紅煮意

营业中

休息中

今晚係油麻地睇戲，早咗到，於是係附近行下搵食，樓上cafe係我target﹐比我搵到呢間個性小店。呢間cafe逢星期六晚有live music﹐主要係本地音樂人。餐廳嘅牆上都掛咗幾款樂器，唔通…店主都係音樂人?上網search下，搵到佢地fb﹐都幾多獨立音樂人去演出，連手風琴都有，想知邊日係咩人演出，可以睇fb﹐會update d。講返食，我叫咗個主食跟餐，另外叫咗個甜品。牛肝菌忌廉湯 - 有新鮮的菌粒，菇味香濃之餘又有口感，有少少香草點綴，色香味俱全!香草燒法式羊仔架(燒汁、薄荷醬、配菜) - 香! 其實由煮嗰下我已經噴到，因為餐廳係open kitchen﹐所以份羊架由生到熟，我都一齊經歷，真係肚餓d都大鑊。廚師煮到剛好熟，絕無韌肉，犀利! 樽裝橙汁 - 跟餐點的，產地係葡萄牙，唔會太甜，都幾好飲。比利時特濃朱古力焦糖布甸伴雪糕 - 由於食完個餐又未夠鐘返學，咁即係個天要我食多個甜品先至走啦，ok﹐咁我就順應天意。呢個甜品賣相不錯而且甜度適中，雪糕口感好似半溶芝士咁，黏得嚟又未去到韌，幾得意。布甸睇落好深啡色，dark chocolate咁嘅款﹐食落有朱古力味，唔苦，配埋雪糕同cr

想搵個坐耐少少既地方於是同朋友尼左呢個CAFE~都有幾多board games 架!!!仲有 唔貴 野食又幾好食跟餐有法式烤包, 餐湯  同冷熱飲品$68  Rib Eye~有扒食扒就VERY GOOD~~不過意粉好似MA MA地朋友食羊架就話無咩羊味~我地玩下DEAL傾下就坐左4個鐘!!!!呢到真係幾抵玩不過最差係個 open kitchen 抽氣太差 成身都吸晒啲油煙味!SAT 既 7:30pm 仲有Live Music Tim~~

2018最後晚餐係正電影中心隔離，食物質素真心唔錯！服務態度很好，很nice ! 仲有live music ! Chill~套餐包括：蘑菇湯 ok, 唔太特別主食：雞扒配大啡菇仲有薯蓉一大球加d 蔬菜 驚唔夠食加$10要多個飯 最愛大啡菇 正呀！西冷牛扒照跟薯蓉一大球加d 蔬菜 加左個意粉 牛扒7成好味 3成有d根 咬唔到餐飲都係檸茶檸水個d仲有個甜品 fruit tart and chocolate cake 全部都係細細粒 唔會好頂肚 但佢平時冇做開甜品，唔好生果既我，食左個chocolate cake 完滿一餐！

雞扒都可以煮到硬到咬幾十下都咬唔開，生蠔有腥味得幾緊要 得個瑞士雞翼仔正常。平安夜晚安排到最低live music個位，大聲到耳仔痛，openrice評論都不過如是，食物質素令人失望

第一次去呢度食飯，的確相當舒服，地方唔大，但係唔覺得好迫，我星期六約朋友喺度食飯，知道呢度逢星期六會有Iive band，每星期唔同，不過最可惜冇乜氣氛，因為成晚得我哋，同另一枱一家三口嘅客，佢哋走咗之後，變咗我同個fd包場，所以我覺得多啲人會多啲氣氛，另一方面我又好戥呢度擔心，星期六都咁少客，其實仲可以頂到幾耐？我好驚香港會少咗一間咁有誠意嘅食店😣講下嘢食，我哋叫咗個燒汁肉眼扒連薯蓉，都幾有驚喜，肉質好腍，唔多筋，有個芥末醬喺隔離，味道都幾夾，個湯都幾濃郁，但個蒜蓉包就麻麻地，腍咗啲，唔夠脆，個雪糕都幾香綠茶味，反而最驚喜係個特濃朱古力，淨係得朱古力，即係冇其他添加奶精同糖，真係冇甜味嘅朱古力，但佢會跟包糖畀我，不過我冇加，所以我係完全飲緊淨朱古力，勁正👍👍不過最差係個 open kitchen，抽氣太差，成身都吸晒啲油煙味，呢度就應該要改善下

