紅煮意

营业中

休息中

好姊妹宣佈出年結婚，邀請我做姊妹，約會出來傾談結婚事宜，相約於係好姊妹家附近既~紅煮意餐廳。餐廳装修簡潔明亮，有一個開放式廚房，時常聞到食物香氣但又不會烏煙瘴氣，枱櫈之間有一定距離，各客人也不會受到傾談聲騷擾。侍應熱情招待，有禮週到。主菜組合有十七款之多，仲有沙律、頭盤、小食、甜品、花茶、mocktail、特式咖啡，種類選擇多，連素食餐點都有，總會有一款適合自己口味。先來蒜蓉包、沙律 : 包夠脆，蒜蓉不少，好香;沙律加上千島醬，好frensh。小食~避風塘BB雞槌(辣)($50) : 本身雞槌肉相對雞肉其他部分，肉質較為粗嚡，但以避風塘這濃味嘅方法不但褪去雞搥肉本身嘅缺點，吃起來惹味非常，這個必叫。主食~海鹽燒加拿大比目魚扒. 香草忌廉汁及配菜($114) : 整條魚連魚皮煎到脆卜卜，肉滑如忌廉，骨少，啖啖肉，配合忌廉汁，creamy至極。主食~ 軟殼蟹黑松露忌廉汁意粉($102) : 陣陣黑松露香味飄散，加埋香脆可口既軟殼蟹， 再配上軟硬度剛剛好嘅意粉，吃到津津有味。甜品~比利時特濃朱古力焦糖布甸伴綠茶雪糕($45) : 朱古力味香濃，綿密無比，軟滑順口， 非一般布甸既質感，令人回味

今日去完油麻地電影中心睇戲，又同女朋友去搵下食，話說上次睇完戲經過一間好似樓上CAFE 的店 (因佢係地下樓梯直上，當時估係樓上CAFE)，今日就決定一試﹗一上到黎，話佢係樓上CAFE ，不如話佢係一間感覺溫馨既西餐廳，因為佢絕對無CAFE 個種嘈雜既聲音，反而感覺有點情調得黎又好舒服。門口放住好多小遊戲同雜誌俾客人揀黎睇同玩。黎到又唔算多人，我地就隨便揀佐近門口一張圓枱坐，環境都幾舒服。佢地主菜全部有得揀要SINGLE DISH 或者MEAL，者係單點或者跟餐啦，我地就兩個都揀佐跟餐。太耐無食扒，我點佐個碳燒西冷(五成熟)而女朋友就點佐軟殼蟹意粉，等緊同時仲玩佐陣佢放係一邊的UNO~講真，我真係完全唔記得點玩，太耐了無玩了感覺都幾得意，玩住UNO 等食飯，起碼唔會大家ON 居居係度睇電話，咁樣先係生活~中段有個得意姐姐有黎好唔好意思咁同我講話我要跟餐的薯蓉無曬，咁我就轉佐薯角了，而家真係無乜餐廳會為呢D 事而對個客覺得唔好意思~ 個刻我直頭想安慰個服務員咁滯先黎就係餐包餐湯啦，我其實揀佐沙律的，不過都飲佐下女朋友碗湯，好夠味，足料同明顯係新鮮南瓜蓉~ 正，不過我個沙律都唔輸得去邊~好

今日天寒地凍決定同親愛嘅老公仔去食好嘢～ 但係講真下下去高級又貴的西餐廳無論對身體足對個荷包都唔健康！！ 所以今次決定去平靚正嘅由於紅煮意係樓上舖，所以大家認住隔離間地舖就啱曬喇 只要喺個閃令令嘅招牌隔離條151樓梯上去就啱㗎喇呢間餐廳除咗可以選擇單叫亦都可以選擇配餐～ 雖然價錢貴少少但係會包嘢飲餐湯同麵包！ 所以配餐會食得開心啲 我地當然不負眾望叫餐啦首先是日餐湯係南瓜忌廉湯~ 南瓜忌廉湯質感幼滑～ 再飲多兩啖會發現包含滿滿的南瓜蓉 攞㸃蒜蓉包一流～餐包是脆卜卜暖笠笠的蒜蓉包， 豐富的牛油味加外脆內軟的口感～ 上面有小小香草～增加了不少層次椒鹽薯條必食之選 三十幾蚊已經有一大籃~ 除咗粗薯條也有粗嘅波浪薯條兩個款式 本人妻就最鍾意食 波浪形除咗可以配意粉之外， 仲可以揀飯 雞扒煎得外皮鬆脆 ，裏面軟滑多汁， 而且上面重鋪咗濃濃嘅芝士 配意粉啱啱好 ！側邊仲有啲沙律菜， 減淡成碟菜嘅油膩 ～]由於人妻唔鍾意食太生所以揀咗八成熟: 估唔到 份量有咁多！ 足足有3塊～ 牛扒唔會過熟～ 而且一入口充滿牛味~多汁:]最後餐飲揀咗果汁 ！今日推介係芒果汁唔使加錢 咁梗係飲啲唔使加錢㗎

