紅煮意

营业中

休息中

今日喺油麻地附近，比我發現了一間充滿文青色彩嘅小餐廳，位置雖然隱蔽一點及係樓上舖 ，反而顯出我有個人品味，介紹朋友去 享受一下文青嘅佈置及美味嘅晚餐，一點也不失禮，而且價錢仲好大眾化……店內佈置優雅，每個角落更會放置一些結他，小提琴等裝飾及一些小遊戲，最適合三五知己 慢慢享受一下寧靜的環境！店內廚房是開放式，只得兩位員工，但他們十分親切，仲會主動介紹不同嘅菜式！聽店員介紹，原來這裏逢禮拜六，七點半鐘 開始仲有live music， 來自本地不同的組合，有saxophone 、 結他 、小提琴等表演 下次再嚟一定要試下我們二人點了美國炭燒肉眼扒套餐，仲包括埋餐包、餐湯及特色飲品都只係$110 除咗價錢非常大眾化，食物質素都相都唔錯！炸薯角，夠乾身爽脆，薯仔味豐富。炭燒肉眼一啲都唔 un , 肉汁滲透出嚟，店員仲介紹我哋加些 "喜馬拉雅山岩鹽" 更可帶出味道，果然沒介紹錯，呢隻岩鹽不算太鹹， 配牛扒確實帶出鮮味來！軟殼蟹黑松露忌廉意粉，忌廉很濃郁，好香嘅 黑松露 " 煤氣味 "， 意粉韌度適中，更估唔到係軟殼蟹入口重相當鮮甜！呢間小店睇得出店主很用心經營，亦大力支持本地嘅音樂，提供表演場

中意去Cafe 消磨時間朋友們，可以有多一個選擇去"紅煮意"。除左可以用餐外，呢間Cafe有Live Music同提供少量Board game。環境好舒適，最適合三五知己 同 情侶黎呢到Hea時間。我地由7點坐到10點30分，店舖關門先走。叫左個 牛肝菌忌廉汁帆立貝意粉套餐***價錢為104***有加一服務費送法式烤包，沙律或餐湯及指定果汁忌廉汁多同入味，有6隻貝都算幾新鮮同彈牙下。味道正常，沒咩特別，個餐整體有6.5分(10分為最高)。

身邊好多朋友仔成日都叫我去紅煮意食嘢聽歌，今日去咗雖然唔係星期六嘅音樂時間，不過都感覺到濃厚嘅音樂氣息～淨係啲場邊已經有好多樂器掛喺度，應該係俾啲表演嘉賓使用既想睇表演嘅朋友記得星期六晚上時間嚟啦～嘢食選擇多真係花多眼亂啊！餐廳係開放式廚房，可以睇到廚師點樣煮嘢食，成個感覺好衛生，同事又唔會好大油煙，抽氣扇做得好好。休閑坐下食嘢 hea時間，梗係要叫薯角慢慢享受。即炸㗎！軟殼蟹意粉。軟殼蟹其實唔係好多餐廳會做，所以有得叫一定叫～果然不負所望好好食。意粉本身有汁開好味道！細節做得好好。好滿意呀蒜蓉包亦都係熱辣辣侍應生有同我講下次叫我食牛扒飯話好多人專登過嚟食下次星期六時間過嚟要牛扒飯食先強烈推薦鍾意音樂嘅朋友仔過嚟支持下呢間餐廳

這裡的西冷牛扒很好味，起筋軟綿，很有口感，另外肉眼扒很薄，煎得很好味，有燒烤的味道。醬汁配上芥末醬很特別，燒汁好味。核味水果汁都很好味，給晚上不想喝咖啡多一個選擇。服務員態度誠懇有親切感。擁抱形狀的鹽胡椒瓶很可愛！