今晚與朋友到油麻地這間咖啡室吃晚餐，朋友告知由於店主甚為支持本地音樂，故於逢星期六會有樂隊到現場作LIVE BAND，且有獨立的MENU，雖然今天是平日，但這獨特的小店，也想去一試。 到店裡時，發現店裡的空間是少有的大，可能因為是樓上鋪關係吧 ! 反正我就是最喜歡寬敞的空間。 我們都點套餐，因餐的性價比較高呢 ! 有法式烤包﹑餐湯式沙律和冷熱飲品/指定果汁。分別點了西班牙蕃茄海鮮意粉($104)和蜜汁燒BB豬仔骨﹑薯角﹑新鮮沙律($160)。 法式烤包甚脆身﹑而是日餐湯為蘑菇湯，湯汁濃郁，甚為不錯，而沙律的材料也很新鮮呢 ! 西班牙蕃茄海鮮意粉的材料很足，有炸蝦﹑帶子﹑青口﹑蛤肉等，是意想不到的多種類，而且配上酸酸甜甜的醬汁，很是開胃。 然後，我最喜歡的是它的蜜汁燒BB豬仔骨，因為是即叫即製，而且切開時真的是肉汁四彈，令同行友人也笑了 ! 這樣才稱得上是肉汁鮮嫩吧，而且薯角也同樣好吃，有點點焦香。 配上現場的舒適環境，我們兩個今晚也很滿意，希望下次再來好好聊一聊吧!

星期五晚，打算去油麻地電影中心睇戲，睇十點幾場，所以有時間慢慢食個晚餐，朋友介紹我可以去附近嘅紅煮意。老實講，如果無人介紹，真係無必會留意到呢間餐廳。可能因為地點關係，星期五七點幾，都唔算好多人，加上樓底高，整個感覺唔會太焗促，同其他食客會有啲距離，私人空間多啲。聽講逢星期六晚會有樂隊駐場表演，可惜早咗一日上嚟。講返正題，首先講個蘑菇湯，合格嘅蘑菇味夠香，個湯唔會太稀太水。呢到只係得一款湯，無得揀，鍾意紅湯嘅朋友要留意返。主菜分別叫咗一個魚扒、一個肉眼扒，原本想叫海鹽燒比目魚扒，可惜無比目魚扒，所以轉做鱸魚扒。鱸魚扒魚皮個面煎得好脆口，但入面唔會煎到太乾身，配埋個汁整體感覺都清爽。另外就叫一份五成熟肉眼扒，配燒汁，肉質鮮嫩，都唔錯，值得推薦。特別一提餐廳係播廣東歌，憑電影票尾仲可以有優惠。老闆應該都係一個重視文化發展嘅人。

我覺得西餐嘅前菜真係好重要，無論係個包定係一碗湯，各有佢自己嘅角色！缺一不可嘅地位嚟，而且要用嚟等待慢工出細貨嘅主菜而配合嘅！所以每一樣都好重要！！👍🏻而呢間餐廳真係可以做到用前菜令你感到好安慰嘅感覺，因為個餐湯真係好好好飲呀！！今次佢係蘑菇忌廉湯嚟，仲要係自己煮嘅，好香濃嘅蘑菇味同埋忌廉味，而且有好好口感～～嘩！！真係無得頂！！🤤🤤差啲想「添多一碗唔該！」咁～～～再配合一個蒜蓉包，邊食邊享受呀！！等咗陣個主菜終於嚟到了，海鹽燒鱸魚扒配薯蓉，因為我本人好鍾意食魚，所以根本就無得揀，就要咗呢個。哇～～～🤤🤤🤤一嚟到就好香了，唔係單單肚餓而覺得佢好香，而真係香味傳千里呀！！皮脆滿分；肉質甜美爆分呀！！真係好好食呀！！每一啖都係魚肉呀～～～幾大壓力都無哂，最後要配埋同薯蓉一齊放入口！簡直就係兩個層次嚟！！🤤🤤🤤🤤🤤住得近真係日日嚟食呢條魚！！