油麻地上完堂，餓左兩個鐘，終於可以食晚飯了。上到去見到Open Kitchen，拉近與食客距離。有選擇困難症既我，胃得一個，但好多野想食。🥄蒜包、餐湯 連飲品加$12蒜包香脆，味道唔錯。今日餐湯係南瓜粟米湯，意外味道有酒店水準，好味。🍴卡邦尼意粉 $74善用煙肉本身既油脂同鹹香，仲有蛋黃既滋味，就可以將平平無奇既材料，做成惹味既醬汁。加上意粉煮得剛剛好，好快就被清光。🥩炭燒紐西蘭牛扒.燒汁.芥末.配菜 $102叫左五成熟，十分驚喜，食過不下幾十次牛扒，經常食到失手之作。呢度西冷價錢除左便宜外，味道同熟度好極好，肉嫩，全無鞋口感覺，好成功。🍴瑞士汁雞中翼 $48即叫即制，雖然等15-20分，但誠意之作，瑞士汁幾獨特，肉質飽滿好嫩滑。眼見全間餐廳加埋廚師都係兩個人，但服務、等待時間、食物質素、價錢都會令你滿意，欣賞廚師每道菜煮出黎味道都有質素，無馬虎。👍🏻

在油麻地遇見久未見面的朋友，找間餐廳閒聊一番，朋友引路到了“紅煮意”，原來他是常客呢套餐好抵食我叫了青檸香橙汁嫩燒鴨胸,有湯，沙律菜，還有飲品呢餐湯是忌廉蘑菇湯，既creamy 又有粒粒蘑菇，好有口感跟湯的蒜蓉包外脆內軟，包上的蒜蓉好香，yummy 除了鴨胸還跟了不少蔬菜呢鴨胸真的能做到嫩燒，胸肉腍嫩，肉汁juicy, 加上青檸香橙汁，酸酸甜甜，好醒胃加了小食，三重芝士焗石蠔，芝士味真的很重，可以把芝士拉絲呢石蠔size也不少，兩隻都係$52咋這裡還有素食餐牌，迎合更多人的口味還有Wi-Fi,傾下，打下咭至啱啦

行完廟街唔知食乜好，行下行下去咗油麻地警署附近，見到一間樓上餐廳，睇睇下個餐牌都幾啱食，所以就不妨試一試。一入到餐廳，安排咗我坐中間，地方都算闊落， 仲有我自愛嘅中文流行歌曲。蘑菇湯：入口清甜， 蘑菇味非常突出，記得趁熱飲， 一飲就知道係自家製，好飲。(蓮蒜蓉包一件)番茄醬司華力腸雞肉螺絲粉：份量好足料，雞肉嫩滑(無雪味)，螺絲粉好爽口，最怕係煮得太淋，司華力腸配番茄醬非常絕配。英式炸魚柳薯條沙律：炸得好乾身， 魚味好濃厚，外脆內嫩，加埋自家秘製 tartar sauce。先得知原來星期六有live band，所以我決定搵日星期六再嚟食好嘢，再聽live band music。

喺油麻地駿發花園補完習， 求其搵間餐廳醫下肚，估唔到又搵到好嘢食啵亂衝亂撞咖咋餐廳佈置得又幾好文青喎 原來星期六仲有live show聽添就係門口呢個餐牌，好想飲呢個Signature Mocktail入去第一件事就叫咗自己嘅心頭好先 ，原來呢個係開心果忌廉特飲好creamy！好香開心果嘅味，好清甜，味道好特別，好正嘆住特飲，感受下四周嘅環境， 慢慢先叫嘢食牛肝菌忌廉湯， 入口順滑, 帶有香濃菇味, 真係非常正, 蘑菇, 牛肝菌, 令到個湯更有層次散叫嘅。。。梗係唔會似一般嘅餐湯啦 又真係物有所值嘅芝士焗有機大啡菇名副其實 ，真係好大隻嘅啡菇，而且肉質仲好厚，焗完好嫩滑，仲好juicy 。薄薄一層芝士，好香，又吾會搶到菇嘅香味瑞士汁雞翼 ，面頭加咗粒粒芝麻 ，更香！皮滑肉嫩，煮嘅時間啱啱好原來set dinner仲抵食 下星期補完習又嚟食過先得

