炸餅外層薄而鬆脆，內層滿滿的紫薯配上當造的粟子，甜甜的非常有咬感。另外小甜點紅豆大褔亦做得出色，外層Q彈滑溜，內餡不是坊間粉粉的紅豆蓉，是流質紅豆餡！連本人平時不太喜歡吃大福都覺得十分好吃。整份日式定食有鹹有甜，吃得出烹調者有思考過味道的平衡，如此細緻的定食實

📌素年📌深水埗福華街191-199號福隆大廈1號地舖有人提議食素，於是係網上搵到呢間新派素食餐廳，好彩一早訂左位，四個人晚市walk-in一定要等位！純素沙律豌 $78由不同新觧蔬果組成嘅沙律豌色彩繽紛，見到心情都開心。呢個組合有近年大熱嘅superfood 羽衣甘藍、紫椰菜、南瓜、橙、金奇異果、車厘茄、鷹嘴豆，營養值100 分！配搭日式沙律醬汁很開胃！冬陰意大利飯 $68全部人異口同聲齊讚呢個fusionrisotto幾特別幾好味，飯粒軟硬適中，入面有金不換、車厘茄、泰茄子、草菇同蘆筍，沒有肉類口感仍豐富！黃薑焗福花 $58一直係到估福花係咩黎，再睇一睇英文，原來係Broccoli 椰菜花！ 味道唔錯！黑松露蛋黃醬蕃薯條 $68蕃薯條好大條，有蕃薯香又夠自然甜，而且炸得好乾身好脆口，唔會油淋淋，同黑松露醬非常夾。推介！紫薯芝士波波 $68味道與想像中的差異不大，炸得好乾身， 唔會油淋淋。炸南瓜薯餅 $68很可惜南瓜餅已經賣完，唯有轉了紫薯薯餅，配上superfood 羽衣甘藍及南瓜蓉的沙律。味道其實紫薯波波差不別不大，因為與沙律輪流食下減低濟嘅感覺。味道：✦✦✦✦✧環境：✦✦✦✧✧服

平日時間1:45去到都唔多人排 排到2:20有位入坐豬扒飯好食 份量都好夠 btw 只係店員係我面前跌左塊檯布落地下佢拎番起 擺番係度照用之後其他staff用番尼清潔檯面🙊

素食都可以吃得好潮。book 左晚飯時段黎到唔洗等位。餐廳細細坐位不算多。2個人黎食就唔錯喇～Order 左呢度好受歡迎嘅咖喱吉列豬扒意大利飯同埋朋友好想試嘅香蒜芫荽意大利粉。呢度d portion 真係好大份，餐牌上邊有個貼心提示，如果係小鳥胃嘅客人可以主動要求減份量，避免浪費食物☺️個意大利飯好吃而且不會太膩，吉列豬扒嘅份量都唔少仲大大塊。佢炸得岩岩好啊～唔特別講嘅話都唔覺得佢係素食。口感同味道都不會比真肉遜色。而且係有追食性，即係你會想一啖一啖咁放入口啊～因為我揀飲擇食嘅關係，就評價唔到芫荽意粉。🤣另外點左件豆腐芝士蛋糕做結尾，呢個蛋糕唔似一般芝士蛋糕嘅細滑，反而帶一點粗糙嘅口感。食落去唔太甜、芝士味都唔太濃，反而豆腐味好突出。呢個係食完都唔會有罪惡咁嘅芝士蛋糕。食物質素整體唔錯，我覺得可以encore😉

以前成日會覺得食齋好老餅但近呢幾年 愈開愈多新派素食餐廳而呢間真係bookmark左好耐今次去深水埗終於有機會食佢~~~黑松露蘑菇漢堡包($98)呢款漢堡包雖然冇肉但啖啖都好滿足黑松露味道非常突出加埋濃郁芝士味一咬落去個菇菇爆哂汁勁juicy再配埋薯蕃薯條炸到脆卜卜之餘食落仲比起一般薯條多咗陣甜味感覺上冇咁邪惡冬蔭意大利飯($88)不嬲都鍾意D Fusion野所以就叫黎試下估唔到比想像中好食飯粒軟硬適中個味都幾特別鍾意試新野真係要試試素年Years深水埗福華街191-199號福隆大廈1號地舖