心思思咗好耐揀西冷定肉眼好🤤 最後決定同朋友各嗌一份一齊食 都跟咗set 有湯或者沙律揀 我就揀咗沙律 🥗等自己食扒嘅時候冇咁罪惡感！🤣 沙律個醬係橙橙地 應該係千島醬 好食！扒方面都幾好水準 🍗肉眼就薄啲淋啲 西冷就肉味濃啲同厚啲🤣👍🏻 我揀咗意粉 連埋個汁好好食👍🏻👍🏻👍🏻跟餐嘅蜜桃汁就唔係幾好飲😞P.s 因為係開放廚房 所以都幾大油煙味 不過勝在可以坐耐小小 服務都好好 值得encore!🤤🤤

平時去開油麻地電影中心睇戲，但周圍冇咩好野食，等電影開場又唔知可以去邊，隔離既Kubrick cafe又多人又有少貴，周圍行下之際發現呢間樓上舖。一上到去已經覺得好有特色，門口仲寫住支持本土文化，憑電影票尾可以換小食，我諗店主都係電影愛好者了！餐廳樓底好高，感覺好空曠，適合悠閒同朋友喺度消磨時間！晚上餐單唔算好多野選擇，但款款都好吸引，價錢仲好相宜！我同朋友叫左兩個套餐： 餐湯及沙津：前菜不過不失，有忌廉粟米湯及田園沙律。 海鹽燒加拿大比目魚扒燒到魚皮好脆，魚質好嫩滑，魚油好香，冇雪味，又唔會過鹹，煎得唔會過熟，幾好食！香草燒法式羊仔架份量唔少，香草味比其他餐廳做得更優勝，唔會燒到好乾好鞋，羊肉汁一咬就必出來，薄荷汁配合得宜，這個價錢來說我比9/10分了！除了電影海報，呢到仲有不同樂器，樂有文化氣息！加上有不同board games, 又有梳發坐，一大班人相聚既合適地方！

當日同女朋友在百老匯中心看電影後，然後黎到紅煮意餐廳食美味嘅晚餐，餐廳有濃厚嘅音樂氣氛，每星期都會有Live Show表演,🕺🏻🕺🏻🕺🏻🕺🏻餐廳裝修都非常獨特💋💋💋💋首先我們選了幾度菜式頭盤是西湯忌廉湯加蒜蓉包好好好美味😻😻😻特意選擇左一個香脆軟殼蟹非常新鮮好香口，👍👍👍👍食到唔停口一定必食之選😇超級好味😍😍😍😍主菜嚟啦就叫咗一個芝士焗蘑菇蜆肉螺絲粉，芝士味超濃👏👏👏👍👍👍👍三重芝士焗黃金石蠔我仲想食埋女友果隻😅😅😅😍😍😍😍😍😍意大利黑朱古力咖啡有超重既黑朱古力味😋😋😋😋😋瑞士汁雞中翼食肉獸必食既雞翼❤️❤️❤️😇😇😇😇

平時在油麻地返工，外出午餐就試得多，晚餐就真係一隻手數得晒，今日約了朋友去電影中心睇戲，便到附近的紅煮意先吃晚飯，紅煮意可算是我最常光顧的餐廳之一入口有少少隱蔽，在醫務所隔離，晚餐時段明顯沒午餐人多，午餐時段要訂位架！老闆娘說每星期六7:30pm會有live band ,我都好想聽下呢! 平日人多不留意，原來有board games 玩餐廳提供好多套餐選擇，大概一百蚊已經有晒麵包沙律(湯)主菜飲品我今天點了軟殻蟹黑松露忌廉汁意粉$102落單不久便奉上南瓜湯及麵包今天我們很好彩，麵包是自家制的，老闆娘說不是每天有自家製麵包，要同事有空製作才有呢！南瓜湯有粒粒南瓜蓉，濃度適中，配上自家製麵包很是不錯呢不消一會主菜都上場！原隻軟殻蟹真的好正呢！軟殻蟹經過油炸變得香口酥脆，但內裡仍然甘香黑松露意粉亦creamy 可口，店家並不吝嗇黑松露醬，味道香濃，意粉質感也不會過軟，很快被朋友瓜分了同場加映朋友的 海鹽燒鱸魚 配香草忌廉汁$114原本是比目魚，但店家說今天改了鱸魚賣相不錯，鱸魚煎香肉質結實得黎不會鞋，忌廉汁很香濃，昇升了魚的層次。餐飲+$6 點了凍朱古力很香濃，好味！店內用開放式廚房，只有一