禮拜六好友約食飯，帶我黎左呢間隱世cafe。原本兩個人開餐，突然收到即興來電，有夜約再去匯合一棚人唱k，所以點左個西冷扒、兩個小食同飲品，邊食邊等。前菜點左忌廉磨菇湯紐西蘭西冷牛扒呢個超厚切牛扒煎得夠金黃，點左8成熟鎖住到肉汁而肉又唔太乾身既程度剛好。紐西蘭西冷牛扒配燒汁都幾大塊同幾厚身，肉質非常鬆軟嫩滑，肉味亦好香濃。西冷扒邊位帶少少脂肪部位，望落去油花分佈頗均勻，煎出黎帶油脂香令肉味好出好香濃，咬落去肉質軟腍，入口即溶帶嚼勁，少少豐腴既油脂係口裡面化開連帶濃濃既牛肉味，口感豐盈，真心好食呢到食到咁厚切又大塊既西冷扒堅抵，普遍café一塊扒絕對唔止呢個價。 芝士焗有機大烤菇:邪惡原隻芝士焗，有拳頭大細咁上下大隻，側面幾厚切下。大啡菇肉身幾肥厚，混和芝士烤焗完，誘發出好香濃既菇芝香。芝士加洋蔥一齊焗，菇和芝士混為一體，既濃郁菇味滲出黎。一刀落去，肉質都幾厚切，所以爆汁流心好多汁慢慢滲出黎，好果直接成隻咬應該會有爆汁效果，配左煙肉洋蔥再鋪上芝士一齊烤，係真正既芝士菇bee，正避風塘BB雞搥 :  一籃子有五隻，食得出係即炸既熱辣辣，雞搥有醃過，而面頭灑滿左炸蒜，香料味道停留係皮面幾香，炸

星期五同朋友去左廟街打算睇塔羅，放工過到去6點幾仲未開，決定開左餐先，佢話去佢屋企樓下食西餐，幾好味同價錢抵。呢間店係近駿發花園，平時過黎附近狗公園放狗時都經過，但無幫襯過，朋友指引下，走上一條樓梯，推開門就到。店面以紅色為主要色系，成間店都開放式，一目了然。廚房係OPEN KITCHEN，可以望到廚師落力煮野。揀左個近窗位置坐，發現原來禮拜六7:30會有樂隊黎即場表演，難怪店內每個角落都有掛住樂器。餐牌選擇種類好多，揀左一人一個餐，前菜揀左一個湯+沙律，仲有蒜蓉包。紐西蘭西冷牛扒 (跟餐$124)     美味指數: 之後主菜仲叫西冷牛扒，配燒汁&芥，賣相精緻，份量又係好大大件，要既係七成熟，煎得好香，肉汁豐富，口感係果種入口即溶，質素同扒房幾百蚊一塊嗰絕對有得比FIGHT，但只價錢只係百頭已超越性價，實在物超所值嘅不吃不可之選。扒配埋個燒汁&芥末醬，其實經已可點可唔點個醬，因為塊扒已元勝左就咁食都正配菜炸薯亦係即炸脆卜卜，成碟野兩個人秒速食晒，廚師隱世廚藝應記一功。軟殼蟹黑松露忌廉汁意粉(跟餐$124)     美味指數:老納我最鐘意食黑松露，去到西餐廳都見到有黑松露都會兩眼發光，

之前朋友向我說油麻地有間不錯的樓上西餐廳，這次來到真的是很好的體驗先說說環境，環境充滿著小店的特式，有很多樂器掛在四周餐廳的格調有種浪漫的感覺，很舒適，店內又不會很嘈，坐位很闊，唔會坐得唔舒服，店內還有免費WiFi ,很貼心～仲比我無意之中發現了這裹有live music,可惜我去的時候是星期四，所以如果想聽就要星期六再來了～好啦好啦，我講番d美食先～我地食晚餐可以單叫又可以跟餐，咁我當然跟餐啦，因應跟餐有湯/沙律+餐包+飲品～這天是忌廉蘑菇湯，餐廳的店員說是自家製的呢。一嚐，果然是有點不一樣，蘑菇味是比較重一點，，湯很濃郁，有玉米同菇塊，加埋焗過的脆脆餐包一齊食，口感層次又提升了～呢個係青檸香橙汁嫩燒法式鴨胸配薯菜💓呢個真係無得彈，首先講左鴨胸先，鴨胸煎得唔乾，又唔會韌，肉厚，好有鴨香味，配埋好香橙味的醬汁，酸酸甜甜，中和左鴨的油脂感覺，唔會有膩的感覺，至於薯蓉，有好重的薯仔味，唔似落左好多忌廉/牛油而整成，就好似好純的薯蓉咁，綿綿的，配埋橙汁醬的感覺很不一樣，有種清新的感覺！最後係呢個軟殻蟹黑松露忌廉意粉軟殻蟹炸得外脆內軟，蟹內的肉汁在我的口腔徘徊，真係好正，一陣陣的黑松露香味可上