假日同家人去了呢間樓上餐廳，估唔到呢間餐應逢星期六有live bandshow叫咗幾個餐同薯條一齊share 食。椒鹽薯條係粗身波浪薯條，炸得好香脆！薯味好重，一邊聽歌一邊食好快就唔經唔覺食晒😂至於西冷扒餐呢，塊扒都唔錯，唔會太熟太生，厚對適中，淹得好好，超有牛味。三文魚扒好大一舊，好厚身；淨係食三計魚扒可能都飽咗6-7成。卡邦尼意粉同樣令人好滿意。唔會話好creamy 但又唔係好水狀，直接講就係好香濃。不過份量可以多啲就更加好了！

點為之用心去經營一間餐廳，去過紅煮意就會感受得到，雖然我對音樂及電影無乜特別喜好，但入到間餐廳都會見到好多圍繞對音樂及電影嘅優惠，逢星期六有live演出音樂，種種poster及擺設都會感受到老闆嘅熱情；侍應有禮貌、好招呼，問佢哋問題，如果唔清楚會叫客人等一等，即入廚房問廚師至返來回答，唔會事旦hea答；佢哋地方唔大，開放式廚房，好有屋企人煮俾我食嘅感覺，當然太趕時間就請移玉步到快餐店喇，而個南瓜忌廉湯都好飮得嚟唔似其他餐廳咁杰，有屋企feel，主菜我大膽咁要左海鹽燒加拿大比目魚，我喜歡食魚但好怕魚腥味，所以我讚自己大膽😜，講返碟魚，唔腥不特止，煎得外邊脆脆地，內肉滑滑地，仲有種魚油香味；每份主菜都可選飯、意粉或薯菜，而薯菜有薯條、薯角、薯蓉，每日轉流不同供應；餐飲除左冷熱飲品，仲可以揀指定味道嘅樽裝果汁，今次好幸運有我鍾意嘅芒果味，好濃好好飲；甜品對我嚟講真係唔少得，比利時特濃朱古力焦糖布甸伴雪糕，個布甸真係好滑＋好濃朱古力味，而雪糕配左我嘅至愛綠茶味，望返D相都流哂口水🤤

今日放假去咗奧海城睇戲，諗住附近散下步行呀行下去油麻地警署個邊~見到有間樓上Cafe，好多年無去個cafe lu~個環境好relax啊,有音樂播啦！有電視睇！仲有益智遊戲玩😬香港呢d地方真係好少😢睇埋個餐牌呢啲嘢都好抵食🤓因爲我地都唔係大食鬼，所以叫左兩個main course ,一個medium牛扒同豬枊螺絲粉。只係加左一個餐，其實加餐係好抵，十幾蚊有自家製蘑菇忌廉易+蒜蓉包+飲品！飲品我揀咗枝橙汁，係出邊都未飲過，幾好飲又唔會太甜！蘑菇忌廉湯👍🏼啲貴價牛扒都食唔到medium今次終於食到medium! 煮到岩岩好👍🏼👍🏼

今晚係呢度叫左個羊架配薯泥做主菜，再加上一籃炸薯角，三塊羊架烤得外層少少焦黑，𥚃面啲肉又仲可以保持肉淋淋嘅肉質，伴碟嘅薯泥食落有粗糙質感，所以知道並唔係用薯粉開成，啲炸薯角並沒有加上任何醬汁淋面，對我嚟講就好正，因為外面餐廳啲薯角多數比啲淋面嘅醬汁攪到淋曬，變得一啲都唔香脆，所以呢度咁做我覺得好正，仲有佢自家製嘅開心果忌廉特飲，又好啱我口味，最底層係沙冰，上面係忌廉，再加上果仁碎粒，外面好似冇乜特別，但係飲落口就知道唔簡單，因為成杯特飲都有開心果質感同埋味道，而且一啲都唔會話好甜，飲得出呢杯特飲背後花左唔少心機。