電影中心睇完戲周圍行睇下有咩食，竟然比我發現呢間餐廳，餐廳位置隱蔽，入口較細，要上一層樓梯，見價錢咁平驚中服特登上openrice search 下評語又唔差喎，時間尚早客人唔多只2-3枱客人，餐廳地方唔大，做左個開放式廚房，係有d住家feel既上樓cafe, 餐廳似係家庭式經營，疑似老闆娘既樓面非常親切貼心，簡單介紹是日精選及餐湯，前菜食物種類都唔少喎仲有素食餐牌香草羊架炭燒西冷忌廉白酒煮藍青口芝士焗蠔叫左兩個set dinner加兩個小食，推介香草羊架，份量十足，燒羊肉香味美味，肉質嫩滑多汁，呢個價錢食到係超水準，其他食品亦物有所值

最近在附近的餐廳食午飯覺得吃了太多次, 於是上網搵餐廳食飯. 眾裏尋他 一眼就比紅煮意的食物照片吸引到, 於是在油麻地電影中心買了戲飛後便即刻黎食野.首先餐牌上好 user friendly 咁有新品推介以及人氣菜色推介呀, 對於我呢 D 懶人來講真係方便.我和友人分別選了 "海鹽燒加拿大比目魚扒襯香草忌廉汁及配菜", 和 "炭燒紐西蘭西冷牛扒襯燒汁芥末及配菜", 兩份都是跟餐的. 跟餐其實都只是加多$20左右便可以有法式烤包, 餐湯或沙律, 以及冷熱飲品了.落了 order 後才有時間細心看看餐廳的環境, 呢度雖然是在電影中心旁邊人流密集的地方, 但由於是樓上的關係, 氣氛都很舒服而且也不會聽到外面的嘈吵聲, 呢度好適合朋友傾計！食野啦, 比目魚配飯真係好香, 廚師把比目魚塊煎得帶點金黃色放在碟的中間, 好美觀. 然後我也看到沙律菜和白飯交疊一起很豐滿的樣子. 很快的時間我便把魚塊放入口中, 魚肉很滑溜也很香口, 比起之前食過的餐廳, 一定是水準以上啊.至於牛扒, 我們點了5成熟, 上桌時我可以用餐刀把肉切開, 肉質十分嫩滑, 而且更保留有肉汁. 咬落十分鬆軟, 邊位有些煎肉的香味令

好多年前黎過紅煮意 re-u, 唔經唔覺都已經過左禁多年，今日接太太黎到附近，見佢仲係度，就上去食飯。餐廳就係油麻地電影中心隔離，睇戲前後食都算方便，今日平日7:30pm，唔多人，得兩三檯。餐廳應該算樓上cafe類，有board game玩，原來逢星期六晚仲有live music，因為地點比個入，同地鐵站又有少少距離，比較少人識去，應該都唔會好爆，晚餐都係一個好選擇。餐牌豐富，亦有素食選擇。晚餐加$22變餐，會有麵包、湯/沙律同埋飲品，都幾抵，加埋晒$90-$120左右，以地點計有啲貴，但上面見我講禁多野，就知肯特係性價比ok,如果唔係都廢事打禁多字。我就叫左個安格斯牛肉烤菇漢堡，加左餐。沙律都新鮮，麵包係超乎預期，口感鬆軟，帶點微酸，完全唔係一般貨色。後來問係咩包，店員話個麵包係自家做，但師傅唔係成日得閒，禁岩今轉先有自家飽，我地真係算好彩。廚房點睇都係得一個人，我地三個人三個餐，有漢堡有意粉，但出菜都出得幾爽手，唔止一個接一個上，而且係新鮮整好，熱辣辣！我個漢堡十分巨型，我都要慢慢切開食。Portobello 烤到香噴噴，外表乾身但內裡多汁，邊切邊見到啲精華流出後，要即刻搵包索返黎