位於油麻地百老匯電影中心附近嘅一間小餐廳，雖然做關街坊生意，但係食物質素，環境服務都非常值得推介。 當然呢度嘅食物都係平民價喇! 餐廳嘅晚餐食物選擇非常之多，包你揀得啱你想食嘅嘢。 其實呢我黎呢度幾次，啲食物樣樣都好食，所以我哋心思思都揀咗好耐。 最後揀咗西冷牛扒套餐，軟殼蟹黑松露忌廉汁意粉，同埋開心果忌廉特飲。 套餐包咗餐湯或者沙律，再配飲品， 餐湯係粟米忌廉蘑菇湯，味道唔太鹹，好香濃蘑菇味，好飲。 炭燒紐西蘭 西冷牛扒配上燒汁同埋薯角，西冷牛扒外層有炭燒味，肉質軟淋而不韌，配埋黃芥辣食口感味道一流，媲美高級餐廳嘅水準。 軟殼蟹黑松露忌廉意粉，軟殼蟹係我食過最新鮮，最鬆脆嘅軟殼蟹，味道有蟹嘅鮮味。忌廉意粉只係平時茶記食既意粉，整得唔太膩但分量真係好多，食到飽曬。 開心果忌廉特飲，味道ok不會過甜，飲落有開心過嘅香味，飲完成個人開心晒。其實呢間舖嘅大廚煮嘢食確有一手，真係不亞於高級酒店餐廳大師傅，所以大家去完呢邊戲院睇戲，都可以入嚟坐低嘆一嘆呢度嘅美食。

在經過上海街的看手相攤檔之後，我心有戚戚焉，尤記得朋友推介的私房菜紅煮意在附近，於是去了探訪。位處俊逸豪園後方，前方可是進不了去啊。位置還滿隱蔽的，但人流卻超多！餐廳有40個位左右，但當晚就只有一位貌似老闆娘的侍應，非常忙碌普通套餐大多都是$100-$120上下，以這舒適的環境跟食物來說都很合理。餐包是焗牛油多士，吃起來還滿香脆的，但跟蘑菇粟米湯有點不相襯，分開吃會比較好。主菜就點了餐廰推介的炭燒西冷牛排（medium）跟意大利粉，西冷牛排比想像中juicy！煮得十分好，那麼忙的時間廚師還是沒有隨便出餐，切開看到裡面還保持著粉嫩，值得一讚。意粉也沒有煮得太稔，保持幼身 有一點點Al dente，也是忙碌中不可多得的功夫。烤大啡菇的手功在於保持啡菇Juicy，上面的芝士又要乾身，非常不易。這裡的啡菇一切就有超多肉汁流出，焗得很好！比利時朱古力超經典！濃郁香醇，入口澀味特濃，原來沒有下任何糖調味，難怪可可味那麼重！放在那麼低調的杯子，有種禾桿蓋真珠的感覺。完全感受到老闆娘的熱情跟廚師的堅持，即使忙個天昏地暗還是保持食物質素跟禮貌，推介！