成個星期淨係夾到呢一日可以同男朋友食晚飯 佢就約左我黎呢間咁有情調既樓上小餐廳食個悠閒晚餐入到去發現播緊既都係我地熟悉既本地流行樂曲 好有親切感雖然有好多選擇 但係我地望左一陣個Menu就有心水食d咩了 因為塊牌上面寫住好多"人氣"既小提示跟餐 (+$22) 法式蒜蓉包 烘到好脆 自家製嘅白汁蘑菇湯又香又滑 好好飲 唔會飲落一口味精既感覺加埋細細粒嘅蘑菇好有咬口軟殼蟹黑松露忌廉意粉 ($80)軟殼蟹炸到卜卜脆 但係唔油膩 隻蟹好大隻 分開一半2個人食都覺得好滿足意粉又係整到岩岩好 面質口感好好 唔會太硬又唔會太淋 有淡淡既黑松露味 但唔會覺得over creamy或者太heavy炭燒紐西蘭西冷牛扒 ($102)可以揀配飯.意粉.或者薯菜 我哋揀咗薯菜塊扒好厚 但係入口唔會覺得太韌 肉味好濃 咬落好juicy 抵食原來逢星期六1930會有live music 而我中意既Redhouse都曾經黎過 我下次都要黎聽下歌先得

啱啱去完果欄，就附近覓食, 見有一間評價頗好，又有live band嘅，咁就即刻上去， 地點就係油麻地警署斜對面， 上一條長樓梯， 樓底都幾高。但原來又大頭蝦左，係得星期二晚先有band ga不過上到去見平日都幾full, 可想而知嘢食有保證,有一定係捧場客。 menu 食物價錢實惠，我地就叫咗牛扒餐同埋兩個小食。美國肉眼牛扒意粉餐， 可以餐湯或沙律再加飲品。牛扒都幾大塊，唔厚，所以火喉易控制，叫左5成 就真係畀都5成，而且冇根，跟單都110蚊跟餐的磨菇湯仲好好味。小食方面叫左好熱氣的避風塘bb雞搥及炸軟殼蟹配黑松露醬雞搥唔鞋，加上避風塘(但唔辣)口味，好香口。炸軟殼蟹配黑松露醬，呢個大愛呀，有2隻軟殼蟹咁多，外面鬆脆，內裡juicy,唔點醬都夠晒味呢間性價比高，再加上有live band就正，下次可撞啱星期二再黎。

呢個餐廳以為好難搵～但其實都唔算喎！搵到油麻地警處就一定搵到佢！一入間餐廳就覺得好親切 因為佢地揀既背景音樂全部都係本地既廣東歌～超正!仲要逢星期六就會有live music 所以中意本地音樂既要支持下啦～野食方面係估唔到咁有質素！食物方面主要以西餐為主 侍應都非常好咁推薦左啲野食比我地～我地最後揀左兩個set dinnerSet dinner配左個磨菇湯同埋蒜蓉多士 個湯超正～好香濃 而且係佢地親自整 絕對唔係罐頭湯所以真係物有所值！主菜就揀咗個安格斯牛扒～我哋揀咗五成熟 啲肉汁都鎖住喺入邊超級正！同埋我哋揀佢都係因為侍應話今日啲牛扒非常新鮮，果然冇信錯佢😂最後意粉就揀咗軟殼蟹黑松露忌廉意粉～都係非常之香濃～濃郁忌廉汁配上意粉好好味～意粉嘅軟硬度亦都非常之適中總括嚟講以佢嘅價錢同質素真係非常之推薦比大家！中意本地音樂既你地都會好enjoy係食飯 因為會一路食一路唱歌😂😂

去左油麻地附近樓上一間cafe,地方又唔算大，但都座得好舒服，佢係一間音樂文化餐廳.呢一間餐廳係開放式廚房,可以睇住廚師即埸烹調食物.同朋友食飯傾下計真係幾好。一入到去現場環境都係好多音樂擺設,現場氣氛好舒服.焗大菇,岩岩新鮮焗出黎,好多汁好正磨菇湯,都幾好濃下洋蔥圈,炸得黎又唔係乾,又幾香口,如果配啤酒一流.煙三文魚沙津,份量都夠大,夠3-4個人食袈.仲有叫左個炭燒西冷牛扒,份量都夠2個人食.肉質好鮮嫩.仲有如果星期六黎仲會有live band show.同一班朋友吹水好地方