今日同朋友去百老匯中心睇完戲在附近搵食醫肚， 行到俊逸豪園被這間"紅煮意"的樓梯吸引住. 睇完個餐牌後覺得價錢都唔貴食物賣相都幾吸引。任何主菜都會有套餐優惠， 畀多廿零蚊有蒜蓉包有餐湯或沙律及飲品( 仲可以轉果汁) 食物種類也算多. 先來一個雜菜沙律加蘑菇湯及蒜蓉包， 蒜蓉包很香脆我們選了一個芝士焗原隻波士頓龍蝦意大利粉(係二人分量的) 套餐$240一嚟到上枱已經香噴噴熱辣辣， 賣相已經夠吸引，有香濃芝士味。 龍蝦和意粉的分量很足夠， 蝦殼很香啖啖肉重點了一個瑞士雞中翼， 雞翼大隻肉嫩， 瑞士汁煮得好好味 open kitchen設計，老闆仲好nice咁問我哋啲嘢好冇食雖然地方不算大但舒適， 牆邊飾物架上還有很多遊戲可供食客玩樂。 還有很多音樂器材及音樂資訊， 小店來說集及cafe和餐廳於一身。

今日去佐敦中華書局買一點圖書送比小朋友，原來有成四層樓咁多，真係應有盡有，收獲豐富。唔覺唔覺行到天都黑，個肚又餓，要就近找點好嘢食，在OpenRice見附近有間西餐廳，好似不錯又近近地就去試。餐廳地點近油麻地警察局，位於一樓私懚度高，裝修雅致，仲有梳化位。晚餐有set ,今次試咗個「海鹽燒加拿大比目魚扒」配香草忌廉汁加薯菜，跟餐有沙律菜及法包。先講比目魚扒，外皮煎得酥脆，帶有海鹽味，將比目魚嘅鮮味帶上另一層次，而內裹仍能保留豐厚肉汁，魚油滿滿的，高質之作。跟魚的薯菜都做得好好，薯蓉有微微嘅牛油香，唔會蓋過薯仔嘅香味，加上香草忌廉汁一同吃，好好的搭配。沙律菜好新鮮，配上車厘茄同千島醬，清新可口。另加小食避風塘BB雞鎚，做得皮脆肉嫩，唔太辣，好好食。餐廳另一特色係有素食餐牌，如素嘅朋友就啱曬。

係油麻地百老匯戲院睇完戲，上open rice search 到行過幾步就係衣間（紅煮意）上到去，環境都好舒服，坐位都寬敞有好多board game 玩， 最特別係見到好多local band poster, 逢星期六都有live band表演！迷你uno，同相底部白色牙纖比較，真係超迷利前菜可㨂餐湯或沙律🥗我地一人㨂一樣餐湯係南瓜🎃湯配蒜蓉包，南瓜又有益，又可以抗氧化，個湯好濃味，又夠熱軟殻蟹黑松露忌廉汁意粉$102 （SET）好看黑松露味，又夠多，意粉軟硬度適中軟殻蟹夠大件，即叫即炸，又炸得剛剛好！蟹汁超正炭燒紐西蘭西冷牛扒 -燒汁，芥未醬配薯角$124 （SET）一上枱已經好香，份量又大又厚！五成熟,顏色吸引，肉質彈牙！日本半殼椰子雪糕 $60好香椰子，奶味唔太重！感覺好清新！比利時特濃朱古力焦糖布甸伴雪糕 $45衣個布甸超特別！超濃既朱古力布甸！再點旁邊既焦糖！真係好想叫多件黎食！

今日去了一間朋友推介的上樓餐廳"紅煮意" 晚餐, 雖然不是旺區, 但距離油麻地地鐵站都是五分鐘路程左右, 鄰近百老匯電影中心. 走進店內地方不算太大, 但裝修擺設別置有格調, 周圍佈滿很多關於音樂的資訊及樂器， 相信老細應該很喜愛音樂。 ,空間足夠感覺舒適.店員的態度亦有善，我選了一份烤美國草飼肉眼扒跟餐有蒜蓉包餐湯或沙律及飲品。蒜蓉包烘得外脆內軟， 蘑菇湯味道亦吾錯。肉眼扒八成熟覺得剛剛好， 肉質香嫩有肉味， 配埋薯角一流。（ 唔要薯角可揀選飯或意粉）芝士焗有機大蘑菇， 蘑菇肉質厚骨， 菇味濃郁夠juicy 跟餐我選了熱情果汁， 味道香帶點酸酸甜甜我們的主菜芝士焗波士頓龍蝦意粉 （二人份量） 龍蝦燒得很香啖啖肉， 龍蝦的味道滲入芝士意粉內非常好味最後來一客比利時朱古力焦糖布甸伴雪糕作結尾 好滿足！整體來說食物質素好價錢亦合理。 最後才知道星期六還有live show, 下次有機會希望再來感受一下

好姊妹宣佈出年結婚，邀請我做姊妹，約會出來傾談結婚事宜，相約於係好姊妹家附近既~紅煮意餐廳。餐廳装修簡潔明亮，有一個開放式廚房，時常聞到食物香氣但又不會烏煙瘴氣，枱櫈之間有一定距離，各客人也不會受到傾談聲騷擾。侍應熱情招待，有禮週到。主菜組合有十七款之多，仲有沙律、頭盤、小食、甜品、花茶、mocktail、特式咖啡，種類選擇多，連素食餐點都有，總會有一款適合自己口味。先來蒜蓉包、沙律 : 包夠脆，蒜蓉不少，好香;沙律加上千島醬，好frensh。小食~避風塘BB雞槌(辣)($50) : 本身雞槌肉相對雞肉其他部分，肉質較為粗嚡，但以避風塘這濃味嘅方法不但褪去雞搥肉本身嘅缺點，吃起來惹味非常，這個必叫。主食~海鹽燒加拿大比目魚扒. 香草忌廉汁及配菜($114) : 整條魚連魚皮煎到脆卜卜，肉滑如忌廉，骨少，啖啖肉，配合忌廉汁，creamy至極。主食~ 軟殼蟹黑松露忌廉汁意粉($102) : 陣陣黑松露香味飄散，加埋香脆可口既軟殼蟹， 再配上軟硬度剛剛好嘅意粉，吃到津津有味。甜品~比利時特濃朱古力焦糖布甸伴綠茶雪糕($45) : 朱古力味香濃，綿密無比，軟滑順口， 非一般布甸既質感，令人回味

今日去完油麻地電影中心睇戲，又同女朋友去搵下食，話說上次睇完戲經過一間好似樓上CAFE 的店 (因佢係地下樓梯直上，當時估係樓上CAFE)，今日就決定一試﹗一上到黎，話佢係樓上CAFE ，不如話佢係一間感覺溫馨既西餐廳，因為佢絕對無CAFE 個種嘈雜既聲音，反而感覺有點情調得黎又好舒服。門口放住好多小遊戲同雜誌俾客人揀黎睇同玩。黎到又唔算多人，我地就隨便揀佐近門口一張圓枱坐，環境都幾舒服。佢地主菜全部有得揀要SINGLE DISH 或者MEAL，者係單點或者跟餐啦，我地就兩個都揀佐跟餐。太耐無食扒，我點佐個碳燒西冷(五成熟)而女朋友就點佐軟殼蟹意粉，等緊同時仲玩佐陣佢放係一邊的UNO~講真，我真係完全唔記得點玩，太耐了無玩了感覺都幾得意，玩住UNO 等食飯，起碼唔會大家ON 居居係度睇電話，咁樣先係生活~中段有個得意姐姐有黎好唔好意思咁同我講話我要跟餐的薯蓉無曬，咁我就轉佐薯角了，而家真係無乜餐廳會為呢D 事而對個客覺得唔好意思~ 個刻我直頭想安慰個服務員咁滯先黎就係餐包餐湯啦，我其實揀佐沙律的，不過都飲佐下女朋友碗湯，好夠味，足料同明顯係新鮮南瓜蓉~ 正，不過我個沙律都唔輸得去邊~好